3 Like
24 Dislike
白卡佬A.K.A龍叔
2023-04-05 14:09:40
八十一.
我而家都唔知點算好,咩都講嚟聽下當係接收意見囉。
「你咁鬼高,我講你都聽唔到啦。」佢Yup咗Yup手:「踎低啲啦。」
咩啊?
「你講大聲啲咪得囉,你蚊嚟架?」
講嘢大聲唔到架你?
「唔係啊,天機不可洩漏啊。」佢怒睥我:「快啲啦!」
唉,好啦好啦。
我踎低:「想講咩啊?」
佢喺我耳仔到用對手整咗個傳聲筒,而個嘴就貼住個傳聲筒。
「我講架喇。」佢放輕聲。
有冇咁秘密啊?
「你講就講啦。」我反白眼:「搞咁多。」
嘥曬我啲時間。
傳聲筒唔見咗,隨之而嚟嘅係佢個嘴。
佢錫咗我塊面一下就即刻退開,而我就石化咗。
我可以感覺到啲血衝曬上個頭到,兩邊面熱到好似貼咗暖包落去咁。
如果而家有塊鏡,我應該一照鏡就會見到關公。
「有冇咁誇張啊?」佢忍住笑:「紅到成舊蕃茄咁。」
大佬你嚟得咁突然,點接啊?
「有咩?」我摸咗下塊面:「唔關你事,熱得滯啫。」
熱,咁咪紅囉。
有幾出奇啫?
「啲海風打埋嚟幾涼下架喎,咁都熱咩?」佢用質疑嘅眼神望住我。
唔得架咩?
「我寒啊嘛。」
我寒,咁咪怕熱囉。
「你話點就點啦。」
喂,你咁唔得架喎。
「又話有意見嘅,呢個就係意見啊?」
呢個算係啲咩意見?
「有意見架,不過未講。」
咁你快啲講啦。
「喺到搞咁多,都冇重點嘅。」
一啲實際作用都冇。
「你真係想聽咩?」
好煩啊你,成個佛經機咁不斷重複。
「都話咩都講嚟聽下啊屌!」
對住你真係會燥架喎!
「講咪講囉,咁惡做咩啫?」
語氣重咗。
「Sorry,你講啦。」我放輕把聲。
對住女人係應該溫柔啲嘅。
「咁我講架喇,你唔好嚇親。」佢吸一大啖氣:「不如考慮下我。」
又嚟?
「你第二次問喇。」
你知我會點答架。
「我想做你條女。」佢嘆氣:「你做咩係都要比人玩啫?」
香江第一淫棍
2023-04-06 02:57:36
白卡佬A.K.A龍叔
2023-04-07 12:05:58
八十二.
我都想知。
「留名等你比答案我。」
我唔想諗,都諗唔到。
「你知我想講咩。」
知同想唔想,係兩樣嘢。
「走先喇。」我彈走煙頭:「有咩留返下次講啦。」
你再問我都答你唔到。
我從佢身邊行過,嚟到碼頭門口。
「喂!」
又點啊?
「快講,我就嚟冇船搭。」
唔想去啊晴到過夜。
「下次係幾時?」
我撚知。
「搵日啦。」
有緣就會見到,無緣就收皮。
「搵日即係幾時?」
其實都唔難。
「啊晴住喺到,大把機會。」
你急咩啫?
「咁…下次見。」
我遞咗下手,之後就頭也不回咁入閘。
//
「聽日陪我去睇藝術展。」
呢個係啊晴喺禮拜六Send嚟嘅Message。
「你認真?」
你唔係講緊一堆波點嗰個啊嘛?
「我又唔會嫌你睇唔明。」佢Send張圖過嚟:「呢個展。」
仆你個街,真係畫波點嗰個。
「我到時喺中環碼頭等你?」
「晏晝三點,睇完食埋夜晚先返去。」
「好。」
「我買飛。」
「我買?」
「你陪我,唔洗你比。」
「好。」
成個對話嘅每一句都係重點,冇一隻字係多餘。
或者我唔應該講出嚟,但講咗嘅嘢點都收唔返。
自從我講完個故事之後,我哋嘅對話就變成咁。
慳水慳力慳時間,但愛情唔應該係咁。
奈何我何奈於佢,話曬佢食住我。
準確嚟講係我自願比佢食住,雖然我唔想。
不過事實就係咁,我可以點?
//
「我到咗。」
「咁早?」
約三點,但我一點就到咗。
「冇,想行海旁。」
我唔洗散步,但我要散心。
啲人話行下海旁個人會放鬆啲,希望係堅。
//
我沿住海旁行咗陣就已經忍唔撚住,差啲原地進化做憤怒鳥。
啲海風吹埋嚟又凍,條路又塞滿曬人。
到底係邊撚個話行海旁會開心啲架?
真係谷鳩氣,都係返去碼頭等好過。
//
可能係因為我比咗壓力佢,所以佢兩點半就到咗。
白卡佬A.K.A龍叔
2023-04-09 18:32:35
八十三.
「行喇。」佢直接從我身邊行過。
幾好吖,慳返啲時間。
「搭咩架?」我從後跟上。
完全唔知M+喺邊。
「搭鐵啊,行啦。」佢越行越快。
雖然我跟到,但唔建議囉。
「行咁快趕住去投胎啊?」我暗串佢。
我唔會攰架,我驚你攰咋。
「你又啱啫。」佢放慢腳步:「我一早買咗飛,過去又好快。」
咁咪啱囉。
「慢慢行,當睇下風景都好啊。」
好多時行慢啲都係為咗方便傾計,但我哋冇計傾。
腳步放慢,尷尬加倍。
何光武你真係多口,搞串曬個Party。
//
經過悄然無聲嘅幾個字,我哋終於嚟到M+。
一踏入正門,我已經見到不遠處有個黃色底、黑色波點嘅展品。
可能係我有密集恐懼症嘅緣故,真係望多一眼都想嘔。
尊重嘅,但真係搞唔撚掂。
「你去坐低等陣先,我去拎飛。」佢行去隊尾。
我環顧四周,用咗一陣先搵到一千零一個位。
講真,我唔知坐唔坐好。
我望多一眼已經想嘔,但個位對撚住個展品。
我望一望條隊,再望一望個位。
還掂都係要等,我都係坐低撳電話啦。
我擰轉面急步行過去,一坐低就即刻抆部電話出嚟撳。
為求見唔到面前個展品,我將部電話有幾低就擺幾低。
我個頭耷到就嚟可以摺埋,個姿勢同鬼故裡面嗰啲差唔多。
過咗陣,啊晴終於拎住飛嚟到我面前。
「行啦。」佢踢咗下我。
講真,一間都唔知點算。
話曬主題係佢,我估應該周圍都係佢。
比波點包圍…我無辦法想像。
我照舊擰轉面咁起身:「行啦。」
佢喺前面開心咁大步大步行,而我就喺後面撳住電話、極度恐懼咁跟住佢。
如果要為此行伏嘅程度比一個分,我會比一萬分。
白卡佬A.K.A龍叔
2023-04-10 13:49:53
八十三.
「行喇。」佢直接從我身邊行過。
幾好吖,慳返啲時間。
「搭咩架?」我從後跟上。
完全唔知M+喺邊。
「搭鐵啊,行啦。」佢越行越快。
雖然我跟到,但唔建議囉。
「行咁快趕住去投胎啊?」我暗串佢。
我唔會攰架,我驚你攰咋。
「你又啱啫。」佢放慢腳步:「我一早買咗飛,過去又好快。」
咁咪啱囉。
「慢慢行,當睇下風景都好啊。」
好多時行慢啲都係為咗方便傾計,但我哋冇計傾。
腳步放慢,尷尬加倍。
何光武你真係多口,搞串曬個Party。
//
經過悄然無聲嘅幾個字,我哋終於嚟到M+。
一踏入正門,我已經見到不遠處有個黃色底、黑色波點嘅展品。
可能係我有密集恐懼症嘅緣故,真係望多一眼都想嘔。
尊重嘅,但真係搞唔撚掂。
「你去坐低等陣先,我去拎飛。」佢行去隊尾。
我環顧四周,用咗一陣先搵到一千零一個位。
講真,我唔知坐唔坐好。
我望多一眼已經想嘔,但個位對撚住個展品。
我望一望條隊,再望一望個位。
還掂都係要等,我都係坐低撳電話啦。
我擰轉面急步行過去,一坐低就即刻抆部電話出嚟撳。
為求見唔到面前個展品,我將部電話有幾低就擺幾低。
我個頭耷到就嚟可以摺埋,個姿勢同鬼故裡面嗰啲差唔多。
過咗陣,啊晴終於拎住飛嚟到我面前。
「行啦。」佢踢咗下我。
講真,一間都唔知點算。
話曬主題係佢,我估應該周圍都係佢。
比波點包圍…我無辦法想像。
我照舊擰轉面咁起身:「行啦。」
佢喺前面開心咁大步大步行,而我就喺後面撳住電話、極度恐懼咁跟住佢。
如果要為此行伏嘅程度比一個分,我會比一萬分。
白卡佬A.K.A龍叔
2023-04-10 13:50:25
八十三重覆咗
手殘
白卡佬A.K.A龍叔
2023-04-11 23:59:31
八十四.
佢喺我前面好專注咁睇展品,而我就跟喺佢後面好專注咁撳電話。
作為一個嚟睇展覽嘅人,我絕對係零分。
但作為睇展覽嗰個嘅跟尾狗,我絕對係滿分。
//
「喂。」佢停低。
你唔係諗住問我嘢啊?
「咩事?」我抬頭望住佢。
你唔好問咁複雜啊,我唔識架。
「你感唔感受到呢個作品嘅感染力?」佢翹埋雙手,認真咁望住牆上面嘅一個展品。
當女人提出咗一個你唔識答嘅問題,你只有一樣嘢可以做。
「感受到,絕對感受到。」我點頭:「唔錯唔錯。」
就係肯定佢先,仲要好強調嗰隻。
「你感受到啲咩?」佢追問。
既然我冇辦法用正常途徑去回答呢個問題,我決定要嘗試用幽默化解。
「肺炎,我感受到肺炎。」
對唔住,我自己都笑唔出。
幽默感呢家嘢,真係唔好夾硬嚟。
佢反咗個白眼:「你嗰個叫感染,唔係叫感受。」
係差少少,但都唔洗反白眼啊嘛?
「你真係呢。」佢嘆氣:「叫你嚟陪我睇,你都唔睇嘅。」
我屌啊,你明知架喎!
「我都唔識。」
你叫我陪你,我而家咪陪緊你囉。
「咁我搵你嚟做咩?我求其搵個都得啦。」
你都咁講啦。
「咁你咪搵囉。」
咁我都冇必要喺到啦。
「好,我而家就行。」佢轉身:「你講架,你唔好後悔。」
咪撚行啦。
「跑啦,跑快啲添呀!」
真係躁架喎。
唔陪你又嬲,陪咗你又嬲。
//
「聽聞你哋鬧咗交喎。」啊恩Send咗個Message嚟。
你咁快收到風嘅?
「就琴日咋嘛。」我覆佢:「但你點知架?」
我見佢又冇PO IG公審我,你而家又差唔多係佢仇人咁滯。
「冇啊,佢今日成日都冇提起你。」
有冇咁勁啊?你柯南嚟架?
「不過…咁又點?」
我做唔到啲咩,都唔想做啲咩。
「還掂你多多少少都有啲唔開心架喇,睇下你收工想唔想飲返杯囉。」
都可以嘅。
「冇特別意思架嘛?」
不過最好答咗呢條問題先。
「冇啊。」
咁就得喇。
香江第一淫棍
2023-04-12 01:50:23
白卡佬A.K.A龍叔
2023-04-13 22:35:04
八十五.
「我大概八點喺中環收工,你想喺邊等?」我喺電話問佢。
「地鐵站?」
「好。」
//
佢打電話過嚟:「我到咗喇,你喺邊啊?」
咁快?
「我仲有啲距離,你喺邊個出口?」我邊行邊講。
其實差好撚遠,不過唔係咁好意思講出嚟。
有時人係需要善意嘅謊言,話曬真話通常都難聽過粗口。
「D出口啊,你到咗應該就見到我架喇。」
//
我行樓梯落緊D出口嗰陣仲諗住打電話比佢,但我落到去就發現冇呢個必要。
佢企咗喺碌柱隔離撳電話,同漆黑中嘅螢火蟲一樣咁顯眼。
佢照舊都係極度文青風嘅襯衫同埋嗰頂畫家帽,真係盲嘅都認得出。
我嚟到佢身邊:「我飲少少架咋,聽日仲要返工。」
一間仲要搭的士先返到去。
「咁要快啲行喇。」佢行上樓梯:「我哋仲有個地方要去。」
唔係去飲酒咩?
我皺眉:「仲有邊到要去?」
我有啲疑惑,但都係跟咗上去。
佢微笑:「到咗你咪知囉。」
就睇下你有咩搞。
//
我跟住佢嚟到一條後巷,牆上面有一堆整齊排列嘅排水窿。
「嚟呢到做咩?」我越睇越迷。
又話到咗就會知嘅?
佢撳住我膊頭,喺我耳邊細聲講:「幫手。」
佢講完就開始伸手入啲排水窿,好似喺到搵緊嘢咁。
其實我唔知佢搵緊咩,更唔知收埋喺邊。
不過基於禮貌,我都有扮下嘢。
//
「搵到喇。」佢從後行過嚟喺我耳邊細聲講。
終於,都唔知搵咗幾耐。
我轉身一望就見到佢咬住枝好幼嘅手捲…
等陣先。
「草嚟架?」知道唔對路嘅我都放輕聲。
唔怪得要搞到咁秘密啦。
「諗多咗喇。」佢點火:「普通嘢嚟。」
聞落又真係冇咩怪味,信住你先。
「要唔要啖?」佢將枝嘢遞比我:「好少架咋。」
既然你都問埋出口,咁就試下啦。
我驚驚青青咁吸咗啖,又真係同食煙冇咩分別。
我吸多兩啖就將枝嘢比返佢,而佢將淨低嗰啲食曬就將個煙頭直接彈落地下。
「跟住我,啊姐帶你去飲酒。」佢把聲聽落懶咗好多。
唔理咁多喇,去飲酒。
IG有好多嘢睇架
香江第一淫棍
2023-04-17 01:02:26
白卡佬A.K.A龍叔
2023-04-17 20:59:55
八十六.
//
「你哋其實嘈咩?」佢啜咗啖酒。
我都唔知係咪我錯。
我嘆氣:「前排咪有個藝術展嘅…」
佢聽到即刻笑到連酒都噴埋出嚟,直接零尊咁打斷咗我。
「Sorry。」佢抺咗抺嘴:「佢唔係叫你陪佢去啊嘛?」
我都咁講出嚟啦。
「擺到明就係啦。」我苦笑:「早知就唔去。」
逃避雖可恥,但有用。
「冇用架。」佢拍咗拍我膊頭:「你去同唔去都係死。」
你咁講又錯唔曬嘅。
「去又嬲,唔去都係嬲。」我擰咗擰頭:「呢單嘢冇正確答案架。」
簡單啲嚟講就係行咗入掘頭路。
「不過我都同情你。」佢撳住額頭:「我真係唔識欣賞嗰堆波點。」
吓,你唔係都鍾意藝術嘢架咩?
我O曬嘴咁望住佢:「你又唔識欣賞?」
真係估你唔到喎。
佢一臉無奈咁望住我:「你鍾意女人,但係咪咩女人都鍾意先?」
你都黐黐地架。
我忍唔住送咗兩隻中指比佢:「梗係唔係啦,你當我雜食性動物啊?」
等我試下拋書包先。
「唔係當你係,係你根本就係。」佢撳住個嘴:「人係雜食性動物嚟。」
碌柒,拋錯嘢添。
我放棄解釋:「總之就唔係個個都鍾意啦。」
我份人好有要求架。
佢撳住個嘴忍笑:「我知,如果唔係點會A0啊?」
你好似串緊我,但又好似讚緊我。
「A0無罪架喎。」我搲咗搲下巴:「有要求係好事嚟架。」
冇要求咪即係狗公囉。
佢托住頭咁望住我:「咁你有咩要求架?」
呢層我都唔知喎。
我決定交啲行嘢出嚟:「白滑大波,跟住個樣要…」
我估佢都聽得出,因為佢一巴車咗落我手臂到。
「唔係要呢啲啊死淫蟲。」佢做出意大利人嘅經典手勢:「我想聽內在啊。」
如果講內在嘅話…
我合埋眼諗咗陣:「最好就鳩鳩地,仲要玩得嘅。」
大概係咁。
佢好得戚咁笑咗下:「咁似講緊我嘅。」
件事唔係咁架。
「比你咁講一講,又好似真係。」我下意識坐咗遠少少:「但真係唔…」
喂,比我講埋先啦大佬。
「兜咩啫?」佢撳住我個嘴:「你都講咗啦。」
可唔可以冷靜少少?
佢下一秒嘅行動話比我聽…唔得。卜
白卡佬A.K.A龍叔
2023-04-17 21:00:21
八十七.
佢一嘢錫咗埋嚟,之後又扮咩事都冇發生過咁繼續飲酒。
佢咬住枝飲管:「做咩唔飲啊?」
不如你問下你做緊咩啦?
我無奈咁苦笑:「比你嚇親啫。」
你個標準同我個標準都好唔同吓喎。
佢縮咗縮膊頭,微微一笑:「而家廿一世紀喇,唔好咁Out啦。」
睇嚟我呢個老坑都係時候跟上時代嘅步伐。
「咁咩係有意思,咩係冇意思?」我攪咗下杯酒:「如果你呢嘢有意思,又係咩意思?」
等啊叔學下嘢都好。
「唔知呢,你估下。」佢伸咗個懶腰:「你慢慢就會知架喇。」
答完好似冇答咁。
「頭都痛撚埋。」我郁咗郁枝飲管:「飲酒啦。」
再咁諗落去真係變諗樣都似。
//
我將空酒杯推埋一邊:「埋單啦。」
都係時候返去。
「你陪我過去搵人,呢到就我請。」佢伸出右手:「得?」
陪你搵個人就洗少成百蚊,何樂而不為?
我毫不猶豫咁握咗落去:「掂啦。」
今日又小賺一波。
//
我點煙:「比我食埋枝煙先。」
飲完酒食枝煙,合理。
佢伸手:「比枝嚟?」
梗係得啦。
我拎一枝比佢,之後再拎火機出嚟諗住幫佢點火。
咬住枝煙嘅佢推開我個火機,挨過嚟用我枝煙嘅火點煙。
「呢下又係咩意思?」我彈一彈煙灰:「有火機做咩唔用呢?」
個火機大把油,唔洗同我慳架喎。
「有煙點,做咩要用火機呢?」佢吹啖煙落我塊面到:「冇咩意思。」
原本冇咩道理,但你講出嚟又好似有啲道理。
//
見行緊個方向有啲唔對路,我決定要問下佢咩事。
「喂,你拉我去邊啊?」我拉停佢。
我有合理理由懷疑你拉緊我去賣豬仔。
「去Club囉,做咩啊?」佢拉我埋一邊:「你唔係話OK架咩?」
喂。
我皺到眉頭可以夾死烏蠅:「冇聽你講過嘅。」
白卡佬A.K.A龍叔
2023-04-17 21:01:15
香江第一淫棍
2023-04-18 02:45:24
白卡佬A.K.A龍叔
2023-04-19 16:34:23
八十八.
「喺Club返工咋嘛,有幾出奇?」佢拍咗下我膊頭:「行啦,嘥曬啲時間。」
咁你又冇錯嘅,都係打份工啫。
「行啦咁。」我望咗望錶:「嗱嗱臨搞掂佢。」
我慣咗少瞓,唔係唔瞓。
//
「啊聲!」佢向住門口著曬西裝、Gel曬頭嘅靚仔打招呼:「好耐冇見喇。」
靚仔過嚟同佢輕輕攬咗嘢,之後就例牌式寒喧咗陣。
「話時話你個Friend呢?」佢伸咗個懶腰。
邊個啊?
「你講緊邊個啊?」啊恩笑咗聲:「我有好多Friend架喎。」
係囉,所以係邊個啫?
「屌你講呢啲。」啊聲撞咗撞佢:「咪啊晴囉,佢以前成撚日落嚟架嘛。」
我一早知但唔信,不過而家都唔到我唔信。
「佢落嚟飲酒咋嘛,講到人咁衰架。」佢指住啊聲個褲袋:「罰你請我食煙!」
咁你又冇錯,Club都算係酒吧。
「講閪咩,佢次次都一個入兩個出架。」佢抆包煙出嚟:「拎去啦,成日食煙又唔買。」
喂,呢個又係咩料?
啊恩拎咗技就遞咗包煙比我,我拎咗枝就還返比啊聲。
啊聲拎個Zippo火機出嚟點曬三枝煙,之後就玩咗幾個花式先收返埋。
「我出嚟先食就費事買啦。」啊恩呼出煙圈:「搲你一兩枝啫,唔係咁都介意啊嘛?」
嗱,咁我就唔同意喇。
「小數怕長計啊。」我成啖煙直吹落佢塊面到:「一日一枝,三蚊一枝,一個月就九十蚊,一年就成千蚊架喇。」
一年一張金牛,過多幾年財富自由都仲得啊。
「你咁又唔啱啦,吹到我成塊面都係煙味。」佢還返大大啖比我:「做人唔可以咁小氣架嘛。」
咁又係嘅,男人咁小家唔多掂。
「話時話呢個你條仔嚟架?」啊聲問:「點叫你啊師兄?」
喂,好撚大誤會啊呢單嘢。
「叫我啊武得喇。」我遠離啊恩兩步:「不過我係啊晴條仔。」
啊聲聽到就瞬間爆笑,而啊恩就好有禮貌咁忍住。
「上次聽到有人自認係佢條仔已經係56K上網時代嘅事。」啊聲笑到拍曬心口:「除咗戇鳩應該都冇咩形容到你。」
喂,串咗少少喎老細。
「我有溝佢架,不過佢唔受咋嘛。」佢向啊聲打咗個眼色:「我好過啊晴好多啦吓嘛?」
呢個我唔知啦,唔係好熟你。
「呢啲梗架啦。」啊聲淫笑:「咁喎。」
呢個我認同,係正嘅。
我好有禮貌咁微笑回應:「咁但係唔可以咁架嘛。」
我唔係見到靚女就上架。
「係咩?你哋應該下個禮拜六就分。」啊聲彈走煙頭:「做嘢先。」
我都覺…等陣先。
你點解咁肯定係下個禮拜六?
我想追問,但佢已經行咗入去。
知啦!咪嘈
2023-04-21 11:06:25
幾時先有文
白卡佬A.K.A龍叔
2023-04-21 12:27:53
原來有人
即到
頭先瞓著咗
白卡佬A.K.A龍叔
2023-04-21 12:29:13
八十九.
我成頭問號咁望住啊恩:「點解係下個禮拜六?」
連準確時間都講到,一定有啲嘢。
「你唔好咁執著啦。」啊恩拍咗拍我膊頭:「講下笑啫。」
今次又係我咩?
我搲住頭咁講:「又係我諗多咗咩?」
唔係佢講多咗咩?
「係。」佢用力咁扤咗下頭:「你仲問嘅話呢,就天亮架喇。」
誇到你呢,逃避問題就逃避問題啦。
「你點話點好啦。」我嘆氣:「我去搭的士。」
爭取睡眠時間啊大佬。
我轉身行咗幾步,之後又比佢拉住咗。
佢清咗清喉嚨:「喂,嗰個呢…」
等我估下。
我指住佢:「想黐車坐係咪?」
仲有嘢講我都唔聽架喇。
「咁你都估到?」佢忍唔住笑咗出聲:「咁你估唔估到去邊先?」
你咁夜就一定唔會趕返去架喇,不過呢…
我好無奈咁望住佢:「再估就天光架喇,總之順路就跟埋嚟啦。」
成個香港咁撚多區,閪知啊?
「邊到最順路啊?」佢拉住我行:「行住講啦。」
連自己要去邊都唔知,真係呢。
我講笑咁講:「我撚知咩,去我屋企吖笨!」
我撚知有咩酒店咩,又唔係食女帝。
佢嚟到的士站隊尾停低:「喂,我OK喎。」
仆街,講錯嘢。
「你認真咩?」我笑咗聲:「要拎紙皮打地鋪架喎,你又OK啊?」
我就唔信你咁都OK。
佢行前幾步:「我OK架,慳錢啊嘛。」
錢真係人嘅最大推動力。
不過咁…
我打咗個喊露:「你問下啊晴批唔批先啦。」
始終都要問下佢意見先嘅。
「得啦。」佢拎部電話出嚟:「而家即刻問。」
順便睇下啊晴仲在唔在意我。
//
佢Show個Mon比我睇:「搞掂。」
晴:OK啊。
既然係咁,我都冇嘢好講。
佢收埋電話,而我哋都終於排到。
我突然勁眼瞓,上車講完去邊之後就瞓著咗。
//
啊恩拍醒我:「喂,到喇。」
我捽咗捽眼,比完錢就比佢拉咗落車。
香江第一淫棍
2023-04-21 23:32:50
知啦!咪嘈
2023-04-24 07:30:06
文呢?
白卡佬A.K.A龍叔
2023-04-24 08:49:59
即做
白卡佬A.K.A龍叔
2023-04-24 08:50:40
九十.
呢到一盞街燈都冇,黑到伸手不見五指。
不過我一早行到熟曬,合埋眼都識行。
我一落車就向屋企進發,而佢就喺後面抆住我衫角。
我擰轉頭;「做咩啊?」
阻人返歸,如同屌人老母閪。
「你趕住投胎啊?」佢匿喺我後面:「呢到黑撚到咁,顧下我啦大佬!」
唔記得咗你係第一次嚟添。
我開電話電筒:「咁樣得喇啩。」
唔得我都冇計架喇。
「唔掂喎。」佢擰咗擰頭:「我抆住你件衫行啦。」
你夜盲架?
「唉,好啦好啦。」我遞手:「翹住啦,你咁抆法抆爛件衫都未行到。」
件衫平嘢嚟,不過費事又買啦。
「嗱,你叫架。」佢翹住我:「唔好話我抽你水啊。」
我屌你啦。
我反白眼:「你當我女人啊?」
得女人先屈到人老強架大佬。
//
「嘩屌!」佢嚇到跳起:「蜈蚣啊!」
又咩事啊?
我望落地下,見到有隻蜈蚣喺我前面劃過。
我檻過隻蜈蚣:「有幾出奇啊?」
荒山野嶺不嬲都有各種奇異生物架啦,開埋生物頻道都仲得啊。
啊恩檻過隻蜈蚣之後棟喺到望住佢:「你唔踩死佢?」
你都黐線架。
「佢又唔係嚟咬鳩你,做咩要踩死人啫?」我拉走佢:「比啲愛心啦人類。」
而家啲女人咁兇殘架咩?
「哦。」佢清咗清喉嚨:「你話點就點啦。」
我聽得出佢好唔gur,不過由佢啦。
我嘆氣:「你哋啲市區人唔明架喇。」
都唔識同其他生物共存嘅。
雖然我講得好偉大,但事實係啲奇異生物殺極都殺唔曬,所以同佢共存係唯一而且雙贏嘅解法。
//
「你沖唔沖涼啊?」沖完涼嘅我將幾張紙皮鋪落地下:「你唔沖我就閂熱水爐架喇。」
我再唔瞓就唔洗瞓,你自便啦。
「你開住佢啊。」佢坐落張紙皮到:「我撳多陣電話就沖。」
你喜啦,總之我瞓先。
//
啱啱起身,伸個懶腰先…
「啪!」
我打到啲咩?
我轉身一望…
頂你啊!
白卡佬A.K.A龍叔
2023-04-24 08:51:01
啱啱先起身
知啦!咪嘈
2023-04-24 14:48:52
樓主係咪儲起啲文 等有人問先po
白卡佬A.K.A龍叔
2023-04-24 14:49:23
唔係
係手速真係慢