(多圖多字有抒情)我驚我有一日會唔記哂

推

係伊朗我地習慣哂呃飲呃食呃住嘅生活﹐嚟到杜拜當然唔會期望有呢種生活啦。因為越發達嘅城市﹐人就越冷漠﹐就好似香港咁。


呢一張相係標志左我地成個單車之旅係杜拜接近尾聲。呢一段路係最後一程由酒店踩去單車鋪搵單車盒pack車準備上飛機。


係我地拆緊單車同行李準備Pack箱時﹐有個鬼佬係鋪裡面見到我地咁多大件細件野﹐就問我地搞咩？我地就講佢知我地係由土耳其踩到嚟杜拜﹐佢覺得成件事好Amazing﹐話我地不如坐低飲下咖啡傾下計。我地見都仲有段時間先上機﹐就答應左喇。



佢之後就車左我地去左一間倉庫﹐原來係一間主要做咖啡豆源料批發順便做埋Café Shop嘅鋪頭﹐所以都係幾隱閉下。

係呢到介紹下個鬼佬先。佢叫Phil﹐係一個荷蘭人﹐定居係杜拜。喂﹐唔洗問都估到啦！無錯！佢係係Emirates 做機師嘅…….

我地傾嘅話題主要都係圍繞住踩單車﹐因為佢都好鐘意踩單車﹐我地都有分享下旅程嘅趣事。另外我地都係佢口中了解左多少少阿聯酋。

傾到興起時﹐佢就問我地食左lunch未﹐不如去佢屋企佢煮野我地食。就係咁﹐我係連係杜拜都可以呃飲呃食….


Emirates到底幾有錢？人工高﹐有車接送返放工唔洗講啦。就係佢係有一塊地起左一堆獨立屋俾佢地機師住﹐而Phil一個人係住一間獨立屋架﹐兩層有花園有車房嗰隻…..佢只係個廚房都有成200尺

我講笑話早知努力啲讀書做機師啦…佢回我一句其實唔太難…可以去試下考…


食飯途中佢女朋友都嚟埋﹐係Emirates嘅空姐﹐都係荷蘭人。Phil見我地係亞洲人﹐仲特登煮左米飯我地食。我地問左一條問題﹐就係阿聯酋係穆斯林國家有無豬肉食架呢？佢馬上就係雪櫃攞左舊出嚟煮埋俾我地食。


仲有埋甜品添。食到七七八八﹐又打擾左Phil咁耐﹐我地都係時候起行去機場了。

為期三個多月嘅單車之旅就正式完結左﹐多謝大家收看。
再會。
































只係單車之旅完結咋﹐唔係我地旅程呀！難得嚟到中東咁遠﹐更係去多啲地方玩啦！我地係機場唔係返香港呀！其實我地係放左架單車係單車鋪﹐去左另外兩個國家玩﹐呢到就係後記嘅開始！



以色列



約旦

推

一口氣睇晒 正!

誠意表現 推！

誠意表現 推！

推 樓豬快出post

一次睇哂前面既post
好正呀

我地由杜拜坐飛機到約旦﹐我印象中係好平﹐大約只係需要千幾蚊來回﹐仲要係坐Emirates。由於已經係普通backpack旅行關係﹐都係貼下景氣相為主。趣事就一定無踩單車咁多架喇。


一落機第一件事我地就係直接坐車到約旦以色列關口﹐因為我地計畫先到耶路撒冷再到約旦南面玩返上安曼就坐飛機返杜拜再返香港。

容許我係呢到扮下國際關係學者﹐如果有錯歡迎指正。約旦同以色列呢其實就大家都唔太妥大家嘅﹐大概係6日戰爭嘅事啦。但係旅遊賺錢呢個方向就好鬼一致。大家都知道以色列呢個國家係幾咁敏感﹐如果你Passport 上有佢地嘅印﹐你以後有好多伊斯蘭教國家都未必俾你入境﹐例如伊朗同馬來西亞。以色列都知自己衰﹐係可以要求唔打印。雖然約旦都係伊斯蘭教國家﹐但佢地陸路關口係可以互通。除此之外﹐如果你由約旦陸路出境﹐如果有約旦出境印的話﹐其實一樣可以推斷到你係去過以色列。所以無論約旦陸路入境以色列定係以色列陸路入境約旦﹐所有約旦關口都唔會有打印。咁就可以做到無痕出入境以色列。錢係何其重要﹐最緊要齊齊搵。

好！講完國際關係就講返我地點過關。雖然講過你去過以色列就去唔到伊朗﹐但調返轉又未必唔得啵。我地去到關口後先發現當日係假期前夕﹐原來只係開半日﹐多人都痴線而且係好無秩序﹐唔係排隊只係鬥向前迫。迫左成個鐘到﹐轉個鏡頭就去到戲肉部分﹐去到櫃時我地同佢講No Stamp﹐佢問點解唔落得印﹐我地就吹水話遲啲要去馬來西亞工幹咁啦。當佢翻緊我地本Passport時﹐見到有伊朗Visa﹐神色即刻凝重起嚟！我地心裡面都知道麻煩架喇….佢再開口問我地係伊朗幾耐？我地答佢兩個月﹐佢眼都凸埋出嚟﹐之後就叫我地坐埋一邊等......

坐左個幾鐘後﹐就有個女關員同我地傾計﹐問我地去伊朗搞咩去左咩地方咁。我地就答我地去踩單車﹐依家架單車放左係杜拜。最有趣係佢問我地點解唔踩以色列﹐我地好Welcome架。我地心諗如果架單車係到的話﹐隨時被你地拆散哂嚟驗都有份啦！(以色列入境出名嚴)。其實佢全程都真係Nice同似傾計﹐絕對唔係審犯咁。

傾完後又等多陣﹐我地終於都可以過關﹐我地足足用左大半日嚟過關。離開關口坐車時﹐我地已經係最後一班車去耶路撒冷。



去到耶路撒冷時﹐發覺咁啱撞正猶太教嘅逾越節。係所有商舖包括餐廳、超級市場、甚至電車都唔會開、連找換店都無。要食野的話就要去舊城旅遊區先有。


各位觀眾﹐三大宗教(基督教、猶太教、伊斯蘭教)聖城 — 耶路撒冷。左為金頂清真寺﹐相傳當年穆罕默德踏石飛天見真主嘅地方。右為哭牆﹐猶太教嘅聖地﹐猶太人都會對住佢祈禱。



貼多一兩張哭牆相。

Live

呢個Post 將會係瘋狂多圖少字。雖然我係無任何宗教信仰﹐但我都被耶路撒冷呢個地方深深吸引住﹐呢到每一舊石都好似有佢嘅故事﹐背後有佢嘅典故咁。



雖然無宗教信仰﹐但我地都特登去左行苦路14站。


第一站: 審判耶穌



第二站: 係呢到開始背起十字架



第三站: 耶穌第一次跌倒



第四站: 聖母瑪麗亞遇見耶穌



笫五站:外地人Simon被迫幫耶穌揹十字架。話說耶穌用手係呢個位置撐左一下牆休息, 就留低左個印﹐教徒都會去摸下。



第六站: 一個叫Veronica嘅女人為耶穌抺汗同血，條手巾就印左耶穌嘅聖容。


第七站: 耶穌第二次跌倒


第八站: 耶穌勸慰耶穌婦女唔好喊。


第九站: 耶穌第三次跌倒。呢到有個十字架被人體驗當年耶穌係點揹十字架。




第十站至十四都係係聖墓教堂(Holy Sepulchre)發生﹐包括耶穌被剝衫、釘十字架、死係十字架、屍體係十字架取下、最後埋葬。


之前提過我地撞正猶太教嘅逾越節﹐所以聖墓教堂嗰日係多人到痴左線﹐而且裡面有宗教儀式搞緊。


耶穌死係十字架上


屍體係十字架取下﹐放係「塗膏禮之石 」(Stone of unction)上。


耶穌埋葬之地。

信徒都會去上面三個地方摸佢地、親吻佢地、係佢地面前懺悔、甚至係喊。加上當日逾越節﹐呢三個位最少都要等半個鐘以上先迫到入去。我當日就攞住一個阿美利亞嘅十字架﹐去哂呢三個地方用個十字架摸哂佢地。返到香港後送左俾一個基督教舊同事﹐都算係物輕情義重喇。

我迫緊入去時身旁有個女人問我係咩教﹐東正教？基督教？阿美利亞？ 我答我咩教都唔係﹐佢就同我講你總有一日都會信架﹐我答返佢: May be one day.



到底有幾多人？多人過行花市呀！



一個幾靚嘅以色列女兵﹐我偷影左佢。

正 又有更新 繼續推

高汁, 一次過睇曬

好睇!

文呢

文呀

文呀

.工作真係好忙呀呀

求你等下我丫...

嚟到以色列之後﹐根本上所有景點都關耶穌事架喇。行完苦路之後﹐另一日我地就出發去另一個國家﹐巴勒斯坦伯利恆 — 耶穌出生之地。政治政確上的確係另一個國家。



由耶路撒冷坐車到巴勒斯坦伯利恆關口其實好近﹐去到大家可能會以為守衛好森嚴﹐成日都聽到巴勒斯坦向耶路撒冷射火箭炮咁。但其實危險嗰邊只係加沙地區。伯利恆呢邊係風平浪靜。雖然個關口睇落似重門深鎖﹐但其實軍人一個都無。過關都只係打開你本Passport睇一睇就可以入去﹐完全唔會係你Passport 打任何印﹐好似入地鐵閘咁。

上相兩張係關口影嘅相(溫馨提示: 關口係唔影得相嘅)


入景後行左無耐就可以遠眺其中一個”景點” — 以巴圍牆。(一面用嚟隔離巴勒斯坦人﹐限制佢地出入自由嘅高牆。其實叫做景點有點過份﹐你只係當景點睇﹐但另一方面就有人因為呢面牆受苦。)





我地決定行去伯利恆﹐其實係有啲遠﹐要行打大約半個鐘。沿途嘅圍牆上都貼左好多巴勒斯坦人數臭以色列人短文。






除左數臭以色列人短文外﹐仲有好多Street Art 塗鴉睇。



終於行到聖誕教堂(Church of the Nativity)﹐耶穌出生個馬糟嘅地方。外觀上其實只係一間舊教堂。


唔洗問啦﹐又係多人到痴左線。排左一個鐘有多﹐終於見到馬糟個門口喇。


迫到入門口﹐你以為就得？原來入到去仲要再迫。迫到去個小洞口﹐你可以捐入去親吻佢”出世時個馬糟嗰個位舊石”(我究竟講緊咩？啲人真係知佢地親吻緊啲咩？)



另一景點係聖誕教堂附近 — 乳洞教堂。相傳話聖母走難時滴左滴奶係個石洞到﹐個石洞啲石就變左乳白色。唔好問我點解走難會滴奶。





回程除中咁啱撞到大型遊行﹐估計應該係關復活節事。對比起伊朗﹐佢地嘅遊行好似激進好多﹐不繼有人大叫狂呼。


最後一張又係女相﹐巴勒斯坦可愛小女孩。

我係到提大家一次﹐無論你點man都好﹐踩單車一定要用防曬。你睇下我隻手幾出事就知﹐曬到有漸變色。




其實阿巴斯港本身就無咩特別景點。因為近海嘅關係﹐佢地海產都特別豐富﹐最值得睇嘅就係個漁市場。但有別於日本嘅漁市場﹐佢地只係純賣魚﹐側邊係無食海鮮嘅餐廳。應該話我地係成個阿巴斯港都未見過一間海鮮餐廳﹐所以同女一樣﹐都只係有得睇無得食。


雖然話阿巴斯港無咩景點﹐但由於伊朗大部份都係內陸地區﹐所以新年時都好多人開車嚟呢到睇下個波斯灣。由於日頭太熱嘅關係﹐唔會太多人外出﹐但一到夜晚就會一堆堆伊朗人沿住海邊坐哂係到野餐、吹下水、嬉戲。


最令人震經嘅事出現喇！就係我地竟然係一間士多見到印尼撈麵呀！唔止﹐仲有M&M﹐Rejoyce等等！如果早D見到就唔洗食佢D濕鳩即食湯麵啦！因為伊朗被鎖國得好厲害﹐生活上一般都係用返本土貨品。可能阿巴斯港近杜拜關係﹐就容易D有水貨。係嚟阿巴斯港之前﹐ 我地係未見過有入口貨架。

第一張圖甚有吞拿魚刺身嘅感覺

我係到提大家一次﹐無論你點man都好﹐踩單車一定要用防曬。你睇下我隻手幾出事就知﹐曬到有漸變色。




其實阿巴斯港本身就無咩特別景點。因為近海嘅關係﹐佢地海產都特別豐富﹐最值得睇嘅就係個漁市場。但有別於日本嘅漁市場﹐佢地只係純賣魚﹐側邊係無食海鮮嘅餐廳。應該話我地係成個阿巴斯港都未見過一間海鮮餐廳﹐所以同女一樣﹐都只係有得睇無得食。


雖然話阿巴斯港無咩景點﹐但由於伊朗大部份都係內陸地區﹐所以新年時都好多人開車嚟呢到睇下個波斯灣。由於日頭太熱嘅關係﹐唔會太多人外出﹐但一到夜晚就會一堆堆伊朗人沿住海邊坐哂係到野餐、吹下水、嬉戲。


最令人震經嘅事出現喇！就係我地竟然係一間士多見到印尼撈麵呀！唔止﹐仲有M&M﹐Rejoyce等等！如果早D見到就唔洗食佢D濕鳩即食湯麵啦！因為伊朗被鎖國得好厲害﹐生活上一般都係用返本土貨品。可能阿巴斯港近杜拜關係﹐就容易D有水貨。係嚟阿巴斯港之前﹐ 我地係未見過有入口貨架。

第一張圖甚有吞拿魚刺身嘅感覺

唔講唔覺 你真識食

推呀

番工忙大曬呀？