3 Like
24 Dislike
香江第一淫棍
2023-02-01 00:50:50
白卡佬A.K.A龍叔
2023-02-01 14:29:11
四十四.
我踎喺佢身邊:「係咪唔得?」
可能佢仆完街之後醒返啲,發現自己冇想像中咁勁,扤咗下頭就伸咗隻手出嚟:「拉我起身。」
我捉住佢隻手,一嘢扯佢起身:「搭住我。」
佢好聽話咁搭住我,但都用咗一陣先企得穩。
我睇咗睇錶:「你住邊?」
「咪長洲囉。」佢撳住心口:「行啦,搭的士應該仲趕到尾班船。」
我帶住佢一步一步咁行到去的士站,一架紅的都喺呢個時候嚟到我面前。
我拉開車門,佢彎低腰準備上車,然後…
「嘔!」
佢嘔嗰下我即刻閂返車門再撳佢個頭埋嚟,所以架的士一滴都冇掂到,而我就成身都係。
「屌你啊!咪撚上車啊,成身嘔吐物,一間整污糟我架車!」的士佬鬧完就踩油走。
真係…
唉,算啦,咁都好過嘔落架的士到,嘔落架的士到嘅話冇返五百一千都搞唔掂。
但係而家都唔係點算,成身污糟曬,的士又搭唔到,其他又趕唔切。
「而家點搞啊小姐?」我問佢。
「附近有間酒店可以Walk in,你送我過去。」佢拎電話出嚟比我睇。
我睇完個地址之後就收埋佢部電話,過咗陣就送到佢去酒店。
講就講話係酒店,事實上就係賓館,仲要喺樓上。
我上到去同個櫃台交涉咗一陣,終於送到佢入去。
佢一入房就攤咗上床,而我就企喺門口將佢部電話揼上床:「我走喇。」
「喂!」佢嗌停我:「你唔洗下件衫先?」
喺我諗住拒絕佢嘅時候,佢已經扯緊鼻寒。
「返掂佢都瞓咗,洗埋先走都無所謂啦。」
我除衫行入廁所,用洗手液捽甩啲嘔吐物,之後就用風筒吹返乾少少。
好彩我著返工件衫好易乾,如果唔係吹到聽朝都唔掂。
喺我著返好件衫行出廁所嗰陣,佢喺門口一嘢飛撲埋嚟,成隻樹熊咁掛喺我身上面。
好彩我下盤夠穩,如果唔係就仆到戇鳩鳩。
但係…咩料啊?
香江第一淫棍
2023-02-02 02:55:32
白卡佬A.K.A龍叔
2023-02-02 12:15:01
四十五.
白卡佬A.K.A龍叔
2023-02-02 12:15:13
「喂,尊重啲好喎。」我推開佢:「我係你朋友條仔嚟架。」
「鬼叫你咁大隻咩。」佢用指尖由滴水開始沿住我塊面個輪廓慢慢掃到落去:「仲要個樣都唔差。」
佢隻手掃落去嗰陣,我郁都唔郁,成碌木咁棟咗喺到。
唔係我唔想郁,係我好似比人撳咗身上面一啲奇怪嘅制咁,想郁都郁唔到。
掃到落下巴,佢終於停低,而我就不由自主咁震咗下,之後就正常返。
「真係處處地架喎。」佢奸笑。
我拎開佢隻手:「咩叫處處地?」
「處處地啫係話你雖然破咗處,但係都仲同啲處男一樣咁敏感。」
「你又知?同埋而家處男得罪你咩?」
我覺得將情侶之間嘅嘢拎出嚟同其他人講好似唔係咁好,所以就冇正面回答。
而後面嗰條問題就係…我覺得有必要幫處男平反。
處男咪處男囉,冇問題架喎,男人拍埋拖都可以唔鍾意扑嘢架喎。
「你覺得我會唔知咩?」佢冷笑一聲;「我同佢識咗幾耐啊?」
「我唔知你哋,總之你唔好搞我,我聽日仲要準時返工,我估你都要架啦。」
我咩都唔想知,淨係想快啲返屋企瞓教。
佢大字形咁擋住門口:「咁你估錯咗喇,我聽日唔洗返。」
我嘆氣:「你唔洗,但係我要啊!」
「然後呢。」
「你…」
我有啲無奈,但又冇可能夾硬推開佢。
「咁你想點啊?」我問佢。
「我想你陪我傾陣計。」佢雙手撳實門框:「呢個要求唔係好過分啫?」
「一陣啦唉。」
我有得拒絕咩?
佢伸手:「行啦,去坐床。」
「唔洗你拉我去,我份人好講口齒,話傾就會同你傾。」
講完,佢就行咗出去,而我都跟住佢。
佢坐喺床嘅其中一邊,而我就坐喺另一邊。
我依家呢個行為已經唔啱,仲坐埋去就準備落地獄。
白卡佬A.K.A龍叔
2023-02-03 12:04:27
四十六.
「你做咩唔坐埋嚟?」
「唔洗啦,你可以講大聲啲架嘛。」
「你驚死我食咗你咩?」
「唔係啊,有啲距離幾好。」
「你喜啦,想聽清楚啲咪坐埋啲囉。」
「咁你講啦,我聽到。」
「你同啊晴喺邊到識?」
「我可以唔答架可?」
「你喜啦,你答咗我咪可以講多啲嘢比你聽囉。」
「我個Friend嘅酒局。」
「咁你都識講,佢係咩人你自己知。」
「喺酒局識,都無阻我哋認真拍拖架。」
「你個死A0真係戇鳩鳩。」
喂,A0無罪架喎。
「留返幾分簿面得唔得?」
「忠言不嬲逆耳架啦,咁你想唔想聽?」
的確係。
「願聞其詳。」
可以了解自己女朋友多啲,Why not?
「你同佢識咗幾耐?」
「幾個禮拜咁啦。」
「嘩,成個世紀咁耐喎。」
「我覺得算快。」
「咁你哋喺個酒局到係點架?」
「我坐埋一二邊,成個毒撚咁。」
佢聽完之後忍唔住笑咗出聲:「唔怪得佢搵你落手啦。」
「我都唔係好樣衰啫。」
「都係嘅,咁你哋一齊咗幾耐先扑野?」
「你問嚟做咩?」
「半日?」
我有啲驚訝:「半日會唔會太快?」
「佢半日算慢。」
「我唔信。」
「你喜啦。」
「你講咁多呢啲嘢比我聽做咩?」
「我想話比你聽,你係一個傻仔。」
「我覺得我唔係,就算係又點?我同佢而家好開心。」
佢冷笑:「你自己揸旗啦,我又冇可能拎枝槍指住你叫你同啊晴分手。」
我諗返起佢拎嗰舊嘢去搞啲唔知咩嘅事,唔通佢…?
「你唔係諗住…」
我未講完,佢已經打斷咗我:「冇諗過,亦唔會諗。」
「我都未問。」
「知你問咩啦傻仔。」
睇嚟係我諗多咗。
「你走啦,我想瞓教。」
「我聽日都要返工,Bye。」
講完,我就一枝箭咁衝咗出去。
香江第一淫棍
2023-02-04 03:19:17
白卡佬A.K.A龍叔
2023-02-04 16:16:57
四十七.
落樓下上咗的士之後,我就即刻同啊晴報到。
「我送咗佢上酒店喇。」
「哦,好。」
「佢嘔到我成身都係,同埋佢都應該知趕唔到尾班船。」
「你而家返緊去?」
「係啊,上咗的士喇。」
「咁你返到去講聲啦。」
係喎,我一路都唔知佢今日突然有咩搞。
「你今日話突然有嘢搞,有客?」
咁係人都鍾意錢架啦,返工重要啲。
「係啊,做咩?」
「冇啊,想睇下你整咗啲咩。」
「好啊。」
講完,佢就Send咗張相過嚟。
相裡面嘅係一幅畫,但感覺好熟悉,但我唔肯定係咪真係見過。
我睇咗睇錶:「咁你早啲瞓啦,都夜喇。」
「早唞。」
「早唞。」
我閂咗Mon諗住收埋嘅時候,佢又響咗嘢。
我以為係啊晴,但原來係啊恩。
「喂。」
「你唔係瞓咗喇咩?」
「你咪理啦。」
「Ok fine。」
「啊晴有冇搵你?」
「有啊,做咩?」
「佢有冇同你講今日做咩突然唔嚟?」
「有啊,佢話有客搵佢,之後走咗去畫畫。」
「有冇相?」
「有啊。」
講完,我就將啊晴頭先Send比我張相Send比佢。
「…」
「有咩問題?」
「你唔認得呢幅畫?」
老老豆豆,你話我無禮貌、無文化都好,其實我覺只要係同一個人畫,基本上幅幅都差唔多樣。
「唔認得架。」
「傻仔,佢講你就信啊?」
「信架,你估TVB啲膠劇咩?」
「咁對唔住,真係同TVB啲膠劇一樣。」
「你又想講咩啊?」
「幅畫唔係今日畫,佢喺到好耐。」
「你今日真係全面老屈架喎。」
「等我一陣。」
講完,佢就Send咗張電話相簿嘅Cap圖過嚟。
一堆格仔之中有一格就係頭先佢Send比我嗰幅畫嘅相,但上面個日期…
唔係今日。
香江第一淫棍
2023-02-05 02:31:42
有景轟
白卡佬A.K.A龍叔
2023-02-05 12:04:46
四十八.
「可能係佢之前畫咗啲,但今日先畫埋淨低嗰啲。」
我幫佢解釋緊,都幫自己搵緊解釋。
「成張畫紙一早就填到滿曬,你話呢?」
咁又好似係,但可能有啲我唔明嘅技巧,例如…
「會唔會有啲咩技巧係我哋唔識或者係佢自創?」
咁你哋啲藝術家好有個人風格架嘛,我點知啫?
「我識咗佢都幾耐下,佢不嬲都係一日畫曬,一日畫唔曬就之後嗰幾日搞掂埋佢。」
咁人係會變架嘛,你細個鍾意E-Kids,而家都變咗鍾意Mirror啦。
「佢變咗你無為意啫。」
講真,你點會得閒到日日走去留意佢?
「我日日都落鋪頭搵佢,你話我會唔會唔為意啊嗱?」
但佢咁講又真,日日見又點會唔知?
「好似係,但如果佢真係呃我,咁會係為咗啲咩?」
或者…佢有驚喜比我?
「到底你係咪戇鳩?」
咁…唔係下下都出軌啩?
「一張重複嘅畫就斷定佢出面有第二個,會唔會太求其?」
而家連咸片都有得假,幅畫係假都唔奇。
「喂大佬啊,我呃你做咩啫?」
我點知你有冇對我有非分之想啫?話曬你上次…
都係唔講好啲,諗起都痛。
「冇啊,搵嘢玩啩。」
咁當然,我唔會咁講,話曬成年人嚟架嘛。
「屌你啊!我悶可以打機、睇片,洗鬼走嚟玩你個死人頭?」
聽完佢咁講,我又好似真係幾自戀。
「Sorry囉,但By the way如果係真嘅話,佢點解要呃我?」
既然證人確認咗係可信,係時候回歸正題。
「咪搵其他仔囉,仲洗審咩?」
唔排除呢個可能性,但…
「但個樣唔似係呢種人喎,同埋我哋都搞過。」
嘢唔係淨係同心愛嘅人搞嘅咩?
「就係因為佢咁嘅樣,先講得通。」
「搞嘢方面就…乜你覺得搞嘢一定要有愛架咩?」
香江第一淫棍
2023-02-06 02:09:58
白卡佬A.K.A龍叔
2023-02-06 12:02:47
四十九.
「點解咁講?」我唔明。
對唔住囉,我第一次拍拖啊嘛。
「就係因為佢個樣夠純情先呃到人。」
都係唔明,可以比多少少解釋。
「可唔可以比少少例子?」
有例子應該會易明啲。
「雖然個樣唔代表佢個人係點,但你都會因應佢個樣嚟推斷佢係咩人。」
都話要例子。
「介唔介意比啲實例?」
冇例子嘅嘢同講經冇咩分別。
「你見到個外表清純嘅女仔,你唔會估佢私底下係淫娃,調返轉人哋見到你黑實又大隻,佢唔會估你私底下鍾意睇書架嘛。」
雖然我唔鍾意睇書,但開始有啲概念。
「大概明。」
不過可以再解釋多少少。
「最高Level嘅獵人,係會以獵物嘅姿態出現,因為咁先可以降低獵物嘅戒心,就好似有條女層粉成寸厚,你班男人都即刻彈開啦。」
好,明曬。
咁之後嗰句又點解釋?
「咁乜搞嘢可以冇愛架咩?」
冇愛嘅搞嘢,同活塞運動有咩分別?
「不如我問返你,有愛嘅抽插同無愛嘅抽插有冇分別?」
你突然咁問,我又真係諗唔到。
對住個啊婆或者舊豬扒就話起唔到機啫,正常對手嘅話都係咁插咋嘛。
「講真好似又真係冇咩分別。」
比你反問一嘢就說服咗好似好柒,但我又諗唔到點駁。
「咁咪係囉屌你!」
咁但係…點解係我?
「個日個場咁多人,做咩要特登搵我?」
我又唔係靚仔,套衫又襯到鬼五馬六。
「你都識講自己係成個毒撚咁坐埋一二邊,擺到明就易搞掂啦。」
咁比較之下,我又好似真係易搞好多。
「咁我而家應該點做?」
資訊量太大,個腦癱撚咗。
「呢啲你自己揸旗啦,佢係你條女嚟架!」
咁又錯唔曬,但係你送佛送到一半走咗去好似…
香江第一淫棍
2023-02-07 02:57:54
白卡佬A.K.A龍叔
2023-02-07 12:05:03
五十.
「唔太道德喎你,送佛就送到西啦!」
開條咁鬼難行嘅路比我,又唔教我行。
我好攰喇,都係唞陣先啦。
…
..
.
「喂,醒喇先生!」的士佬伸咗隻手過嚟後座拍我。
「Sorry啊。」我坐返直個人:「我係咪瞓咗好耐?」
「冇嘢啊,我都想唞返幾分鐘。」佢點煙。
「我比錢落咗車先?」我問佢。
「你鍾意啦。」佢呼出煙圈:「而家走又得,等我食完先走都得。」
「介唔介意?」我抽出一枝煙。
「你開窗向出面吹。」
我撳低個車窗,然後突個頭出去點煙,吸完一啖就用隻手墊住個頭晾喺車窗框上面。
「後生仔,有啲嘢喎。」的士佬透過後視鏡望住我:「你想咪講嚟聽下。」
咁都睇得出?我淨係晾個頭上去咋喎?
「你點知架?」
「做幾廿年人,識睇少少都正常啩?」
「好似又係。」我望住外面:「你唔會將我啲嘢講出去架可?」
「你真係…」佢咳咗幾聲:「你戇鳩架!你啲平民料都唔值錢,你估你自己係許志安啊?」
「好似又係。」我苦笑:「咁我講架喇喎。」
「講啦屌你!」
「佢呃我話今日有野做,但其實冇。」
「邊個同你講?」
「佢朋友。」
「咁你信唔信?」
啊恩連證據都拎埋出嚟,我好難唔信。
「我信架。」
佢冷笑一聲:「我挑,你知唔知咩係吸引力法則同埋『信則有,不信則無』?」
「你想講咩?」
「你一直諗住嗰樣野,嗰樣野就越會發生,因為你嘅行為同心態都會偏向你諗嗰個結果。」
又係一個的士界哲學家,但我又好似真係袋到啲嘢。
佢冇等我回應佢,直接講落去:「而『信則有,不信則無』就好似啲信有鬼嘅就連大風少少都覺得關鬼事,而唔信嗰啲就打埋八號波都覺得無咩嘢。」
「你好似識啲嘢喎,以前高材生嚟架?」我有啲好奇。
香江第一淫棍
2023-02-08 02:02:12
白卡佬A.K.A龍叔
2023-02-08 12:44:22
五十一.
「屌你啦!一定要高材生先可以識啲嘢架?」的士佬比咗隻中指我。
咁又係嘅,大學畢業可以係戇鳩,例如政府嗰班。
而無讀書嗰班又唔一定咩都唔識,好似李家誠咁都係小學畢業咋嘛。
「咁我想問呢兩樣嘢可以點套用落愛情到?」
我覺得呢個係重點。
我蠢蠢地,建議你直接講埋比我聽,如果唔係我諗到出年都仲諗緊,到時就真係正宗諗樣一個。
「你傻唔係扮架喎!」
我想架咩大佬!
佢彈走個煙頭:「唉,我講啦。」
啲老人家就係咁架喇,死都係要屌鳩你先。
「講嚟聽聽。」
快啦。
「好似啲女人覺得你出軌咁,只要佢覺得你有,佢發個夢都可以係你出軌嘅證據。」
咁…
「如果調返轉呢?」
即係佢覺得我唔會出軌。
「如果佢覺得你係好男人、係唔會出軌,就算佢見到你同個女人瞓喺同一張床,佢都會覺得你哋係齋瞓覺,呢個就係信則有,不信則無,因為愛情係建立喺信任上面架嘛。」
一段關係入面冇信,又好似真係咩都做唔到。
「咁吸引力法則呢?」
請你繼續講經,幾有道理下。
「好似你覺得佢一定會離開你咁,而呢個你想像中嘅結果就吸引咗你去咩都唔做、唔努力,,而最後佢就因為你咩都唔做而離開你。」
都係嗰句。
「如果調返轉呢?」
好嘅話又會點吸引法。
「如果你覺得佢一定唔會離開你,而呢個你想像中嘅結果就吸引咗你去咩都唔做、唔努力,,而最後佢就因為你咩都唔做而離開你。」
我有少少懷疑佢係咪播緊同一段錄音。
「兩句一樣架喎師傅。」
除咗前面嗰句,後面有咩分別?
「後面係一樣,所以咁都講明愛情係應該要若即若離先會令你努力。」
多謝曬。
「我明喇。」
都唔知你講緊乜鳩。
香江第一淫棍
2023-02-09 02:52:42
白卡佬A.K.A龍叔
2023-02-09 12:01:15
五十二.
「明就得啦,我接咗單啦。」佢再點煙:「你快啲比錢落車啦。」
阻人搵食猶如殺人父母。
「好。」我望一望個咪錶:「點解咁貴嘅?」
個價錢差唔多Double咗咁滯,唔洗呃到咁盡啊嘛?
「我屌你啦!你坐得喺到就要跳錶架啦,架車開住冷氣都燒油架,啲油唔洗錢啊?」
咁又係,坐喺架車到唔開冷氣又真係幾熱下。
「但係我冇叫你開喎。」
係囉,你可以唔開架。
「咁你客嚟架嘛,我唔開你就投訴我架喇!」
咁又係,都係唔同你嘈喇。
我拎兩舊水出嚟:「唔洗找喇。」
唔好咁躁啦。
「咩叫唔洗找啊?呢啲係學費!」佢仲躁咗。
咁…唉,駁唔到。
我推門落車,行幾步就返到屋企。
我坐喺床上面碌IG,順便等熱水爐煲好。
你冇聽錯,係「煲好」
我屋企用緊嘅係儲水式熱水爐,俗稱處死式熱水爐。
喺呢段時間裡面,我通常都會打返個飛機。
因為我個人好奇怪,啲性慾一到夜晚就好似花到春天咁開到成地都係。
但唔知點解今日我條鵰同個心一齊好似冬天咁凋撚曬,好似賣魚佬洗身咁款。
我相信而家唯一可以安慰到我嘅就只有啊晴,但佢應該瞓咗好耐。
但係我諗…都可以試下嘅?
我打開Whatsapp,開始喺對話框到打字。
「我想講你今日同我講話你唔得閒嚟嗰陣,我真係唔開心到連飯都食唔落。
因為你係我初戀,所以我真係好想將你介紹比我啲Friend識。
不過諗返轉頭,其實你又唔係突登唔嚟,只不過係臨時有嘢做啫。
我明嘅,搵食緊要啊嘛。
但係你下次可唔可以推咗佢哋,因為我約咗你先。
另外就係…我係你男朋友。
香江第一淫棍
2023-02-10 02:29:40
白卡佬A.K.A龍叔
2023-02-10 09:12:27
現實都係
白卡佬A.K.A龍叔
2023-02-10 12:01:37
五十三.
我唔知我咁諗會唔會好幼稚,但我好想你用多啲時間嚟陪我。
同埋…可唔可以諗辦法比多啲安全感我?
唔知點解我覺得你背住我做咗好多嘢咁…好多對唔住我嘅嘢,又或者係因為啊恩同我講咗啲嘢,所以我先會咁諗。
啊恩今日同我講話你今日Send比我嗰幅畫一早就畫好咗,仲比埋證據我睇。
所以你幅畫到底係咪真係今日畫?
我唔想淨係聽啊恩嗰啲所謂嘅證據,因為我覺得佢多多少少有啲私心。
比起佢嗰啲所謂嘅證據,我更加信你親口講嘅嘢,就算你拎唔到任何證據出嚟。
我知我咁諗真係好傻,但我更加唔想冇咗你。」
我合埋雙眼,鼓起勇氣撳實個傳送制。
我猶疑咗幾秒,最後都係喺原位縮。
我望住個Message由單灰剔變成雙灰剔,然後…
就冇變過喇。
我望住個Message嘅右下角,直到…
「叮!」
個熱水爐煲好水,但個Message依然係藍剔,我估佢應該真係瞓咗。
我擺低部電話喺廁所門口隔離個電制到叉電,之後就摷咗套衫嚟到廁所門口。
明明已經跳咗爐,但我就一直企喺到望住部電話,望下望下就諗返起啱啱個看士佬講嘅嘢。
「其實我係咪應該要信佢?」我自己問自己。
啊晴都Send咗圖比你啦,做咩啫?
呢個時代又PhotoShop又剩咁,嗰一張所謂嘅證據真係可以代表到啊晴有呃我咩?
或者,我應該要放低對佢嘅懷疑。
我擺低套衫,之後就拎起部電話Del咗頭先Send出去嘅Message。
佢唔會呃我,你要信佢。
個Message由原本嘅字變成咗「你已刪除此訊息」
唔知點解我覺我咁樣有少少「此地無銀三百兩」嘅Feel,有預感佢聽日一定會問我咩事。
香江第一淫棍
2023-02-11 03:06:30
白卡佬A.K.A龍叔
2023-02-11 14:49:54
五十四.
第二朝瞓醒開電話一睇就見到佢Send咗訊息比我,不過就得兩隻字。
「早晨。」
有啲意外,但又唔係好意外,話曬唔係個個都好似我咁多疑。
不如暗示下佢?
「早晨啊,你琴晚好早瞓咗喇?」
循例問下啫。
「係啊,琴日搞咗勁耐,攰到一返到屋企就斷咗電。」
都唔知你搞咩搞咁耐。
「係呢你有冇睇到啲咩?」
句嘢好怪,但我諗佢睇得明。
「睇到咩啊?」
算啦,都係直接講啦。
「上面嗰個比我Del咗嘅訊息。」
唔排除Whatsapp有Bug,最常見嘅Bug就係收唔到訊息,但呢方面官方修正唔到。
「睇到啊,做咩?」
咁你仲唔問?
嬲架喎真係。
「冇啊,你唔好奇個訊息講咩?」
人唔係好鬼死犯賤架咩?
唔係人哋越唔想比你知,你就越想知架咩?
點解呢個女人一啲都唔好奇架?
「你唔係Send錯嘢所以Del嘅咩?」
對唔住,原來係我諗少咗。
原來仲有Send錯嘢呢個選項。
「唔係,我有嘢想同你講。」
咁樣無得賴啦啩?
「講咩?」
睇嚟佢唔知啊恩爆咗料比我。
「你琴日係咪真係去咗畫畫?」
只要你肯講,我就一定信你。
「係啊,做咩?」
咁就得啦。
「無嘢喇,返工先。」
我決定休戰,話曬搵食要緊。
一閂Mon,龍叔就打咗過嚟。
我聽咗個電話:「咁早打嚟做咩啊?」
唔通今日單嘢要出城做?
「今日要去中環嗰頭啊,我揸緊車入嚟兜你出去啊。」龍叔咳咗兩聲:「你快啲換衫執嘢啦。」
果然冇估錯。
「收到你。」
收線之後我都開始極速換衫、執嘢,暫時擺低呢單麻煩嘢。
對我嚟講,解決煩惱嘅最佳方法就係返工,因為返工會忙撚到我唔得閒煩惱。
呢個係其一,其二就係返工就有龍叔同文叔。
佢哋講嘢雖然鳩到無倫,但氹到我好開心。
白卡佬A.K.A龍叔
2023-02-12 02:53:41
香江第一淫棍
2023-02-12 02:58:14