學人畫素描

黎緊打算畫下身邊既人 就唔post咁多了
同埋d步驟又重重覆覆 可能唔貼個過程 畫完再分享下
大家見有好大缺憾我再修補下

今日路過，見到你第一幅同最新嗰幅，進步好大加油

你知有咁既方法就ok，用powder的確容易烏糟。畫身邊既人好少有缺憾，因為係一份心意。

唔錯啦

好啦 我分享下屋企人
身邊既人就唔分享了

最近好喜歡打則畫 倒轉畫
就可以捉錯處咁睇到錯既野
有種面盲症既感覺 唔洗focus係樣貌

呢個係一個好方法，電繪都有類似既方法。你畫衣物texture有進步

咁都比你搵到位讚
睇返早期畫個d都幾嚇人 宜家覺得大家都好厚道
除左靠平時自己畫時自high 有人鼓勵都確係一種動力

人人都做過初學者，大家都經歷過咩都唔識既日子。覺得以前畫個D嚇人，證明你進步左，有審美眼光。一路以嚟，你有好多野都值得讚架

唔知係咪叫審美疲勞
漸漸地畫完冇左種興趣感覺

樓主好勁....

勁..得閒

經歷過，可能你太經常做緊類似既野，或者你生命需要多一點火花。畫畫係需要感悟，唔係一味磨就可以。所以要時刻Try something new，學下插花、玩下音樂，行下山，咩都可以，之後再番嚟。一落筆，你就會發現自己畫畫會好大進步。

我都有其他野玩既
不過呢輪又畫密左
可能自己畫法同題材冇乜大變
嘗試睇下有冇咩可以轉變下

試下唔好下下大頭 畫細d粒頭 畫多d其他
嘗試唔同部位都落多d時間 之前太專注畫五官
探索下畫冷衫 幾難搞 又花時間

冷衫要想像佢似圓柱體（中間有條明暗交界線），邊緣都會凹凸不平。識畫衣物，先畫到好女仔！頭髮要加強對比度，整體大於細節，唔需要條條線畫畫出嚟

睇黎好女仔比較麻煩 都係少d接觸
整體 細節 我全都要 盡力

冷衫跟唔到 意思意思就算

Timelapse勁到，冷衫頸位對比度夠，成件事好立體。眼睫毛有厚度有彎度，唔再係一堆黑色。畫得幾好。完成度都好高，不過髮尾仍然可以改善，要思考頭髮點樣穿插（明暗關係），依加望好似薯條。

周遭d野好深色 眉毛又要好深色 已經盡量刨尖 好易變鈍 或者較HD會好d
見人地有極深色鉛芯筆 但搵唔到

文具店大多數好似得4B，呢間有6B，利申無喺呢間買過，但睇下你無興趣https://artmaterials.hk/products/drawing-supplies/drawing-pencils/RomaClutchPencilRefillableLeads40mm4pcspack6B/

好 thanks
睇黎真係要去d大型d鋪頭睇下