屁屁星人喲
2022-05-31 17:30:51
樓主
我都係因為打左兩針BNT, 出汗皰疹架, 我係上年11月由一隻手指開始出,到家下10隻手指同手板都有水泡同甩皮...見住啲汗皰疹入侵所有手指, 甩皮甩到冇一隻手指有完整既指紋,大爆發既周期係2個星期就會發一次, 晚晚都會痕醒要敷冰再搽cream先可以止痕再訓....
我都覺得好無助...
我有睇中醫,但作用真係唔大,完全冇辦法阻止水泡既出現... 同埋中醫一直都唔建議我用類固醇啦,同埋好多人講要戒類等等令我對類固醇好抗拒, 間接可能因為咁令件事嚴重左
之後有搵皮膚科醫生, 佢只係比左抗敏藥,類固醇同埋Protopic Ointment ,
我用左兩星期Protopic Ointment 情況冇改善, 依舊係會大爆發...
睇政府醫生, 佢開左類固醇,豬油膏 for 洗手保濕,同埋一大桶cream,以及抗敏藥比我呀,
佢話一定要止左發炎既情況呀, 唔可以一直比佢紅同腫,建議我擦到完全好翻先好停止..
我搽左2日紅同腫退左好多, 但水泡仍然好多好密集..
同埋為左夜晚訓教唔好R醒, 我呢排開始朝朝食一粒抗敏藥。
樓主, 我好明白係幾辛苦係幾崩潰..
一齊研究可以點樣醫好啦!