香港行山路綫及資訊討論區 (2)

有時唔想行就唔想行，唔關耐唔耐事。

其實好多人屋企返工嘅路程，行都仲短過北潭坳去赤徑，咪又係咁多人坐車。

就算好多屋邨落地鐵站嘅專線小巴線，真係1-2公里都無。

今日烏蛟騰--->大美督，船灣淡水湖郊遊徑，一如預料，完全唔輕鬆，但又唔係難到哭L咗出黎咁。只係幾磨蝕意志。

又上又落但有番啲平路，反而俾到關節休息。雖然十幾個上山石頭勁多唔正常，但行落唔係想像中咁得人驚。肯定係練習浮沙碎石落山完美場地。

郊遊徑係咪哩條最惡頂，還是有更辣？

印洲塘郊遊徑又係長途，不過應該冇咁難頂

哩條線都想行好耐

究竟今個星期日落唔落雨

天文台都改左給次

無再辣架啦！

呢條漁護署唯一一條自己評咗做五星難度路線。

其實真係唔應該叫郊遊徑囉，好多人以為郊遊徑會容易，但呢條真係玩死唔少無做功課嘅人，真係唔少人要叫 GFS ！

無行開咁嘅長度嘅人，個個都話行到懷疑人生。

尤其係尾段大壩，簡直行極都行唔遠。

呢條係長，但唔算辛苦，漁護署評3星，主要係無乜高山位，開波就一直落斜。

我試過烏蛟騰只行去入西流江再回程烏蛟騰，就18公里。

官方稱去荔枝窩唔入西流江8公里，入埋就14公里

係入西流江比較僻，唔入西流江支線可以慳番來回6公里，呢條路線仲要有補給

三椏村/荔枝窩都有補給有客家菜食，如果自己夾到船期，直頭荔枝窩走。

我鳳凰山睇日出呀！

E幾日一早都係雲層包實晒山頂

上星期上咗去，入撚咗仙境咁，影完個934牌急急腳走凍到仆街又冇嘢睇

睇大交合預告，都唔樂觀，唔知行唔行到南巖棧道.

之前做功課已經有個uTuber 講，有啲林路勁多「蚊滋」滋擾。諗住小菜一碟，冇帶蚊怕水。賽後檢討，下次點都要帶（有蚊滋入眼入耳，好很唔C服），冇仇報，只能快腳走去大風地方

另外見到「冇一級係正常」嘅幾處實物（上坡），笑咗出黎，Tim Sir 果然冇揸流灘

漁護署啲嘢真係流流地架。

我試過對面海行條家樂徑，以為家樂徑實靚路啦，點知都係全程泥路嚟。

你係咪行得太晏？好多蠓？

幾早出發，但係過咗鹿湖峒嘅林路先至漸多蚊滋。另諗緊驅風油驅唔驅到

用蚊膏啦，蚊機我估行梗可能都未必有用。

無計！

多雲到仆街
琴日行狗牙連太陽都見唔到

大交合話會好天架...

希望在出年丫嗎！

昂坪？

含鹽糖
風褸
藥水膠布
紙巾

次次行經都直接着褸笠帽戴口罩算
D蚊多到冇得同佢鬥

安美露
蚊怕水

啲林路真係開始多蚊滋
就嚟要包到伊斯蘭咁先行