一個A0毒L和O4女神的故事 (6)

(續)

晚上，Elise相約Rachel外出吃飯。

二人也是爽朗的人，又是多年好友，Elise沒有轉彎抹角，將她從哥哥口中得知的所有資訊，跟Rachel一一說起。

Elise︰「我只係想問你一個問題，你仲有冇鍾意你個同事？」

Rachel︰「我冇！」

Rachel的回答，比起前天Edan質問她的時候直接了當得多。

Elise︰「咁你點解仲係咁在意佢以前送俾你嘅嘢？」

Rachel︰「我唔知點解會咁，我早排都煩惱過呢個問題，但我已經諗得好清楚，我最鍾意嗰個，係你阿哥！」

Elise︰「你仲想唔想同我阿哥繼續拍拖！」

Rachel︰「我點會唔想？我依家做緊嘅嘢，就係想令佢知道，我係好在乎佢！」

Elise︰「係，我知！阿哥呢幾日好唔開心呀，你做乜一個電話都冇打過俾佢？」

Rachel︰「佢當時已經認定咗我仲鍾意我個同事，我講咩都冇用！我只係想用第二個方式去表達我對佢嘅愛！」

看來Rachel正準備做某些事情，去表達自己是喜歡Edan的信息。

Elise︰「既然你咁講，你可唔可以即刻揼咗個風筒去？」

Rachel︰「如果你認為我有需要咁做，我今晚返屋企就揼咗佢！」

聽到Rachel的承諾，Elise相信Rachel是一心一意去對待Edan，終於放下心頭大石。

Elise︰「你呀，知唔知點解你咁在乎嗰個男仔嘅嘢呀？」

Rachel︰「我知就唔使煩咗我咁耐啦！連我自己都唔知，唔通你會知？」

Elise︰「我梗係知啦，我哋識咗咁多年，你嘅性格我點會唔知喎！」

一直以來，Rachel都是一個敢愛敢恨的人，喜歡一個人的話，就會全情投入，不顧一切也要跟喜歡的人在一起。所以，之前的三段感情，都是她做主動去追求那三位男生，而且非要追到手不可。

阿康是第一個拒絕她的人。以她一貫的好勝心，她不會輕言放棄，先以退為進跟阿康保持朋友關係，日後再伺機捲土重來。但她慢慢發現，阿康擁有現今社會近乎絕跡的單純性格，漸漸令她改變初衷，而且阿康對Athena的態度近乎痴心，她自知自己根本沒有任何機會。所以，她決心忘記阿康，重新接受其他人的愛。

不竟Rachel也只是一個平凡的女生，對於一些自己得不到的東西，會有一種「得不到的永遠是最好」的心態，潛藏在她心深處。她可能已一早放下阿康，但心底裡仍有不服輸的心態，對他的事物也特別在意。

Rachel︰「我份人有咁好勝嘅咩？我唔覺喎！」

Elise︰「你話唔覺咪唔覺囉！你呀，快啲同我氹返阿哥呀，如果再令佢傷心，我就要同你玩絕交㗎喇！」

Rachel︰「知喇！」

回家後，Rachel坐言起行，立即衝入浴室，將阿康送給她的風筒丟掉。

下一篇開始進入戲肉
希望大家包容我出文慢
肯繼續睇落去
謝謝

一入嚟有文好感動

後面真係
故先會有嘅情節

Push

好睇

呢個真係故嚟㗎

冷靜
我依家快啲寫
唔好再出賀叔

我認為Rachel掉風筒應該要有啲掙扎，拎上手應該要有啲似Athena 錫Thomas嗰時嘅疑惑同留戀。畢竟呢個算係告別儀式。

而家無咩鋪排就格硬話中意Edan，突然話Rachel好勝，我覺得可以多啲細節，等個轉接順滑啲。
例如前面就借阿康或者肥媽把口講Rachel為咗張單可以追個客九條街，之類。

不過返住工打文無辦法諗咁多，實屬無奈。
故依然好好睇，不過好明顯樓豬中意Athena多過Rachel。睇主線同番外用嚟描寫兩位女主嘅筆墨同篇幅就比我咁嘅感覺。

個故幾好睇喎！可以係另一個番外篇
題目就叫：遲來的復仇者

你真係講出我嘅心聲
我都覺我描述rachel嘅嘢係有大細超之嫌
不過預告少少
關於風筒嘅嘢仲未完結
二人嘅關係亦都唔會順利
唔劇透太多

係
事實上我係返工放工搭車嘅時候
同埋食lunch嘅時候寫文
有時真係好難組織得好

寫賀叔？

謝謝

好睇，樓主加油

得唔得？有無可能？
不過可能搞笑風或者來個黃昏戀俾賀叔……
不過純吹水你有靈感先再算啦！

主線睇得出有心機好多
Figure、音樂盒、定情歌、茶餐廳同fine dine呢啲伏線都鋪得好有心思。

番外個風筒同雪糕係有潛力。希望樓豬可以係有時間先寫。我寧願慢工出細貨，好過係格硬寫。

多謝

暫時冇靈感

主線我用咗一個月時間寫大綱
中間改過無數次
番外小樽諗咗一個禮拜
番外edan認真諗都係諗咗一個禮拜

我like你最後嗰句

Rachel點解會受歡迎過Athena，係我角度睇，除咗大波之外，係因為距離。

Athena大半篇故都散發住一陣Take it for granted 嘅高高在上嘅感覺。相反Rachel好實在，佢中意就係中意，唔會介意毒男阿康，呢個正正係大部分讀者需要嘅被愛感，而唔係Athena嘅拒人於千里。

所以我對Rachel嘅期望好高，希望寫佢點樣治癒到破碎家庭嘅Edan，畢竟比起有樓有車嘅阿康，我呢類loser唔係需要我點樣飛皇騰達，而係好似Edan咁有種觸碰得到嘅安慰。

但係樓豬似乎好憎毒撚，亦都將Edan自尊極低嘅特質發揮到極致。因為佢太易動情，又經歷過誤會Natalie有意嘅事件，所以Edan時刻都質疑緊咁高質嘅Rachel點會甘心中意一條一事無成嘅爛泥。

其實樓豬寫得好好。Rachel之所以前三個都可以放蕩，到Edan就思前想後，係因為Edan唔係Rachel主動落手追嘅「獵物」，係Rachel嘅內在，而非外殼或者性徵吸引嘅唯一一個。所以佢唔需要獻身去維繫。因為Rachel都唔中意性愛。
佢點解會咁缺愛，直情要用身體去留住獵物，我好期待樓豬點交待Rachel嘅往事。

樓主，洗唔洗我比啲靈感你

解決左個心結 係咪進入戲肉扑野？

唔使

唔好成日掛住扑嘢啦