［校園鬼故 X 陳生回歸 X 角色崩壞］無能子鋒與無能鬼

推

（三十六）曙光

「我……我唔講得！」我十分了解天命叔，他不會讓我解開封印的。

「你唔係唔講得，你係唔做得！」天命叔嚴厲的看著我，看來他真的已經猜到我想怎樣做。

「你……你知道咗？」

「除咗解開封印，放隻嘢出嚟之外，我諗唔到你仲有咩方法可以搞掂件事！」果然，天命叔已經知道了我的想法。

「做唔做得都好，我……都要去做！只有噉樣，先可以救返大家。」我搖了搖頭。

「唔好傻啦細路，你今次放返佢出嚟，我無辨法再封印佢㗎啦！」

「就算係噉，我都要去做！既然你已經知道咗，我都無咩好隱暪，佢已經同我講咗，佢嘅目的，只係要挑戰神，只要你哋唔對佢出手，佢就唔會對付你哋！所以，犧牲我一個，救返晒你哋，呢條數點計都無蝕！」我冷靜地說。

「你……你講咩話？你同佢見過面？封印失敗咗？」天命叔緊張地說，看來比起眼前的狀況，他還是更著緊我體內的那傢伙是否能復活。

「唔係封印失敗，不如話啱啱相反！」來到這個地步，我也不打算隱暪下去，我便把在夢裡跟那傢伙的說話告訴天命叔。

天命叔聽到後，眉頭緊皺地看著我，然後又是一輪搖頭嘆息。

「你真係信佢會幫你？」天命叔驚訝地看著我，表情上看出來，他在懷疑我是否瘋掉了。

「我信，澳門嗰陣佢都出現過，正如佢所講，我作為『容器』嘅價值係有嘅，佢唔會想我有事。同埋我都相信佢唔會傷害你哋，因為……坦白講，今次見到佢嘅時候，佢嘅力量……嗰種好似無盡嘅黑暗力量，根本唔係你哋可以反抗。所以，只要你哋唔去惹佢，佢就唔會浪費時間對付你哋。」

「乜你覺得，我哋之中會有人放過佢咩？」天命叔和阿詩堅定地看著我。

「我……我知你哋唔會放過佢！所以我到時會去一個你哋搵唔到嘅地方，噉你哋就唔會有事！你唔好再講啦，依家只有借助佢嘅力量，去解決呢件事！」我激動地說。

「你會唔會太過睇少你身邊嘅人？唔好話我，如果天賜知道咗，我諗你匿埋喺北極，佢都會嚟搵你！而我係佢老豆，無可能唔跟住佢！」

「我都會跟埋去！」阿詩亦忍不著說。

雖然我早已猜到他們的反應，心底裡當然為他們重視我而感到高興，但眼下卻是需要解決問題的方法，這樣下去根本只會沒完沒了。

「細路，你聽我講啦，你體內嗰隻嘢係絕對唔可以畀佢復活，佢同你做得交易，亦即係佢覺得你嘅軀體同力量，係值得佢去做某程度上嘅讓步。同魔鬼做交易，蝕底嘅一定係你！」

「唔係噉可以點啫？呢樣又唔得嗰樣又唔得！唔通又要我好似之前噉，坐喺度等死咩？」

「咁又未必係等死嘅。」一把熟悉的聲音在我上方傳來，我抬頭一看，是小詠！

「小……小詠？」看到她後，百般滋味立刻湧上心頭，不禁脫口而出喊了她的名字。

同一時間，卻見小詠皺了皺眉頭，天命叔亦有同樣的神情。
之後一人一鬼相視對望了一眼後，天命叔才開口說。
「小詠，個細路女點呀？」

天命叔把頭抬高後，阿詩才轉向上方，眼神流露出疑惑的神情。

「阿奶無事啦，啱啱神父幫佢驅走埋體內嘅邪氣，神父畀咗個十字架佢，佢返咗屋企休息啦。」小詠從半空中徐徐落下，阿詩的樣子才變回原樣。

「咪住，你講咩話？阿奶佢有咩事呀？呢段時間你又去咗邊？」我激動地問。

小詠看了看天命叔，天命叔思考了一會後，略為點了點頭，看著我說。
「細路，我知你有好多嘢想問，我亦都知道你嘅決心，我可以講返呢段時間發生嘅事畀你知。不過，首先你要應承我，唔好再去諗咩解開封印！」

「我咪講咗，解開封印係唯一嘅辨法去救返你哋囉，我唔會……」我的說話被天命叔打斷了。

「的確，之前嘅情況，我承認要解決呢件事，只有一半左右嘅成功率。不過，呢個係無小詠幫手嘅情況之下嘅成功率，依家小詠提早咗返嚟，要解決今次件事就唔係咩難事！」

「噉……即係？」我還沒有理解到天命叔的含意。

「即係話，小詠返咗嚟之後，今次呢件事就肯定可以解決！我哋依家要做嘅嘢，就係爭取時間，盡快救返炎冰！」天命叔肯定地說。

雖然天命叔如此肯定，但我直覺上還是感到有甚麼不對的地方。
我偷偷看了看小詠，只見她臉上也是一臉自信，或者，這只是我的錯覺罷了。

「如果……真係可以順利解決呢件事，我……我唔再諗解除封印嘅事！」

「噉就啱啦，依家等我講返清楚成件事嘅始末畀你知，之後，就係去救人並解決呢件事！細路，你放心，你都要幫手，我唔會再將你排除在外㗎啦！」

天命叔拍了拍我肩膊，我好像已經能看到事情被解決的未來。
好吧！我就相信天命叔，在不解除封印的情況下，解決這件事吧！

加速

加速
但我覺得天命叔喺到立緊flag

加速
但我覺得天命叔喺到立緊flag

無事嘅無事嘅

小詠

文

心巴

無文

（三十七）曙光（２）

「細路，今次件事完咗之後，你要好好噉多謝小詠，因為今次都係全靠佢卜到你嘅劫出嚟！」天命叔這樣對我說後，我流露出感激的眼神看著她。

但是，為甚麼現在的我能夠看到小詠？
不過，阿詩既然能看見小詠，這表示應該是小詠讓我們能看見她吧。
算了，反正這對整件事情來說沒有甚麼影響，還是不要多想了。

「係呀，小詠知道咗你嘅情況之後，即刻通知咗我哋去幫手㗎。」阿詩看到沉思著的我，忍不住開口說。

她看了看小詠後，再看著我，跟我打了打眼色，看來是希望我對小詠說些甚麼。

我一時間意會不過來，看了看兩人後，又再打量了小詠一下。
只見她臉頰鼓了起來，一臉不願和我接觸的樣子，看來好像在生氣似的，但我應該沒有做了甚麼使她生氣的事情才對。

「哼！」小詠注意到我瞪著她後，她又別過頭去了，到底我做了些甚麼啊？

「小詠，子鋒佢諗通咗㗎啦，佢唔會再亂嚟，你唔好嬲佢之前亂嚟啦。同埋，佢都係諗住你未復原，先會噉做啫。」阿詩看到我一臉呆滯，便稍稍的幫我一把。

而我亦總想起，之前為了避免再跟天命叔他們有聯繫，便索性把和小詠的聯繫一下子切斷了。該不會……

「係……係啦，小詠，我唔會再亂嚟㗎啦。其實我都係想大家平平安安，先會亂咁嚟啫，你……你唔好嬲啦。」希望我猜得對吧。

「哼！我先無你咁小氣！反正我都阻唔到你做啲咩㗎啦！」小詠臉上比剛剛柔和了點，看來我是猜對了。

雖然她的心情看來比之前變好了不少，但她的說話仍然使我一時感到語塞，吐不出話來。

這樣尷尬的氣氛，被天命叔的說話打斷了。

「好啦好啦，無論點都好，件事發展嚟呢個地步，我哋唔可以再浪費時間。細路，你聽住，今次呢隻嘢同以往最大嘅分別，係佢嘅力量時有時無！」

「時有時無？咩意思？」

「其實一開始小詠卜到你嘅卦象嘅時候，我哋已經鎖定咗呢隻嘢出現嘅地點，嗰陣佢嘅力量好弱，而且亦都爭啲可以捉住佢！但係，就喺最關鍵嘅時刻，佢嘅力量消失咗！之後我哋再起卦，但出嚟嘅答案都係模凌兩可，無辨法搵到佢出嚟！」

「呢個我之前都聽炎冰講過，但係……就算係隱藏力量，真係可以做到消失呢個地步咩？」

「呢個就係我哋之前遇到嘅最大難題！所以我用嘅係消失而唔係隱藏，而當中最奇怪嘅係，卦象亦無辨法顯示到佢嘅狀態，好似佢從來唔存在喺呢個世界一樣。所以，我做咗一個假設。」天命叔說到這裡，眼神朝我看了一看，才又繼續說話。

「佢好有可能，用某種方法，去咗另一個空間！」

「另一個空間係指？」我實在想不到它能躲藏在哪個空間內。

「唔知道，可能係結界、可能係第二個世界、亦有可能係類似冬眠嘅狀態噉……所以先可以避開我哋嘅探知。亦都因為噉，佢先可以無聲無息噉出現喺阿詩屋企，令到新抱仔佢哋全部受傷。」

「噉我哋咪即係無辨法知道佢喺邊？」我驚訝地說。

「原本係，依家唔係！」天命叔說話後，眼神轉向了小詠。

我亦把眼神轉向小詠，只見她一臉自信地回答。
「無錯，雖然用咗好多時間，但係我已經可以知道佢匿埋喺邊！」

「點……點解……」

「細路，你知唔知點解，你女朋友受傷嘅事，我哋幾個要暪住你？」

「你哋咪又係驚我會失控做傻事。」

「無錯，呢個係其中一個原因！另一個原因，就係我要小詠去感受對方嘅力量！」

「咩……咩意思？」

「之前我哋一直都搵唔到隻嘢，係因為佢用咗某種方法去隱藏佢嘅力量，但無論點隱藏都好，佢嘅力量都仲係存在嘅。所以我就叫咗小詠去幫你女朋友驅走體內嘅邪氣，而喺驅走邪氣嘅同時，因為小詠本身都係以靈魂狀態生存，所以佢可以接納對方嘅邪氣，成為佢嘅一部份，從而感受對方嘅存在！」

我驚訝地看著小詠，想不到原來她還能做到這種像是吸收他人力量的事情。

「但係，噉都可以同我講㗎？」

「你估接受佢嘅邪氣真係咁易㗎？接受邪氣，即係主動畀對方嘅力量入侵自己。唔屬於自己嘅力量，身體會自然噉去抵抗，一係消滅對方，一係被對方消滅！但我做嘅嘢唔係要吸收或者對抗，我只係純粹保留佢嘅力量喺我體內。當中要經歷幾多痛苦你知唔知呀！」小詠看著我，表情誇張地說道。

「所以，小詠唔想你見到佢痛苦嗰個樣，所以提出咗同你女朋友去另一個地方做呢樣嘢。而今日小詠嘅出現，我相信，小詠已經可以成功容納到呢股力量！」天命叔解釋。

這麼說來，歸根究底，原因還是和我有關吧！

「係呀師傅，但係呢股力量我無辨法保留好耐，我估計最多只有一星期。」

「一星期……希望夠時間啦。」天命叔皺了皺眉，看來情況並不是十分樂觀。

「好啦細路，剩低嘅嘢我依家盡快同你講埋，之後就要行動！」

然後，天命叔把整件事情都告訴我。
當中包括炎冰追查時遇到的情況，和那天侵襲阿詩家裡的事情。

「原來你哋喺背後做咗咁多嘢？」我驚訝地說。

「可惜嘅係，我明明一早知道呢件事，竟然都會搞成噉！仲要搞到炎冰都畀人捉埋！不過依家形勢唔同啦，我哋可以主動出擊，去救返炎冰！」

炎冰，等著吧！我不會讓德叔的事情，再次發生在你身上的！