等雪停嘅一個星期我地分別去左番紅花城(Safranbolu)﹐首都安卡拉(Ankara)﹐同埋最期待卡帕多奇亞(Cappadocia)。今次唔講咁多﹐大家睇相
上網見到好靚﹐好多鄂圖曼時期嘅屋。但去到因為落雪關係﹐減左分。
無境睇﹐咁睇女囉。佢地話要同我地合照架咋。
佢係其中一間舖嘅鐵匠老板。佢好熱情咁招呼我地又請我地飲茶﹐熱情到我地驚佢最後係想sell 我地呃我地。不過佢最後都無﹐只係叫我朋友幫手搬左佢個櫃。但都好肯定佢係真心熱情好客。對於香港人來講係咪總會有呢D叫防人之心定小人之心呢。
民宿嘅老板同老板娘﹐好親切。間屋都好靚好Warn。老板係退役嘅空軍機師﹐同我地show佢當年都有跟團去中國見領導人時嘅相。
之後去到首都Ankara﹐其實可以話無咩特色無咩玩無咩睇嘅首都。
國父紀念館
當我地係地鐵搵緊點坐嘅時候﹐佢好主動幫我地。之後就吹起水上嚟﹐就帶我地去食kebab快餐店﹐飲土耳其傳統咖啡(好難飲)。我地談旅遊、談國家、談宗教、談未來等等。雖然一個沒趣嘅城市﹐但有一個與當地人趣味談話嘅晚上。
最後就係Cappadocia。
呢碌係…..
去到當然要坐熱氣球啦﹐冬天唔係日日都可以升﹐要視乎天氣而定
當你習慣每日都對住一堆白色雪﹐升到上天都係一片白茫茫﹐原來你唔會有太興奮嘅心情。唯有安慰自己係另類體驗啦。我心裡面成日有一句自己覺得自己好型嘅說話:或者每個地方都要有少少遺憾﹐先可以俾個藉口自己再去。