香港行山路綫及資訊討論區 (2)

下個禮拜咁熱 點玩比賽

好彩我個位山友會同我分工合作
宜家佢會知我點樣影
邊到要趕路拍短D 邊到要拍長D
我同佢都冇帶波同埋長腿嘅優勢
唯有用內容吸引人啦

當興趣做下都幾好 男既真係好難

當vlog 咁做下
都係要時間累積訂閱同點擊

有冇話行邊個方向 例如搞笑 介紹向

因為有時會同老婆阿囡一齊行
所以高難度就會留返我同我個山友行
就會揀一啲有景難度低啲嘅同我老婆一齊行
我同我個friend都會成日好認真咁樣讚美我哋香港政府
反而我想做好似我同我個朋友行山好似打機咁
去自我挑戰完成一啲山路咁
之後應該會將四大考牌路線畫啲具象化嘅動畫咁

祝你多啲人睇 最緊要搵到自己風格 啲路線基本上比人拍過晒

巴打幾有心剪，不過依家都多行山youtuber，真係難啲嘅
其實巴打有老婆囡嘅話不妨拍下親子遊？
或者除咗熱門山徑之外，都可以拍啲熱門山但相對冷門路上去，例如釣魚翁東脊 西高山西脊 吊燈籠北脊咁，因為自殺崖 老虎頭 蠄蟝石依啲熱門路線嘅介紹其實都多

btw巴打之前有無行過四大考牌路線？ 見你寫飛鵝南脊都5星

暫時未行過四大考牌路線
都係因為畀政府放我假先開始同朋友搵嘢做
行山最煩係要搵埋一啲啱嘴型啱level嘅山友
我估呢度應該好多巴絲打有同感
難道高嘅路線或者冷門少少嘅都會想行
但係要諗埋D拍先係重點
唔想求其剪完一段片上傳上去就算
都想拍返自己一啲風格同埋鏡頭畫面有小小要求

星數都係參考用既 有經驗既老手當然覺得小菜一碟
（最尾評分先係最準
識睇一定係睇最尾評分個part）
但唔想令未行過嗰啲人覺得好簡單
帶撚埋個小朋友上去最後call直升機走
小弟同山有拍片嘅初衷都係安全至上
安全先可以做世界冠軍

加油 期待你嘅片
當vlog咁玩下先，好多嘢都係要慢慢嚟

琴日經過 重開返了

Ok thx

【有片】30歲男子武夷山失足墜崖　遊客目睹全程驚聲尖叫
https://lih.kg/2916869
- 分享自 LIHKG 討論區

大家敢唔敢行呢個山
利申：唔敢

前面捲住過嗰個位，香港都有個好似嘅！

我琴日婆髻山落山嗰陣 諗番起你依條片 再加上又大風又空曠 真係有少少腳軟

大路線都行過晒咁濟 諗行乜好辛苦

個時睇到都嚇一嚇 佢唔係急住落其實無事
初初重以為個人死左
前面個阿叔叫到癲咗咁

YouTube 連結
https://youtu.be/tL3xxlXR8Fo
記得打開CC字幕

今次「山區兒童」
長距離耐力路既路線 ： 西灣亭到破邊洲
行左10.5hrs
最辛苦係去獨孤山個段叢林同山徑
畀植物磨到厚面皮過正苦高官
破邊洲真係好靚
企係崖邊睇好震撼
好天要再去多幾次

今日行山差啲死
唔知係咪條路少人行冇咗
越嚟越密 見到似係路又唔係路
最後路都冇埋 睇地圖偏離咗
係一片樹林裹面

師兄一個人？

行邊，最緊要人冇事

見唔對路就一定要返轉頭

正解
同埋唔熟路要睇密啲地圖
試過落微雨想快啲衝落山
衝衝上發覺好似冇路仲要跣親
睇返先知原來落多咗
好彩冇受傷
唔敢再搏爆落去
行返上去跟返原本條路落山