[認真 post] 到鹽湖城探摩門教

佢地好似不停咁望住你笑，笑到你心寒

其實摩門教d 普通信徒都幾nice, 係個門派有d 非正統

Lm

咪先，冇話係邪教，咁耶穌復活呢啲“正統嘢” 都冇可能係歷史吧。我有興趣想知點解咁超現實嘅事你會信？
如果你問我，我認為係現代社會中，宗教作為權力架構嘅存在係絕對搵笨柒，我理解古代人類社會需要契約維繫，而宗教就係最易入口最易擴張，但有權力而冇制衡就只會催於腐化，呢樣相信係香港人都會理解。
咁你又點睇呢點？依你所講先知接近世襲，大徒弟接手，咁點保持個制度唔會玩爛？

利申：天主教出身。

巴打我諗你覆錯人 個個回覆唔係我嘅。
你講到超現實時我都想知你點定義一樣嘢為現實先？What is reality呢樣真係有排討論。
但既然我知你完全唔接受宗教，咁耶穌去美洲同耶穌去耶路撒冷喺你眼中應該都一樣咁超現實先啱，咁其實喺宗教上已經無咩可以討論。當然我有以色列人去美洲嘅間接理據啦，而呢啲資料係由一啲教徒同非教徒喺中東考古搵返啲嘅證據嚟。呢啲等傾完下面啲嘢再講。
但先假定你啱，耶穌唔存在／只係一個普通人，你要我去相信十二使徒會喺佢哋嘅老師死咗之後一齊作個佢復活嘅故仔出嚟去四圍傳教受苦…？仲要一個二個都甘願咁死喎，喺你眼中呢啲唔係超現實咩？當然你引用麻原彰晃，但佢哋同十二使徒真係可以比較？十二使徒去傳教完全無利益㗎喎，當然你都唔識約瑟斯密嘅人生，佢做先知創LDS都係無利益㗎喎。喺我眼中你呢種諗法更加超現實

不如你先諗下同講下做先知有咩好處先啦，做先知又有咩特權先？

摩門教徒同主流基督教咪一樣用同一方法傳教：
1.將世界二分到只有無神論同自己個教，信咗無壞
2.開始唔夠人講就要對方交代背景，好等自己可以重點攻擊
3.宣稱自己啲教士唔係為利益，所以可信

做先知可以名留青史已經夠吸引啦
你估個個以錢為先

係咁我又follow up一問，佢地點向教徒解釋教團被人揭發長期系統性利用non-profit組織依個身份逃避交稅，同時又做買地開商場等等嘅營利行為

睇到標題都估到你會出現

係，咁個江山係自己打番嚟，都公平既

創教無利益？絕對no offense ，貴教幾有錢大家都知。識個朋友就係貴教打理apac資產，咁投資有道唔係罪嘅。唔好講一個教咁大，搞間廟啲油水多到夠個住持住幾千萬豪宅，翁靜晶都踢爆過。
咁我都好相信唔係個個教主一開始就為搵錢去開檔，始終風險高投資大，之前睇過一套docu講創教人嘅特質，都係有好強演說能力，個人魅力，偏執，而呢啲特質加埋就開始起到個山頭，到政權注意，打壓，大部分字頭都當然收咗皮，但小部分生存嘅就what doesnt kill you makes you stronger ，科學教如是，貴教如是。而佢地都唔係全然僥倖，科學教玩傳銷式傳教，訴訟，宗教圖騰玩到頂尖。可能用佢地比喻有所冒犯，我都唔認為貴教去到佢地咁邪，旨在帶出經營手法同樣出色。
我個人認為神蹟就好似早期港產片咁點都需要武打元素，冇咗嘅話啲觀眾硬係覺得差啲嘢咁，又或者就好似村口賣藥咁，總要表演手插滾油先有人睇你賣燙傷膏。只不過社會進步，觀眾睇電影唔再只為特技，可以有文藝片愛情片，藥膏都唔需要下下玩自殘，畢竟被踢爆風險高，所以神蹟係現代越來越少。
而我質疑嘅位係，點解次次劇情開頭都係聖靈感召他說了算？我想聽下你所講嘅證人係咩一回事。

睇下之後有無機會遇到 😜

因為我喺鹽湖城無聽過呢個說法（雖然我都無問），所以唔係好清楚呢個係咪主流教義。不過如果係都幾有趣，同尼采既超人有d似？

我都聽過呢樣嘢，但以我所知，教會什一奉獻收入唔需要交稅／用non-profit嘅方式做係好合理。但所有投資賺到嘅收入係有交足稅。教會發言人有以下回應。
簡單啲講，我覺得教會投資去搵錢係完全無問題，聖經都係咁教。教會作為501(c)(3)（https://www.irs.gov/charities-non-profits/charitable-organizations/exemption-requirements-501c3-organizations）組織，信徒交嘅奉獻的確唔使交稅，但投資賺到嘅錢的確有交足稅。我睇唔到所謂嘅逃稅。

馬太福音:25:20 那領五千銀子的，又帶著那另外的五千來，說：主阿，你交給我五千銀子，請看，我又賺了五千。
馬太福音:25:21 主人說：好，你這又良善又忠心的僕人，你在不多的事上有忠心，我要把許多事派你管理，可以進來享受你主人的快樂。

The Tax Status of the Church: “The Church of Jesus Christ of Latter-day Saints pays all taxes that are required by law. Latter-day Saints believe in “obeying, honoring, and sustaining the law” (Articles of Faith 1:12). Worldwide, the Church and its affiliated entities pay applicable taxes and other governmental levies. In the United States, where churches and other nonprofit organizations are generally exempt from federal and state income tax, the Church pays taxes on any income it derives from revenue-producing activities that are regularly carried on and are not substantially related to its tax-exempt purposes. Church-affiliated entities that are organized as for-profit corporations pay regular federal and state corporate income taxes on their net income. The Church and its affiliated entities also pay property taxes on property that is not used for religious, educational or charitable purposes, including taxes on undeveloped land and properties held for investment or commercial purposes. Government fees, levies and assessments are paid in connection with the development of Church property. The Church also pays federal and state employer taxes and withholds and remits employee payroll taxes. Where applicable, the Church and its affiliated entities pay state and local sales and use taxes.”
source: https://www.mercurynews.com/2019/12/17/report-the-church-of-jesus-christ-of-latter-day-saints-is-sitting-on-100b/amp/

呢條片有解釋一部份資料
https://youtu.be/ZBC05qNh9GU

信假嘅嘢但開開心心咁過一世得唔得，我都成日諗呢個問題 🤷‍♂️

係

得罪講句，我第一次聽到既時候諗起東華三院選主席 😂😂

其實佢地係幾 nice 既，類似處於理想主義既年輕人。

避稅唔犯法嘅，咁堂口咁大換支光管都要錢吖

得，永遠揀咖哩味嘅屎，同民主一樣，冇絕對民主只有催於民主。
但開心慣咗有啲人就會有追求，想求真。

估成個SLC 都係呢個氛圍？

temple square 附近主要係女傳教士同老白男。
老白男都 nice 既，不過似呢種：

（呢張係會長+助手+十二門徒合照）

我覺得作為教外人用其他「搵錢」宗教係無可厚非嘅，但要理性去了解就應該要拋低固有概念，例如我指明講緊十二使徒創教動機同埋點樣明顯無利益可言，就應該集中返討論呢一個例子而唔係拉其他宗教一齊講。我絕對認同你話好多其他宗教創教係有利益，但真正睇返我哋教會嘅創教歷史，我真心唔覺係為財務利益囉。
下面條片有講到教會嘅財政歷史，算係簡單說明最少呢間教會創教絕對無財務利益。因為教會向來都係窮開，係最近呢20年左右先有錢。
https://youtu.be/qTiXsEb2XOI

證人大概係咁嘅，先用金頁片（摩門經最原始紀錄）嘅例子，有最少15個正式證人宣稱自己親眼見過同親手掂過啲金頁片，當中有3個宣稱見過約瑟講話嘅摩羅乃天使。呢15個正式證人當中有大概一半人因為同約瑟有分歧後來離開咗教會，約瑟死後LDS走晒去猶太州，3位證人之一做咗某市市長，從來無再加入返教會。咁喺無外來威脅，離開咗教會，約瑟死咗咁多年後，佢接受過好多次其他人嘅訪問，佢都無否認過佢嘅見證。我唔知你對證人要求有幾高啦，但我個人認為咁嘅證人有說服力囉。唔係話單據佢幾個證人就信晒，但一定有參考價值，同埋可以將呢間教會同你講嘅其他教會分別出嚟咁囉。
https://youtu.be/r4Omuo2S6S0

另外證物方面其他有摩爾門經呢本書，呢本成269,320字嘅書係需要一個解釋，好多人攻擊呢本書話係約瑟作出嚟，但首先攻擊嘅人完全無睇過本書啦，另外佢哋完全唔知整個「翻譯」過程其實係好多歷史證據去支持教會個講法。例如約瑟宣稱神經由一塊先見石將摩爾門經嘅譯文顯示畀佢睇，佢會讀出嚟畀另一個人抄落嚟。我哋有手稿證據支持佢最少係約瑟讀出嚟畀另一個人手抄。因為人一定會寫錯字，而啲手稿的確出現人聽寫時嘅錯誤同修改。即係如果你相信約瑟係凡人創教，就要相信埋一個無咩受過教育嘅佢，作完本書後，願意花多2個月時間將個頭埋喺頂帽入面用完美記憶去讀返畀佢嘅手抄員聽，去創造呢啲手抄錯誤紀錄嘅證據，但成世人到死都無提到呢啲嘢係支持佢嘅證據。
https://youtu.be/lMqv6_zRxNY

講咁多其實就係想講，教會歷史係一個好詳細同深入嘅題目，你完全唔相信宗教而懷疑當然非常合理，但深入研究下教會歷史嘅話，你都應該會搵到好多解釋唔到嘅位置。你想嘅可以一齊傾嘅，但你要預計會好漫長 因為如果你要相信摩爾門經係約瑟／其他人作出嚟，本身好多位唔合理。

都算主流，咁你初初認識教會，緊係由入門開始講。
其他基督教都唔會你一認識就同你解釋使徒信經、三位一體、一次得救永遠得救之類嘅嘢

無嘅，咁入個問題就會變成，咩係真
我個個回覆只係想帶出，個位巴打講到唔食煙飲酒就係生存意義咁，其實好sad