剛剛分手的你，入黎傾下，大家互相扶持好嗎？(222）

今次學到嘅嘢係，當遇到有嘢想同對方爭執時，先寫低佢，等自己稍為平復後，喺一段短時間就要同對方溝通返，否則拖到下次再次發生就真係會大爭執大爭執兩三次，段關係就會收皮

幻想唔到如果係我嘅話會點 好多嘢都係心態問題

我一次都冇喊到過 希望你麻木麻木下就無事啦

明白

好明白 你係咪覺得對方好唔重視好唔尊重好唔顧你感受咁

分一次手真係會令你諗通／反省好多嘢（係真係分手，唔係玩玩下嗰種）

所謂depressed嘅原因好小事，可能係近排忙，冇時間做運動，又會唔開心。同朋友關係變差了，又會累積少少唔開心。累積到一次過爆發出嚟，可能就有一段日子個人好似腐爛緊咁。

有時我可能期望佢明白，期望佢會講啲好似「無論有咩事我都會喺到陪你的」然後靜靜咁攬住我，但好多時唔係。佢嘅說話只係care點解明明我忙完仲要唔開心，點解我唔珍惜同佢一齊嘅時光。喺心情差嘅時候佢講呢啲令我更加大壓力更加抗拒，最後講咗分手

每次分手都沒有比上一次輕鬆

我好明白前半部分，不過唔明點解你要講分手

所有嘢一累積就會出事

我之前都遇過類似嘅事，我哋期望嘅係對方嘅安慰，或者認同自己當刻嘅難受，有時甚至覺得對方點解仲要喺我傷口上灑鹽 喺有期望落差嘅時候，就會想話佢。點知佢話唔識照顧我嘅心情，然後同我分手 你有冇同佢講過你期望佢點樣回應你？