學人畫素描

好難呀師傅
覺得學識睇 D距離感都要好好
自己打斜線觀察覺得比較多誤差 肉眼對角度冇乜概念

宜家正係識垂直同水平睇
消化下 之後起稿嘗試搵多D point

打斜係想睇條線有幾斜，打直打橫未必得。依加未睇到唔緊要，有一日靈光乍現，你自然會通到，技藝呢家野係咁樣。而且無話一定要跟呢個方法

支持
想睇樓主可以keep住畫到幾耐

I can do this all day

之前有買本書睇，係時候要pick up了

畫落都覺得呢張光影幾特別，耳仔投影幾好睇 P. S. 突然發現我無左P牌，好似可以推post了

練準對眼好重要

恭喜
唔太洗幫禾推 怕高調
同埋我進度好慢

咁我記得嘅話，都會盡量不推文回覆啦 你畫畫速度算平均，平時睇片有timelapse 有剪接先覺得快，快唔一定係好事，跟自己進度就可以啦。見到頭髮有虛實關係出到嚟，大原則上近鏡頭實 遠鏡頭虛。虛入面應該都要有地方係實，好似畫面右面髮根位有點flat，頭髮嘅轉折要落深少少，係咁意就可以

Come on baby

頭髮後面虛既其中一個原因係唔識畫
張相係光到頭髮係白色 背景係深色

唔使跟晒張相畫，可以加自己嘅見解／想像。光影唔一定要百分百正確，做到相對合理就可以 就好似日本動漫 多數佢哋光影都好經過簡化，但睇落好似幾合理，我地唔會覺有咩問題。

用好貴個盒筆畫衫
用盡力都捽唔勻

又可以導你買野啦，可以考慮購買素描化妝蛋。參考影片：https://youtu.be/EEra2OnhkOA 佢呢種技法好難跟，建議用線起左稿先

其實唔太建議去學咩虛實，呢套咁嘅嘢係用喺成品處理，唔係用喺畫畫過程到
一唔熟手好易畫衰

直接分edges就得

因為一塊面喺邊緣要轉向後面（遠離視線），或者面與面愈趨向平坦，會造成模糊嘅現象。當一個地方黑白對比好明顯，例如背景好白，但人像接近背景塊面好黑，邊緣就會好銳利。

高手會好巧妙咁運用以上嘅現象，用於成品處理，例如：藝術化解決頭髮嘅虛，有意導向視覺引導去實嘅五官。佢哋呢種虛實要有適當平衡比例，需要經過計劃，因為太虛就好似畫面有鼻涕咁，就會失去觀察重點／剖析唔到面與面嘅轉折。

畫畫係一個溝通過程，去說服觀眾張畫係立體有深度。因為張原相背景係黑色，頭髮邊緣好光，頭髮轉折資訊散失咗。不過張畫背景唔係黑色，所以有需要加自己想像，去增加嗰個位置嘅對比度，即係分edges。

呢啲我又唔係唔識嘅
只係虛實呢啲嘢係中國人民間畫素描先咁介意

美術學院都會用blender嘅

學好edges先再去諗畫面完成個處理

我當然知你啦，睇你講嘅項目，就知你有經驗過我。我嘗試解釋比樓主睇啫 中國受蘇聯學院派影響，強調虛實節奏佈局，美式無咁明顯。

Hello 我係小學雞
其實唔太明你地講乜

其實俄羅斯嗰隻唔係完全叫做虛實
正確嚟講叫做畫空氣

唔駛明
呢啲嘢等你學到咁上下再去睇吓對你有無用

門戶見解唔明唔緊要，我地講edges你明唔明先最緊要搭到船過到河，隻船咩牌子唔緊要。