着咗支膽幾個鐘之後聽,感覺唔啱我。唔知係唔係因為未煲夠所以差d
聲幾焗,冇乜空氣感,動態唔強,整體比較區緊
bass 個方面加強咗"oof"個下,但係唔夠sub bass 所以唔夠潛
高頻幾得意,偏暗、唔夠空氣感,亦唔突出細節,唔會點修飾但係會覺得有種優雅
我都係鐘意code I61, I65呢種大開大合又有細節,偏明亮嘅聲多d
正當我係度困惑嘅時候,忽然記得唔知邊度聽返黎話聽人聲就要用貓那,又聯想起《無間道》,
即刻要拎返d珍藏蔡琴出黎,一聽到「是誰」就知道冇死錯人,豁然開朗
當然成張《民歌蔡琴》就唔可以淨聽《被遺忘的時光》,要多幾首
發覺成個氣氛做得幾舒服,個bass 厚厚地有彈性,出奇地唔太覺焗聲
人聲都係冇我印象中嘅HD600咁厚暖,不過幾舒服
似乎呢支膽要夾下歌聽
多謝蔡琴救咗支膽
但係又咁講,就算我唔用呢支膽,可能dac1101 + HD600一樣都好聽
所以呢支膽對我黎講似乎暫時都係唔太值