[認真 post] 到鹽湖城探摩門教

我唔知你話邊個
多人共用account
但冇人信你個教
成個 post 係得你信
你睇下自己幾有代表性

物以類聚，人以群分。
你個fd講嘢幾廢未同啲咩人共用account囉
單單呢到打幾句已經嘢已經有錯誤，呢個post有另一個教徒喺到㗎 咁都算得我信？你班人邏輯真一流

講嚟聽下，摩門教男女點樣唔公平呀？又點關equality 同 equity事？
有論點就講，無就躝啦，好地地要入嚟獻醜丟架

除咗呢句有冇第二句？幾個人加埋都諗唔到一個論點出嚟，膚淺到因為自己無禮貌衝入嚟講廢話，人哋畀返同等嘅尊重你就發脾氣，成熟啲啦

看看你對宗教的goal是什麼。如果只係追求心靈的寄託，而不認為有「真正的知識」（例如創世、解脫等意義）成分，你的確可以相信任何宗教、信仰。但如果你認為宗教有「真正的知識」的意義，則絕不可能用自創宗教。

咁喺無神論同懷疑論者眼中，所有宗教都係自創㗎啦…
西方宗教有摩西自創猶太教、耶穌自創基督教、君士坦丁大帝自創天主教、查士丁尼一世自創正教、穆罕默德自創伊斯蘭教、馬丁路德自創新教、亨利八世自創英國國教。
東方宗教有釋迦牟尼自創佛教、老子自創道教、印度教…錫克教…
請問你覺得邊個宗教唔係自創？

師兄係一個無神論同懷疑論者。

唔係，我摩門教徒 但自問有認真研究宗教所以決定相信摩門教。

我想如果要相信一個宗教，很難沒有真理的元素吧，因為宗教的心靈寄託，有部分正正來自它的世界觀和價值觀 eg. 得救、解脫、成仙 etc

我好奇一問，點解你會相信摩門經比聖經擁有更高權威？
單純因為創辦人自己從靈𥚃嘅感動？🤔

因為我哋唔相信摩門經比聖經擁有更高權威 呢個係主流基督教為貶低我哋所作出嚟嘅大話嚟，想其他基督徒唔鍾意我哋。
正如基督徒唔會視馬太福音比路加福音擁有更高權威，我哋都唔會視任何一本經文比另一本地位更高。另外用四福音書為例，約翰福音有好多其他三本對觀福音書無嘅嘢／更詳盡嘅記載。如果有牧師引用約翰福音內容去充實其他福音書內容，你會唔年話牧師？
喺我哋眼中其實好簡單，神聖經文係先知／使徒／其作者經由聖靈啟示所寫出嚟嘅作品。正如如果你係生活喺以賽亞年代嘅人，你聽到以賽亞寫嘅「新」經文時，你會唔會否定佢？或者係保羅年代收到哥林多書信時又會唔會否定保羅？如此類推。
其實傳統基督徒不嬲都接受神嘅經文，係主流化先變到拒絕。

其實傳統基督徒不嬲都接受神嘅新經文，係主流化先變到拒絕。

你哋視摩門經與神所默視嘅聖經為同等，
點解咁有自信肯定摩門經就係神新嘅經文？
點解咁自信肯定佢所寫嘅就係來自神嘅啟示呢？
唔係來自撒但？唔係佢自己諗出嚟？

點解新舊約聖經從不指向仲有新嘅經文？
不似耶穌一樣係從舊約內不同先知向所預言嘅？
概然會不斷更新經文與教義，咁耶穌點解唔直接同門徒講而係要透過呢個方式係18xx年講，咁之前個個時間就冇所嘅啟示？

我唔理解你問呢啲問題啲出發點係咩，用返猶太教嘅角色去睇基督教，將你嘅問題由聖經同摩門經改為舊約同新約，根本就完全一樣……
而新舊約聖經有冇預言新經文同耶穌作為救主來臨都係視乎你用咩角度去睇，正如猶太教人眼中舊約就無指向會有新約呢啲新嘅經文。
猶太教人眼中耶穌都唔係先知所預言嘅彌賽亞。
猶太教人眼中概然摩西律法會更新成新永約，咁耶和華點解唔直接同摩西講，要透過耶穌喺第一世紀講，咁之前個個時間就冇所謂嘅啟示……

唔係我唔想認真答你，但請你細心諗下你啲問題其實係好無謂。你要用新教徒眼光去睇摩門經，我都可以用猶太教眼光去睇新約。
加上一次過咁多先入為主嘅問題根本就討論唔到，單純係一種散彈式攻擊。你揀一條問題再集中討論，好過你將你牧師畀你嘅資料扔過嚟就算。

咁即係點？點解咁有自信摩門經係來自神嘅啟示？
點樣肯定？唔係來自魔鬼，唔係high大左？

之後我就順理而推，點解係18xx年？
唔係之前，咁中間個啲點呢？
點解冇一處聖經寫會有新嘅啟示？

我答問題，反而要都要怪問問題嘅我？都幾奇怪🤔
我太好奇啦，所以先諗到咁多問題，haha

你睇唔出啲問題嘅問題喺邊，我提議你將你嘅問題改成猶太教同基督教但你唔願意，仲要話我奇怪 ok，唔緊要，我慣。咁就試下答囉。

點解咁有自信摩門經係來自神嘅啟示？
因為我相信假如有一位神，而呢位神係對我生活中有用而又係對我有興趣嘅話，我祈禱問佢嘢佢一定有能力答覆我。我祈禱問過神，神答覆過我，所以相信。
雅各書:1:5 你們中間若有缺少智慧的，應當求那厚賜與眾人、也不斥責人的神，主就必賜給他。
雅各書:1:6 只要憑著信心求，一點不疑惑，因為那疑惑的人，就像海中的波浪，被風吹動翻騰。
雅各書:1:7 這樣的人，不要想從主那裡得甚麼。

點樣肯定？唔係來自魔鬼，唔係high大左？
宗教層面上就係祈禱後得到答覆，情況大概好似聖經中記載嘅呢段咁嘅感覺。
路加福音:24:32 他們彼此說：在路上，他和我們說話，給我們講解聖經的時候，我們的心豈不是火熱的嗎？
點肯定唔係來魔鬼？
首先問到呢到，我先假定你係基督徒。除非你相信魔鬼有能力攔截人向神做嘅祈禱，同埋可以扮神去答覆人祈禱。
另外，摩門經係說服人相信耶穌基督，幫助人建立人同神之間嘅關係，如果你覺得魔鬼會作本經文出嚟說服人相信耶穌嘅贖罪，說服人要向神祈禱，唔係話唔得啲……但就會衍生好多問題囉。
如果你係相信魔鬼做到咁嘅嘢嘅話，咁所有宗教都gg唔使再講。因為根據同樣邏輯，魔鬼都可以寫本聖經出嚟呃你。
點肯定佢唔係high大左？
因為首先根據醫學文獻，一個人high大咗唔會寫到啲邏輯吻合嘅嘢出嚟，你不仿搵本真係verified high大咗嘅人寫出嚟嘅內容再同摩門經對比一下。摩門經有好多相關嘅學術研究同證據，摩門經係一本好精密嘅書嚟，簡單啲講，你寧願相信本嘢係由魔鬼嚟都有返少少說服力。High大咗真係無可能。
https://youtu.be/-Ke4d7HXae0

點解係18xx年？唔係之前，咁中間個啲點呢？
遲啲又可以問點解唔早啲，早啲又可以問點解唔遲啲…大概因為第1～第3世紀基督教畀羅馬改變教義成為政治工具，中世紀無宗教自由，真係大概183x年美國成立後有個地方，神覺得呢個時間最好。

點解冇一處聖經寫會有新嘅啟示？
整本聖經都係新啲啟示，聖經本身就係一本加一本，所以問題唔成立。

如果你視個討論係對等嘅話，你又答下我嘅問題吖。
你哋視新約與神所默視嘅舊約為同等，
點解咁有自信肯定新約就係神新嘅經文？
點解咁自信肯定保羅所寫嘅就係來自神嘅啟示呢？
唔係來自撒但？唔係佢自己諗出嚟？

點解舊約聖經從不指向仲有新嘅經文？
不似彌賽亞一樣係從舊約內不同先知向所預言嘅？
概然會不斷更新經文與教義，咁耶和華點解唔直接同猶太人講而係要透過呢個耶穌方式係第一世紀講，咁之前個個時間就冇所嘅啟示？

咁照你所講，咁即係唔同人祈禱都有可能創造唔同新的經文?
即係A 信徒同 B 信徒祈禱領受佢哋相信為真的經文，
縱使有好多新的經文，所以都可以宣稱係來自神的啟示?
咁樣新經文係咪相對主義呢?我自己祈禱，我好相信呢段經文係真而來自神的領受。
縱使與現有經文相反，但係因為來自神新的啟示，所以冇問題，信我就得啦。
你唔信只係你唔屬靈，沒有真正領受聖靈的感動，你反去自己靜修下再講。

點解係18xx年？唔係之前，咁中間個啲點呢？
遲啲又可以問點解唔早啲，早啲又可以問點解唔遲啲…大概因為第1～第3世紀基督教畀羅馬改變教義成為政治工具，中世紀無宗教自由，真係大概183x年美國成立後有個地方，神覺得呢個時間最好。
我都明白講時間點係冇咩意思，正如耶穌點解要係那個時間來世人完成贖罪。
但我好奇，咁中間啲人點得救呢?
雖然我唔太認同中間呢段時間冇宗教自由，起碼係部份主教(如奥古斯丁)、宗教改革後係有的，不如話一直都有，唔係唔信的人都被神所擊殺。但就唔討論著啦

點解冇一處聖經寫會有新嘅啟示？
整本聖經都係新啲啟示，聖經本身就係一本加一本，所以問題唔成立。
本身你的睇法，新啟示等於新經文其實好奇怪，因為聖靈為何不能藉概有聖經不斷感動人對當今世代有新的解釋與應用。當然將聖經分開一本一本咁睇會有問題，我相信聖經係三一真神感動下唧著作，係整體一本，歷經二千年時間考驗，無數門徒、主教祈禱印證。問題在於不同的先知，例如以賽亞同彌迦先知都指向耶穌的來到，怎麼沒有預言指向呢，況且耶穌係十字架上己經完成救恩，怎麼仲有新的啟示去修改得救論。聖經又唔係百科全書。
點解咁有自信肯定新約就係神新嘅經文？
點解咁自信肯定保羅所寫嘅就係來自神嘅啟示呢？
唔係來自撒但？唔係佢自己諗出嚟？
因為使徒把關，使徒的傳人整理把關。聖經當中的保守帶領。
撒但不能敵擋神的旨意，但係點肯定你呢個感動係來自聖靈而唔係其他呢?

點解舊約聖經從不指向仲有新嘅經文？
不似彌賽亞一樣係從舊約內不同先知向所預言嘅？
概然會不斷更新經文與教義，咁耶和華點解唔直接同猶太人講而係要透過呢個耶穌方式係第一世紀講，咁之前個個時間就冇所嘅啟示？
一眾先知都有預言彌賽亞的來臨，卻是模糊的，不能見到真象。

有邊個教唔係自創

Q:咁樣新經文係咪相對主義呢?我自己祈禱，我好相信呢段經文係真而來自神的領受。
縱使與現有經文相反，但係因為來自神新的啟示，所以冇問題，信我就得啦。
A:我知道你想用摩門經同聖經有衝突去否定摩門經，但我自己研究過，唔見有衝突。喺呢個時候，你嘅主內弟兄就叫我loop多次聖經，loop到睇「啱」為止。另外乜你覺得猶太教會認同舊約同新約無衝突？
第二世紀嘅哲學家塞爾蘇斯對基督教有咁嘅評價：「基督教的信仰極端矛盾︰舊約的上帝通過摩西告誡他的信徒發財、統治，對敵人不分男女全殺，而耶穌卻宣稱，誰要是富了，權利慾強，誰要是要求智慧和聲譽，那就不能到父的身邊……究竟是誰在撒謊，摩西還是耶穌？還是那個父在送耶穌來的時候忘了和摩西說過的話？要麼是他改變了自己的主意並咒了自己立的律法，所以才讓一個使者送來完全相反的規定？」
去到最底層咁諗，新經文當然係你口中嘅相對主義，先假設你係摩西或更加早嘅聖經重要人物，世上無任何聖經經文，咁作為先知你寫完摩西五經出嚟，請問第一個歸信者／甚至你自己點知你寫嘅係神嘅話而唔係魔鬼／你自己high大咗？
對我嚟講，講到尾就係要有個人同神可以溝通嘅方法，從神得到答覆先係最原始同直接嘅方法。可以係祈禱，可以係面對面同神對話。

Q:但我好奇，咁中間啲人點得救呢?
雖然我唔太認同中間呢段時間冇宗教自由，起碼係部份主教(如奥古斯丁)、宗教改革後係有的，不如話一直都有，唔係唔信的人都被神所擊殺。但就唔討論著啦
A: 既然你都同意時間點唔重要，咁我講下我對你提出嘅主教為例同其他中世紀例子嘅睇法啦。你引用嘅主教係第5世紀，都相對係比較早期，但睇返去15～16世紀，科學家會因為科學發現被定為異端咁殺死。即係如果世界嘅人呢頭先殺完耶穌，即使啲使徒喺一個死後會再揀選下一位去補充呢個職位，啲人依然再喺第一世紀一個個殺死／驅逐晒啲使徒。第5世紀再召返呢啲接受新經文嘅人，當佢哋可以你相信嘅第5世紀咁無畀人殺死，係咪可以頂到16世紀呢？我唔認為可以囉。相對神喺19世紀喺美國要召，我唔覺得有問題。
而中間啲人點？我哋神學觀有一條好完整嘅救恩計劃，任何人無論咩時間同地方出世都會喺今世／來世有接受耶穌嘅機會。所以我都唔見有咩問題。

Q:本身你的睇法，新啟示等於新經文其實好奇怪…
A:其實一樣嘢奇唔奇怪係視乎既有文化而定，你接受現代主流基督教文化影響未會覺得其他人對聖經有別於你嘅解釋就係奇怪囉，乜你覺得猶太教眼中你哋接受新約係新經文就唔奇怪啦喎？新經文係嚟自新啟示，因為人接受呢啲新啟示所以立為新經文。整本新約都係咁寫出嚟。睇返歷史，已知嘅希臘文新約手稿總共有5,366本，其中只有35本載有我哋現時所知嘅整部聖經，而其中34本全都係第10世紀先編纂而成嘅。聖經從來都唔係一本書嚟。你可以有你自己相信三一神定義為一本，但教外人無必要相信你相信嘅嘢，睇返歷史證據都唔支持呢種講法。甚至用返你嘅問題，你點知你本聖經係三一真神賜嘅？唔畀係真神阿拉嘅敵人伊布力斯作出嚟呃你？或者係啲使徒失去佢哋嘅拉比耶穌，傷心過度作出嚟？
你眼中嘅聖經預言耶穌係彌賽亞嘅章節，喺猶太教同伊斯蘭教眼中都係錯解經文。新約聖經係基督徒自己加上去嘅經書，視為同聖經（舊約）同等就係不敬。
呢段最後，我問你「點解咁自信肯定保羅所寫嘅就係來自神嘅啟示呢？唔係來自撒但？唔係佢自己諗出嚟？」
你答「因為使徒把關，使徒的傳人整理把關。聖經當中的保守帶領。」
你知唔知咩係循環論證？保羅（使徒／使徒嘅傳人）寫本書出嚟，話係神嘅啟示，再由使徒／使徒嘅傳人（保羅）把關。自己證明自己。
如果我答你我知摩門經係嚟自神，係因為有先知把關、先知傳人把關、摩門經當中嘅保守帶領嘅話，我唔敢想象你會點鬧我異端邪教……

Q:撒但不能敵擋神的旨意，但係點肯定你呢個感動係來自聖靈而唔係其他呢?
A:好老實講，無能力，正如你都無能力肯定你本聖經係嚟自聖靈而唔係嚟自魔鬼。呢個論點係無咩意思。但如果你睇完呢幾段摩門經嘅內容都要堅持係魔鬼寫出嚟去說服人去相信基督，相信佢嘅贖罪嘅話。我無能為力。如果我用無神論／懷疑論者嘅角度睇你嘅信仰同聖經嘅話，都一樣毫無論證證明係嚟自三一真神。

公元前559～545年
尼腓二書25章
23我們辛勤地寫，勸我們的子女和弟兄相信基督並與神和諧；我們知道，在我們盡力而為後，才能藉著恩典得救。
24儘管我們相信基督，我們仍要遵守摩西律法，堅定地期待基督，直到該律法得成全。
25因為那律法就是為了這目的而賜予的，所以那律法對我們而言已成為死的，由於我們的信心，我們得以在基督裡活著；但我們因為誡命仍遵守那律法。
26我們談論基督，我們因基督而快樂，我們傳揚基督，我們預言基督，我們依照我們的預言記錄，好使我們的子孫知道去哪裡尋求罪的赦免

31章
19現在，我心愛的弟兄們，你們踏上這條窄而小的路後，我要問是否一切都做好了呢？看啊，我告訴你們，沒有，因為你們還沒有到這程度，除非你們已根據基督的話，以對祂不可動搖的信心，完全依賴那位有拯救大能者的功勞。
20因此，你們必須對基督堅定不移，懷著完全光明的希望，以及對神和對所有的人的愛心，努力前進。因此，如果你們努力前進，飽享基督的話，並持守到底，看啊，父這樣說：你們必得永生

阿爾瑪書7章
9但是看啊，靈這樣對我說：向這人民大聲疾呼說——你們要悔改，預備主的道，並行走在祂筆直的路上；因為看啊，天國近了，神的兒子就要來到地面上了。
10看啊，祂要在我們祖先的土地耶路撒冷，由馬利亞所生；她是個童貞女，是寶貴而精選的器皿，將蒙蔭庇，並因聖靈的力量而懷孕，生下一個兒子，是的，就是神的兒子。
11祂必到各處去，受盡各種痛苦、折磨、試探，以應驗祂要承擔人民痛苦、疾病的預言。
12祂要承受死亡，使祂能打開束縛祂人民的死亡枷鎖；祂也要承擔他們的軟弱，使祂的心腸能因肉身而滿懷慈悲，這樣祂才能因肉身，了解如何依照祂人民的軟弱來救助他們。
13靈通曉萬事；然而，神的兒子要因肉身而受苦，使祂能承擔人民的罪，使祂能依照祂的拯救大能，除去他們的罪惡；現在看啊，這就是我心中的見證

希拉曼書5章
12我兒，記住啊！記住！你們要在神的兒子基督，我們救贖主這塊磐石上建立根基，這樣，當魔鬼颳起他的強風，是的，在旋風中射出他的箭，是的，當他所有的冰雹和強烈風暴打在你們身上時，都沒有力量控制你們，將你們拉進那悲慘與無盡災禍的深淵中，因為你們建立於其上的磐石是穩固的根基，只要人建立在這根基上，就不會倒塌

摩羅乃書7章
41你們應當希望什麼呢？看啊，我告訴你們，你們應當希望靠著基督的贖罪和祂復活的大能復活，而得到永生，根據那應許，這希望要因你們對祂的信心而實現

最後，一眾先知都有預言係你嘅睇法，舊約聖經嚟自猶太教，佢哋唔係稱為舊約，而係叫聖經，係一本嘅聖經。你啲新約係新加嘅經文嚟。有時間search下美國猶太教評論員Ben Shapiro對基督教宣稱耶穌就係彌賽亞嘅睇法。睇聖經（舊約）嘅猶太教唔同意你嘅結論。即係原來除咗祈禱係相對主義之外，睇聖經都係相對主義嚟。

摩門教係唔掂含咖啡因嘅飲品

其實唔係，真係唔用嘅係煙、酒、茶、咖啡、毒品。但我哋唔係單純話唔用呢5種嘢就算，我哋會盡量過健康嘅生活，但有啲教徒就視咖啡因唔健康所以唔用。呢個係個人選擇嚟，唔係誡命嚟。
我自己都會飲可樂

我以前間學校話你地係邪教

咁你應該自問咩叫邪教，再對比下我哋係咪邪教。有人認為全世界所有宗教都係邪教，有人認為只要同自己唔同就係邪教。睇下你點定義囉。正常人對邪教嘅定義係會做啲傷害他人同強迫咁剝奪人自由嘅宗教，我就睇唔到摩門教有做呢啲嘢囉。

https://en.wikipedia.org/wiki/Mormon_cosmology
原來 wiki 都有 🤣🤣

用主流嘅嘅講法係異端，唔係邪教。
異端算係主流教派入面嘅另類信徒，正如以上嘅ching所講，佢哋對三位一體嘅神呢個睇法有異議，但係佢哋同主流教會嘅教議冇抵觸。

邪教就直頭係唔跟宗教教議，只係以利益為依歸，神嘅教導wfc.

利申：9up

我未睇晒wiki呢段，我估個大方向都吻合嘅，但你知wiki一定有啲細節錯，但用嚟get idea係一定無問題嘅。