[認真 post] 到鹽湖城探摩門教

首先你要了解，喺宗教層面上，經文其實就係神透過先知/使徒講嘅教導，例如舊約聖經本身已經係摩西、撒母耳、以賽亞etc。新約有約翰、保羅等等。所以對我哋嚟講，只要我哋先知一致同公開嘅教導都可以視為等同經文。另外呢個都算係一個好大嘅題目，當中包括Defication of Man（人神化），但我先針對講我哋嘅神曾經係人個part啦，睇下你能唔能了解我哋嘅睇法。

第一任先知約瑟斯密：
「神自己曾一度像我們現在一樣，如今祂已是超升的人，坐在天上的寶座！這就是那偉大的奧祕。如果那層帷幕今天被拉開，那位使這世界在其軌道上運行，並藉著祂的權力舉起諸世界及萬物的偉大的神，將祂自己顯現給我們看——我是說，如果你們今天能看到祂，你們會看到祂的外形就像是一個人——像你們一樣在身體、容貌和外形上有著人的形像；因爲亞當就是按照神的模樣、形像和外貌而創造的，並從祂那裡接受指示，與祂同行，與祂交談，就像人彼此談話一般。……
「……一旦認識了神，就會知道怎麼接近祂，知道怎麼求問來得到答案。一旦了解神的品格，知道怎麼歸向祂，祂就會開始向我們開啓諸天，告訴我們關於諸天的事。只要我們準備好歸向祂，祂就會隨時臨到我們。

本教會第五任總會會長朗卓‧舒：
「人的現狀，神曾經歷；神的現狀，人可達到。」

好多不煙不酒 咖啡都唔飲
生存都唔知為乜
結婚唔係教友冇得去temple 觀禮

如果人生存嘅快樂準則係建基於可唔可以食煙飲酒飲咖啡，咁我就真係唔知生存係為乜啦
令你快樂嘅嘢就一定要令到我快樂？接受唔到每個人有唔同快樂準則？
退一步講吖，假設呢個世界真係無神，摩門教係錯嘅，咁我信假嘅嘢但開開心心咁過一世，錯喺邊？人生幾十年，我開開心心咁過，快快樂樂咁死咗，問題喺邊？
何況有冇諗過存在一定機率你唔一定啱？

好奇一問
耶穌又人
咁喺舊約又創造天地又十災又盛嘅神
我哋人真係可以「修煉」到好似佢咁把炮？

喺我哋神學觀，可以。因為人就係神嘅後裔。但當然，exactly點呼風喚雨我哋緊係唔知啦，我哋只係知神嘅目的係每所有配稱嘅人變到佢咁。情況就好似一個爸爸永遠想小朋友變得成功，。

啟示錄:3:21 得勝的，我要賜他在我寶座上與我同坐，就如我得了勝，在我父的寶座上與他同坐一般。

早期基督教嘅Church father Clement of Alexandria(150~215AD)：「神的道成了世人，使你可以從人學習到，人可以如何成為神。

背包冇人理

咁摩門教信唔信舊約嘅耶和華，新約嘅耶穌，同耶穌死咗之後出現嘅聖靈係同一個entity? (即係信唔信trinity?)

信的話，咁喺世界出現之前嘅耶和華都係人修煉出嚟？

純粹好奇, sorry if I sound offending

有好多都會飲汽水, esp Mountain Dew

啲信徒係咪全有錢人

LDS相信舊約嘅耶和華就係新約嘅耶穌嚟。

以賽亞書:44:6 耶和華以色列的君，以色列的救贖主萬軍之耶和華如此說：我是首先的，我是末後的，除我以外，再沒有真神。

啟示錄:2:8 你要寫信給士每拿教會的使者說：那首先的，末後的，死過又活的說：

出埃及記:3:14 神對摩西說：我是自有永有的；又說：你要對以色列人這樣說：那自有的打發我到你們這裡來。
And God said unto Moses, I Am That I Am: and he said, Thus shalt thou say unto the children of Israel, I Am hath sent me unto you.

約翰福音:8:58 耶穌說：我實實在在的告訴你們，還沒有亞伯拉罕，就有了我。
Jesus said unto them, Verily, verily, I say unto you, Before Abraham was, I am

呢到我特別引用英文，因為中文翻譯其實帶唔到個意思出嚟。簡單啲嚟講，希伯來文嘅第一人稱（I AM）其實就係耶和華嘅稱呼，而耶穌喺呢到用I AM所以就畀人想用石頭打死，因為佢自稱耶和華。

你可能會問，耶和華唔係聖父咩？我哋唔相信係，因為呢到
路加福音:10:22 一切所有的，都是我父交付我的，除了父，沒有人知道子是誰，除了子和子所願意指示的，沒有人知道父是誰。
如果耶和華係天父，以色列人點可能唔認識佢？我哋相信天父係喺耶穌（耶和華）作為中保後，喺贖罪前（令人同神和好）教導返天父係邊個，天父係耶穌嘅神，亦都係我哋唯一崇拜嘅對像。
約翰福音:20:17 耶穌說：不要摸我，因我還沒有升上去見我的父，你往我弟兄那裡去，告訴他們說：我要升上去，見我的父，也是你們的父，見我的神，也是你們的神。

而我哋係唔信Trinity，聖父、聖子、聖靈係三位三體嘅三個個別人物。你可以咁理解，被稱為神嘅人物可以有好多，當中包括未出世，前生嘅耶穌（耶和華），但被稱為神嘅人物唔一定係天父。

希望解答到你，歡迎隨便問多啲

唔係，只係因為窮嘅教徒你唔會識，教徒都唔會四圍唱自己係教徒。
但平均上教徒嘅教育水平係比社會平均值高，單純係我哋相信神要求我哋盡可能接受教育，咁教育水平比較高嘅情況下就自己會搵得比較多。
但你話超級有錢？真係唔多囉。

點解死後結多次？

有朋友去過SLC 出差，佢話啲人好nice ，好肯主動幫人。

因為LDS眼中嘅婚姻分兩種，一種係塵世婚姻，一種係永恆婚姻。塵世好簡單就係一般人會結嘅婚姻，用現代嘅講法就係至死分離。

我○○○接受你○○○作為我合法的已婚妻子(丈夫)。擁有並持有，從這天開始，是好、是壞，是健康、是疾病，直到死亡將我們分開。

而永恆婚姻就唔會因為死亡而分開，但呢種婚姻要要由持有天國鑰匙嘅人去結分先算數。

馬太福音:16:19 我要把天國的鑰匙給你，凡你在地上所捆綁的，在天上也要捆綁，凡你在地上所釋放的，在天上也要釋放。

一般話幫先人喺聖殿洗禮／結婚係為咗啲唔認識福音嘅人做呢啲宗教儀式，因為人死後冇咗身體，所以就由有身體嘅活人名義上代替佢哋執行呢啲宗教儀式。
但執行完唔代表死者一定要接受，例如喺聖殿做嘅洗禮係唔會連落教徒人數到。

有冇研究開猶太教？佢哋係唔係真係連耶穌都唔認為係聖子？

但奇在以色列與美國之間兩地國教教義其實有衝突但又可以互相合作，喺摩門教上面有冇辦法解釋到？

我只可以講以我理解係點，以我理解，猶太教視耶穌為一個拉比，但教錯誤嘅教義，更加唔係咩聖子，所以教義上有好多分別。
教義衝突其實唔會影響可唔可以互相合作，我自己覺得現代情況下，國同國之間嘅合作唔會再用宗教為基礎，美國同以色列合作單純係利益啫。
我自己都有天主教、基督教、佛教、伊斯蘭etc咩宗教嘅朋友都有，宗教教義從來都唔會影響現代嘅人同人／國同國之間嘅交往。

所以天父in a sense 係比耶和華/耶穌高？
天父係創造世界嘅，而耶和華/耶穌就本身係人，之後就去到神級咁解？

係，頭先引用嘅聖經都睇到，耶穌講到明天父係佢嘅神。另外有嘢係天父知但耶穌唔知。

馬太福音:24:36 但那日子，那時辰，沒有人知道，連天上的使者也不知道，子也不知道，惟獨父知道。

喺我哋創世觀到，天父指示耶和華（耶穌）喺前生未出世嘅情況下去創造呢個世界同無數嘅世界。

或者我要再講多啲我哋嘅世界觀，你會比較再易啲明白。我哋相信人喺地球出世前已經以靈魂嘅方式存在，同輪迴係唔同概念。前生所有人都係嚟自天國，喺天國到有父神，佢係一個擁有一切知識同能力，擁有骨肉物質身體嘅榮耀人。有子神，一個同父神好接近嘅近神人物，子神任務係為人贖罪。有聖靈，佢嘅任務係感動同影響世界嘅人做正義嘅事。
我諗你睇得出神主要分為兩類，一種有物質嘅身體，一種無。基本上有物質身體嘅神就係經歷過塵世嘅人，無身體嘅即使佢可能擁有非常大嘅知識同能力，佢都係未經歷過塵世嘅。
但因為神呢隻字意思可以係創造者，所以即使耶穌未經歷塵世，我哋都可以用神呢隻字去稱呼佢。但如果你要講我哋崇拜唯一嘅神，個個一定係父神。
另外，世界上唔係只得呢3位人物可以稱為神，例如我有一個爸爸，你都有個爸爸。但你個爸爸唔會係我個爸爸。神都大概係咁嘅概念，父神係我哋嘅神，但除咗佢之外有無數嘅神。
所以有人會話摩門教係多神者，但分別係古代嘅多神者佢哋係相信存在多神同崇拜多神。我哋係相信存在多神，但只崇拜一神。同埋呢到講緊啲多神全部都係屬於同一物種，係人類呢個物種嚟。

咁樣有冇清楚多少少？

咁好慘喎，死咗仲唔放過佢

你指結婚慘定洗禮慘？
咁用返其他宗教信仰，唔通佛教道教個種你請個法師嚟超度做法事，又會死咗都唔放過人咁好慘啦喎
咁成個基礎就係呢啲儀式係必須同有好處，總好過某啲主流教派話BB無洗禮所以要落地獄好掛？
重點係假設係真嘅，啲儀式做咗唔係強迫死者一定要接受。唔明點解會好慘

咁好似好matrix
但同十戒第一條「除了我以外，你不可以有別的神。」並無抵觸
即係由頒佈十戒果陣，已經話比世人聽其實係多神時空，但神頒佈你只准跟隨佢？

Matrix我只睇第一套，後面已經無追
其實係㗎，所以啲人攻擊摩門教多神者係因為佢哋分唔清楚我哋相信緊啲咩，最少我自己睇聖經，所有咩除了我以外不可有別神係refer緊十誡第一條，which你都睇到係無抵觸。另外耶穌（耶和華）個位給予你十誡嘅神介紹佢嘅神（天父）畀你認識再叫你崇拜佢，乜唔係神話乜就乜嘅咩？咁照跟囉，點解我聽耶和華說話就畀你班主流信徒攻擊？
另外其實聖經講係一神時空定多神時空呢到真係有排討論，最少聖父、聖子、聖靈已經有三個，已經係多神啦 喺我眼中，主流因為唔明，所以又要創個三位一體出嚟說服自己。

當然我都講緊我對聖經睇法啫，佢哋唔同意未唔同意囉。佢哋話我曲解聖經，我都可以話返佢轉頭，沒完沒了 但有樣嘢我100%肯定嘅就係，最少我自己覺得我哋宗教絕對包容過同合理過個啲主流好多

既然生存是要體會經歷，以昇華到神嘅層次，而人人都向住呢個方向行，只經歷快樂足夠嗎？
就好似上大學咁，唔係話一定mandatory 要食下屎先畢業，但起碼放食屎入selective course 吧？

我個個係為咗回應啲人「人生就應該向住享樂」嘅人講嘅啫。當然而家睇返，都似你係回應緊佢
不過講下我哋教會係相信人要經歷一切先可以進步，如果你有時間不仿睇下我哋呢幾段教會嘅經文。

教義和聖約第121篇同122篇（節錄）
121篇
7 我的孩子，願你的靈魂平安；你的逆境和你的苦難不過是片刻；
8然後，如果你好好持守，神必提升你到高處；你必勝過你所有的仇敵
122篇
5如果你被召喚去經歷苦難；如果你遭遇假弟兄的危險；如果你遭遇盜賊的危險；如果你遭遇陸上或海上的危險；
6如果你被控以各樣虛假的控訴；如果你的敵人攻擊你；如果他們將你和你的父母兄弟姊妹拆散；如果你的敵人用拔出的劍，將你從你妻子兒女的懷中拆散，而你只有六歲大的長子拉著你的衣服，並說，我的父親，我的父親，為什麼你不能和我們在一起？我的父親啊，這些人要對你怎麼樣？然後如果他從你那裡被人用劍推開，而你被拖到監獄去，你的敵人像要喝羔羊血的豺狼那樣在你周圍徘徊；
7如果你被丟到坑裡或兇手的手中，並被判死刑；如果你被丟進深淵裡；如果洶湧的波濤想要謀害你；如果狂風與你為敵；如果諸天聚起黑暗，一切元素都聯合起來阻擋去路；尤其是，如果地獄的口也向你張大嘴巴要吞沒你，我的兒啊，你要知道，這一切事情都將給你經驗，對你有益處。
8人子曾降下低於這一切，你比祂還偉大嗎？

尼腓二書28章
30 因為看啊，主神這樣說：我必給人類兒女律上加律，令上加令，這裡一點，那裡一點；……

摩門教嘅整個核心就係希望、渴望同埋永恆嘅進步。
Do the best you can until you know better. Then when you know better, do better.

嘩，咁真係同主流基督教好唔同
即係父神喺最頂
其他神s 喺父神下面
你哋就信自己都可以做咁多個神嘅其中一份子
我咁樣有冇理解錯？

如果係咁的話，點解喺咁多個神入面，你哋會特別信耶和華/耶穌呢個stream 嘅神？