新手練直覺塔羅占卜(簡易答，唔包準) 2

每日一Pin
今日18-3-2023
仍然係去到舊PO#625未占

唉，sor，結果都係拖咗咁耐，占唔晒咁多人
不過我覺得過咗咁耐，大家啲狀況已經唔同咗
再占返啲問題已經唔準
所以舊PO#625-712嘅各位巴絲
如果仲係想占嘅
就留低舊PO no. 然後講返新問題
我會占返
冇講嘅話，舊PO嗰啲唔占了

我自己覺得，由#2開始占到#625
減去回答問題都有一半3百個左右
都算係個唔錯嘅成績
我自己都好開心
尤其都好多feedback話好準
好多謝大家支持！
呢個PO淨低落嚟會繼續吹下水或者
占埋舊PO未占重問嘅人
多謝各位！




常駐小pin1：
各位好，由於人數實在眾多
暫時要停一停條隊啦
(舊PO)#712及之前嘅問題都會盡量回答
之後嘅問題就抱歉啦，下一次有機會會再幫大家占卜
多謝各位

常駐小pin2：
我希望占卜唔係淨係幫人睇運程，仲係想從人出發
照顧埋人嘅感受先係實際幫到人
但我一個人始終能力有限，所以如果占完巴絲有咩開心唔開心想分享
或需要意見，我希望其他巴絲都可以一齊幫下大家，分享下、比下意見，或者單純圍下爐都好
當係大家做個朋友照顧對方嘅感受就最好了
同埋我想講占卜可以好準，但人生係你自己，你一定要信自己，唔好完全當晒占卜結果就係真理

(舊po #673)男 JL
辛苦曬樓主！

無錯過咗幾個月，自己都思考同梳理咗好多執著，亦都放低咗好多以前嘅嘢，認真想改變下人生同進步下。

近排開始中意咗一個女仔T，有時都會一齊做吓嘢同間唔中傾下偈，但係就係好似未落到更深一步咁。所以想問下我同佢會唔會有機會一齊，或者其實個女仔對我嘅感覺係點？感謝感謝。

仲有冇得占架

雖然你話你思考同梳理咗好多執著，但睇牌你仍然係執著同負面，有啲不忿，有啲差嘅能量喺度
而佢就係個幾有主見，幾有領導才能嘅人
至於一唔一齊到
機會算低
你或佢仲對舊事或舊感情未放得低晒
所以未一齊到住
遲下就未知
不過佢對你感覺唔錯，覺得你係個幾叻幾多才多藝嘅人

你喺舊PO冇留就冇啦

如果要我評價自己，喺以往嘅我嘅負能量係多到一個無可救藥嘅點，亦都有好多好差嘅情緒同諗法，以致到傷害到身邊重要嘅人同自己。但係放唔低死都要執著一啲野，令到我都開始攰同失常，所以先慢慢決定要令自己變好同放鬆（思想上同生理上都係）。喺諗通咗之後，甚至發現咗好多好多一直以黎我忽略咗又值得感恩嘅好人好事，原來我都唔係衰到貼地甚至係幾好嘅感覺。

我諗「不忿」嘅位，應該係在於眼見身邊嘅所有人，無論同事又好朋友又好甚至陌生人都好，一對又一對咁出現喺眼前，我就會諗點解人哋嘅幸福就係咁理所當然，而我自己就好似異類咁一直遇唔到幸福。甚至講真嗰句，睇到你嘅回覆，以前嘅我都應該會諗「呀，所以我原來歸根究底又係唔配有幸福同愛情嘅人」。但係依家，反而就係希望可以正面咁去be a better man and get ready。

近排因為一啲因緣際會，去咗揾一個舊同事去做冥想。喺過程同之後，我都一直諗通同放低咗好多以前嘅執着同負面情緒，但係始終喺「幸福」呢個位我真係諗唔通，去到一個位就會諗其實會唔會呢一世都係咁先唔會再遇到幸福同愛情？所以之後都開始換個心態，希望祝福下人哋嘅幸福，放低無意義嘅比較，等自己可以再順其自然啲去面對依家嘅問題同課題。

至於呢段關係入面，其實我都隔咗一段時間先有翻中意一個女仔嘅呢種感覺。無錯佢係一個好有主見同都獨立嘅女仔，所以都令我更加唔知應該點做，但係同時又因為呢啲位而中意佢。難得有令我想努力同追求愛情幸福嘅人出現咗，機會出現咗，我都好想去盡自己努力爭取下。

所以去到呢個位，其實我真係唔知點做好，覺得好迷惘，但係同時又真係好中意呢個女仔，係內在外在都好中意，令到自己更加唔想放棄，真係唔知點先好⋯⋯點都好，多謝你！

舊po 704 問既問題同之前一樣
男
名:KA
黎緊4月會日本留學，未來學業順唔順利 同半年內會唔會搵到part time 幫補下🙏🏿

係呀，你正面啲，放開啲放鬆啲個人同思想
唔好太執著
要學會接受事與願違
做唔到得唔到唔一定係你嘅錯
能夠做嘅做咗就好了

你本身經濟壓力都應該唔算好大？
有人資助你？或者幫你搭路，幫你安排唔少嘢？
你去日本留學有少少係想逃避一啲嘢？想尋找舒適圈？
可能喺學校或者同學方面會比到壓力你
但未來學業大致會順利
半年內會搵到part time幫補

每日一Pin
今日28-3-2023

舊PO#625-712嘅各位巴絲
如果仲係想占嘅
就留低舊PO no. 然後講返新問題
我會占返

我自己覺得，由#2開始占到#625
減去回答問題都有一半3百個左右
都算係個唔錯嘅成績
我自己都好開心
尤其都好多feedback話好準
好多謝大家支持！
呢個PO淨低落嚟會繼續吹下水或者
占埋舊PO未占重問嘅人
多謝各位！


我開咗個IG page，有興趣可以追PO或者問我

常駐小pin1：
各位好，由於人數實在眾多
暫時要停一停條隊啦
(舊PO)#712及之前嘅問題都會盡量回答
之後嘅問題就抱歉啦，下一次有機會會再幫大家占卜
多謝各位

常駐小pin2：
我希望占卜唔係淨係幫人睇運程，仲係想從人出發
照顧埋人嘅感受先係實際幫到人
但我一個人始終能力有限，所以如果占完巴絲有咩開心唔開心想分享
或需要意見，我希望其他巴絲都可以一齊幫下大家，分享下、比下意見，或者單純圍下爐都好
當係大家做個朋友照顧對方嘅感受就最好了
同埋我想講占卜可以好準，但人生係你自己，你一定要信自己，唔好完全當晒占卜結果就係真理