召喚lihkg所有學神/P牌巴絲 (108)

有教話轉彎睇位用左膝做目標點，唔知大家覺得可唔可以呢？
我師傅淨係教我轉彎要望遠d，都仲係唔明，但睇左條片就易理解好多

同埋英國考路試真係CLS難

睇邊樣方便你，有人話轉彎要望遠,亦都有人話轉彎要望住左/右鏡。

睇你邊樣概念岩你
我轉彎望遠 靠感覺 唔會話咩位開始轉
扭幾多依啲反智方法

agger
睇youtube有d片講扭半個/4分3圈
我心諗唔同速度轉彎已經唔work啦
最簡單咪逐d扭再慢慢加上去

澤安行大埔道上橋個度好似有機會要轉

R56S
整車首選

我未考過澤安，

我當日考天光道常盛街落斜，問過師父個段無車好唔好轉三波，好過返到天光道個燈位轉咁多次
佢話落斜三波架車會標左去 (咁我試過真係)，跟住轉彎你未必控制到，可以唔做都盡量唔好試咁

Ttrs

澤安大埔道個落斜仲要係急灣 3波係玩鳩自己
要轉2仲要un住個blake

不過fai sir新片係3波落

6:33開始
https://youtu.be/lspRxALYlcQ

同意，果段落斜唔好用三波，一來彎多，二來燈位好快到。


要行三波就係最後天光道直路果段去三波，轉入停車場前二波，等轉彎時一波

真我師傅其實都有講下咩軚盤去到唔知咩位轉
但我一開始已經唔明 同埋覺得轉彎已經要留意好多嘢 例如車轆 前面有冇人彈出嚟呀嗰啲
兼顧嘅嘢已經好多 點會仲諗到要去到邊個位扭幾多
所以由一開始已經係憑感覺轉 覺得扭唔切咪再踩慢少少
去到之後遇到更加多路面情況 點都係靠自己feel去適應

轉彎呢個平時無咩事好地地實入啱
通常錯係有時諗住避人/物個D
比如入美善同道個彎預備入無啦啦有人想行想避佢，就會入唔啱個彎
成日比師傅問你做咩.... 你慢慢行無得避︳你架車咁大，避咩鬼.... 停左佢囉!!
但行路有時會避人..... 未改得好好....

要上三波

我明要自己慢慢摸出黎，但如果得一個方法，自己掌握唔到，就要由無到有搵個啱既方法出黎就辛苦好多

我睇左英國佬幾條片，佢教轉彎既對位用左膝，望位係睇路中心唔係對面路邊。同埋轉彎要過路壆一半以上，呢d真係師傅無講過，淨係叫你「望遠d，手軚快d，回果陣就回晒佢，行得耐你就知架車點樣直」，我畀錢學車咋，唔係諗哲學問題

我睇完佢教望住要行既路中心點，真係轉彎輕鬆咗同埋架車都行得直咗，感覺到少少師傅講既"眼到手到"

其實無話邊個方法啱定錯，只係每個人理解唔同，目的又一樣，聽多唔同人講解。總有一種講解聽到自己會彷然大悟既，所有我現在狂煲英國佬既講解。