[真人真事][校園][純愛]《最陌生的人，就是曾經最熟悉的人》

之後我地就搭車去西九龍,
去到溜冰場
呀琳:「落到嚟又真係有少少驚 」
我:「你啱啱好牙擦架喎 」
呀琳:「你咪一樣唔識溜 」
唔知大家點睇溜冰,
我自己就真係唔識溜
特別係冇野扶嗰陣,
真係好似就嚟跌咁樣
有啲淆
當然,
呀琳都同我差唔多
我平時好少聽佢尖叫,
但喺溜冰場度都聽唔少
「好驚呀 」
「平衡唔到平衡唔到 」
慢慢佢跌得多,
之後就扶住我
呀琳:「俾我扶住丫
完全唔識溜呀 」
佢咁驚,
我冇可能唔應承佢啦
我:「但係我都唔識溜喎 」
呀琳:「兩個人跌好過一個人跌 」
我:「原來搵我陪襯 」
呀琳:「講下笑啫
扶實我又好
俾我扶又好 」
我同呀琳又有親密接觸
當然我係冇生理反應
唔係因為我不舉
而係因為我太緊張
同埋對住呀琳係唔會諗嗰啲野,
不過佢真係捉得好緊
有時一齊跌嗰陣,
大家都好大聲咁笑
皮肉雖然痛,
但係個心就甜到不得了
我唔知佢啦,
我就係咁
其實我好想出到溜冰場之後,
佢都仲係會咁樣捉實我
但係我好清楚,
佢唔會咁做
我只可以利用溜冰場做武器,
去偷一啲唔屬於我嘅福利
暫時借住啲歡樂時光,
但係每次借野,
終歸都要還.

留名

留名

多謝支持

文呢

今晚有
晏晝掛住睇跑馬

第三十四章
溜完冰,
我帶著千萬個不捨咁離開
呀琳:「唔捨得走呀
想繼續玩呢 」
我只係想繼續俾你捉實
好想繼續成為你嘅依靠
但係溜完冰,
始終都要返返嚟現實
我:「係囉咁好玩 」
呀琳:「得閒再嚟玩過啦 」
可能直至而家,
佢都認為我係鍾意溜冰
但其實唔係,
好簡單
你鍾意做一樣野,
你應該係得一個人做,
又或者同其他人做都係會好享受
如果你淨係鍾意同某個人做嗰樣嘢,
你根本就係鍾意嗰個人而唔係嗰個行為,
就好似我對溜冰咁樣,
又講遠左
呀琳:「原來依家都夠鐘食夜晚
你想食乜 」
我:「你話事啦 」
呀琳:「你生日梗係你話事啦 」
我:「既然我話事,
咁我俾個話事權你咪得囉 」
呀琳:「傻仔嚟嘅 」
我:「真係呀
你諗啦.」
呀琳:「下面有吉野家喎
我想打邊爐 」
我:「好呀 」
咁之後我地就去左吉野家打邊爐,
呀琳就係一個咁嘅人,
喺吉野家打邊爐已經夠佢興奮
對嗰啲貴價食物反而冇乜渴望
真係好奇怪
不過平凡有平凡嘅好,
有時我想型仔
幫佢俾嗰陣,
起碼對我嘅經濟負擔都冇咁大丫
好老實,
以我嗰陣嘅經濟環境,
二三百蚊都已經吃力
不過好彩嗰陣吉野家冇依家咁貴
十年後,
我依家嘅經濟環境比起嗰陣好左好多,
咁梗係啦,
做緊港奴
日日係咁返工,
我咁樣個經濟環境都冇以前咁好就死啦
只可惜係,
依家淨係得我停留喺嗰陣,
有人可能已經忘記左.

女主角係唔係失憶

呀琳:「加唔加野
不如叫個餃子食丫 」
我:「好呀 」
呀琳:「加個蟹柳都好喎 」
我:「好呀 」
呀琳:「加多一盒肥牛好冇呢 」
我:「好呀 」
呀琳:「點解你乜都話好架 」
我:「想食咪加囉 」
呀琳:「嘻嘻
你啱 」
叫完返嚟之後,
呀琳:「樂仔你對於呢餐生日晚餐滿唔滿意 」
我:「滿意呀 」
呀琳:「咁就好喇 」
由尋晚你約我出嚟嗰陣,
我就已經好滿意
當然呢句野係我自己同自己講
我:「你話如果俾學校啲人知道你係咁為食,
會點呀啦 」
呀琳:「有得點喎 」
我:「你假假地都係學校其中一個女神嚟 」
呀琳:「喺佢地面前唔會嘅
喺你面前先會嘅啫
我地咁熟 」
原來只係當我係好朋友
算啦,
我又憑乜野失落啫
呢個事實我一早已經知啦,
只不過係由佢親口講咋嘛
我:「咁又係呀 」
喺嗰晚,
我地打邊爐又談天說地,
講下啲無聊野
又笑一餐,
呀琳:「飽未呀 」
我:「ok飽呀
做咩 」
呀琳:「食蛋糕囉
生日唔食蛋糕點得呀 」
我:「你仲食得落呀 」
呀琳:「蛋糕咁好食梗係食得落 」
我:「服左你
咁去邊度 」
呀琳:「梗係返去我地住嗰度啦
商場咪有蛋糕買囉 」
我:「搭車返去囉.」
咁我地就搭車啦,
上到車,
呀琳:「樂仔我想瞓覺
唔該晒你丫 」
我:「瞓落嚟啦 」
呀琳:「多謝 」
呀琳再一次瞓喺我個膊頭度,
我:「食完就瞓
瞓完就食
你因住變豬呀 」
呀琳:「喂
我聽到架 」
我:「嘩乜你仲未瞓架 」
呀琳:「我......差唔多瞓架啦
你又講埋啲咁嘅嘢
好彩我未瞓著姐 」
我心諗,
係我好彩先啱
冇講埋啲我最內心嘅感覺
如果唔係就pk,
之後發生左單嘢,
無啦啦個豬油司機大力dup停
成架車嘅人都向前鍾一鍾,
呀琳:「做咩呀 」
我:「冇,
個豬油司機大力dup一dup啫 」
呀琳:「嚇死我喇 」
我:「冇事冇事冇事 」
我就冇乜野,
呀琳就比較驚
可能佢瞓緊覺呀,
之後我用另一隻手
搭住佢另一邊膊頭,
講明先呀
我嗰陣真係冇諗住抽水
純粹係想呀琳定啲咋
好彩之後都冇乜事,
再一次望住熟睡嘅呀琳
我真係好想好似啲劇集咁樣,
趁住女主角瞓覺就輕輕咁錫佢
不過都係算啦,
下一次先算
唉,
成日都話下次,
老實講,
又有幾多個下次丫,
有啲嘢唔係咁好彩,
成日都有下次架,
錯過左就冇,
呢個道理當我大個左先明.

女主角係唔係失憶

巴打睇埋落去就知

樓主而家同阿雪點？

第三十五章
我:「落車喇 」
呀琳:「好,
又夠鐘食野喇 」
我:「啱啱瞓醒就食到 」
呀琳:「係呀
你唔得嘅咩 」
我:「唔得
起完身一定要等一陣先可以食野 」
呀琳:「咁怪嘅你 」
我:「唔係你怪啲咩 」
各位巴打絲打,
不如你地講喇
究竟係邊個怪啲
我真心想知
我真係唔可以一起身就食
個胃口完全未開,
呀琳:「唔好講邊個怪啲喇,
快啲去買蛋糕啦 」
入到去蛋糕舖,
呀琳:「你想食邊隻 」
平心而論我就冇所謂嘅
但係我知道呀琳鍾意食朱古力蛋糕
仲要蛋糕裏面係冇其他餡,
你知有啲蛋糕,
裏面係會有提子呀
或者其他生果做餡
但係呀琳就唔鍾意
既然係咁,
我就揀一隻冇其他餡嘅朱古力蛋糕
可能最奇怪係我先啱
自己生日,
竟然唔係根據自己嘅口味嚟揀
而係走去迎合人地,
不過講真丫,
食咩蛋糕又有咩所謂
反正當我想食嗰陣,
隨時都可以買到
但呀琳就唔係成日都可以陪我食
所以遷就佢我覺得冇乜問題
我指住個冇其他餡嘅朱古力蛋糕講:「就呢隻.」
呀琳:「有品味丫 」
計劃成功
都估到佢鍾意呢隻
呀琳:「我俾得啦,
有乜理由要你出錢
話晒都係你生日 」
我:「咁多謝晒喎 」
呀琳:「之前你請過我食生日蛋糕,
我記得嘅 」
原來呀琳記得
記性都幾好
話晒都幾個月前,
我:「去邊度食呀 」
呀琳:「梗係天台啦 」
呢個天台即係我地之前去嗰個,
我:「咁夜仲去天台
有冇光呀 」
呀琳:「插蠟燭咪有光囉 」
我:「醒喎今次 」
呀琳:「使乜講 」

之後我地就上左去天台,
呀琳:「好
插蠟燭先 」
我:「係喎,
插完真係夠光 」
呀琳:「你唔係冇插過蠟燭呱 」
我:「真係冇 」
因為以往屋企人同我慶祝嗰陣,
我都係叫佢地唔使搞咁多野
仲細咩
拿拿臨食完就算
不過今日,
呀琳令我再一次返返去細個嗰陣咁樣
食生日蛋糕嗰陣,
係要插住蠟燭
然後吹熄佢
呀琳:「許願啦 」
我:「你信呢啲嘢嘅咩 」
呀琳:「信呀
快啲許啦 」
呀琳叫到就冇辦法唔許啦
咁我許左咩願呢,
就係好老套咁想呀琳以後開開心心
同埋奢侈啲想以後陪住佢
哪怕係做兵都好
對住呀琳就係咁,
可以冇晒尊嚴
當然,
我相信呀琳唔會咁做嘅
你估佢係啲普通港女咩
呀琳:「許左咩願呀 」
我:「世界和平
身體健康咁囉 」
呀琳:「真唔真呀 」
我:「真 」
我真係冇膽同佢講我真正許嗰個願
呀琳:「咁我地食囉 」
我:「嗯 」
食食下,
呀琳:「真係好好食
今次你真係揀得好 」
我心諗,
我就係知你鍾意食
先揀呢個
我:「梗係啦 」
呀琳:「係喇
你第日大個左想做乜野 」
我:「講真我真係冇乜理想
三餐安好就夠 」
呀琳:「其實咁樣都唔錯
做人嘅野,
有時平平淡淡就好
與其咁落力去滿足人地嘅期望,
不如踏實咁樣根據自己嘅想法去做 」
我:「你竟然同意我呢個諗法 」
呀琳:「同意呀
你自己覺得舒服就已經可以
你估真係好似啲大人話齋,
真係要好有理想先得咩
嗰啲係電視劇,卡通片先有 」
我:「咪就係
你就好啲嘅,
做女仔又生得靚
求其釣搵個金龜咪得 」
我特登講呢句,
想睇下佢個愛情觀係點
識佢咁耐都未聽過佢講呢方面嘅野
呀琳:「我追求嘅愛情唔係咁樣
可能你唔信啦,
但我覺得搵一個自己唔鍾意嘅有錢人去拍拖係好辛苦嘅事
冇錯,
你嘅經濟環境係會好好,
要乜有乜
但只限於用錢買嘅野,
乜你個心真係好開心咩
你要對住一個你自己唔鍾意嘅人,
嗰種感覺我覺得好辛苦
因為你都唔鍾意佢,
當你面對住一個咁嘅人,
你就唔可以將你嘅真性情表露出嚟
拍拖呢啲私人時間都唔可以做番自己最舒服嗰一面,
咁樣真係好辛苦 」
我:「的確係
都大個左,
唔係成日都可以將你嘅真性情表露出嚟
唯有喺拍拖又或者喺屋企嗰陣,
先可以做返自己 」
呀琳:「第二啲女仔我就唔知啦,
我追求嘅愛情好簡單
舒舒服服,
平平淡淡就得喇 」
唔知係咪我錯覺,
以前嘅女仔,
真係冇依家嗰啲咁拜金
咁當然,
有時拜金都正常,
現實啲講句,
個世界冇錢點得丫
我只可以話我睇法唔同
唔會去踩呢啲拜金女
呀琳:「食飽飽
走囉 」
我:「好 」
呀琳:「今晚我搭返巴士得喇,
費事你好似上次咁樣
凍到成個人都震 」
我:「好啦 」
呀琳:「條頸巾要keep住用呀 」
我:「收到晒 」
呀琳:「拜拜 」
我:「拜拜 」
我永遠都記得,
喺我十六歲生日嗰陣,
有一個我鍾意嘅女仔陪住我渡過
嗰種感覺係開心,
真係好開心,
因為罕有.

樓主而家同阿雪點？

朋友關係

樂仔依家同阿琳點?

開心啲啦

樂仔依家同阿琳點?

賣下關子先
結尾會講

第三十六章
放完新年假,
時間線去到三月
好彩啲天氣冇之前咁凍
如果唔係真係死得人
咁我地一切正常啦
好似之前咁樣,
冇乜大轉變
直至到三月中有一日
話說我地學校就有locke俾我地裝野,
啲書呀,PE衫呀,運動鞋呀等等
有條友仲癲,
收埋左本寫真集喺度
係邊個你就唔好問我
因為我都唔知
我成日叫佢俾我睇
佢都唔騷我
次次都話下次先
頂佢個肺
結果去到學期尾,
佢都係冇俾過我睇
喂大佬,
俾個封面我睇下都好呀
我認住個封面,
去報紙檔度買咪得囉
佢又話唔制,
你話慘唔慘
不過聽講有一次佢上堂,
拎左出嚟睇,
睇睇下,
睇得太入神
老師行左過嚟都唔知
跟住本野就俾人沒收左,
抵你死

講得太多花邊野
講返啲正經野先
唔知大家仲記唔記得,
我晏晝嗰餐係唔食
因為要慳錢,
但係我又唔想俾我屋企人知道我咁樣做
所以我將每日嗰啲晏晝錢,
全部擺落個locker度
咁有一日,
呀琳冇啦啦問我有冇一本圖書
佢話要做閱讀報告,
咁我當時就抄緊功課
唔得閒拎俾佢,
所以就俾條locker鎖匙佢
叫佢自己開
之後順手幫我lock埋就得,
可能我嗰陣太專心抄緊功課,
唔記得個locker係有啲嘢佢唔知得
所謂佢唔知得嘅野就係啲錢啫
唔好誤會,
我唔係驚佢拎,
我亦都相信佢唔會咁做
只係佢見到的話,
問我都唔知點解釋
咁佢去完我locker,
攞完本書返嚟之後,
呀琳:「樂仔有野問你 」
呢個時候我都心知不妙
因為個locker我冇諗住有其他人開
所以就將啲錢擺喺個面度,
因為如果擺太底,
啲錢好鬼難搵
加上我擺左咁耐,
都冇試過唔見啲錢
所以一直擺喺個面度
點知呀琳今次開左個locker,
我個秘密都應該俾人知道左
我:「你想問乜呀 」
呀琳:「點解你有咁多錢架 」
呢個時候唯有講真話啦
萬一佢以為我偷仲大鑊
又或者以為我唔知有乜野不道德交易
到時就仲弊
我:「其實呢啲錢,
係我平時晏晝冇食野儲返嚟 」
呀琳:「點解咁做呀 」
我:「有時呀爸呀媽做野咁q辛苦,
我都唔好意思再問佢買呢樣買嗰樣啦
但係如果撞到想買嘅嘢,
咁樣我咪可以買囉 」
我冇同佢講我第日可能出國留學,
所以先儲定錢
呀琳:「你係咪傻架
咁樣你會餓壞架
唔怪得你次次補完習,
食蛋糕嗰陣,
都食得咁快啦
原來晏晝冇食野 」
我:「唔緊要啦都習慣左 」
呀琳:「唔得呀
咩理由都好
你依家發育時期
晏晝點可以唔食野架 」
我:「你好似媽媽上身咁嘅 」
呀琳:「死人頭咒我老咁話囉喎 」
我:「唔係
冇話你年紀似 」
呀琳:「都唔知係咪嘅 」
不過老實講,
見到佢咁關心我都已經好開心
縱使可能只係朋友式嘅關心,
我都覺得已經賺左
呀琳:「今日開始你唔可以咁呀
知唔知 」
我:「係
收到收到 」
呀琳:「唔好呃我呀 」
我:「點會呃你 」
呀琳:「呀,
都係唔好
你以後晏晝同我一齊食
明唔明白 」
我以後可以同呀琳一齊食晏
正
儲錢同埋同呀琳食晏,
唔使問都知我揀邊樣啦
不過我梗係唔可以表露得咁開心
費事佢知我係咁樣諗
我:「明白 」
呀琳:「唔到你唔明呀
係你一定要同我食 」
我:「會唔會阻住你同Candice呀 」
呀琳:「放心啦,
Candice好易話為
佢唔會介意呢啲野,
同埋傾傾下就熟
唔使搵藉口喇 」
其實,
我識Candice仲耐過你
不過梗係冇講出口啦,
唔俾人知得,
我:「咁好啦 」
呀琳:「咁就乖啦 」
霎時間呀琳又變到好溫柔
不過當日嘅我,
完全唔明白,
點解呀琳佢會咁緊張.

男主好似有d遲鈍咁

新讀者留名
唔好sad end please

男主好似有d遲鈍咁

係

新讀者留名
唔好sad end please

多謝支持
照現實嚟出

新讀者留名
唔好sad end please

多謝支持
照現實嚟出

你好似話過你個fd 依家單身🤔