公屋與工作的抉擇

做私人司機,理論上同老細好熟
唔教你犯法,你叫佢減你人工減到萬5
叫你老婆唔好返工住咪得

你明白遊戲規則就知道可以點樣合法解決問題，你可以話個制度係有問題。我都唔支持人地犯法架

唔建議辭工， 既然你之後都係想買樓，而你又講兩公婆好好彩先有而家人工，兩年前仲搵緊28k﹐而家有50k﹐其可以以直接搵上車盤，唔洗做租租啦。

既然你老細講到咁，將來有咩用唔著你嘅地方就

老細係好好，但係明言有原則唔會幫
講真如果你係醒目嘅都知法律罅點走，但係人哋唔係義務幫你㗎嘛
拿我哋唔鼓勵人哋犯法㗎
呢個方法我哋諗過，但係佢話我份工要ot 變相要做義工唔化算
老婆份工當4年一個循環，佢過左2年入左收成期極度舒服，再過多2年又就開始唔穩定。佢辭職再搵工都唔會搵得返呢個數，因為學歷

拿,你依家兩公婆搵5萬,租樓去左1萬,姐係4萬洗
你有公屋之後事但一人搵萬5/你搵2萬你老婆搵萬5,生活質素差唔多
緊係點都quit啦,更何況你都識話你老婆cycle,你自己人工又買唔起私樓
搞掂

買私樓你要供二三十年，當中你要考埋經濟加息嘅環境因素，兩個人嘅事業係咪有一定嘅穩定性支持我嘅債務，買層樓雖然係你嘅但係入面所有維修項目差餉管理費全部都係食返你自己。我哋兩個都係毅進仔基層工，我承認喺肺炎肆虐當中我哋兩個人工事業都逆流而上係好彩，但係唔排除一個唔好彩下年變返月入30k就gg ，仲未諗如果老婆懷孕，呢個長遠嘅而大風險我哋真係唔係好承受到

我諗住搵多幾個月錢可能半年後先辭職，點睇？

咁辭職 你都諗好晒

拎左公屋先啦 可遇不可求

其實條路都決定咗八成係點行，諗住睇吓會唔會有更多嘅意見可以啟發下我有唔同嘅做法

始終我唔係你好難設身處地選擇
不過俾我就繼續做啦，得罪講句你咁嘅學歷呢份工已經可以叫完美，人工唔低穩定冇壓力好老細

真係完美，所以我估呢一刻係我是事業既高峰。唔會得罪，我有自知之明。
所以有忐忑過係咪真係為間屋放棄份工
但係長遠咁睇好似上左樓條路點都好行啲

講真兩個加埋先5萬仲要唔係穩定有career path,攞公屋算啦，之後仲有機會搏過

份工邊度搵