中醫是偽科學？　科普網：一場叫不醒的「中國夢」

最簡單，量化到既先可以叫科學

聽過d content farm話某某古墓出土過d上古醫書，好多藥方都唔預你煲
而家d藥方下下都一碗水煲到三碗水，照常理諗，d有用物質都煲到冇晒
我真係寧願信上古醫書

有病假紙就係科學

你都識講content farm

我祇係聽過有人濕疹睇中醫唔睇西醫。

日本仲有冇人信漢醫

伊家信哂蘭方醫啦

咁樣世界先多元化嫁嘛，方法永遠無可能得一種，科學只係現代最令人相信嘅實驗方法，其實除咗中醫之外，唔同地方嘅醫療方法仲有好多種同可能性•

現代科學證明唔到嘅嘢其實仲有好多，但唔代表無用，就好似醫治情緒病嘅正觀認知治療（類似靜觀），其實古印度一直都有，只係現代人一直唔信，覺得迷信同太神奇，直到緊呢2，30年有人係東方帶到西方發覺好work，先開始研究同叫做開始興起，但科學對呢方面嘅認識仲係好少，例如脈輪系統就已經證明唔到（暫時），但唔代表呢套野唔work

利申，我都相信科學，但科學嘅精神就係要就接受所有已知同未知嘅可能性嘛，所以我唔會覺得當今科學證明到嘅就一定係正確，反之亦然，我地對世界現有嘅認知其實一直都被推翻，當中包括近代科學，就好似量子力學咁樣，打破咗我地對好多物理學嘅認知，以前啲科學家覺得研究量子力學嘅人都傻傻地，但依家d量子學家咪又係拎哂獎🙈

依家既中醫針灸完全唔係你講咁樣

穴位理論係有，例如我足底筋膜炎睇過，佢的確係吉小腿後方，但呢個西方物理治療一早清楚左係小腿筋拉住個腳底筋膜整到有筋膜炎，佢係要插到入深層肌肉，同佢吹水佢都話係出問題響小腿筋，所謂既打通條氣就係放鬆同腿既筋鍵，而點吉中呢d筋鍵位邊個位有效益就係佢地套穴位理論

而家都唔興拉針同轉針，因為會攪到個病人易出血同用痛感刺激遠遠唔夠用電去刺激深層，佢地講求既係刺激，乜撚野行氣唧

之後我發覺自己平日拉筋即係物理治療果套先係根治到既，佢地果種只係暫時解決痛楚，都有去過物理治療用部電壓好大既機啪啪聲咁電，效果仲好即刻3幾日都好舒服，果隻感受係針灸放大幾倍咁囉，但一次已經要幾舊水同埋個人要體力好承受力強

針灸係for d想價錢相宜d，承受冇咁好但想舒緩既人用，呢一兩代d針灸中醫分分鐘了解西方醫學仲多過d乜氣乜陰陽，物理治療師咁款，針完同我拎支按摩槍出黎落gel震

佢地逼住係咁，唔結合甚至唔base on西方果套去做d成效根本跟唔上同行等執笠

Work嘅野自然有人研究係乜原理中醫講到尾就係因為臨床上面唔work先唔受重視嘛佢過得到雙盲就大把人去研究啦 過唔到姐

臨床研究係講緊佢work 港大 浸大 中大都有大把臨床研究證明，不過對比西醫唔算多者

有冇發覺大部分話佢work都係得中國同香港呢啲本身有中醫嘅地方世界其他地方係冇 同埋你要留意返啲研究係話乜野work 有啲係針灸有啲係某草藥

但中醫嘅理論框架基本上冇得救

雖然中醫歷史悠久，但始終中醫理論開始研究嘅時間仲係好短，仲需要時間同實例考證，科學好著重呢樣野

你以為中成藥嘅市場係幾大？
講真如果有方法驗證到中醫理論 中國一早做咗 點解到而家都唔得 講到尾就係發現傳統理論行唔通 所以先要所謂「結合西醫」然後千方百計搵方法維護中醫嘅國內地位

連鐘南山都話中醫嘅理論更加近似係一種哲學思想 中醫要現代化只有驗藥一途 你仲FF中醫理論會有用

咁梗係啦，西方都無中醫呢樣野，中醫對佢地黎講係一個全新又未知嘅領域，好彩嘅係香港都叫有好多國際認可嘅學府可以做有認受性嘅研究，先至有機會證明到佢嘅功用。

草藥嘅功效都係源於中醫嘅理論框架，例始藥性，咩藥適合咩體質嘅人，風、寒、暑、濕、燥、火等等，而呢d係西醫無嘅

結合西醫係大趨勢嚟，大家可以互補不足

草藥嘅效果同中醫嘅框架可以話係冇關係因為就算現代醫學去利用草藥嘅成份都係用其他方法去提取 傳統方法煲埋一煲根本就冇藥性

笑到抽筋
一俾人挑戰驗證唔到就話框架唔同
你老尾 病就一樣 人又都係人
原來係框架唔同，而唔係傳統醫學廢

西醫就係現代醫學
中醫就係舊時代嘅垃圾產物
如果現代醫學冇進步
咁嘅話依家呢個世代得中醫同古希臘醫學 兩種垃圾真係等死

基本上你就係其中一個永遠騙不完的傻子

同埋係全球化大家都相信西方醫學嘅時候，如果唔結合真係好難生存，印度嘅阿育吠陀醫學都係差唔多，但其實佢地都有一套獨立嘅原理係入面，只係我地有時候會慣性以科學嘅角度去睇，自然會唔明白當中嘅原理，需要更大嘅時間去考證研究

佢哋套原理咪就係古人對呢個世界認識唔多嘅時候用咗啲想像結合宗教創造出嚟嘅產物囉

樓主開2啦 覺得呢樣野值得討論更多

大佬呀，咁唔通人地港大，中大果d研究係流嫁咩

古人可能認識世界比我地仲多，睇過易經嘅就明，古人幾千年前已經用陰陽比喻緊依加嘅2進制（0，1），只係個名唔同

…..

就算陰陽表示2進制又點
叻過現化科學？
勸你睇少啲老高