濕疹問題求救!!

呢幾張圖算係好返七七八八
試下搽住其他保濕cream先

類固醇留返嚴重嗰陣用好啲
搽得多就會開始無咩效果

純粹個人經驗分享
由細濕疹到大 時好時壞

內服外用，唔影響你用藥既情況下加埋試下囉

我都係打完兩針先出濕疹 眼同手
睇醫生除咗類固醇就係類固醇
一開始用係好快好
用完兩個月後復發就一路差到依家又2個月
去睇醫生就係愈來愈重既類固醇
但我係發眼周圍 唔敢用太多
依家對眼又紅又腫有時滲水真係唔知點算

有冇人腳趾有汗皰疹。。。

我都係眼 好沮喪

手指有

眼好辛苦 又痕又硬
人哋就熊貓 我就紅貓仲要真係一個圈圍住對眼

政府比你果一桶CREAM 係咪又係aqueous cream BP，有發炎唔好用，同埋豬油膏效果好一般，得個油字。出去買皮得露，沖涼有止痕作用
CERAM就真係要人夾人，我個人對Cetaphil 一般系列用完會仲痕，但佢隻AD DERMA系列我就好夾到，但CeraVe Cream感覺更舒服

想問下如果有出水用唔用得cream?

去到出水即係有發炎了，用皮得露清潔完，抹身毛巾抹完你會覺個人好油 (記得日日洗果條抹身毛巾)，之後用上藥膏，最後先上CREAM, 講真CREAM真係要人夾人，我個人就用cetaphil 用左上身5-6個鐘後會身痕，而用Oilatum愛麗她emollient就一上皮膚就痕。有時出水都冇辦法，勤換床單。手既位置我會係公司用粉紅消毒藥水沖洗 (chlorhexidine 0.05%)再上藥膏，唔好用任何洗手液搓手液刺激到佢

師兄唔好意思遲覆左你
影果時睇落好似好好咁 唔紅 無水泡
但每日依然係擴大緊個範圍
最重要最重要係 只係影果時係唔紅
有時突然會好紅 或者用一用力充血咁佢就會又紅返
紅既程度係可以明顯睇到濕疹個範圍)

我都中西醫一齊睇緊，再戒口，食番啲維他命D B
希望有用啦

政府比左黃色級別既類固醇我，我想用輕啲就拎左屋企人既綠色級別（0.005）份量輕一半搽，大概搽左4日腫，發炎，同水泡都控制到，但紅方面就係紅鮮紅轉為粉紅咁咋，係完全退曬，皮膚冇咁乾有翻啲水份咁⋯

抗敏藥咋唔係口服類固醇呀，我食左3日左右，今日停食左啦感覺上唔痕，但要試埋訓教會唔會痕醒先知實際情況

再者呢幾日我都轉左新既中醫，食左啲中藥同用藥浸手，雙手感覺係舒緩左唔小架

平日都會食維他命B 及D ⋯再狂搽保濕！
希望之後停類固醇唔好反彈得太嚴重啦

So far 用豬油膏洗手感覺幾好，洗完唔會乾，扯住扯住咁！Cream 我用緊physiogel AI ,保濕但偏油，手有傷口會嗱嗱地
之後都會試CeraVe Cream ,因為好多人推薦真係想試下

類固醇唔好用多過兩星期
同埋越用皮膚越薄 同埋乾
所以要保夠濕
飲多啲水排毒

而家我連水都唔飲東江屎水，改飲日本軟水
13蚊日本城一枝2L 好抵玩

咩野係黃色級色類固醇? 影黎睇下

有冇用？