剛剛分手的你，入黎傾下，大家互相扶持好嗎？(222）

有時岩岩被分手 好多人都太執著要盡快再做啲野令對方回心轉意
就係因為驚遲左做就會失去佢
但對方講得分手 其實當刻即係唔愛
明白好多人會係咁問點解 但唔愛就係唔愛
同好多人當初點解會愛一樣 根本冇得解
你冇比空間人 分完手繼續lur 或者keep住係對方身邊對人有求必應
就算佢應承翻同你一齊 佢根本冇空間去思考同你呢段關係
覺得有個人係度陪住想點就點 佢係no cost to pay 之後只會更輕易再次唔要你
所以真係要學識接受分手同失去呢個事實 愛自己先
一個有翻自我既自己先會吸引得翻人
可能係ex 亦可能係另一個真正會愛你既人
而肯接受事實唔代表一定要放低呢個人 但點都要對自己好先
學紫紫咁講 你都唔識珍惜自己 邊個會?

呢啲說話應該唔岩你聽 你都似係會繼續執著落去既人
但唔想比到啲假希望你 對自己真係百害而無一利

成個行為就只係為左要情感勒索人地
要靠要脅得返黎的感情 真係感情咩

重要加重我地工作 又要哄又要睇得緊d仲要多數唔合作
想講真係要死的話唔會揀咁死囉

我知要令到自己變得好 俾佢見到我嘅生活過得好開心 俾佢見到我變得更靚 成為一個更好嘅人 所以而家都想食返多啲野雖然真係冇胃口

之前一直lur 係因為佢嘅一句我仲鍾意又點啫 所以知道佢仲鍾意我就打算想佢仲鍾意我嘅時間令心軟同返我一齊

我都冇得唔認命 因為都好似冇機會了
好想知道佢嘅生活 會忍唔住stalk佢但我都知道佢每日都約女仔出去嘅時候又會唔開心 想知但知完又會唔開心真係好犯賤

我都想放低 當真係放低嘅時候就唔會再諗住想約佢想見佢 但我唔知要幾耐 我想自己就算之後見到佢同其他女仔拍拖都唔會有唔開心嘅感覺

辛苦你啦呢段時間會好心痛 好辛苦 我可以深深咁體會到你嘅痛 我都係啱啱先經歷完一齊加油
嗱 知道瞓醒覺 個情緒其實有可能會好波動嘅 咁同你一齊梳理下自己嘅諗法先
你依家好不安 好驚你付出嘅努力係白費嘅 好驚對方同其他女仔一齊咗
相信呢到好多人都見到你對佢嘅愛到底有幾深 幾多 呢一種付出唔容易㗎 唔係嗰個做到 面對住咁大嘅無力感 你仲可以好努力去付出 你好叻㗎啦
你好想挽留佢 一嚟你好留戀佢以前對你嘅感覺 二嚟因為佢講你係佢認真唯一鍾意過嘅人 遲啲同你拍拖會好啲 呢啲說話默默令到你對佢有一丁點嘅希望 但佢嘅行為又令到你覺得無希望 呢一種落差其實係令到你最痛嘅主因
所以你好想止痛 將條底線壓到落去做炮友 但問心你想要嘅愛情真係咁？
你幻想緊咁會令到佢知道 你有幾愛佢 希望感動到佢 番嚟你身邊
但老實講 你不斷壓低底線 佢只係會覺得你好廉價 你只係佢嘅洩慾工具 並唔係一個人 一次筆無墨啦 人會直接抌咗佢 並唔會放響某一個位好好珍惜佢 絲打你都一樣 當佢有女朋友 你嘅工具價值係變做0 佢會直接抌咗你 你依家 只係將你嘅痛推遲未來先出現
所以 既然你真係好想挽留佢 其實你而家呢一刻係最唔應該諗點樣挽留佢
而係好似我哋琴晚所講 應該點樣令到自己好啲 你都提出過做gym針灸嗰啲 都可以 你係要吸引返佢並唔係挽留佢

睇得tvb d膠劇太多呀

我都有咁諗過 我而家喺佢身邊任佢擺佈 佢之後可能會更加對厭我 唔會復合
同埋佢都知自己一直擁有我嘅時候又可以同時間有其他女仔 咁之後可能佢會寧願一直keep呢種關係落去 而唔係想我成為佢嘅唯一
希望我keep 到而家短暫嘅理性 我驚我可能過幾日唔開心又會保持唔到理性
最辛苦係佢真係俾咗希望我 咩之後一年半載會搵返我 搞到自己好似倒數緊幾時會搵返我咁 但呢個等待可能係無了期嘅等候 可能佢到時都唔記得咗我
好想到時係佢求返我同返佢一齊

當你後備嫁咋，唔好咁天真啦
有幾個免費閪屌，夫復何求？

分左2個月，昨日我po ig
佢無神神密我（努力）2字，明明話不再打擾我
轉個頭又同我野
我又唔忍心block佢，始終未完全放低
唉，不過我沒回覆佢，唔知抱住咩身份同感覺去覆
已讀就算..

都係要靠呢度 我諗我都會成日入嚟等人同我講清楚
希望我好快唔使再入嚟呢個po 就算入嚟都係鼓勵人而唔係再放負

真係想同返佢一齊但想係我吸引到佢追求返我
但如果到時我放低咗唔再記得佢嘅時候 希望佢唔好無啦啦搵返我話想一齊返 驚又再諗返而家唔好嘅回憶 不過大前提係我真係完全放低咗嘅話
但真係驚佢成日俾假希望我結果搞到自己根本放唔低

我而家嘅心好痛但我呢幾日都冇哭過 唔知點解哭唔出但內心好傷心好痛 會一直記錄低佢嘅野好似寫日記咁

其實唔諗返之前嘅開心回憶/佢對我嘅好嘅話我反而會有啲想鬧佢 當我係咩 玩夠就搵我 想玩就dum低我 但我知見面嘅話唔會鬧得出 心入面有好多個問題想面對面問佢

我諗block唔出手 因為我而家都仲會stalk佢 會忍唔住
我有寫 會寫低有咩想問佢寫低有咩想鬧佢
我仲係要靠你嘅輔導 我覺得你都幫咗我好多
如果有咩諗唔通可唔可以再搵你傾 你真係好幫到人同好有耐性