咁就乘機講吓單反嘅歷史喇
隨便學吓曝光三角嘅關係
單反設計就靠支鏡入光嚟對焦同取景,即係越大光圈嘅鏡頭對取景有絕大嘅幫助。
但影相由於要就曝光三角好多時都唔可以全開光圈影相,搞到攝影師要手動收光圈嚟影相。收光圈呢個動作即係先用大光圈對焦,對好焦後再扭返去應用嘅光圈值。咁後尾設計師就喺鏡頭裝支針去強行頂住個光圈,變相你永遠取景時自動用鏡頭上嘅最大光圈,影嗰刻支針就會收,造成光圈回彈嘅動作⋯⋯ 咁呢啲嘢代表啲咩?就係有自動光圈呢樣科技出現雖然幫助取景同對焦,但就令攝影師冇辦法估到景深。加個制就可以隨時縮針(所以會暗咗,因為支針唔再頂住個大光圈)令攝影師可以預判縮光圈嘅效果。
至於喺數碼年代其實仲重唔重要呢?其實唔係太重要。但實際用途就用vf 光暗再憑經驗去估有幾多畫面中焦咁