自從上年8月打左兩針後,隻手指位既濕疹越黎越嚴重
初頭只係好細既一個位,但每日不停不停咁擴散 圖片請慎入!!!
https://na.cx/i/cm6mTHz.jpg
https://na.cx/i/RHzr4Pt.jpg
https://na.cx/i/AJcJnBc.jpg
依家擴散到差唔多成隻手指都係 經常出水 連伸直/彎曲隻手指都做唔到
夜晚訓教都經常痕醒 訓得好差 好大壓力
中醫睇左大概兩個月 食左兩個月都唔覺有明顯分別
飲食都有戒糖類(e.g朱古力) 牛 海鮮 咖啡 煎炸類食物
搽膏都有試過Physical gel, Aveeno膏 可以保濕但都係阻止唔到擴散
因為實在係搵唔到係咩原因令佢不停擴散..
所以想問下大家最後最後係用左啲咩方法黎醫治濕疹?
同埋有另一個重要問題都想問問,應該係要睇中醫定係西醫呢?
因為西醫都係比類固醇,但其實搽完類固醇係可以好得返??
如果只係暫時好得返搽黎係唔係無用?有無搽完類固醇就好得返既案例...
中醫既話有無邊位醫師推薦, 或者除左飲藥大家會唔會建議做針炙之類
如果大家有好既中/西醫師希望可以推薦埋
唔好意思問題可能有啲多但每日真係比濕疹搞到個人充滿負面情緒