久違了嘅update。真係唔好意思要大家等﹐最近真係太忙喇﹐希望仲有人睇緊啦。
到達伊朗南部後﹐路旁終於有返D綠色景色﹐但換嚟就係每日40度高溫天氣。
休息左一晚之後﹐胸口肌肉Disorder嘅問題都好似好返好多﹐但我都係唔太敢踩得太快﹐而且踩嘅時候每一下都盡量深呼吸。
上回提到係新年期間伊朗政府安排左好多救護站係公路旁﹐救護站亦成為我地呃飲呃食目標之一。當日踩到接近中午一點時﹐路邊都仲未搵到餐廳﹐當時路邊救護站嘅救護員向我地招手﹐叫我地入去休息下。我地坐底休息時就問有無野食呀(好唔客氣)﹐佢地話無﹐只有水飲咋。可能當時我地表露左一個極度失望嘅表情﹐因為我地真係好餓。過左10分鐘後﹐就有人攞左兩盒雞脾飯嚟!係雞脾飯呀!原來佢地特登開車去買飯請我地食!
Yeah!又呃一餐。都係嗰句﹐伊朗人真係好到誇張﹐呢D事斷估唔會發生係歐洲先啦。
雖然我地鍾意呃飲呃食呃住﹐但凡事都有例外架。
話說我地當日踩到去一個係山腳叫達拉卜(Daráb)嘅小城時﹐入到城打算搵酒店休息﹐見旁邊一架私家車跟住我地﹐之後仲停低問我地想唔想去佢屋企坐下。唔洗諗啦﹐又去啦更係。佢一個係德黑蘭工作嘅記者﹐所以英文都特別好。我地係佢花園坐底左食下曲奇、食下生果同吹下水咁﹐又佢個仔玩下。雖然佢個仔成個C朗咁靚仔﹐但其實佢係鍾意美斯多D架。
最後佢邀請我地係佢屋企食晚飯同瞓﹐今次我地一致地拒絕左﹐出奇地有違我地一貫嘅作風。原因如下:
1. 當我地吹緊水時﹐佢好突然好Odd咁轉話題問我地鍾唔鍾意睇咸片。心諗都算啦﹐係男人之間誇國嘅文化交流姐。
2. 又好突然好Odd咁問港女鍾唔鍾意大碌鳩架呢﹐佢話有調查話伊朗女人好鍾意架﹐就例如我咁﹐我老婆好鍾意我條大碌鳩架!(明示自己好大碌咁話)
3. 本身講緊我地有兩日無沖涼﹐佢又扯去話伊朗以前有好多公共浴場﹐D基佬好鍾意係嗰到搵食同互含架!
你叫我地可以點回應佢丫!佢仲要係係個仔面前同我地講(個仔唔太識英文)。我地直覺上覺得好有古怪﹐為左避免係伊朗發生台灣式桃色新聞﹐我地決定拒絕留低。佢都用左好一段時間說服我地留低﹐原因包括無酒店呀、酒店好貴、酒店好遠、酒店無房等等﹐但見我地咁堅決佢都只有失望地目送我地離開。