一個A0毒L和O4女神的故事 (6)

簡介：
故事男主角阿康，毒毒一名但心地善良，能否跟心儀的女神Athena開花結果？故事結局會是童話式的「有情人終成眷屬」，還是現實的無疾而終，孤「毒」終老呢？

舊post︰
一個A0毒L和O4女神的故事
https://lihkg.com/thread/2462496/
一個A0毒L和O4女神的故事 (2)
https://lihkg.com/thread/2490219/
一個A0毒L和O4女神的故事 (3)
https://lihkg.com/thread/2506142/
一個A0毒L和O4女神的故事 (4)
https://lihkg.com/thread/2524161/
一個A0毒L和O4女神的故事 (5)
https://lihkg.com/thread/2548084/

紙言：https://www.shikoto.com/i/79G
Penana︰ https://m.penana.com/story/76080/

主故事雖然完咗好耐，但依家進入第二篇番外，希望大家仲記得呢個故仔，繼續睇埋落去啦！(保証唔爛尾，但出文頻率只可維持喺一星期1-2篇，希望各位見諒！)

lm

使唔使咁快

緊係要

新po留名

(重post新番外第一篇，等大家唔使搵返舊post)

番外篇 - 感受三十七度的體溫 (1)

『人類是恆溫動物，身體核心溫度維持在攝氏三十七度水平。但近年有研究發現，現代人的平均體溫，比百多年前的人類為低，現時大約維持在攝氏三十六點六度左右。

平均體溫下降的原因，可能是溫室效應的關係，環境溫度上升，人類暴露極寒天氣的時間減少。而且科技進步，室內溫度上升，人類也有更多可行方法禦寒，體溫便不需要維持在高水平。

除了生病之外，人類是否再也感受不到三十七度的體溫？不！只要兩個人互有好感，互相有心跳感覺，相處的時候，彼此的身體也會比平常溫暖。三十七度的體溫，只要跟有感覺的人擁抱，便可感受得到！』

這篇感性得有點荒謬的帖文，很多人也會對其嗤之以鼻，絕對可將其當成垃圾文一樣看待。偏偏有一個人，對這篇短文深信不疑，並一直牢記於心……

**********

「丁俊森！」

Edan在餐廳呆等了接近半小時，終於等到Justin出現。而且，Justin還帶來了一位女伴。

Edan︰「Justin，呢位係……」

Justin︰「呢個係我女朋友，Mia！」

Mia︰「Hello，我叫Mia呀！你叫，丁俊森？」

Mia禮貌地跟初次見面的Edan打招呼，但Edan並沒有給予反應。

他確實不懂如何回應。數天前，Justin的女朋友明明是文青女生Natalie，而且在他面前表現得很恩愛。可是，數天後的今日，Justin的女朋友竟變了眼前的MK妹Mia。

Justin異性緣極為旺盛，Edan一向非常清楚。Edan和Justin認識已久，中學時曾是同班同學，二人彼此互相了解，Justin換畫之快，他沒可能不知。但今次真的快得有點離譜，Edan一時間接受不來。

Justin和Mia沒等Edan回應，自行坐在卡位的另一側。

「Hello！」Mia沒有放棄，仍在嘗試努力尋求Edan的回覆。

Justin︰「喂，咩事呀？做乜呆撚咗？」

Edan︰「哦，冇呀，估唔到你女友係咁靚者，一時間俾唔到反應。益咗你啦仆街仔！」

Edan隨意說了一個是女生聽到也應該會高興的理由，雖然這並不是事實。

Mia︰「乜真係㗎咩？嘻嘻！BB呀，估唔到你個friend睇落成個宅男咁樣，其實都幾識講嘢㗎喎！」

Justin︰「其實邊係佢識講嘢吖，你根本就係靚，佢講事實喳嘛！」

說罷，Justin抱著Mia，並親了Mia一下，氹得Mia笑逐顏開。

Edan看見這種情境，心裡暗覺難頂，很想盡快離開餐廳，離開這對有點噁心的情侶。

Mia︰「丁俊森，你同Justin係咪好好兄弟㗎！」

Edan︰「你都係叫返我個英文名Edan啦，我唔係好慣人哋嗌我中文全朵！係Justin同我係中學同學先會響全朵！」

Mia︰「是旦啦，都係一句者！喂，BB呀，咁我唔阻你同好兄弟食飯喇，拜拜喇！」

Justin︰「錫啖先走啦！」

二人互相咀嘴後，Mia不捨地離開。

**********

確定Mia離開餐廳後，Edan立即連珠砲發。

Edan︰「有冇攪錯呀，無端端帶條女嚟，事前又唔講，你想我俾咩反應你呀！」

Justin︰「Mia知道我約咗你，佢想確認一下我約嗰個係咪真係仔，所以咪夾硬話要嚟囉！佢事前𥄫住晒我signal同whatsapp，唔俾我send message俾任何人。」

Edan︰「呢啲係你自己攞嚟，前幾日你仲拖住Natalie，依家又變咗另一個女仔。今次又玩咩呀？一腳搭兩船定係火速分手加火速撻著呀？」

Justin︰「做乜咁躁呀？你第一日識我咩，咁大反應嘅？咁同Natalie一齊咗兩個禮拜，發覺唔係真係咁夾，咁咪分手囉！我分咗手先識依家呢個㗎，我冇劈腿㗎！」

Justin對愛情的不認真，Edan習以為常，不過今次Edan可能有特別原因，令他特別在意。

Edan︰「Natalie對你係認真㗎，你做乜要咁對人？其實你唔鍾意人，你就唔好同佢開始啦！」

Justin︰「你又知我冇鍾意過佢！」

Edan︰「你收皮啦！之前你啲女個個都係大波㗎，Natalie點會啱你！」

Justin以往的女友們，全部都身材豐滿，很明顯，Justin對選擇女伴會有特別口味。

Justin是音樂人，音樂方面很有才華，家境不俗，也有自己的studio。加上外型討好，懂說話，有情趣，也懂得捉女性心理，故此異性緣旺盛。

當然，他也不是來者不拒，只會選擇身材豐滿的女性作為女友。所以，走文青路線、身材纖瘦的Natalie自然不是他那杯茶。

Justin︰「你依家條女夠大波啦，又話我！」

「吓，做……做乜無端端又燒埋我嗰疊？」Edan一聽見Justin提起自己的女友，頓時感到不知所措。

Edan性格剛好與好兄弟Justin相反，性格比較內向文靜，嗜好不多，朋友也不多，只有Justin這位好朋友。也只有在這位好朋友面前，才會說那麼多的話。

Justin︰「次次提親你條女，你都係收收埋埋。講，你哋兩個係咪仲未扑過嘢？」

Edan︰「痴線嘅咩，餐廳嚟㗎，講咁大聲！」

Justin︰「你唔答我就繼續大大聲咁問！」

其實他們二人之間沒有秘密，Justin也常常跟Edan分享他與女友之間的性事。不過，絕大部分都是Justin分享，Edan的經驗確實不多。

經Justin再三追問之下，Edan終如實跟Justin說出實況。

Edan︰「未呀，我同佢真係未上過床。你唔好再問喇！」

Justin︰「攪咩呀你，你係咪太龜縮呀，呢啲嘢你就主動啲啦！」

Edan︰「你龜頭就縮，我不知幾進取，但佢都係唔想同我行埋。」

Justin︰「之前教你嗰啲呢？點樣增強氣氛呀，點樣搵藉口呀，你冇用到咩？」

Edan︰「有用呀，但都係唔work！」

Edan雖有宅男性格，但樣子不差，只是較為書生型，並不是毒L，今次已是他第二次拍拖。之前那次是中學時的初戀，也跟初戀對象發生過關係。

但面對著現任女友，他有點束手無策，仍未看清對方。

Justin︰「你之前講過，你條女唔係處，之前三次拍拖都同對方有關係，佢又冇中途走去信耶穌之類嘅嘢，但佢同你一齊咗已經超過半年，都係唔肯俾你。計我話，佢根本唔鍾意你！」

Edan︰「我唔知呀！我都有諗過，但佢喺其他方面真係對我好好，我係感覺到佢係鍾意我，但偏偏我哋就係有愛冇性！」

Justin︰「唉，唔好諗咁多喇，見你咁唔開心，呢餐我嘅，隨便叫啦，唔好再講女人嘅嘢喇！」

**********

在回家路途上，Edan一直想起自己的女朋友。

他自問對女友很好，二人喜好相近，有很多共同話題，而且自己事事以她為先，二人相處得也很舒服。但不知甚麼原因，女友久久不肯跟自己發生關係。

雖然沒有性的愛情，也可以過得很好，Edan也未至於滿腦子都是性愛之事，但他覺得這樣子的愛情，總會有點缺失的感覺。

如果女友有信仰，或者之前拍拖也沒有跟前度發生過關係，婚前不想有性行為的話，他是絕對理解和尊重。可是，他知道女友並非如此。

究竟女友是否有苦衷？她曾經有不快的過去，所以對性有陰影？或是她真的不喜歡自己，拍拖只當消磨時間？她只當自己是兵？還是她在外面已有SP或者外遇，所以在他面前根本沒有性需要？

一連串的問號，再次在Edan的腦海出現。這兩個月來，這些問題一直纏擾著他。

他決定直接去女友家，找她問清楚，也想在她面前清楚表達自己的想法。

他來到女友家樓下，並致電給她。

Edan女友：「Edan！做乜咁早打俾我？你今晚唔係同Justin食飯咩？」

Edan︰「我已經嚟到你屋企樓下，我有嘢想同你講，你可唔可以落嚟呀？」

Edan女友：「有咩唔可以喺電話度講？」

Edan︰「我想當面同你講！」

Edan女友：「唔……今晚我阿爸阿媽去咗親戚屋企打通宵牌呀，應該聽朝先返。你上嚟啦！」

Edan︰「好！」

Edan聽到女友說家裡沒人，叫他上去，心裡不其然會有這個想法：她已經想通，想跟自己來一場轟轟烈烈的性愛。

Edan按下門鐘。未幾，女友打開大門。

二人招呼也未打，Edan已按捺不住，急不及待撲向女友，門也沒關，便將她按在牆璧上，並強吻對方。

女友想作出掙扎，但Edan實在太大力，根本無力反抗。

女友不斷搖頭，奮力求饒，但Edan像衝昏頭腦一樣，繼續強吻她，並拉高她的外衣，伸手撫摸她的胸部。女友極力反抗，在行動上証明自己極不願意，但Edan沒有絲毫退讓。

這是一個多麼難堪的情境！Edan正企圖強暴他那位相處了超過半年的女朋友，事發地點還是女友跟家人同住的家。

她見自己對Edan的反抗毫不奏效，無奈地放棄掙扎，任由Edan魚肉。沒多久，她更流下淒楚的眼淚。

Edan見女友流淚，立即清醒起來，並放開了她。

Edan︰「對唔住呀Rachel，我唔知自己點解會咁㗎，對唔住呀！」

Edan的女朋友，正是Rachel。

謝謝支持

留名

新post 要加更啊樓豬

留咗名先

Rachel 外傳新post留名

留名

聽日睇下出唔出到

番外篇 - 感受三十七度的體溫 (2)

Edan的女朋友，正是Rachel。

Rachel差點被Edan強行硬上得手，顯得非常悲傷，獨自坐在地上，抱著膝頭痛哭，久久未能平復情緒。

Edan眼前的畫面，完全不是自己心中所想。原本以為是二人的纏綿初夜，現在差點變成了性侵女友。

Edan︰「Sorry呀Rachel，我……我都唔知點解會變成咁！我以為你叫我上嚟，係暗示想同我發生關係！Sorry呀，我真係冇心㗎，你原諒我啦！」

Rachel︰「丁俊森，你淨係識得諗呢啲嘢！你頭先話有嘢想同我講，我見屋企冇人，我又唔想再落街，咪叫你上嚟傾囉。可能我呢個決定令你有誤會，但你可以上嚟慢慢同我講，攪清楚件事先㗎嘛，而唔係好似你依家咁樣對我！」

Rachel由當初的傷感，變為現在的憤怒。

Edan︰「我……我都知唔點解會攪成咁，我……對唔住呀Rachel，我真係冇心㗎！你原諒我啦！」

Rachel︰「你走呀，今晚唔想再見到你！」

Edan︰「Rachel……」

Rachel提高聲線︰「我叫你走呀！」

Edan無奈地離開。

**********

Rachel坐在沙發上放空。幸好，她慢慢平復了情緒。

她隨即想起很多與Edan之間相處的往事。

Edan雖是一個不善於表達的人，而且有時會粗心大意，但他對Rachel很好，事事照顧周到，對Rachel愛護有加，Rachel在他身上找到以前拍拖所欠缺的感覺。

可是，跟Edan相處愈久，Rachel便愈感害怕。她很喜歡Edan，所以很怕Edan會像以前的男友一樣，對其付出所有之後，便會捨她而去。

Rachel自知不能承受失去Edan的痛，她愈害怕，對Edan便愈有保留。她生怕對這段感情付出太多，對方不懂珍惜，便會重蹈之前數次戀情的覆轍。

Rachel很想找人傾訴。她有一位好朋友Elise，由中學便認識對方，每次她有心事，也會與Elise傾訴。不過，自從跟Edan拍拖之後，她已很少找Elise傾心事，因為Elise的身份比較特殊。

Rachel最終也決定打電話給Elise。

Elise︰「陸凱兒，做咩咁夜打俾我呀？你好耐都未試過咁夜打俾我囉喎！我知喇，梗係阿哥激嬲你，同佢嗌咗交啦！」

其實，Elise是Edan的親妹。

自從Rachel跟第三任男友分手後，她一直未有拍拖。她確實有一段時間喜歡了阿康，但她知道阿康喜歡的人是Athena，她自知沒有機會，便努力去忘記阿康。但過了好一段時間，她仍未能好好消除對阿康的思念。

直至一個機緣巧合的情況下，她在與好姊妹Elise的約會中，認識了她的哥哥Edan。

Rachel對Edan的第一個感覺是，他很像阿康。這不是說Edan的容貌很像阿康，因Edan的樣貌比阿康好。Rachel覺得，Edan不論在性格、嗜好和行為舉止上，都很像阿康。

Edan很喜歡收藏figure和砌模型，性格比較內向，和新相識的人很難打開話題，也不喜歡人多的地方。但相識一段日子後，發覺他很懂得照顧身邊的人，是一名暖男。Rachel從Edan的身上，找到溫暖的感覺。

當然，二人最終也順利成章成為情侶。

Rachel︰「我唔知點講呀！我一直都好少同你講我同佢嘅嘢，因為你係佢個妹，你同佢又太熟。但我同佢之間嘅嘢，我唔知可以搵邊個傾！」

Elise︰「你唔好當我係佢個妹，你只要當我係你嘅best friend就得喇！佢係咪做咗啲對唔住你嘅嘢？」

Rachel︰「佢今晚有啲監硬嚟，我有啲唔開心。」

Rachel將今晚所發生的事，跟Elise一一說起。

Rachel︰「其實我一直唔俾佢，係咪我嘅問題？」

Elise︰「阿哥梗係同嗰個Justin player玩得太埋，學晒佢啲衰嘢啦！邊個話拍拖就一定要攪嘢㗎，我估唔到阿哥會係咁囉，一啲都唔care你嘅感受！」

Rachel︰「你阿哥佢一直都好care我嘅感受，好錫我，對我好好。佢可能真係忍咗好耐，今晚佢先至問都唔問就撲埋嚟。我係咪應該要俾佢，等佢開心一啲呢！」

Elise︰「陸凱兒，你以前拍拖就係太在意令對方開心，太在意要滿足對方，先至令到佢哋咁唔珍惜你。你要令對方在乎你、珍惜你，你首先就要愛惜自己。如果你係唔想，任何人都唔可以迫你，就算嗰個係我阿哥都係咁話！」

其實，Elise這個觀點，跟阿康以前對Rachel說過的話如出一轍。阿康曾經講過，要Rachel好好愛惜自己的身體，並不能用其吸引男人，不能只求滿足對方的需要，以勉強留住對方。她要找一個真正愛她、而不是只愛她身體的人。

這個觀點，Rachel一直牢記於心，而且她真的找到了這樣子的人。可是，今晚她卻差點被這個人硬上，幸好最終沒有發生更難堪的事。

Rachel︰「丁心然，多謝你呀！好多謝你企喺我嗰邊去諗！」

Elise︰「梗係啦，我哋係好姊妹嚟㗎嘛！阿哥真係忽上腦，佢陣間返到嚟，我要幫你鬧爆佢！」

Rachel︰「喂，嗰個係你阿哥嚟㗎，況且佢除咗今晚呢件事之外，每樣嘢都對我好好，你都要同我錫住佢㗎！」

Elise︰「仲幫住佢！」

**********

沒多久，Edan返家。Elise見哥哥回來，立即開動罵人模式。

Elise︰「痴線㗎你，你頭先想點呀？唔通你真係想監硬嚟，強迫Rachel同你做？」

Edan聽見Elise此番責備，被嚇了一跳，立即拉了Elise入自己睡房。

Edan︰「痴線嗰個係你呀，做乜咁大聲呀，俾阿媽聽到㗎！」

Elise︰「聽到咪聽到囉，阿媽不嬲都唔妥你㗎啦！依家講緊嘅係你差啲老強你女朋友呀，嗰個仲要係我好姊妹呀，你叫我點樣唔大聲呀！」

Edan︰「你唔好咁啦，我以為Rachel暗示我可以上佢屋企咩咩吖嘛，我知自己攪錯咗我已經即刻停啦！」

Elise︰「你呀，我仲以為你係宅男一個，性格又溫純，又識照顧人，估唔到你都係精蟲上腦，用下體諗嘢！你一啲都唔尊重Rachel呀，總之係咁，當初我就唔撮合你哋兩個啦！」

其實，Edan和Elise兩兄妹感情相當要好，猶其他們在單親家庭長大，母親又經常外出工作，兩兄妹相依為命多年，二人之間建立了一份深厚的兄妹情。

他們一向都是無所不談，但當二人一言不合，性格較為火爆的Elise，面對著性格溫純的兄長，往往都會毫不留情地斥責對方，今次也不例外。Edan顯得十分無奈。

Edan︰「喂，俾吓面好喎，話晒都係你阿哥！我對Rachel好嗰陣又唔見你讚我好！本來我買咗你最鍾意食嘅creme brulee俾你，但你依家咁唔滿意我，睇嚟我都係自己食算喇！」

Edan自幼也十分痛錫這位性格有點兒任性的妹妹。之前Elise曾跟他說過，今天在公司遇到不快事，所以無論Edan現在心中有多煩惱，也沒忘記要哄這位他最痛錫的妹妹開心。

每次Edan將Paul Lafayet的Crème Brûlée交在Elise手中，就算她的心情有多壞，都會立即平復心情。

Elise︰「你就想喇！如果你俾我食，我都尚且可以幫你喺Rachel面前幫你講好說話，唔俾嘅話，我即刻叫佢同你分手。俾唔俾？」

Edan︰「俾俾俾，一定俾！咁一齊食啦！」

Elise︰「我食咗唔代表我原諒你㗎，你要好好咁氹返Rachel呀，唔好再用下體諗嘢，知唔知？」

Edan︰「知喇，食啦！」

Edan和Elise兩兄妹沒有被Rachel的事所影響，一起品嚐Crème Brûlée。

至於Rachel，自從跟好姊妹傾訴之後，心情已無大礙。她已選擇了原諒Edan，只要Edan肯氹回自己，她一定可以忘記Edan今晚對她所做的事。

她步入浴室，準備刷牙就寢。她望著掛在架上的銀色Dyson風筒，一副若有所思的樣子，似乎想起了某個人……

推推

屌⋯⋯
又嚟料

吓
嚟咩料呀

謝謝

謝謝你繼續幫P牌嘅我推文

推

仆街樓主又恰毒撚

LM