一個A0毒L和O4女神的故事 (6)

b到一半全部人一齊跳舞

推推

新年快樂

Lm

推

樓豬新年快樂
想睇樓豬文

+1 推

推推

番外篇 - 感受三十七度的體溫 (21)

「我發覺，我重視你俾我呢個風筒，多過我男朋友送俾我嘅嘢。」說罷，Rachel再次落淚。

阿康已不知再有甚麼話要說。他完全不明白，事隔已這麼久，為何Rachel仍然會那麼在意自己。

不過，他卻認為，Rachel並不是真真正正的喜歡他。

阿康：「你根本已經冇鍾意我好耐喇，係你唔承認者！」

Rachel︰「你……你想講咩呀？」

阿康：「你就算講你好care我送俾你嘅嘢，我都唔會覺得你仲係對我有嘢，因為我太了解你。」

Rachel︰「你想講咩者，快啲講啦！」

阿康：「你嘅性格硬係對啲得唔到嘅嘢會有好強烈嘅佔有慾，但其實又唔係好鍾意嗰樣嘢。」

Rachel︰「邊有喎！」

阿康：「都有好多例子㗎，就好似上次你撲演唱會飛咁！」

阿康隨意舉了一個例子。之前Rachel想看演唱會，但買不到門票。其實她並不那麼熱衷去看這個演唱會，當初覺得買不到也不是甚麼大事，但偶然看見有人放門票，最終也順利跟賣家傾妥交收事宜。

可惜賣家出爾反爾，在跟Rachel交收前賣了給另一個人，之後Rachel便出現過激的行為。

阿康：「我之前從來都未見過你會咁執著一樣嘢，但你日講夜講，日日都喺我哋面前鬧爆個賣家，又上網唱衰個買家！」

Rachel︰「關咩事，我只係據理力爭，維護返我嘅權益！」

阿康：「我初時都係咁諗，但俾賣家放飛機成日都發生，你咪喺啲facebook group度po個賣家嘅衰嘢出嚟咪得囉！你之後做嘅嘢越嚟越唔對路，撐到好恆，最後個賣家向你屈服，私底下撲返張飛俾你。」

Rachel︰「咁係好正路嘅做法，我唔會啞忍！」

阿康：「你根本就唔係好想去睇個演唱會，你之後仲將張飛送咗俾肥媽睇！原本我以為你咁緊張係因為幫肥媽買飛，點知我之後問返肥媽，佢根本都冇話要睇！你根本就係為咗啖氣，介意被人攔途截劫，搶咗原本屬於你嘅嘢！」

Rachel︰「你呢啲例子唔得，好牽強！」

阿康：「咁你仲記唔記得ultratoy呢個客呀？佢嗰邊個負責人認錯咗同佢哋接觸嗰個係Athena，其實之前係你同佢傾，個客仲讚Athena好有禮貌，做嘢好有交帶，但其實有禮貌同有交帶嗰個就係你！」

Rachel沒有回應。

阿康續說︰「其實Athena初時真係唔知個客讚嘅係你，因為Athena都有接觸過呢個客，你就覺得係Athena搶咗你功勞。其實你唔開心係好正常，但你可以同我哋講返，而唔係特登打去俾個客，同佢解釋返佢哋讚嗰個唔係Athena係你！」

Rachel︰「咁我就係咁任性、咁執著㗎啦！」

阿康：「係囉，你就係任性、執著囉，仲要係你攞返屬於自己嘅嘢之後，好快就會流露出一啲、你其實都唔係好稀罕呢樣嘢嘅行為！根本就係為啖氣！」

阿康認真地望著Rachel，續說：「其實你已經忘記咗我好耐，只係你一直都介意我唔領你情，所以心裡面就覺得，我係你得唔到嘅嘢，就會無形中產生一種特別在意我嘅感覺。」

為了盡快令Rachel相信，她根本不是喜歡自己的事實，阿康胡亂說出一些例子，硬要証明Rachel對得不到的東西有一種過份的執著。阿康不想再轉彎抹角，因長此下去，對Rachel﹑阿康，以及他們身邊的人，都會產生不必要的煩惱。

雖然Rachel覺得阿康的說話有些牽強，但也完全明白他想表達的意思。

阿康︰「個風筒我會收返，但係你俾返個風筒我呢個行為，係唔會解開到你嘅心結！要解開你呢個心結嘅人，永遠都係你自己！」

Rachel聽著阿康的說話，一直強忍著自己的淚水，但聽到阿康最後那兩句話，便再次忍不住，泣不成聲。

Rachel擁抱著阿康。

阿康被Rachel突如其來的擁抱所嚇倒，被嚇得毫無招架之力。

他知道Rachel現在很需要朋友的支持和鼓勵，但這樣子跟Rachel擁抱，並不是最好的方法。二人現在各自都有拍拖，但在光天化日之下互相擁抱，不論是甚麼原因，也是不恰當的行為。

奈何阿康不會無情推開Rachel，只有讓她繼續擁抱下去，但願不會讓熟人碰到。

阿康：「喂，好喇喎，夠喇喎，話晒呢度都係我做嘢嘅地方，有好多識我嘅人會經過呢度，俾佢哋見到我喺度攬住一個唔係我女朋友嘅女仔，我會好大獲㗎喎！」

Rachel立刻放開阿康。她由哭泣，瞬間轉化為傻笑。這一轉變，再次讓阿康手足無措。

阿康：「點呀你，使唔使帶你睇醫生呀！」

Rachel︰「已經冇咗嗰種感覺喇！冇咗好溫暖嗰種感覺喇！以前我攬住你，係感覺到好溫暖、好溫暖，但我頭先再攬你，我再feel唔到有嗰種好溫暖嘅感覺喇！我終於確定到我已經對你係冇嘢㗎喇！」

阿康：「唉，你唔好咁低能啦，你仲係信網上面嗰啲廢文？」

Rachel︰「信㗎！」

阿康：「唉！不過都好，既然你信呢樣嘢，咁你就信到底啦！依家証明咗我哋唔會再有呢種感覺，咁你就好快啲搵返你個男朋友仔，快啲氹返佢，同佢和好如初啦！」

Rachel︰「唔使你教！」

阿康：「我返上去先啦，有咩下星期返嚟再傾啦！」

那種「三十七度的體溫」，Rachel已不再從阿康身上感受得到，解開了一直煩擾著她的那個心結。

**********

Rachel與Edan的故事，會否隨著Rachel解開心結之後，再次返回正軌？

他們暫未有進一步的進展，卻牽連了另一波事端。

Rachel跟阿康在公司樓下的大堂擁抱，確實被一個認識阿康的人碰巧見到。說清楚一點，這個人並不認識阿康，而是認識Athena。那個人知道Athena跟阿康拍拖，在Athena IG的相片中見過阿康的模樣。

那個人名叫Marcus，曾經在Athena單身時追求過她。不過，由於另一位追求者諾少從中介入，Marcus最終放棄繼續追求Athena。

Marcus今早在這座大廈探訪他的客戶，剛剛路過大堂，便被Rachel的哭泣聲引起其注意。他認得阿康是Athena的男朋友，現在讓他發現阿康跟另一個女生在公眾地方糾纏，他立即停下腳步，從遠處觀察二人的舉動。

直至Rachel跟阿康擁抱，Marcus立即用手機拍下他們擁抱的情況。

身為Athena之前的一位追求者，對於Athena最終選擇了阿康作為男朋友，覺得有點兒可惜，因為以Athena的條件，根本不需要找阿康這種低質的男友。

對於喜歡「食花生」的Marcus，拍下這種場面，一定要讓Athena看看。

跟Athena在WhatsApp寒暄了幾句，Marcus也長話短說，直接將剛才拍下的短片傳送給Athena。

Athena︰
「你send條片俾我
係咩意思」

Marcus︰
「我同你雖然唔稱得上係好好嘅朋友
但我見到你男朋友周街同第二個女仔攬埋一齊
我唔會坐視不理
希望你唔好怪我多事」
「我只係想俾你知道有呢件咁嘅事發生左
你有權去知道」

Athena︰
「ok 我知道喇
多謝你話俾我知」

Athena看完這短短十數秒的片段後，並沒有太多負面的感覺。片段中Rachel正在哭泣，跟阿康只是擁抱，並沒有其他不當的行為。她相信，這只是阿康對Rachel的一個鼓勵式擁抱。

Athena非常信任阿康，唯一令她在意的地方就只有Rachel。她知道Rachel為人沒有阿康這樣單純，況且片段中看到的是Rachel主動擁抱阿康，而Rachel確是曾喜歡過阿康。種種跡象來看，她比較在意Rachel的出發點，不知她有何目的。

晚上，阿康回家。

Athena已一早煮好飯，二人如常一起晚飯。

阿康：「Athena，你煮嘅嘢真係越嚟越好食呀！就好似呢個炒滑蛋咁，火侯真係啱啱好，又嫩又滑，就好似你啲皮膚咁滑！」

Athena︰「做乜今晚咁好口，落晒嘴頭氹我開心呀？」

阿康：「講真話又俾人話我落嘴頭，哼！以後都唔讚你嚕！」

阿康作狀生氣，扮作埋怨Athena。當然，這只是阿康說的無謂笑話。

Athena突然一臉認真，望著阿康。

阿康：「喂，我真係講笑㗎喳，你唔係feel唔到吓話！」

Athena︰「你咁好口，係咪今日做咗虧心事？」

阿康：「吓！」

Athena突如其來的詢問，阿康不知她說話的原意。可能只是說說笑罷了，她認真的樣子，有機會只是捉弄自己。

不過，他今天的確做了虧心事。雖然給Rachel一個鼓勵的擁抱，並不是一件不見光的事，但在情在理，他也不該胡亂跟別的女生擁抱，這樣根本不能為伴侶帶來安全感。

可是，這樣突兀的坦率，又有點無中生有的感覺。明明Athena只是說說笑，如果坦承說出今天發生的事，好像有點自掘墳墓的味道。

(續)

幸好，他記得Athena曾經講過，二人要坦承相對，不可以再有事情隱瞞對方。

最後，他決定坦白。

阿康：「唔係虧心事，但我做咗啲嘢，可能會令你唔開心。」

「究竟係咩事會令我唔開心？」Athena原本也沒有緊張的情緒，卻被阿康這句話觸動了心靈。

阿康緊握Athena雙手，說：「今日Rachel同我講佢失戀，佢好唔開心。之後佢講講下，佢……佢激動得滯，攬住咗我。我見佢真係好唔開心，所以冇推開佢，由得佢攬。Sorry呀Athena，我唔應該咁做，我……」

Athena未等到阿康解釋完，便立即擁抱著他。

Athena︰「好彩你講晒俾我聽喳，好多謝你真係講出嚟，我幾驚你收埋唔講！」

Athena這種反應，完全出乎阿康意料之外。她的意思，就像一早知道阿康今日所做過的事，而又想阿康主動向她匯報一樣。

阿康：「你……係咪知道咗啲咩？」

Athena︰「我俾啲嘢你睇。」

Athena將今日Marcus拍下的片段，原原本本地在阿康面前重播一次。

阿康：「吓，點解會俾人影到㗎？」

Athena︰「係我朋友偷拍，再send俾我睇。」

阿康吞了一啖口水，慨嘆世事真的有如此巧合之事，跟電視劇情節沒有兩樣。

Athena︰「做乜緊張者你，你又話唔係虧心事！」

阿康：「我驚你嬲呀，話晒都係我攬其他女仔！」

Athena︰「我見你係光天化日同佢攬，唔係偷偷摸摸，你動作又生硬，完全係一副唔情願嘅樣，就知你對佢係冇嘢啦！」

阿康：「Athena，多謝你冇嬲我呀！」

Athena︰「唔會啦，上次你都原諒咗我，今次我點會嬲喎！」

Athena所指的事，就是之前她跟Thomas親嘴之事，恰巧兩件事情都在公司樓下大堂發生。

阿康：「都話唔好再提咯，我都唔記得咗啦！」

Athena立即送給阿康一個香吻，答謝阿康真的沒有再怪責自己以前的錯事。

不過，今天的事情，她也要設法認真處理，並適當地跟阿康表達自己的醋意。

Athena︰「咁Rachel佢點㗎，失戀就要搵人攬，又唔見我以前失戀嗰陣要搵個男人去攬！咁下次佢又失戀，係咪又要同你攬一次？」

面對Athena的質問，阿康顯得有點不知所措。Athena的疑問是有點強勢，但他覺得Athena有這樣的反應是非常合理。

阿康：「一係除咗喺公司以外，我都唔會再同Rachel單獨相處，好冇？」

Athena︰「咁又唔使，唔通你完全唔理佢咩，佢又係你最好嘅女性朋友，我唔想你冇晒啲朋友，我冇咁專制。我只係想你留意下者！」

「我知點做㗎喇，我唔會再令你唔開心！」說罷，阿康立即親吻Athena。

Athena︰「我都冇唔開心。繼續食飯啦！」

慶幸這次只軒起了小風波，並沒有影響阿康與Athena之間的感情。

**********

晚上，阿康經WhatsApp傳送信息給Rachel。

阿康：
「喂 今日我同你喺大堂攬住嗰陣
俾athena個friend發現到
仲拍埋片
俾athena知道左」

Rachel︰
「😨下 咁大獲!!!!!!! 」
「我依家打俾你得唔得」

阿康：
「唔好喇
依家冇嘢㗎喇
athena冇嬲我
但係你以後唔好再咁做喇」

Rachel︰
「sorry ar
我冇諗住會影響到你同athena
真係好對唔住」
「不如我同athena解釋清楚啦」

阿康：
「千祈唔好
過咗去就算
有咩星期一喺公司再講啦」

Rachel萬萬想不到，自己一時之間的任性，差點影響阿康和Athena之間的關係。

翌日，她向Johnson提出請辭。

有文

Lm

Push

Athena好意思嬲

你攬Thomas嗰時仲冧啦

嗰陣係打茄輪
唔係攬

Push

虧佢仲講得出「幾驚你收埋唔講」


Athena 你有撚資格咩，你嗰時咪一撚樣瞞撚住個傻撚，百口莫辯先焗住認

Push

唔知點解有返阿康同Athena好睇返

Lm

Lm

哩個故一路睇一路心UP

講講下又兜返athena

推推

係嘅
冷靜啲先