召喚lihkg所有學神/P牌巴絲 (108)

依道，可能聽日整番好
我考之前練車睇住佢set支燈出黎
唔錯既體驗，不過我肥左
BTW，祝好運

臨時燈？

係
佢有少少單線雙程入左考試路線
連埋內街，宜家有機會出現兩段單線雙程

我嗰陣考油塘都有臨時燈
學車都遇過好幾次
老實講 我自己試過發雞盲定唔知盞燈好似冇乜光咁
有次我完全唔知係咩色燈

我練果時第一個圈都重係有個警察比手號
第二個圈先見佢set燈
咁我覺得佢set燈好過睇手號，最少知到要睇咩

我考完見個官冇出聲，以為咁就pass
點知佢肥我手制@@
睇黎我同鴨駕相性不合

香港有無邊個室內停車場啱練泊車？
之前求其泊一個碌柒左hi花晒

先慢車後停車
俾少少煞掣先再踩晒極力子
無論二波定三波做法都係一樣
但我有聽過有啲阿Sir話轉唔切波嘅話三波直接停都得
我個阿Sir就話唔建議嘅
我哋唔係同個燈鬥快
如果你見前面個綠燈已經/應該着咗好耐就要隨時準備停車

問問咁多位
元朗工業邨路線福喜街轉入福宏街嗰個位地盤有支紅綠燈
嗰個紅綠燈使唔使停？
有冇人留意到路口轉彎位有冇白線停車位？

荃灣有 頭半個鐘免費

Why not 白飯魚？

我去汀九 大尾篤錶位
商場又一城 但一開始轉到頭暈😵‍💫

你明極力子原理就會快上手就㗎啦。

極力子作用係連接引擎同轉軸。

所以只要入一波，吊住極力子，又係平路，你唔俾油，架車都會郁。會勁慢咁郁。

點解會死火，係轉軸俾Brake整停。但極力子仍然連住引擎。引擎轉唔到，就會死火。

你明呢個道理，就會易學好多。

知道幾時要鬆極力子。

租車唔過夜
你地會去邊度練

Megabox 閒日5點後入場買100蚊嘢有6個鐘免費

月租屋苑中意點練都得

自van one take pass
今日鴨駕出面無修路
平平安安揸完就pass

衝紅燈隔幾耐會收到信？

其實架VAN 仔唔係太舊既話
1波斜路 都上到 當你真係吊到係磨擦點
正常可以唔駛比油

各位p牌揸緊咩車，上星期pass咗想搵車操

我都係吊啱位就放handbrake
架車會自己上去
然後我先會俾油
反而冇試過同時做

如果你極力子未到摩擦點
你點比油 架車都會溜後
所以要學識極力子到摩擦點 架車震 斜路唔駛比油都上到
架車開始郁再比油都未遲

我就係話我吊啱極力子個位就會放
即係我吊到摩擦點
我自己覺得其實唔係太難
對住架車二十幾三十個鐘 試多幾次就會feel到要到邊個位係夠

恭喜曬
我出去考都應該轉番自動波算
當係中和番轉路線既影響

講真，架架車唔同感覺。我學車時揸嗰架車，係會feel到「撻」一聲。

我諗大約4堂左右就搵到。

但重要係對鞋，我著白飯魚學。係最感受到架車嘅反應。

係呀 好彩我學嗰架應該係幾新 個感覺唔錯
學咗棍之後先發覺考試難唔係難在個極力子同支棍
係難在運氣好唔好同埋做唔做得夠動作嚟show安全意識