那天晚上，我遇上了一對吸血鬼姊妹

西野七瀨

1001 回覆

313 Like 15 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

西野七瀨 2021-11-01 22:33:38

1

「Jenny...我....」

在尖沙嘴海傍，這男生鼓起勇氣，對住面前的女生開口表白
「其實...我好鐘意你呀！」

這叫Jenny的女生未等對方講完，就插嘴

「唔好意思呀阿風...我...有男朋友啦」

「......吓？」

男生摸摸自己油油的黑髮

「嗯...佢係我地上次hall o個jonathan組爸呀...我地上星期開始架...」

「上...上星期？！！！」

Jenny苦笑道

「阿風...我諗我地...仲可以繼續做好朋友既...」

「呃...呃...好......好呀...」

男生吃下這苦澀的檸檬，眼淚只能在心裡流

「全部女人都係雞！！！！」

一返到宿舍，男生馬上於房內大叫

同房的roommate阿俊聽到友人哮叫，已經估計到

「方乘風，食左檸檬黎呀？」

「係呀阿俊！！！」

阿風跳上張床度，拎起個枕頭猛咁打:「Jenny條八婆...原來比隻獸父Jonathan食撚左！」

「果陣我地玩hall o都見到個Jonathan幾識yo女架啦，你輸都無計既喎」

面對這種情況，阿俊只能夠安慰阿風:「唉，唔駛灰心喎阿風，我地呢個hall仲有好多靚女架喎，再溝過個囉」

「....唉呀呀呀！！！！仆街依家好撚嬲呀！阿俊，今夜陪我飲酒！」

Ching 2021-11-01 22:33:51

松岡菜摘 2021-11-01 22:33:53

底線 2021-11-01 22:33:56

推

西野七瀨 2021-11-01 22:34:04

阿俊摸摸頭

「但係...我地聽朝要mid term喎...我諗..」

「屌，連你都唔理我？」

阿風捉起阿俊:「我啱啱食檸檬，仲要比個fd遺棄，我就真係要跳樓架啦！！！當我求下你丫！！！」

在阿風一番跪求下，阿俊終於屈服

「唉...好啦好啦飲少少咋，不過雪櫃冇酒喎...」

「得！我落去買，今晚不醉無歸！」

阿風馬上穿上波鞋，落到街上買酒

「多謝你七十二蚊」

拎住兩袋啤酒的阿風，準備返到宿舍和阿俊飲酒

「奇怪...今晚條街緊係無乜人咁，明明平時既黃埔夜晚都好多人食宵夜架喎」

阿風開始回憶起今早上課時的一件小事

「痴線架，最近黃埔又多一單姦殺案，香港既治安真係越黎越差呀」

「唉，近排無乜野都係少啲出夜街啦」

兩名身材肥大的女性，正談論宿舍附近的治安

「啊！！救命呀！！！！！」

一把尖叫的女聲，從側邊的路口傳過來

西野七瀨 2021-11-01 22:34:23

「仆街..唔係咁撚好彩下」

阿風最怕的事果然發生，只好加快腳步

「時運高聽唔到...都係拿拿聲返hall先...最多一陣報警啦..」

而同時，大腦亦一路交戰中

「自己條命先係最緊要嘛」

「見死不救仲係男人黎既？」

「我手無寸鐵，點救呀？」

「咁就代表可以當無事走左去？」

阿風停在馬路之上

「...唉死就死啦！」

「我就係心軟，我始終都係過唔到自己果關！」

跟住剛才的叫聲，阿風跑到寶石戲院附近的窄巷

「唔...唔好過黎呀！！」

一名打扮美艷的OL，被逼到牆上

「嘿嘿，今晚既獵物似乎唔錯喎」

OL眼前的，是一個鬍鬚阿叔，眼神極其淫賤，一看就知是變態佬

「刷！」

變態佬只用一手，就將OL的白色恤衫撕開

「...」

「嘩...對波都幾大架喎！」

「..唔好...」

面對色狼，OL只能低聲啜泣，等待奇蹟發生

威記大佬拉迪菲 2021-11-01 22:34:24

痕奢杞淥猿 2021-11-01 22:34:33

留名

黑石麻衣 2021-11-01 22:34:57

西野七瀨 2021-11-01 22:35:11

見到此幕的阿風，已經害怕到腳也震著

「如果我呢一刻衝出去，好可能大家都冇命」

「如果我唔衝出去，個OL可能會比佢殺死，但亦有可能比佢姦完就冇野呢...」

「唉屌...算啦都係不了...小姐對唔住..」

「咔！」

阿風轉身之際，竟將手上的啤酒撞到牆上！

「邊個！」

鬍鬚阿叔馬上轉頭望到阿風

「屌，今次大鑊！！！！」

OL一見到阿風這救世主，馬上大叫

「先，先生救...救命呀！！！」

「死靚仔...你知唔知阻住阿叔扑野呀！」

鬍鬚阿叔氣得爆炸一樣，青筋暴現

「事到如今....死就死啦！！！！」

「放...放開個.小..小姐！！！」

「放？...我放你老母呀！」

阿叔一拳打往OL腹下，將她打至昏倒

「我依家就隊冚你先！！一陣再屌條女！！！」

阿叔的指甲，竟然一瞬間變長至十多厘米！

而且看其反光程度，應該非常鋒利！

Ching 2021-11-01 22:35:50

終於開學lu

西野七瀨 2021-11-01 22:36:13

「死啦！！」

「救命呀！！！！！」

阿風一路跑出大街，一路大叫，希望得到拯救

「救命呀！！有痴線佬追斬我呀！！！」

「颯！！！」

阿風聽到後面的腳步聲越來越近，心也差不多跳出來

「硬係要激嬲我，仆你個街！！！」

阿叔一跳起，飛到阿風的後腦邊！

「嘩屌！」

運動神經不太好的阿風，只能夠勉強避過

「今次無咁好彩架啦！」

阿叔撲個空之後，再次對阿風發動攻勢

而阿風，下身已經被嚇到動彈不得

「刷！！！！！」

阿叔用右手上的爪，插進阿風腹中！

「啊呀呀呀呀！！！！！」

這一刻，阿風感覺到劇痛已經由下腹迅速漫延到全身

四肢開始無力，眼皮亦慢慢墮下，似乎好快就會失去意識

阿叔拔出利爪

「刷！」

「死賤種，硬係要阻住阿叔！依家就送你歸西！」

「呀...呀呀....明明...我只係落街買酒飲姐，點會遇到呢啲事...」

「唉..一日都係我太好人，理人咁多做乜姐....對唔住啦...老豆..老媽子....」

「我.....」

玲奈7 2021-11-01 22:36:33

西野七瀨 2021-11-01 22:36:58

「砰！！！！」

雖然阿風的意識開始濛糊，但依然見到..

阿叔的太陽穴，爆出一下火花！

「仆街！邊個！！！」

阿叔用爪夾開太陽穴上的子彈

「砰！砰！砰！！！！」

說話未完，又多數發子彈打向阿叔身上

但奇怪的係，子彈無打入阿叔身體裡面，情況就如

他的皮膚擋住子彈一樣！

此時，一個手持武士刀的黑影已經閃到阿叔背後

「！！」

阿叔反應雖快，但對方明顯早有準備，一早已經手起刀落

「刷！！！！！」

武士刀將阿叔既身子斬出一大條傷痕

阿叔被重創後，慢慢倒在地下

「無可能...你連我地人狼既皮膚都斬得開....唔通...」

阿叔好像撞邪一樣自言自語:「係你地.係你地！吸...吸..血鬼姊妹？！！」

另一個黑影亦走到阿叔面前，二話不說

「砰！砰！砰！砰！」

對住阿叔的額頭連開三槍，就將他的生命奪走

西野七瀨 2021-11-01 22:37:19

持武士刀的黑影低身，望住奄奄一息的阿風

雖然只有街燈暗暗的光，但阿風依然見到黑影的容貌

五官端正，雙眼明亮，雪白的肌膚吹彈可破

「先生..你無事丫嘛..」

她輕輕摸住阿風的傷口

「死啦...頭先果下插得太深...」

黑影將阿風的上半身拉起

「家姐..你唔係想...」持槍的另一人開口道

「我覺得...佢值得有第二段生命..」

黑影張開口，向阿風的頸側

咬下去....

花井三日月(運命) 2021-11-01 22:38:09

西野七瀨 2021-11-01 22:39:51

西野七瀨 2021-11-01 22:50:01

「嘩！！！！！」

當阿風再次清醒的時候，望住的

是一個白色天花版

「嗯...係日頭..」

窗外的陽光，使阿風估計現時已是中午

「哦..原來我響hall度，好彩係發夢姐..」

阿風摸摸凌亂的頭髮

「唉..嚇死，個夢真到好似真係比人插左一野咁..咪住先...」

「仆街！今日8點半要mid term test！！」

阿風立即由床上跳起，大叫

「屌你阿俊！今日mid term..........痴撚線...」

「痴撚線！！！」

阿風..並不是身處學生宿舍！！！！！！

西野七瀨 2021-11-01 22:50:29

這房間的色調偏白，設計簡潔，設施齊備

「搞乜撚呀..唔通又發夢？」

阿風揭起t恤，身上沒任何傷口

「屌都無傷！可能只係好似inception咁，我發緊個有幾層既夢姐」

「呀！！！！」

忽然，阿風頸側傳來劇痛

「呢個位...咪係果個靚女咬我果度？！」

阿風馬上到門邊的全身鏡前

「唔撚係掛..」

兩排牙印，清楚地烙印在阿風頸上！

「咯咯！」

「嘩呀呀！」

突如其來的敲門聲，將原來已經三魂不見七魄的阿風嚇到訓地

「你..醒左啦..？」

雖然有一門之隔，但阿風依然聽到

是那個果個武士刀美女

「.....嗯」

「咁我入黎架啦」

「..嗯..」

山區兒童窩巴 2021-11-01 22:51:18

新故留名

西野七瀨 2021-11-01 22:51:38

「咔」

果然，對方正是那武士刀美女

容貌跟阿風於「夢」裡面的一樣，清麗脫俗，亭亭玉立，一頭秀麗既啡髮使佢更傾國傾城

粉紅色短褲下的一雙玉腿更是潔白無瑕

「訓左一教..好唔好啲呀？」

嚇到滿頭大汗的阿風點一點頭

「好...好少少咁啦」

「我知你呢一刻有好多問題，如果你想知答案既話...跟我落黎丫」

「嗯..」

「我叫桔梗呀，你呢？」

「我..方乘風..」

阿風跟住這位叫桔梗的少女，行出房門

「咁..我叫你阿風得唔得呀？」

「嗯...」

阿風望住桔梗的橫顏

「佢...真係好靚女，直頭明星咁..」

桔梗帶阿風行落走廊盡頭的迴轉型樓梯時，阿風問

「唔好意思呀...呢度係...」

「嗯？京士柏山囉」桔梗答得非常直接

「唔係呢個意思呀，我係指...呢度係咩地方...」

西野七瀨 2021-11-01 22:52:19

桔梗知自己誤解阿風問題後，笑到如傻大姐般

「哦...哈哈唔好意思呀搞錯添，呢度係我同蜜柑既屋企」

「蜜柑？就係果個拎手槍既女仔？」阿風心裡問

落到樓下，阿風馬上環顧四周

這間屋的大廳果然豪華，面積大約有二千多尺

簡潔的設計仲令人感到舒暢

「呢個桔梗..咁有錢既？」

「喂呀蜜柑，唔等齊人就食架！」

桔梗對住飯枱前的另一少女講

這個叫蜜柑的少女年紀肯定比桔梗小，而且身材亦似乎不及桔梗

不過紮住馬尾的她，雙眼更加明亮，皮膚更潔白，樣貌亦比較稚氣

蜜柑眼尾望到阿風一眼，就繼續吃著枱上面的卡邦拿意粉

「啱啱起身...肚餓」

意粉既香氣令阿風食指大動

「咕...」阿風肚子都不自覺地響起黎

西野七瀨 2021-11-01 22:53:24

「嘻嘻，阿風你係咪肚餓呀？」

「..呃..嗯」

桔梗將大碟上的意粉分到一隻小碟上

「食丫唔駛客氣！我整多左好多架」

「但係..」

聞住意粉的香氣，阿風都懶得再裝紳士，馬上拎起叉鯨吞意粉

「好..好好食..」

「阿風，你既問題，我依家就為你逐一解答」

桔梗坐到蜜柑旁邊，開始正題

「雖然，真相可能令你好難相信」

「首先，你尋晚遇到既事，全部都係真」

「乜...撚野話！？」

「尋晚..用鋼爪攻擊你既叫人狼，佢地係一種響公元一世紀開始出現響世上既生物」

桔梗專心為阿風解釋：「佢地皮膚堅硬，有一對可以自由伸長既鋼爪..」

「但佢地外表上係同你地人類一樣，所以佢地隨時潛伏響你身邊...一般人係完全感應唔到佢地」

西野七瀨 2021-11-01 22:53:48

桔梗繼續講:「人狼們恃住有呢啲能力，建立左多個組織，作姦犯科」

「尋晚果一隻人狼就係好例子，佢最近已經響紅磡區姦殺多名女子，直到尋晚，我同蜜柑終於成功搵到佢，而響我地到場前..阿風，你就出現啦」

「....」

這一刻，阿風已經跟不上桔梗的話

「人乜撚野狼呀...」

「咁..咁我....」

「阿風你尋晚，的確係中左人狼一爪」

桔梗指住阿風的下腹:「當時既你比人狼既鋼爪捅至大量失血，係我救返你既」

「救？！」

「喂，你都識講我大量失血啦，你仲點樣救我呀！？你係醫生咩？」

桔梗搖頭：「你仲記得，你條頸嗎？」

阿風輕輕咁摸住頸上既牙印...

「唔通，啲牙印又關桔梗事？！」

「我咬既呢一啖，救返你」

「嘭！！！」

一聽到這句，阿風嚇到整個人不自覺向後退，還從凳上跌下

「你...你地係咩人呀！！！」

桔梗沒有馬上回答，慢慢走到阿風面前

「我同蜜柑...都係吸血鬼」

西野七瀨 2021-11-01 22:54:58

每集後小記

1.改左設定，響孤獨兄弟twilight果度好似係寫公元十六世紀
改為：人狼為公元一世紀開始出現

2.呢度夠200正評既話，無啦啦有三條女同左我一齊住先會再出，唔係既話呢個故0人睇

3.星期一至五出故，星期六日比機會你地出去瘟女

4.ig會更多更新，但唔會響度寫埋d乜撚野言情野，on99咁

5.kpop撚請忍到第十一集

6.全民造星4心水：
1號Ivy bb>79號超酸+87號yoyo

吹水台自選台熱　門最　新手機台時事台政事台 World 體育台娛樂台動漫台 Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞