香港粵劇粵曲/戲曲、早期歌影視娛樂文化討論區 (7) - 漫談顧嘉煇

謝謝

唔係，你打life is cheap, but toilet paper is expensive就會聽到首歌

原來係繆騫人老公王穎 拍嘅
唔止繆騫人，重有綿叔

不過我真係唔知首歌係叫咩名了
可能係我行我素嘅改版，擺落去做電影主題曲都未定，因為歌詞有冚家鏟

見到近幾日馮淬帆屌鳩肥螳螂王八蛋
就諗起癲佬正傳入面嘅佢，堅持己見但好少人理解到佢，或者自以為了解佢，搞到成日都唔順心
但睇威哥會館訪問其他人講起當年嘅緊哥，又會話佢份人好玩得，好講得笑，又專業到幕後乜要求都會受

究竟佢經歷過啲乜野，老年變得咁好火？
定係佢之前嗰卅幾年都做緊double face?

係謹哥唔係緊哥，嚟自佢拍大臺劇第三類房客個角色馬瑞謹，喬宏叔，gigi姐，謹哥。同埋馮淬帆原名係馮兆覲，可能講下講下寫下傳下就變咗緊
2:00 開始
https://youtu.be/2QMLlrMpwOs

宣傳套新片啫，唔咁講點製造啲noise

但唔係有第二個講法係佢個樣長期都好蹦緊咁，所以係“緊哥”咩？

冇記錯堅叔老豆係粵劇老倌，文化大革命期間因為返廣州做粵劇而失蹤

你呢個咪就係傳下傳下嗰啲所謂講法

係呀，武生馮鏡華
馮鏡華、鄭綺文 - 連環計
https://youtu.be/zoHlsMy9384

謹哥都有唱過下曲，都唔錯添架，有少少蝦哥羅家寶嘅蝦腔
馮淬帆 - 文天祥之牢房浩嘆
https://youtu.be/DYCk0NcN-XI

馮淬帆 - 玉河浸女之祭玉河
https://youtu.be/Q8i_Dvpw4f0

又或者可能係當時真係為咗生活，覺得拍呢類電影娛樂大眾對社會冇乜嘢大影響？現在老人家年紀大咗，兩岸三地近年又發生咁多事情，一時感覺藝人身份有某種責任感同埋意義先喺訪問中有鏟隻肥螳螂？

之前睇過小小關於謹哥嘅訪問，其實佢自己係喜歡拍攝一啲文藝、有意儀嘅作品多過肥螳螂類低俗戲種。但係話佢完全唔鍾意胡鬧低俗喜劇，又未必真係，起碼近年佢都有參加‘老笠’嘅演出。

可能啦，不過唔誅心太多喇

謹哥未拍王晶啲笑片之前，最先唱曲做戲，跟過楚原叔學拍戲。入大臺之後又自編自導自演過一啲中外名劇劇場同文藝劇，其實係好有演藝才華

大台好多年半夜至零辰會重播一啲多年前單元劇，睇過一、兩集係𧫴哥演出。記得其中一個故事係講謹哥演單親爸爸，希望送個女去外國讀書。借此講單親父親常遇到問題，同埋兩父女之間相處事情。成套劇得幾個人演出，故事簡單好睇，一啲都唔差。

?

最先king sir嗰個年代就係引入好多呢類短劇劇場入大臺同香港電視界

好癲

我都未睇過呢套戲，可能因為王穎係拍荷里活片，但係佢又用香港人香港景拍架喎，真係好嘢

仲有陳冠中，方育平，羅維

仲有愛回家個群姐許思敏

謹哥未去大台之前，早期喺麗的做編導+演員，真係有料
十大奇案有個麥當雄編導嘅單元，講謹哥飾演嘅三哥同四弟羅石青因為爭遺產而骨肉相殘，謹哥演到嗰種癲喪感，後段追住羅石青跑大玩別墅大屠殺，最後喺一樓一拳將羅石青打落樓下個游泳池度
https://youtu.be/qA2LhjY9d7Y
而佢自己編導嗰個單元“大圍捕”都好好睇
https://youtu.be/JUAvU4Bs3iw
其實謹哥做正戲好好睇，可惜當年除咗爾冬陞揾佢做“癲佬正傳”之外都冇乜正經戲，可能佢老人家依家老咗回想起唔甘心

我睇過𧫴哥正經戲可能比較小，除咗”癲佬正傳”之外，角色比較正經而我最記得就係”貓頭鷹與小飛象”入面嗰個臥底探員。

睇返wiki資料先記得，”五個小孩的校長”、”每當變幻時” 謹哥都有份演出。同埋從資料可以睇到，當年市場係以攪笑、彊屍、賭片、警匪、江湖片主流，可以俾謹哥選擇演出嘅正經電影機會可能真係唔多，市場大於一切。

係，睇劇佢係多啲深層次啲嘅演藝發揮，尤其呢啲早期劇
戲大家都覺得當年佢係一代笑匠