相信師兄對自己投資都係有深思熟慮,單論港燈呢點我自己有少少睇法。
通常我地投資個股一般目的係為左跑贏大市,又或者師兄咁覺得某一啲類股可以有啲特別既配置作用,用港燈黎做”防守”既部份。
但要考慮一樣係,任何個股都有天然既劣勢就係有自己既idiosyncratic risk,呢樣風險既發生係無論你點熟悉間公司都係極難去預計,而後果可以係好嚴重。正如以前好多人眼中既5號仔都可以唔派息,煤氣可以因為唔派紅股而大跌….呢啲風險都可以用簡單分散投資消除。
如果要用到一個組合既”防守”部位,無論有幾熟悉間公司都好,”防守力”幾好都好,個股都唔係一個合適既選擇。
而且要考慮到係,呢個防守既部位同其他進攻部位既互動,股市大跌個時,港燈有冇降低波動或者減少帳面損失,令你可以長期持有你既組合既效果。呢點都係咁多人推薦債券既原因 (雖然2022係難得一遇既雙失)
最後一點既係,香港比較少呢啲例子,美國有好多公司既退休計劃都係員工買哂自己公司既股份,而最後間公司破產既例子。相信呢啲人當時都係好相信同熟悉自己間公司先咁做。唔係質疑師兄對公噸有幾熟悉同信心,而呢啲係有可能既盲點。