[真人真事][校園][純愛]《最陌生的人，就是曾經最熟悉的人》

個標題...I know that feel bro
btw 留名

可唔可以唔好sad end 就算真實係sad都好 上次個故睇完好灰

死啦
比上面講一講
我再諗下個標題
點解我feel 到會bad end

咁快就諗定會bad end
希望今個月可以出晒

個標題...I know that feel bro
btw 留名

多謝巴打支持

可唔可以唔好sad end 就算真實係sad都好 上次個故睇完好灰

未知住嘅
可以放心住

唔理你呢篇文講乜住，純粹想講你上一篇文真係寫得好好，一來夠多文，二來係sweet嘅。
但係個結局真係好撚虐心，睇完都乸住乸住，最慘係見番嘅時候，佢覺得你面善，而就只有你知道你地曾經嘅關係。
點都好，我都想知你有冇，或者會唔會有啲咩行動..

btw呀佘最後有冇溝到

唔理你呢篇文講乜住，純粹想講你上一篇文真係寫得好好，一來夠多文，二來係sweet嘅。
但係個結局真係好撚虐心，睇完都乸住乸住，最慘係見番嘅時候，佢覺得你面善，而就只有你知道你地曾經嘅關係。
點都好，我都想知你有冇，或者會唔會有啲咩行動..

先多謝巴打支持先
當打晒呢篇之後會講下近期嘅事,
有一單野幾深刻

btw呀佘最後有冇溝到

當時佢冇溝到呀婷
成班毒勁乜都識,
就係唔識表白
不過依家有個好穩定嘅女朋友

第十四章
之後都冇乜特別啦,
都係逢星期一,三,五去補習,
不過多左一個環節,
就係夜晚會同呀琳傾電話
考試嗰排就係先溫書,後傾計
乜都講一餐
原來佢鍾意蠟筆小新
唔似一般女仔咁樣鍾意Hello Kitty,
原來佢唔怕凍
唔似一般女仔咁一凍就冇命,
原來佢鍾意聽陳奕迅
唔似一般女仔咁鍾意聽台灣啲靚仔歌星,
對於我而言,
佢就係一個特別嘅存在

咁去到十一月頭,
就係旅行嘅大日子
依家諗返起,
梗係覺得學校旅行唔需要咁興奮,
但做中學生嗰陣就梗係唔同啦
又唔使返學,
第二日又有補假
最重要,
係可以睇呀琳著便服個樣
我之前一次都未見過,
咁梗係啦,
都未約過佢出街
咁樣點見呀?
咁話說呢,
旅行就要四個人一組,
我地班有廿八個人,
即係總共有七組,
我梗係同呀琳一組啦
之後呀琳搵埋Candice,
咁樣都係差一個喎
點算呀,
最後Candice搵埋佢鍾意嗰個男仔
亦即係坐佢隔離嘅同學,
可能坐隔離易叫啲呱
咁Candice都算係一個靚女嚟嘅
係有時狗左啲
俾靚女叫到,
點樣say no丫
而嗰個男仔叫做呀狗
正正常常樣,
我同佢都叫做有兩句
平時同男仔一齊就幾玩得,
不過就極度怕醜
俾人抽兩句水就面都紅晒
我喺度提多次,
費事驚巴打絲打們唔記得
呀琳佢係知道Candice鍾意呀狗的

咁樣我地就星期五去旅行,
所以星期四就去買料預備燒野食
喺星期四我地食完lunch嗰陣,
就坐喺班房圍埋一齊傾下點樣分配工作
即係邊個買邊啲,
邊個帶邊啲,
嚟嚟去去都係嗰啲嘢啦
你地明啦
呀狗:「我地四個一齊去買 」
Candice:「但咁樣會買好耐喎,
不如分兩個兩個一組買 」
呀狗:「我同樂仔去買 」
曄
你隻死狗咁嘅屎橋都諗得出嘅
我同你去買
咁我點同呀琳獨處呀
你都癲癲地嘅
但係我唔可以咁樣講出口架嘛
所以我就婉轉啲講:「狗哥,你想重死我地咩
佢兩個女仔一齊買,
就梗係買啲輕啲架啦,
咁重嗰啲邊個買
你知啦.」
呀狗:「呀咁又係喎
我都諗唔到添
分組就你地女仔話事啦
我地冇所謂.」
丫頂你呀
仲幫我講冇所謂
好彩今次嗰個係Candice
佢實幫我分個靚組
Candice:「我同你一組啦,
我同你坐隔離始終都係熟啲
呀樂就同呀琳啦 」
果然冇估錯
分組做得好好
不過Candice講大話真係唔眨眼
竟然話同呀狗熟啲
明明我同佢識左超過十年
咁都講得出
不過佢又真係扮得幾真
我見到呀琳望住Candice偷笑左一下
應該係想笑佢乘機親近呀狗
之後我見到Candice同我打左個眼色
收到晒Candice姐
之後Candice靜靜雞行過嚟同我講:「點呀滿唔滿意 」
我:「滿意滿意
咁你想我點丫 」
Candice:「一包檸檬茶 」
我:「飲啦飲啦飲啦
飲死佢 」
Candice:「多謝樂仔.」
我:「鬼叫你幫左我咁多野咩
係喎你問左未呀 」
Candice:「問乜 」
我:「之前咪叫你問呀琳點解會一早識我嘅 」
Candice:「我試下盡量問啦,
因為真係好難帶到個話題入去
不過我都想知 」
我:「靠你喇Candice姐 」

加油呀，啲文真係幾好睇，等你講近況

加油呀，啲文真係幾好睇，等你講近況

多謝支持

第十五章
三點半,
學校嘅鐘聲響起
代表今日又上完堂喇
呀琳:「好去買野嚕 」
我:「你好似咁興奮咁嘅 」
呀琳:「梗係啦去燒野食喎 」
我:「依家好似去買咋喎 」
呀琳:「冇野食點燒呀 」
我:「咁冇個爐下一句係咩 」
呀琳:「好熟好熟
你等我諗下先
我知架 」
我:「使唔使貼士呀 」
呀琳:「唔使,
我好肯定聽過架
哎吔一時唔記得左添 」
我:「冇個爐點打呀 」
呀琳滋一聲笑出來
呀琳:「你好無聊呀 」
我:「咁你又笑 」
呀琳:「冇呀邊有笑 」
我:「你笑我會唔知
我每一次望都咁鍾意 」
弊,講多左添
呀琳再微笑左一下
呀琳:「行啦無聊鬼 」
我:「你知唔知句野邊個講先 」
呀琳:「梗係知啦,
韜韜丫嘛 」
我:「你就韜韜
蔡瀾呀 」
呀琳:「嗰個係叫蔡瀾咩 」
我:「唔係掛你咁都唔知
呀琳:「我都唔知我有冇認錯
打邊爐嗰個真係叫蔡瀾 」
我:「係呀
瘦啲講野唔正嗰個先係韜韜 」
呀琳:「係咩 」
估唔到我眼前呢個女仔係唔識分韜韜同蔡瀾
因為實在係太好笑嘅關係
最後我都係忍唔住笑左出嚟
呀琳:「笑咩呀 」
我:「有冇搞錯呀,
韜韜同蔡瀾都唔識分 」
呀琳:「死人頭又玩人
明明肥嗰個就係韜韜 」
我:「你係識分呀,
就唔會俾我玩到啦 」
呀琳:「係你個衰人喺度混淆視聽呀 」
我:「即係唔識囉 」
呀琳:「識 」
我:「唔識.」
呀琳:「識 」
我:「唔識 」
呀琳:「識 」
我:「唔識 」
呀琳:「識 」
我:「唉識喇識喇 」
呀琳:「yeah 」
對住呀琳,
想唔認輸都唔得啦
即使係輸,
但換到一份微笑,
我覺得係絕對值
我好唔想輸,
但更加唔想睇唔到佢嘅笑容.

咁我地首先要去補習社先,
你地覺得可能好奇怪
買料去補習社做乜勁
其實係因為咁嘅,
今日星期四啦,
聽日就係星期五喎
我地星期五要補習架嘛,
但你地都知啦,
去旅行都唔知去到幾點
又唔知之後有冇下場
亦都可能會玩到好攰
既然係咁,
就不如將聽日嗰堂調去第二日上
去完補習社就去街市啦
頭先講過我地四個分兩組買,
燒烤炭就兩邊都買啲,
費事重死其中一組
野食野飲就自己買自己
唔使話幫人買埋嗰啲
呀琳去到嗰啲專賣燒烤材料嘅鋪頭就好興奮
又話買呢樣又話買嗰樣
大佬食唔食得晒呀
我:「你使唔使買咁多丸同肉呀 」
呀琳:「好食丫嘛
咪買多啲囉 」
我:「買左成三四袋喎
請埋我地四個全家食都得喎 」
呀琳:「睇小我食唔晒咁話喎 」
我:「你唔係淨係鍾意食甜野嘅咩 」
呀琳:「傻仔嚟嘅
燒野食我都鍾意 」
我:「成日食呢樣食嗰樣,
唔怪得愈嚟愈...... 」
呀琳啤住我講:「你又想講咩呀下 」
我:「冇乜野冇乜野 」
呀琳:「去買野飮啦 」
我:「你想買乜 」
呀琳:「燒野食梗係可樂啦 」
我:「又肉又可樂
真係...... 」
呀琳:「你好喇喎
句句窒住曬 」
我:「唔係唔係唔係
好好好
買可樂買可樂 」
呀琳佢真係買左好多野食
都唔知佢聽日食唔食得晒
最後買左成五,六袋
我就睇佢表演喇
走嗰陣,
呀琳:「俾啲我拎啦 」
雖然真係好鬼重
但冇理由叫個女仔攞架嘛
一嚟唔好睇,
二嚟嗰個係自己鍾意嘅女仔,
做男仔,
有邊個會想自己鍾意嘅女仔辛苦先得架
又有邊個唔想為自己鍾意嘅女仔付出先得架
我:「唔使啦一啲都唔重 」
呀琳:「俾啲我啦 」
我:「真係唔使呀
咁鬼輕 」
呀琳:「喺度扮大隻 」
呀琳講係咁講
但係側面見到佢陰陰嘴笑
嗰陣仲要係四五點,
啲陽光打落嚟佢塊面度,
顯得佢仲靚
嗰個景象真係不得了
呀琳:「你拎住咁多野,
唔使送我去巴士站啦 」
我:「咁好啦,聽日見啦 」
呀琳:「俾袋肉我拎啦
我想攞番去俾媽咪再醃 」
我:「醃完仲醃 」
呀琳:「係呀
平時都係咁做,
好好食架,信我啦 」
我:「咁好啦 」
呀琳:「咁今晚傾啦拜拜 」
我:「拜拜 」

第十六章
夜晚就同呀琳傾電話啦
傾傾下呀琳就問我,
呀琳:「你有冇msn呀 」
我:「有呀做咩 」
呀琳:「不如玩game囉 」
我:「好 」
講起msn真係好令人懷念,
雖然佢冇whatsapp咁方便,
唔可以隨時隨地同人通訊
同埋當時淨係可以喺電腦用
充斥住唔少缺點,
但唔知點解我就係好懷念佢
可能佢陪著我成長掛,
諗番起以前
玩下game傾下計又一日,
呢啲感覺whatsapp俾唔到我
講返正題先,
我同呀琳就加大家msn喇,
呀琳:「你加我啦好冇
我唔識加人 」
我:「咁都唔識
你玩左幾耐呀 」
呀琳:「唔識係咪唔得丫 」
我:「得,實得架 」
呀琳:「xxxxxxxxxx@hotnail.com」
我:「加左 」
之後我地就收左線,
喺msn對話
呀琳:「hi樂仔 」
我:「琳姐想玩咩game 」
呀琳:「玩乜都贏你 」
我:「講你就叻啫 」
呀琳:「睇下點 」
我淨係識玩黑白棋,踩地雷同旋轉泡泡球
所以淨係鬥呢三樣
每個遊戲玩三盤兩勝,
結果我淨係贏黑白棋
呀琳玩旋轉泡泡球好鬼勁
呀琳:「我贏左喎 」
我:「咁你想點呀 」
呀琳:「輸嗰個梗係有懲罰啦 」
我:「咁你諗到未 」
呀琳:「未喎哈哈 」
我:「反而我諗到喎 」
呀琳:「講嚟聽下 」
我:「罰我搵日同你食蛋糕 」
呀琳:「你都傻嘅,
咁咪益左你
邊有呢啲懲罰架 」
如果有呢啲懲罰,
我日日俾人罰都制
我:「梗係唔係啦,
你諗下,
如果罰我同你食蛋糕,
你又有得食
又唔驚食唔曬 」
呀琳:「又好似係喎 」
我:「梗係啦 」
呀琳:「我真係超鍾意食蛋糕 」
我:「搵日食啦 」
呀琳:「聽日去旅行,
早啲瞓啦拜拜 」
我:「拜拜 」
我梗係好期待聽日個旅行啦,
當然唔係因為聽日唔使返學
亦都唔係因為燒野食
我本來就對燒野食冇太大好感
所以唔係因為咁樣而期待
真正原因,
係因為聽日可以見到呀琳著便服
你地都唔知,
一個小毒勁
其中一樣最渴望嘅就係見到女神著便服
因為有新鮮感,
平時唔會見到
見親唔係著校服,
就係著pe衫
雖然話靚就靚啫,
但個衝擊一定冇著便服咁大

第二日好早醒,
一早就返左去學校等呀琳,
終於見到著便服嘅呀琳喇
雖然著得好casual,
一條牛仔褲加對平底鞋,
上身著件類似恤衫嘅嘢
但係唔知點解,
喺我眼中就覺得好出眾
呀琳:「睇嚟好鍾意燒野食喎
咁早返嚟 」
我:「少少啦 」
真正原因梗係唔係啦,
不過講唔出口咋嘛
我:「袋排重唔重呀
使唔使俾我拎 」
呀琳:「唔重呀 」
我:「唔重都攞嚟 ,
費事俾人見到話我恰女仔 」
呀琳:「邊個鬧你同我講
我鬧返佢 」
我:「你會鬧人嘅咩
識你咁耐未見過你鬧人 」
呀琳:「好少囉 」
我:「攞袋排嚟俾我啦 」
呀琳:「你真係唔拎唔安樂喎 」
我:「唔係喎,
見係你先幫手 」
呢個係真心話嚟
係第二個我睬佢都傻,
呀琳:「咁......好啦
唔該晒你呀 」
我地學校去旅行,
係要坐旅遊巴去燒烤場嘅,
呀琳同Candice坐,
我同呀狗坐
呀琳坐我前面,
我自己搭巴士鍾意自己寧靜下,
所以冇同呀琳玩
反正去到燒烤場,
大把時間玩啦

第十七章
去到燒烤場,
每一組先做啲準備功夫啦
咩起爐呀,透火呀嗰啲啦
不得不讚呀狗真係好勁
幾乎全程一腳踢咁滯
做過童軍真係唔同啲
之後我地就燒嘢食
原來呀琳真係好鍾意食丸,
食下一粒食下又一粒,
我:「你真係食得晒喎 」
呀琳:「哈哈使乜講 」
之後我地發生左一件趣事,
我見到呀琳同Candice無啦啦打眼色
之後呀琳就拉走左我,
好彩我都已經食飽
呀琳:「樂仔食飽未呀 」
我:「飽喇做咩 」
呀琳:「出去行下啦
唔好阻住人 」
我估Candice之前應該同呀琳講左,
一陣要俾空間Candice同呀狗獨處,
所以就拉走左我
咁咪啱囉,
你地有你地獨處,
我有我同呀琳一齊
大家唔好阻大家
正
但係呀琳唔知我同Candice好熟,
所以我都係咋傻算
扮唔知佢地講乜.

之後我地唔記得左帶埋啲飲品出嚟飲,
又唔想行返去燒烤場,
所以就喺附近買,
我地買左兩支可樂,
再一次證明呀琳無甜不歡,
之後我地坐左喺沙灘上面,
因為附近冇乜人,
我同佢都係鍾意靜靜地傾偈
,

同埋咁多人的話,
俾人見到就唔好睇啦
傾傾下,
佢已經飲晒支可樂
仲快過我
犀利
之後佢望住我講,
呀琳:「好想再飲可樂呀 」
我:「返去買咪得囉 」
呀琳:「好遠唔想行呀 」
我:「咁點呀 」
我承認嗰陣我係鈍鈍地
呀琳:「不如分你嗰支俾少少我呀 」
我:「冇問題
但係我點樣倒呀 」
相信大家都飲過支裝可樂架啦,
樽口位係好細架嘛
咁我本身隻手又比較論盡
呀琳:「咁呀......
你拎你嗰支俾我啦 」
我:「哦 」
之後佢一手開左蓋,
然後就咁飲
嗚呀
呀琳飮我口水尾呀
咁樣我同佢算唔算間接接吻
嗰個感覺我都唔識形容
驚訝得嚟又有啲興奮
興奮得嚟又有啲唔真實
成個人飄飄然
但係又好似俾人點左穴咁,
定左格唔識郁
呀琳:「做咩望住我呀你 」
你仲問番我轉頭
我:「做乜就咁飲支可樂 」
呀琳:「下
想飲囉 」
我:「支野我飲過架喎 」
呀琳:「係喎,
我都唔記得左添
嘻嘻 」
我:「你好似冇乜野咁嘅 」
呀琳:「你有冇病丫 」
我:「冇呀做咩 」
呀琳:「咁咪得囉
飮少少唔緊要嘅,
橫掂唔飲都飲左咯 」
我:「有人話呢,
飲左人口水尾嗰個,
要聽返俾人飲嗰個講嘅嘢 」
呀琳:「我先唔信呢啲呀
都唔知你會唔會講啲好騎呢嘅要求 」
我:「唔會呀 」
呀琳:「咁我都知 」
我:「但你依家要聽我講野喎 」
呀琳:「咁我遲啲買支野,
我飲完俾你飲咪得囉 」
我:「咁今次呢 」
呀琳:「唔計 」
講完之後佢仲伸脷
呢個樣點頂呀
可愛到爆
呀琳:「仲有冇可樂呀 」
我:「唉你攞去飲晒佢喇 」
呀琳:「多謝你呀樂仔 」
望住佢飲可樂,
一路飲一路微笑
佢應該真係好鍾意飲可樂
飲完之後,
仲有大把時間先至返去集合
所以我地繼續坐,
坐坐下,
呀琳話有少少眼瞓
呀琳:「最衰都係你呀
尋日同我玩遊戲玩左咁耐
搞到依家有少少眼瞓 」
我:「小姐我地尋晚好早就冇玩喇喎 」
呀琳:「又好似係喎哈哈
不過你輸左喎,
要罰你 」
我:「咪罰我同你食雪糕囉 」
呀琳:「嗰個遲啲再罰
而家罰第二樣 」
我:「咁都得呀 」
呀琳:「借個膊頭俾我瞓覺丫 」
我:「唔通我話唔得咩 」
呀琳:「你真係醒 」
之後佢就瞓左落嚟喇,
有借過膊頭俾人瞓覺嘅巴打,
應該都知係唔簡單
唔郁得
成個人會硬晒(唔係條賓周)
我嗰陣就更加緊張啦
生平未試過同媽媽以外嘅女性有咁親密嘅接觸
更何況嗰個仲要係我鍾意嘅人
呀琳瞓覺好靜,
完全冇鼻鼾
當時我梗係好想好似啲戲咁樣,
輕輕咁樣錫落佢個頭度
但最後當然冇膽咁做啦
我諗見到我地嘅人,
都會覺得我地係情侶,
但係可惜並唔係,
從來都唔係.

又係你

巴打做乜野

留名

最尾兩句睇到我心寒

文呢

留名

多謝