3 Like
24 Dislike
香江第一淫棍
2023-03-17 01:49:38
白卡佬A.K.A龍叔
2023-03-17 22:04:32
七十一.
我倒咗試味隻羹啲嘢就跟咗入去,嚟到門口就見到佢𠺘緊口。
「做咩啊你?」
應該係冇咩味架?
「你想謀殺定想搞到我有糖尿?」佢用紙巾抺乾個嘴。
咩啊?
「我啱啱飲係冇味架喎?」
一啲味都冇喎。
「冇你個死人頭啊!」佢拉住我行返去廚房:「你自己飲下!」
飲咪飲囉,講到好似食毒藥咁。
我拎羮嚟𢳂咗一啖,之後就豪爽咁將佢隊入口。
為咗試真啲,我決定要含住佢細心品味一輪。
嗯⋯
好撚甜啊!
我忍唔住就將啖嘢噴咗落鋅盤,之後直接用廚房個水龍頭浪口。
我全身都喺到排斥緊煲嘢,不自覺咁退後咁幾步。
甜都算啦,佢仲有後勁。
嗰浸甜味殘留喺我個口裡面,搞到我打曬冷震。
「係咪呀?」佢敲咗敲我額頭:「都話好甜架啦!」
「對唔住啊。」我扁嘴:「我唔係特登架。」
我都唔想架。
佢摸咗摸我個頭:「唔緊要啦,煲唔到嘢飲咪幫我撳下穴位囉。」
撳穴位?
「要撳邊個位架?」
等我表演下。
佢行去電腦枱到坐低指住小腿內側:「呢個位。」
我行過去踎低撳住佢指嗰個位:「呢到?」
係就嚟料架喇喎。
「啱呀。」
咁我用力架喇。
我用力撳落去,之後⋯
「啊!」佢彈咗起身。
吓,又做咩啊?
「好痛啊!」佢撳住嗰個位:「做咩咁大力啊?」
吓?
「好大力咩?」
我冇點用力架喎。
「就嚟碎喇啲骨!」
可能係我大力開啩。
「咁我細力啲。」
我試下。
//
「你想幾點返去啊?」佢問我。
我覺得⋯
「食埋晚飯先啦。」我答佢。
係喎。
「你想食咩啊?」我問佢。
我去買。
「我想⋯」佢諗咗陣:「你煮。」
吓?你認真架?
「你想死啊?」
我都唔識。
「唔識咪要學囉。」
咁⋯試下囉。
//
既然佢想我煮,咁就煮下啦。
我嚟到街市行咗幾個圈總算係買到想要嘅食材,之後就返去準備大戰。
香江第一淫棍
2023-03-19 02:14:47
六尺正氣男
2023-03-19 02:25:21
Lm
我想瞓覺呀(X)
2023-03-19 03:08:50
lm
白卡佬A.K.A龍叔
2023-03-19 04:55:52
七十二.
簡單嘅三餸一湯,應該…
算啦,我唔夠膽講。
//
我將啲食材拎去廚房,而佢就沖緊涼。
「嚟啦。」我喺到同自己打氣。
跟住…我成碌木咁棟咗喺到。
「我應該整邊樣先呢?」我諗咗陣:「煲飯先。」
//
我冚埋個電飯煲,之後就撳制開波。
洗米煲飯呢啲都唔算難,跟住落嚟先係真正嘅大戰。
話時話我留低咗啲洗米水,因為我老母以前都會留低佢,雖然我完全唔知留嚟做咩。
女人心,海底針。
唔明,但照做就一定冇死。
//
搞完飯,就係時候搞埋個青紅蘿蔔湯。
我用電話搵咗個睇落都叫對路嘅食譜,之後就開始切嘢。
我好似有小兒麻痺咁款,隻手一路切就一路震。
雖然震到黐曬線,但都叫搞得掂。
「啪!」
廁所門打開,睇嚟佢沖完涼喇。
佢從後攬住我:「整成點啊?」
真嘢就唔拎出嚟講啦。
「非常順利,行雲流水。」我指住啱啱切完嘅紅蘿蔔:「掂唔掂先?」
我講完自己都想笑。
「你肯定?」佢忍笑。
有咩問題?
「明明就好掂。」我懶係有自信咁講:「佢係完美架!」
佢忍唔住笑咗出聲,而我都仲係唔知有咩問題。
佢拎起其中一舊喺我面前轉咗一圈:「你仲未見到啊?」
我諗我見到喇,因為佢黑得好明顯。
「碌柒,我唔記得批皮。」我恍然大悟。
我竟然犯咗呢啲低級錯誤。
「比把刀我。」
我想唔比,但又搵唔到原因唔比。
「嗱。」我遞把刀比佢。
睇你表演。
佢接過把刀:「行開。」
我行埋一邊,而佢都開始幫啲紅蘿蔔批返皮。
佢手起刀落,唔洗好耐就批返曬啲皮,仲要切埋其他嘢。
黐孖筋,佢把刀快到有殘影。
佢擺低把刀:「過嚟啊。」
你仲要我幫手咩?
我行過去:「做咩啊?」
你都搞掂曬啦。
白卡佬A.K.A龍叔
2023-03-20 03:06:29
一齊龜速前進
白卡佬A.K.A龍叔
2023-03-20 03:06:40
一齊龜速前進
香江第一淫棍
2023-03-20 03:26:03
白卡佬A.K.A龍叔
2023-03-20 12:44:08
七十三.
佢指住個鉆板:「比啲參與感你,幫我倒落個煲到。」
講就咁講,但呢單嘢侮辱性高過參與感。
「好啦。」我拎起鉆板將啲嘢倒落去。
跟住搞掂埋嗰三個餸就可以開飯。
//
「搞掂!」佢將啲菜上碟。
係佢,唔係我。
我想煮,但係佢唔比我煮。
佢原本都有諗住教我,但係我…
你懂的。
冇計啦,天份嘅嘢冇得夾硬嚟。
所以我由廚房科學家變咗做電競師,而佢就做咗大廚。
「快啲過嚟幫我拎啲嘢出去啦死人頭!」佢喺廚房嗌出嚟。
收到你。
「等陣先!」我用指尖猛烈攻擊部電話。
我打緊Rank啊!
「你講咩話?」佢行埋嚟:「你講多次。」
都話打緊Rank囉!
「比多兩秒我。」
就搞掂架喇。
「你個死人頭啊!」佢捉住我隻耳仔:「煮埋比你食都咁嘅!」
你影響唔到我架,我專業架。
佢將我隻耳仔當係焗爐制咁轉咗將近一個圈:「仲打唔打機?」
我痛到揼開咗部電話,之後就比佢扯咗去廚房。
「快啲拎嘢!」佢指住啲餸:「拎去電腦枱到。」
知喇,隻耳仔就嚟甩喇。
我拎完啲餸出去就行返入廚房:「你出去坐陣先啦,我𢳂湯。」
我絕對係自願架,除非唔係。
「唔該豬豬!」佢攬住我,錫咗下我面珠墩。
呢個行為原本應該係好Sweet,但加埋前面嗰堆嘢真係…
一啖砂糖一啖屎,仲搞到我有啲心寒兼懷疑佢有人格分裂。
//
「一打打奇媽S!」佢雙手合十咁講咗句疑似係日文嘅嘢。
你講緊乜?
「It 他他kit must!」我都模仿佢嘅動作。
雖然唔知你講緊咩,不過跟你講一次就實無死。
「你知唔知咩意思架?」佢忍笑。
唔知架。
「咁係咩意思架?」
應該唔係粗口嚟,因為我聽人講話日文係冇粗口。
「呢個啊…」佢托住下巴咁諗咗陣:「意思係我要屌你喇。」
香江第一淫棍
2023-03-21 01:52:36
白卡佬A.K.A龍叔
2023-03-22 15:22:21
七十四.
乜撚嘢啊?
我清咗清喉嚨:「你唔係玩緊膠架可?」
真係曲直難分,因為我唔識日文。
佢眼神堅定咁望住我:「真係架。」
我皺曬眉咁望住佢,而佢就用力咁扤咗下頭。
咁我信你架喇。
「食嘢啦咁。」
佢飲咗啖湯,之後就露出咗一個滿意嘅表情。
「正啊!」
梗係正啦。
「我整架嘛。」我講得有啲心虛。
不過都冇錯嘅,因為我個精神與你同在。
所以我喺某程度上都算係有參與。
「你條友都幾厚面皮架喎。」佢苦笑。
少少咁話啦。
我輕輕搣咗塊面一下:「唔算好厚。」
啱啱度咗,大概同地球直徑差唔多。
「我又試下先。」佢用力搣住我塊面:「要讚邊個啊?」
好痛啊!
「我投降!」我舉高雙手:「最叻係你!」
你一定係最好架,因為我冇其他人可以拎嚟同你比較。
「咁就差唔多。」
//
「食飽飽喇。」佢拍咗拍個肚:「好眼瞓啊。」
食完就瞓。
「你豬嚟架?」
食完就瞓好易變肥架。
「我係啊。」佢用手指督高個鼻:「快啲執嘢啦,豬唔識洗碗架。」
好啦好啦,冇理由要你煮又要你洗架嘛。
「知喇。」我拎啲碗碟去廚房。
啱啱煮咗陣就我撳電話,而家洗嘢就係佢撳電話,仲要攤喺床上面撳。
//
「呼,搞掂。」我擺低百潔布。
我洗乾淨對手之後就行入房,而佢都擺低電話爬過嚟。
「洗完喇。」佢問我。
梗係啦。
「有效率架嘛。」我得戚咁戚咗戚眉:「沙頭角閃電俠聽過未?」
成個沙頭角都識我架。
「閃…」佢望住我下面:「電俠?」
你老…
我反咗個白眼:「下面唔快架,仲識好似港鐵咁Delay。」
Delay返幾個鐘呢啲好基本架咋,日本啲男優都係我嘅徒弟。
「但係港鐵係因為故障先Delay架喎。」佢好困惑咁望住我下面:「啫係你…」
等陣先…
我打斷佢:「你都係當我冇講過啦。」
白卡佬A.K.A龍叔
2023-03-24 12:41:56
七十五.
我相信我下面應該係冇故障,都唔會有故障。
「點可以咁架?」佢用淫邪嘅眼神望住我:「講過嘅嘢同潑出去嘅水一樣係收唔返架。」
你想點啊晴女王?
「咁你想我做啲咩補償你啊?」我踎低:「錫錫要唔要啊?」
錫返當冇事得唔得先?
「唔要喎。」佢擰轉頭。
咁你想要咩啊?
「去買枝花花比你?」
我都係講下架咋,夜媽媽都唔知邊到搵枝花比你。
「咁夜邊有花買啊?」佢反咗個白眼。
你果然明白事理。
「咁所以你想要咩啊?」
我諗唔到架喇。
佢望住我下面:「你仲唔知咩?」
我諗我知喇,但係…
「你嚟M喎。」我擰咗擰頭:「衝紅燈唔係咁好嘅。」
我唔係怕污糟,係真係覺得唔係咁好。
「而家夜媽媽都冇車,衝紅燈有咩問題?」佢扁嘴:「你唔比我就繼續嬲架喇。」
咁即係我冇得揀啦。
「咁好啦。」我爬上床:「套呢?」
呢啲一定要做架。
「唔洗啦。」佢坐上嚟:「你唔記得咩?」
係喎。
「咁你話事啦。」
雖然我覺得戴咗好啲,但唔戴都得嘅。
「你等我一陣。」佢爬埋一邊。
你又有咩玩啊?
「你係咪要銬我啊?」我伸對手出嚟:「銬我啦。」
係銬就好喇。
「今次唔係喎。」佢拎咗個眼罩出嚟:「今次有新意啲。」
吓?
「戴眼罩咩?」我打咗個冷震:「我驚黑架喎。」
作為一個有孩心嘅男人,怕黑都好正常啫。
佢將個眼罩擺埋一邊:「咁我都係玩返手銬啦。」
咁咪啱囉,眼罩呢啲下次先啦。
//
佢拎咗啲手銬出嚟,而我都好配合咁比佢銬住雙手。
「仲有啲嘢未做。」佢奸笑。
仲有?
「唔係手銬咋咩?」我有啲疑惑。
佢將頭先擺埋一邊嘅眼罩拎返過嚟,感覺好唔對路。
「你而家都反抗唔到。」
仆街,中計。
既然都反抗唔到,咁就攤好啦。
佢講完就蒙住咗我對眼,之後就將碌野擺入去。
香江第一淫棍
2023-03-25 02:00:16
白卡佬A.K.A龍叔
2023-03-26 14:13:16
七十六.
佢裡面濕答答、黐立立、滑孱孱,好似灌咗成支潤滑劑入去咁。
事實上佢裡面都真係灌滿咗嘢,只不過唔係潤滑劑,而係血。
因為我唔太介意佢係血,所以個感覺其實幾正。
佢開始上下郁,而我都開始聽到水聲。
以呢個水聲嚟講,如果碌鳩要呼吸嘅話應該會窒息。
「你知唔知M血係天然KY嚟架?」佢問我。
講真嘅。
「你講我咪知囉。」我答佢。
不過我都感覺到佢有潤滑作用。
「我諗到啲嘢。」
佢講完我就Feel到碌鳩出返嚟。
「做咩啊?」
你又有咩新玩法啊?
「等陣先啦。」
我都冇得反抗啦。
「有喇。」
佢講完我就Feel有啲嘢搽咗落我個肚到。
「唔撚係啊?」
我唔介意啫,都唔係咁玩啊嘛?
「唔係啊,KY嚟架。」
咪玩啦。
「搵鬼信啊?」
當我三歲小朋友啊?
「咁嘈架你個死人頭。」佢彈咗我碌鳩一嘢:「要罰下你先得。」
碌柒喇今鋪。
「喂你…」
我未講完就比佢用下面塞住咗把口,仲聞到浸非一般嘅血腥味。
條女癲架!
「仲嘈唔嘈啊?」佢起身。
唔嘈喇。
「放過我啦。」我吐走口裡面嘅M血。
一間成身血腥味咁行出去比人以為係佳仔都似。
「你個死人頭啊,吐走我啲嘢都有嘅。」佢鏈住我條頸:「啫係嫌棄我啦。」
我唔知呢個到底係啲咩道理,但我知我今鋪大撚鑊。
「對唔住,下次唔吐。」
雖然耍冧通常冇死,但我硬係覺得呢句嘢有啲漏洞。
「下次啊?」佢鬆手:「好啊。」
仆街,我知有咩漏洞喇。
我今次準備好架喇,你…
「嚟啦!」我擘大口。
走唔甩就硬食啦。
「乖乖地擘大口隊曬佢咪啱囉。」佢搣咗下我粒Lin:「再吐就剪咗你。」
你咪啊,我唔想插尿袋。
「知喇…」
比我講埋先得唔得?
佢將啲M血抺落我嘴唇到,而我就舔咗佢。
香江第一淫棍
2023-03-27 02:13:16
呢章廣東話應用得幾好。
橋頭疑惑的樓奴
2023-03-27 19:17:02
白卡佬A.K.A龍叔
2023-03-28 13:28:34
七十七.
有樣嘢叫做「習慣成自然」,就好似我喺冬天沖涼咁。
雖然我屋企個處死式熱水爐嘅熱水好快就會用完,但佢唔係唔係即刻變到冰水咁款,而係慢慢咁慢凍。
正因為咁樣,我有好多時間去適應個溫度。
當我有時間去適應,咁凍水就冇想像中咁凍。
所有嘢原本都冇問題,只係睇你適唔適應架啫。
人哋以前傳統都要食經血糕啦,所以應該都冇咩特別。
我就係咁同自己講,然而事實係…
//
「搞唔掂喇大佬。」我好無奈咁講:「放過我啦。」
我唔係吸血鬼啊,我冇呢個需要架。
「唔得喎。」
等陣先。
「你唔係M痛架咩?」
你又搞鳩佢又剩咁,唔係仲痛咩?
「你唔講我都唔覺。」佢解開啲手銬、拎走個眼罩:「咁我都係唔玩喇。」
咁咪好囉。
「咁我去洗個面先。」
順便睇下我塊面而家咩事。
「快啲去啦。」佢起身:「唔好嚇親喎。」
//
「咩料啊!?」我忍唔住嗌咗出聲。
睇咁多戰爭片都淨係見過滿手鮮血,滿口鮮血都真係第一次見。
「轉過嚟啊。」佢笑住咁講。
你仲有咩想做?
「做咩啊?」
當我擰轉面見到佢拎住部電話嘅時候,我就知出事。
「咔嚓!」
你條友竟然仲要開埋個快門聲!
「呢啲咁特別嘅嘢梗係要記錄低佢啦。」
咁你又錯唔曬嘅。
「唔好Send出去啊。」
呢個係我唯一要求。
「唔Send出去,不過如果遲下整回憶牆就曬佢出嚟痴佢上去。」
你條友轉數咁快都有嘅。
「咁又冇話唔得嘅。」我嘆氣:「但就唔希望你咁做囉。」
我幻想唔到回憶牆上面有個成面M血嘅男人。
「有咩問題?」佢收埋部電話:「你係我最愛嚟架嘛,唔好話成面M血啦,就算成面屎都係咁靚仔架。」
香江第一淫棍
2023-03-28 23:51:50
白卡佬A.K.A龍叔
2023-03-30 13:05:15
七十八.
雖然比你講到好核突,但開心嘅。
「好啦好啦。」我接受咗呢單嘢:「我洗面先喇。」
男人係咁架喇,讚佢就搞掂架喇。
「咁你洗完面嚟氹我瞓教啦。」佢行返入房。
仲瞓?變肥豬架喇喎。
「好啦,洗完面入嚟。」
你都唔介意我成面屎,咁我都唔介意你變肥豬。
//
我坐喺床邊:「你想我點氹你瞓教啊?」
咩都得架,不過做得好唔好就另一回事。
「我想聽故仔。」佢打咗個喊露:「要好精彩嗰啲。」
我唔識啲咩精彩嘅故事架喎。
「我淨係識三隻小豬架咋喎。」
冇點聽過故仔。
「咁有冇啲真實故事啊?」
真實故事?
「都有嘅。」
當分享下囉。
「咁我講喇。」我清咗清喉嚨:「呢個係一個地盤佬嘅故事。」
一個平凡嘅地盤佬。
「係咪你嚟架?」
雖然我都係其中一份子,但…
「梗係唔係我啦。」
我係唔會出賣自己經歷架。
「咁你繼續啦。」
呢個地盤佬唔鍾意Social。
「佢去咗一個朋友嘅Party。」
話曬佢同個Friend識咗好多年,比下面都要嘅。
「咁佢去到個Party之後做咗啲咩?」
佢好離群架。
「佢去到就坐埋一邊玩自閉。」
佢都唔鍾意呢啲Party嘅場合。
「咁佢咪成晚都齋坐囉?」
咁又唔係。
「佢坐坐下就有個女仔嚟陪佢傾計。」
個女仔仲要好清純、好靚女,搞到個地盤佬差啲心臟病發。
「咁好?個地盤佬好靚仔架?」
呢啲嘢好主觀架喎。
「少少咁啦。」
唔係男神,但都唔差。
「吓,個女仔傻架?」
咁又唔係嘅。
「可能係覺得個地盤佬好特別啩。」
每個人鍾意嘅嘢都唔同架嘛。
「咁佢主唔主動架?」
唔知點定義。
「應該都算係主動。」
因為佢都好主動咁打開話題同讚個乎盤佬。
「咁個女仔一定係想收兵。」
呢啲我就唔知喇。
香江第一淫棍
2023-03-31 03:38:01
白卡佬A.K.A龍叔
2023-04-01 15:52:10
七十九.
「咁佢哋點一齊架?一齊之後做咗啲咩啊?」
同一般嗰啲差唔多。
「都係表白咁囉,不過就比個女仔反客為主。」
個女仔太有經驗喇。
「咁佢哋一齊之後做咗啲咩?」
除咗行街食飯之外…
「佢仲開發咗個地盤佬。」
開發咗佢嘅另一個面向。
「開發啲咩?點開發?」
梗係床上屬性開發啦,唔通開發大腦咩?
「佢送咗個女仔返屋企,之後就比個女仔銬住咗。」
跟住落嚟嘅嘢就唔講啦。
「咁個男仔En唔Enjoy架?」
隨住時間轉變。
「一開始好驚,因為係比人突襲。」
佢當時以為個女仔要隊冧佢。
「咁之後呢?」
佢好Enjoy。
「爽到想比人M多啲。」
因為有通知,所以就唔驚。
「都冇爆點嘅,好悶啊。」
唔好急啦。
「而家即刻有爆點。」
做比你。
「快啲快啲!」佢興奮到典下典下。
知喇。
「個女仔嘅Friend講咗啲嘢比地盤佬聽。」
一樣聽完會好唔開心嘅嘢。
「講咗啲咩?」
一樣所有男人都唔想聽到嘅嘢。
「佢話自己個Friend係Player,除咗地盤佬之外仲有好多仔。」
仲有好多SP。
「佢個Friend擺到明眼紅啦。」
我唔知啊。
「可能係啩。」
地盤佬又唔係好樣衰。
「咁個地盤佬信唔信?」
點講呢?
「信啲又唔信啲咁囉。」
未到信曬嘅,不過都大部分架喇。
「咁咪即係佢對自己女朋友唔夠信任囉。」
咁又唔可以咁講。
「佢會信啲唔信啲係因為有證據。」
多多少少叫做有啲。
「有咩證據?嗰啲垃圾對話Cap圖?」
呢個係其中一個。
「除咗呢個之外仲有。」
不過唔係最重要。
「仲有啲咩?」
佢自己發現嘅嘢。
「佢親眼見到女朋友同個男仔一齊。」
仲要喺個女仔屋企樓下。
「個女仔肯撚定出咗軌!正一死仆街!」
係咩?
「我都覺。」
咁啱嘅。
「冇架喇?」
講完架喇。
「佢未同我Update,下次再同你講。」
香江第一淫棍
2023-04-01 23:46:56
白卡佬A.K.A龍叔
2023-04-03 12:22:42
八十.
「都夜喇,你返去先啦。」
咁你快啲瞓啦。
「我走喇。」
//
我再一次嚟到碼頭對出嘅車仔檔,再一次買咗一串魚蛋,再一次…
遇見啊恩。
我挨住欄杆點煙:「點解你喺到嘅?」
都好耐冇見喇。
佢行埋嚟我身邊,挨住個欄杆。
「呢個問題唔係應該我問你咩?」佢苦笑:「我住喺呢到架喎。」
你咁講又好似係。
「咁你今次又想講咩啊?」我拎多枝煙出嚟:「洗唔洗食枝煙先?」
你無啦啦企喺我身邊,擺到明就係有嘢想講啦。
「多謝你。」佢點煙:「其實都係想講返上次喺呢到講嗰啲啫。」
上次喺呢到講嗰啲?
「你講緊啊晴呃我?」
冇記錯應該就係。
「估唔到你仲記得。」佢苦笑:「咁你而家點諗?」
我個諗法唔同咗好多喇。
「其實你都錯唔曬啊。」
應該係話…啱咗好多。
「你終於信我喇?」
其實都唔算係信你。
「應該係話我自己發現咗啲嘢。」
所以你最多算係有一半功勞。
「你發現咗佢出軌?」佢皺眉:「佢應該好識隱藏架。」
又唔算係發現嘅,只可以話係佢把口出錯。
「佢講多錯多啫,我冇發現啲咩。」
我親眼見到應該會喊到仆街。
「咁你而家想點?」
我覺得…
「我唔可以單憑佢嗰幾句嘢證明佢有出軌。」
佢根本就唔知個故仔講緊邊個。
「又話發現咗啲嘢,而家又話唔可以單憑佢嗰幾句嘢證明佢有出軌。」佢苦笑:「你到底想點架?」
我都唔知我想點。
「第一次拍拖係咁架啦。」
係唔識架啦。
「你真係鳩鳩地架喎。」
少少咁話啦。
「咁你覺得我應該點做?」
你又有咩高見?
「我又冇咩高見,話曬我都係普通人一個。」佢行嚟我面前:「普普通通嘅意見要唔要吖?」
都可以嘅。
「有咪講嚟聽下囉。」
香江第一淫棍
2023-04-04 01:01:12