剛剛分手的你，入黎傾下，大家互相扶持好嗎？(222）

嗱 我地一齊掩埋眼 無事了 你掩埋眼點樣睇啲字
本身諗住叫你同我一齊掩埋眼深呼吸

我哋一齊深呼吸一啖先 你而家幻想你自己啱啱同另一個人講分手
你見到對方好崩潰 喊晒口咁樣同你講唔好走 甚至傷害自己
你對呢一個人有咩感受？

我會心軟

而家係朋友關係 會約出去食飯

因為覺得對方好慘？即使自己一啲都唔愛佢
即使同佢一齊你自己會好辛苦 你都會心軟繼續同佢一齊返？

就絲打你呢一個同之前嘅回覆 我可以好肯定你心地好好 好為他人嘅感受着想
我嗰ex都係 當時嘅佢就係太為他人着想 令到自己好辛苦 我用咗成年時間我先幫佢克服到佢呢一個缺點 加油 我會幫你的

我哋朋友關係咁樣相處 得閒食飯 會唔會有機會令佢愛上返我

嗱 不如咁講 佢未真正愛上返你啦
你呢個狀態 對任何一個男性嚟講 都無吸引力 老實講佢只依家係鍾意你嘅服從 多個鍾意你個人 對比起你最理想最想要嘅愛情 佢而家絕對做唔到 佢而家只係鍾意你好似工人咁樣 呼之則來揮之則去 好似俗語所講有事鍾無艷冇事夏迎春咁樣

我自己代入對方嘅角度諗
對方係一個未玩夠 同時又怕寂寞 無自信嘅人
未玩夠同你分手 同其他女人玩絕對冇問題
而家個重點係佢拖住你 咁點解佢要拖住你
其實源自於佢嘅冇自信 佢驚佢冇得玩 無女鍾意佢 所以點都留住你 等佢寂寞嗰陣時有得搞嘢
老實講如果佢好有自信 又好想玩 佢冇必要要咁樣拖住你 因為佢覺得自己出邊一定溝到女㗎嘛

所以我一直想同你討論嘅係 點樣令到你更加吸引啲
而第一步要做嘅係 就係傾返你覺得自己做得唔好嘅地方 點樣去進步 咁樣先可以令到你變得更加吸引 令到佢意識到你嘅付出 咁先會鍾意返你㗎嘛係咪？

我知佢未愛上返我 對我冇感覺 所以想之後嘅相處表現返以前嘅我令佢愛上呢個成日笑嘅我

佢唔係冇自信 佢係一個身邊有好多追求者嘅人 就算我同佢一齊都會有好多女仔鍾意佢 因為佢好識得講野令啲女仔對佢有野 而且佢外在幾好同好識講野講笑氹女仔
所以佢拖住我唔係因為佢冇自信
但我唔明點解佢要強調玩夠會搵返我如果我到時仲鍾意佢 其實佢係點諗

我做我唔好嘅地方係太冇安全感冇信任 都係因為佢好識講野令到好多女仔鍾意就算我同佢一齊咁耐 所以我好冇安全感 但就算有人鍾意佢佢都知道有我冇做啲咩 係今日講起我唔信任係因為冇安全感先知佢之前點樣拒絕啲女仔 所以好後悔而家先知佢為我拒絕啲狂蜂浪蝶 但而家佢自由身 已經唔會再因為我而放棄外面嘅花花世界

分左半年 覺得好孤獨

對唔住 我未太了解佢就落咗定論因為佢俾我觀感有啲差 自己都忍唔住有價值判斷sorry

嗯 咁見佢以前都識得尊重你呢個女朋友 都好啲
以前自己察覺唔到佢為你做嘅事 依家知道啦 開始後悔仲好內疚自己當時點解check佢電話 令關係進一步惡化

嗱 依家你地都分開咗啦 咁老實講我哋呢啲被分手嘅人其實冇咩資格去做要求對方為我哋做啲咩 但係你嘅安全感全來自於佢上 如果對於一個情侶關係來講係正常嘅 但係你哋而家係朋友 如果我同你講呢一刻你嘅安全感要有自己比自己 相信呢一個觀點來講對你呢一刻好難接受亦都好難做到
所以而家個重點係令到你提升返自己嘅吸引力 俾佢覺得你係正嘅 令到佢覺得佢自己離唔開你 去build up自己嘅安全感 (但係呢一樣嘢你千其唔可以俾佢知道 你嘅出發點係咁 唔係嘅佢唔會覺得自己離唔開你）

我自己嘅做法係去增值自己 你有冇一啲鍾意嘅嘢？或者你讀緊咩科？對方讀緊咩科？可以由呢一啲入手去增值自己 提高返自己嘅吸引力
因為對於我嚟講啦 比起外貌身材 內涵知識量對我來講更加吸引

嗱 講明先你瞓覺你講聲 我地會驚你做傻事㗎 聽日自動自覺朝早入嚟報道 唔好要呢到全部人都擔心你

我知所以而家冇再理咩安全感 因為分開咗 我都知佢出去識女仔 我亦都冇資格去阻礙 所以而家分開咗 我唔着重安全感嘅問題了

唔係好明咩叫唔係嘅話佢唔會覺得自己離唔開我？
但佢而家都唔鍾意我 點樣令佢覺得自己離開唔到我

我冇咩興趣 都係鍾意打機睇戲 好似增值唔到
我覺得佢着重外在多啲 佢叫我去豐下胸化多啲妝

知道了

令到佢對自己嘅決定後悔 我嘅意思 你變好咗嘅時候 佢也許會開始珍惜你 開始會掛住你（當然情況良好嘅話）
如果係外在嘅話 我覺得唔好一嚟就要做手術嗰啲 化妝可能係其中一個啦 會唔會睇吓襯衫啊 有啲咩風格佢鍾意你又鍾意

我都有諗住着下啲佢鍾意嘅衫 有機會會同佢去食飯所以到時會着下啲佢鍾意嘅衫
咁我當然唔會去做手術啦 佢有叫我試下針灸 我都打算去
又去做下gym 操fit自己
因為之前一齊 好多時佢叫我去扮靚針灸我都懶 我諗都係個好機會去俾佢睇到我嘅唔同同埋提升

但其實佢而家想同我做炮友同朋友 咁我係咪應該拒絕/有時令到佢得唔到我個人 之後佢見到我變靚咗身材好咗但又得唔到我個人嘅時候就會令佢開始掛住我？
雖然我唔知點解佢想同我keep呢種關係 因為佢出去識人都可以同其他更靚更有身材嘅女仔發生關係 點解偏偏要搵返我
同埋點解佢表明玩夠會搵返我 而家都講到唔愛 點解仲要搵返我 其實係仲愛定純粹想拖住我

太好了 見你絲打你都開始理性番啲啦咁都無咁擔心
可以啊 做gym啊啲都係好好嘅方法嚟 加油加油但係都係果句啦 唔好俾佢知道你係為咗佢而變 你要俾佢嘅感覺係我想自己靚啲而咁做 咁樣吸引力會大好多

絲打你好叻女啊係吖 其實你係應該拒絕㗎 一順佢意唔會覺得你有吸引力 要保持返神秘感 你絕對可以咁諗呀 你身材好咗 但係我又唔俾你得到你嘅人 佢咪有更加心掛掛 甚至可能到時 你身材好咗靚女咗 大把人追番你轉頭 到時係佢求你一齊返 咁呢啲嘢到時先算啦

你問我嘅話我覺得係佢係想拖住你嘅 老實講即使佢多人追 都唔可以好有自信咁100% make sure自己追到一個更靚嘅人啦 既然你又願意等 你又唔係差 咁咪拖住你先囉 對佢又無壞嘅 得閒搵你有性行為就可以拍拍囉柚走 你又唔會煩 你俾佢嘅感覺係冇後果 佢唔需要負責任
點解係你嘅原因 我會覺得純粹真係因為方便 你又願意等
我見你理性番啲我都想你諗下 萬一佢搞大咗你個肚咁你點算 佢都未玩夠 你覺得佢會唔會抌低你哋？

拒絕啦 佢都只係base on夾懶同你屌閪
搵到新就唔同你屌架啦

咁我可能同佢間唔中食下飯 俾佢真實見到我嘅改變

但因為佢拍咁多次拖 最認真係呢次 之前嗰啲都係散拖同埋細個初中嘅puppy love 細個又唔係成日出去拍拖玩 但因為我同佢都係開始大啲先拍拖 經歷嘅野多咗 去過好多地方 所以佢話我係佢認真唯一鍾意過嘅人 之後佢今日話其實我之前應該唔同你拍拖攞啲時間去玩 而家先開始同你拍拖會好啲 可能佢嘅意思係想以前嘅時間玩 而家玩夠先遇到我再定落嚟同我拍拖會好啲 好過而家拍拍下分開去玩玩完就唔知有冇得再一齊返 因為佢一直覺得我係唯一可以令佢變嘅人 可惜而家都改變唔到佢

佢有問我如果我到時有女你仲會唔會同我繼續呢種關係

愛留返同伴侶做啦

我意思係指佢話到時佢有拍拖嘅話

佢有拖拍伴侶就唔係你啦

我梗係知啦 你上面句愛留返同伴侶做呢句同佢講好啲