一個A0毒L和O4女神的故事 (6)

633 回覆
64 Like 12 Dislike
2022-01-06 14:08:08

Rachel其實幾難寫
性格太爽朗
或者心裡覺得每件事都冇乜所謂嘅人
會令每個細節都難寫落去
所以我承認有少少攪到rachel唔拖唔水
表面ok但心入面好忐忑

其實呢篇番外我將視角過份集中咗喺Edan
希望最後呢幾篇會攞返平衡
2022-01-06 19:41:00
2022-01-08 14:00:33
番外篇 - 感受三十七度的體溫 (15)

同一個晚上,Edan收到Justin信息,說想約他出來喝酒。

如果Justin早一晚約他,他一定會出來跟Justin開片。經過Elise昨晚的解釋後,他相信Justin沒有跟Rachel有路,也沒有覬覦Elise,Justin仍是他那個多年來的好友。

Edan應約,獨自前來Justin的studio找他。當時整間studio都沒有其他人,其他職員和學生都已離開。

二人再次在錄音室內喝啤酒。

Justin︰「我有啲後悔攪呢個音樂節,真係好撚忙!我發誓,今次完咗之後,我唔會再攪啲咩音樂節、音樂會之類嘅嘢!」

Edan︰「竟然有嘢會難到你?一直以嚟你都唔識驚,想做就做。」

Justin︰「溝女就係者,攪event真係完全唔同!你叫我淨係表演我係好enjoy,但攪event太多行政嘢要理,我studio嘅規模同人手根本做唔嚟!」

Justin一開始便大吐苦水,大呻音樂節的麻煩事。兄弟訴苦,Edan一如以往,一直細心聆聽,沒有絲毫怠慢。

不過,不知是否因為最近曾懷疑Justin跟Rachel偷食,Edan現在對Justin的一舉一動,講的每一句說話,都有一點兒戒心,並不完全信以為真。

Edan︰「喂,想問你一啲嘢!」

Justin︰「問啦,成個女人咁!」

Edan︰「你係咪真係鍾意Mia?」

聽到Edan這條問題,Justin明顯有點愕然。他們兄弟二人之間的話題,就算涉獵感情事,也只是吐槽拍拖時的不快,並沒有很深入地去說愛與不愛,猶其是屬於玩家型的Justin,跟他說感情事,根本就是對牛彈琴。

Justin︰「你……呢條問題係認真?」

Edan︰「前幾日上過你屋企,我睇得出Mia好鍾意你。你唔會只係為咗同人扑嘢先同佢喺埋一齊掛!」

Justin︰「屌,如果我要扑嘢,我會正正經經搵個SP!我同得條女拍拖,就一定有愛!」

聽到玩家Justin對愛情的看法,Edan不禁大笑起來。

Justin︰「屌,你笑夠未呀?」

Edan︰「係,有愛,有愛,但你對Mia肯定唔夠愛囉!你知唔知Mia嗰日同我講咗啲咩?」

Justin︰「你講就講啦!」

Edan︰「佢話你唔鍾意佢,你有另外鍾意嘅人!」

Justin臉上再次出現愕然的神態,似是被Mia講中了心事。

Justin︰「女人……女人嘅嘢就係咁㗎喇,成日都要嘈嘈嘈,又話我唔夠愛佢,又話我陪佢唔夠多!喂大佬,我依家攪音樂節嘅嘢真係忙到瀨屎㗎,又要唔體諒,又要懷疑我唔愛佢!屌,一講瀨屎就即刻急屎,我去爆個石先,等我!」

Justin不知真的急大便,還是借「屎」遁,他真的去了洗手間,剩下Edan在錄音室。

等候期間,Edan看見Justin的手機遺留在錄音室內,沒有拿走,而且剛才Justin曾經覆過信息,之後並沒有關掉屏幕。換言之,Justin的手機處於沒有上鎖的狀態。

忽然,Edan有一個念頭:偷看Justin的手機。雖然這個行為很缺德,但他仍有一絲懷疑Justin跟Rachel的關係沒有這麼簡單。只要查看二人之間有否互通信息和電話,就知道他們有沒有偷食。

Edan小心翼翼地滑動手機,尋找whatsapp入面的對話記錄。他不敢拿起手機,手機仍然放在桌上,他邊看手機,邊留意錄音室門口位置,生怕Justin會隨時回來。他開始手心冒汗。

他發現Justin最近頻繁地使用whatsapp,可能是忙於籌備音樂節的關係,要跟不同的人聯絡和溝通所致。

一直向下滑動,Edan終於見到一組熟識的電話號碼──Rachel的電話號碼。這証明了Justin和Rachel二人曾經用whatsapp傳送過信息。

Edan吞了吞口水,最後決定查看Justin與Rachel之間的對話記錄。

Edan發現,他們二人只傳送過四次信息,兩次是來自Justin,兩次是Rachel回覆的emoji,分別於兩個不同日子送出。

「今晚2000錄音室」
「👌」
----------
「2030錄音室見」
「👌」

**********

Edan看見信息,雙手開始顫抖起來。他終於要接受這個事實──Justin和Rachel曾經私會過。

Edan很清楚知道,他們並不熟稔,唯一的共同朋友就是他與Elise。Elise說過Rachel曾來過studio找她,証明二人不需要私會,Rachel也有可能將鈕扣遺留在Justin的錄音室。

可是,就算Elise的說話是真,也不能代表Justin沒有跟Rachel私會。事實証明,二人曾經相約在錄音室,做了不知是怎麼樣的事。

此時,Justin返回錄音室。

Edan再也按捺不住,直接揮拳打向Justin的臉頰,Justin冷不提防,被Edan的重拳狠狠地擊中!

Justin退後兩步,並用左手掩著被擊中的位置,狀甚痛苦。

「你做乜撚嘢呀屌!痴撚咗線呀!」

Edan沒有回答,繼續揮拳擊向Justin的臉部。今次Justin有所防範,成功避開Edan的攻擊,更作出還擊。

二人利用猶如小學雞的搏擊方式,互相扭作一團,場面詼諧且混亂。Edan來勢洶洶,見自己未佔上風,便改為攻擊Justin的腹部,成功取回優勢。

面對Edan莫名其妙的攻擊,Justin顯得一頭霧水。他不知發生了甚麼事情,令Edan失控毆打自己,明明剛才氣氛還好,回來後Edan便對自己拳打腳踢。

「夠喇!」Justin大聲疾呼,喝令Edan停止攻擊。Edan也漸覺疲累,隨即罷手休戰。

二人互相怒視對方,並猛烈地喘著氣,雙方也沒有再說話。

過了好一陣子,Justin率先說話。

「咩事呀……究竟咩事呀依家!玩……玩咩呀屌你!」

「你……你解釋一下,你同Rachel嘅對話!解釋唔到再繼續打!」Edan拿起Justin手機,放在他的眼前,讓他看得清清楚楚。

Justin看見他之前傳送給Rachel的信息,神情隨即變得輕鬆。

「喂,你誤會咗喇,我……」

「你瞞住我約Rachel出嚟,仲要約上嚟呢度,你話我有誤會!喂,你賤還賤,你做咩要攪Rachel呀,點解?」

「丁俊森,你冷靜啲先,你俾我解釋先……」

「你以前唔嗲唔吊,唔鍾意Natalie又要吊住人,最後又要夾硬喺埋一齊,攪到唔夠兩個禮拜就分手,呢啲我已經冇同你計。你就係咁㗎喇,成日都玩玩吓,飛咗Natalie冇耐就溝Mia!你都係為咗扑嘢啫,你咪搵返你啲SP囉,做乜仲要繼續去傷害其他人。依家就連Rachel你都攪,你真係一個人渣,你冇得救㗎喇!」

「你收嗲啦!」Justin聽到Edan長篇大論的謾罵,立即提高聲線,喝令Edan收口。

Edan︰「哈哈,你條賤精,攪完個friend條女仲聲大夾惡!」

Justin︰「丁俊森你條仆街,你……你真係好蠢呀,將啲嘢倒轉晒嚟講!原來你一直都係咁睇我,你覺得我係咁賤嘅咪唔好同我做friend囉!你依家係懷疑緊你條女同你個friend攪埋一齊呀,你咁樣屈佢偷食,枉佢仲要對你咁好!」

Edan︰「哈哈……哈哈哈哈!你以前一直喺我面前數Rachel對我唔好,又話佢唔鍾意我。咩事呀依家,你食完佢之後就話佢對我好,話我屈佢偷食!哈哈,講到賤你真係冇人能及呀!」

Justin︰「係,我曾經覺得你係唔配有Rachel呢個咁好嘅女仔,先喺你面前講Rachel壞話,呢個point我唔會拗,係我衰,你就當我係衰人!我只係想講,我冇鍾意Rachel,我冇攪佢,從來都冇,同佢亦都唔係好friend,但我知道佢真係好鍾意你!」

「你收嗲啦!你覺得我仲會信你講嘅嘢?哈哈,戇鳩先會信!」Edan抽起Justin的衣服,向Justin怒目而視。

Justin甩開Edan的手,退後兩步,並用手指指著Edan。

Justin︰「俾我講埋我想講嘅嘢,之後你都係唔信我,要再打我,我無任歡迎!我只係想你平心靜氣聽我講嘢,好冇?」

Edan︰「好,我俾你講,我就睇下你仲點兜!」

Justin慢慢道出這數個月以來的事。

**********

大約三個月前的一個晚上,Rachel經whatsapp傳送信息給Justin。當時他們二人只曾見過兩次面,兩次都是跟Edan一起,三個人一起吃晚飯。

對於Rachel突然傳來信息,Justin顯得有點驚訝。

Justin︰
「rachel 有咩事呀」

Rachel︰
「我想問你一樣嘢」

Justin︰
「你問啦」

Rachel︰
「你知唔知邊個係natalie」
2022-01-08 14:01:55
今篇唔係好長
睇住先
今日有嘢做
聽日繼續寫
2022-01-08 15:20:27
2022-01-08 22:21:57
Push
2022-01-09 11:05:56
Rachel:屌又係我
中意親都係啲負心男人,眼裡面得女神無其他人

2022-01-10 00:34:41
仲廢撚過阿康
2022-01-10 00:36:54
加油巴打!
2022-01-10 18:15:18
番外篇 - 感受三十七度的體溫 (16)

Rachel︰
「你知唔知邊個係natalie」

Justin看見Rachel的提問,霎時間不知怎樣回答。Rachel這樣問,一定有其原因,可能已得知Natalie曾是Edan深愛的女生。

Justin︰
「natalie?」

Rachel︰
「係
你同edan嘅common friend natalie」

Justin︰
「哦 係呀
我同edan係有個朋友叫natalie
咩事呀?」

Rachel︰
「我直接啲講啦😅
我知你係識左edan好多年嘅兄弟
我問你任何關於edan以前嘅嘢你都未必會答我
但我只係想知多啲呢個natalie嘅嘢」

作為Edan多年兄弟的Justin,Edan的現任Rachel刻意經whatsapp問他關於Edan以前曾經喜歡過的女生Natalie的事,他怎樣回答也會為Edan製造危險。但不回答的話,只會令Rachel更加懷疑Edan。

Justin決定如實作答,並旁敲側擊。

Justin︰
「冇特別
natalie係我同edan嘅朋友
佢又係喺我studio學緊彈結他」
「你點解冇端端咁問」

Rachel︰
「冇嘢
我知道佢以前曾經鍾意過呢個natalie
但最後冇喺埋一齊」
「我好想知道多啲佢以前嘅嘢
但佢一定唔會講」

Justin︰
「冇嘢㗎rachel
edan係曾經鍾意過natalie
但已經係以前嘅事」

Rachel︰
「我知 我冇嘢
我問完喇
唔阻你喇🙂」

Justin深知女生說沒事即是有事,他不想好兄弟甩拖,但又不知Rachel為何會得知Edan跟Natalie的事,於是設法從Rachel身上問出緣由。同時,Rachel也想從Justin身上了解更多Natalie這位女生的事,於是二人一直互傳信息,傾了很久。

在二人均承諾對當晚的談話守口如瓶的情況之下,他們各自說出了事實。

原來當晚Edan送Rachel回家的時候,Edan因太疲累而睡著。Rachel清楚聽到Edan在夢中說:「Natalie,你唱歌好好聽!」立即惹來Rachel醋意大發。

「點解佢會無端端喺夢入面叫Natalie?」

「佢之前個女朋友唔係叫Natalie㗎喎,究竟Natalie係邊個呢?」

「佢竟然夠膽喺我面前叫另一個女仔嘅名!」

一大堆問號湧上心頭,Rachel勢要在Edan醒來之後向他問個究竟。

突然,巴士急速煞車,Edan立即從睡夢中驚醒過來,本能反應地擁著Rachel,並擋在Rachel前面,以免Rachel撞向前方的椅背上。

最終,巴士撞上前面的私家車,幸好巴士及時煞車,兩車只是被撞凹了少許,沒有造成嚴重交通意外。

「Rachel,你有冇事呀?」

當時驚魂未定的Rachel,被Edan的反應嚇倒。

明明Edan平時待人接物都比較遲鈍,但剛才在危急的時候,反應竟然可以如此敏捷!

而且,他是不顧一切地護著Rachel,此一舉動,令Rachel相當感動,剛才那些醋意也立即全消。

Rachel︰「冇嘢喇,你攬到我咁實,一定冇事啦!你有冇嘢呀?」

Edan︰「我OK呀!」

Edan隨即親了Rachel嘴唇一下。

雖然Rachel沒有再對Edan夢中叫喚其他女生名字的事而生氣,但心裡仍有介懷。她不想在此時質問Edan,於是決定找他的好友Justin問清楚。

Justin︰
「以我所知
edan已經忘記咗natalie好耐
當時edan係有同natalie表白
但natalie拒絕咗佢
之後佢哋都冇尷尬
繼續做返朋友
我知道嘅嘢就係咁多」
「至於佢點解發開口夢叫natalie
可能佢真係好鍾意聽natalie唱歌掛
純綷係欣賞嗰種鍾意
以前edan係聽natalie busking 而識佢」

Rachel︰
「橫掂都係
我想問多你一個問題
edan超鍾意嗰首假使世界原來不像你預期
佢係咪因為natalie而鍾意㗎?」

Rachel的提問再次令Justin苦惱。他不知Rachel還知道多少事情,也不知怎樣回答才能將Rachel的敏感度減到最低。

Justin︰
「???
點解你會咁諗?」

Rachel︰
「我上youtube睇過natalie喺街頭busking嘅片段
幾次都俾人影到佢唱呢首歌」

Justin︰
「呢首歌當時咁出名
好多人鍾意都唔出奇
就算edan同natalie一樣都鍾意呢首歌
都唔係好出奇」

Rachel︰
「我明白喇
多謝你講咁多嘢俾我聽🙂」
「我冇嘢
你千祈唔好同edan講我問你natalie嘅嘢」

Justin︰
「你都千祈唔好同佢講我講咗咁多嘢俾你聽呀
佢知道嘅話我會俾佢打死」

**********

自此之後,Rachel跟Justin二人一直沒有再聯絡。Justin不敢將他跟Rachel聯絡過的事向Edan提起,Edan也沒有跟他說起Rachel的特別事。

Justin偶然觀看Rachel的IG,發現全部都是她與Edan之間拍拖的照片,全部相片都影得很親密、很溫馨,字裡行間也發覺她真的很喜歡Edan,完全沒有被Edan在睡夢中叫喚Natalie的事而受影響。

Justin有點羨慕Edan。

Rachel沒有對Edan大興問罪之師,反而越來越愛Edan。而且她發現Edan最喜愛的歌曲,也是Natalie經常演唱的歌曲,但完全沒有任何怪責Edan的意思。

直至一個星期前,Rachel再次找Justin。

Justin︰
「咩事呀」

Rachel︰
「你攪嗰個音樂會係咪有個環節
係俾一啲唔識音樂嘅人上台表演」

Justin︰
「係呀」

Rachel︰
「仲有冇位呀依家」

Justin︰
「下
你想玩?」

Rachel坦然剛與Edan吵架,她的心很忐忑,不知怎樣跟Edan和好如初。當時Justin已從Edan口中得知風筒事件,他相信兩者是有關聯。

Rachel︰
「係
我唔知點解會有咁嘅反應
我依家都唔知自己想點
我淨係想做一啲嘢
去証明我係好愛edan
所以想你幫我手」

Rachel知道Edan曾經很喜歡自彈自唱的Natalie,她也想嘗試拿起結他,在Edan面前唱出他最喜歡的歌,去表演她對Edan的愛。

Justin︰
「其實你唔使咁做
edan係好容易氹
你唔使咁樣做」
「你要短時間裡面學識彈結他
仲要彈一首歌出嚟
仲要唱埋歌
係一件好難嘅事」

Rachel︰
「我知道
就係難先顯得我嘅決心ma
我知道你教結他好叻
所以想你教我彈
你幫唔幫我」

Justin︰
「你唔使特登咁做
edan鍾意natalie係以前嘅事
你係你 natalie係natalie
你唔使刻意要咁做」

Rachel︰
「我心意已決
你幫定唔幫㗎」

Justin感到無奈。他開始覺得,Edan這個平凡的人,根本不值得Rachel這位女生去愛。

Justin︰
「我已經忙到七彩
你搵elise教你啦」

Rachel︰
「佢話佢識彈
但唔識教
如果佢得我就唔使搵你啦」

最終,Justin答應了Rachel的請求,教授她彈結他。

由於WhatsApp中Justin和Rachel的對話比較敏感,所以Justin將之全部刪除,剩下兩次相約錄音室的對話,因太忙而忘記刪掉。
2022-01-10 18:15:42
(續)

Justin︰「我要講嘅已經講完,信唔信隨便你!」

Justin一下子講出很多資訊,Edan也要時間去吸收。

Justin︰「喂,你信唔信都出句聲啦!」

Edan︰「我好亂呀,已經分唔到真假!你講嘅嘢唔係好合理,你又口講無憑。」

Justin︰「令你最介懷嘅都係我約咗Rachel上嚟呢度者!其實兩次Elise都喺度,嗰晚你嚟錄音室見到我同Elise,就係一齊聽返Rachel唱歌嘅playback,當日Rachel請半日假就係嚟我呢度學結他同唱歌。你唔信可以打俾Elise問佢!」

Edan︰「Elise佢尋晚完全冇同我講過Rachel搵你學結他嘅事!」

Justin︰「梗係啦,Rachel想俾驚喜你,Elise梗係唔到最後一刻,都唔會講Rachel搵我係學結他啦!你今日屈我同Rachel有嘢,我梗係要講晒出嚟,以免你再懷疑我吖嘛!」

Edan得知這個似是而非的事實,又不知這是不是最終的真相,思緒顯得相當混亂。

Edan︰「好唔合理呀!你以前一直喺我面前話Rachel唔好,仲叫我同佢分手,依家到我揭發咗你,你又話佢好好,話佢好鍾意我。我就當呢個係事實,咁你嗰陣做乜要慫恿我同佢分手者?你變態㗎?」

Justin︰「我唔係變態,我係唔抵得你有條咁好嘅女者!」

Edan︰「你仲話你唔係變態!我搵到個對我好好嘅女仔做女朋友,你唔係戥我開心不特止,仲想我同佢分手!你痴撚咗線呀!」

Justin︰「係,我承認我做錯咗,我係因為太妒忌你先咁做!點解你要咁好命,成日都會遇到真心對你好嘅人,偏偏我遇到嘅就唔係!」

Edan︰「哈哈……哈哈,你真係痴咗線!你先係倒轉晒啲嘢嚟講!你由細到大都係要乜有乜,要女有女,要錢又有錢,大把人鍾意你,我不知幾羨慕你!妒忌嗰個又點會係你呀,你呢啲係啲咩歪理嚟㗎!」

說到這裡,輪到Justin抽起Edan的衣領,情緒比起Edan更激動。

Justin︰「要錢有錢?你覺得攪音樂搵到食咩依家!我開到呢間studio,都係我老豆老母泵水俾我我先開到喳!間studio開咗咁耐,都未賺過錢呀,你知唔知背後有幾多人笑我,笑我只係靠屋企人,如果冇老豆老母幫我,我根本咩都唔係!」

Justin很少會在Edan面前說出這些心底話,Edan顯得一臉茫然。

Justin︰「我最好就係有我老豆老母,佢哋有錢,連啲女都會自動走埋嚟我度,你估啲女真係貪我有才華,貪我有型呀!佢貪我老豆老母啲錢喳!」

Edan甩開Justin的手,向Justin作出反駁:「我唔知你之前啲女對你係咪真心,就算係Mia,我都唔敢百分百肯定佢對你係真定假,但有一個女仔真係真心對你,嗰個就係Natalie!你睇你點對Natalie吖,拍拖唔夠兩個禮拜你就飛咗佢喇,仲要極速同Mia撻著!你根本就係blame the victim!」

Justin再一次抽起Edan的衣領,說:「係Natalie飛我㗎!係佢提出分手㗎,我幾時有講過係我飛佢呀?」

面對Justin的指責,Edan顯得一籌莫展。他的確未攪清楚Justin和Natalie分手的原因,只一味怪責Justin玩弄感情,傷害Natalie。

Justin︰「Natalie鍾意嗰個係你呀丁俊森!」
2022-01-10 19:09:33
Push
2022-01-10 19:18:44
Push G持
2022-01-10 19:37:51
點解natalie 鍾意edan 但同justin一齊
2022-01-10 19:39:46
唔好Quote文, thanks
2022-01-10 20:55:02
Natalie又一開波拒絕人?
嗰時都未有Rachel。

唔好又比我估中
2022-01-10 21:25:13
劇情一係老土,一係唔老土㗎啦
2022-01-10 21:25:43
謝謝
2022-01-10 23:26:57
edan真係好慘,比萬惡嘅樓主瘋狂sm
2022-01-11 01:27:23
推推
2022-01-11 01:27:34
quote文狗死全家
又block多隻quote文狗
2022-01-11 02:13:53
唔係Natalie有絕症嘛..
2022-01-11 12:08:41
哈哈
咁我又未衰到要玩絕症
2022-01-11 12:24:44
推,劇情大反轉
2022-01-11 18:58:00
等文
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞