[真人真事][校園][純愛]《最陌生的人，就是曾經最熟悉的人》

加速live了

sad end 負皮加以後唔睇你文





講笑啫，正皮咗啦

sad end 負皮加以後唔睇你文





講笑啫，正皮咗啦

多謝

sad end 負皮加以後唔睇你文





講笑啫，正皮咗啦

多謝

多謝要出文至得架

sad end 負皮加以後唔睇你文





講笑啫，正皮咗啦

多謝

多謝要出文至得架

打左
一陣食晏嗰陣貼

第三十章
呀琳:「不如我地玩啲嘢丫 」
我:「玩乜 」
呀琳:「我地玩接龍
邊個輸左就要餵贏左嗰個食野?
好冇 」
我:「玩咪玩
你等住餵我啦 」
呀琳:「睇下點 」
我:「係咪同音就得 」
呀琳:「係 」
周邊啲人可能當我地係傻嘅,
兩條友無啦啦喺度玩接龍
不過玩左幾鋪,
呀琳真係幾勁
所以多數輸嗰個次次都係我
當然,
話就話輸左,
其實喺我心目中,
我係冇輸到
因為每次呀琳贏左,
我就要餵佢食野
試問咁樣,
我又點會係輸呢
呀琳:「你好渣呀
不過又餵得幾好喎 」
我係唔會同佢講
我係特登輸嘅,
呀琳:「係咪餵得多所以有經驗呀 」
我:「冇呀
淨係餵過你 」
呀琳:「算你啦 」
說時遲那時快,
嗰碗海底撈野已經得番一舊
呀琳:「最後一舊,
睇下你開唔開到齋 」
我:「之前讓你咋
今次認真 」
咁我都想俾呀琳餵一次
所以真係認真玩
呀琳:「你先定我先 」
我:「你先囉 」
呀琳:「好
堅強個強呀.」
我:「強姦個姦呀.」
當時淨係諗到呢個詞語,
呀琳:「奸狡個狡呀.」
我:「狡辯個辯呀.」
呀琳:「辨認個認呀.」
我:「認知個知呀.」
呀琳:「知道個道呀.」
我:「道僧個僧呀.」
呀琳:「增加個加呀.」
我:「傢私個私呀.」
呀琳:「私自個自呀.」
我:「自我個我呀.」
呀琳:「我愛你個你呀.
呀琳講完之後,
我同佢不約而同望住大家
視線接上左
對望左幾秒
個心噗噗,噗噗咁跳
喺度諗緊,
佢呢句野係咪講真
你冇睇錯,
我嗰陣唔係諗緊「我愛你」個你之後應該接乜
而係諗緊佢講呢句野係咪代表佢嘅心聲
正當我諗緊嗰陣,
呀琳就開聲:「過左五秒
你輸左嚕 」
原來由頭到尾係我諗多左
呀琳只係為左遊戲先講嗰三個字
並冇代表啲乜,
我都預左架喇
呀琳:「餵埋我先埋單呀 」
我:「好 」
原來對住呀琳,
即使我係認真,
最後輸嗰個都係我,
我從來都贏唔到佢.

食完之後,
呀琳望一望個錶之後講:「仲有幾個字先十二點,
不如行一陣 」
講開又講,
一到夜晚之後,
真係零舍凍
如果講嗰個係第二個,
我睬佢都傻
咁Q凍仲喺街行
不過呀琳講就算啦
行左一陣,
呀琳:「喂喂喂,
仲有59秒到2007年 」
我:「你嗰錶準唔準架 」
呀琳:「準架
對正天文台 」
我:「天文台專吹水喎 」
呀琳:「仲有40秒 」
我喺度扮倒數,
我:「40......
38......」
呀琳:「40之後點會係38呀 」
我:「係喎係喎 」
呀琳:「得返27咋.」
又隔左陣,
呀琳:「最後10秒.」
仲有10秒
我就會同呀琳一齊踏入2007年
呀琳:「5,4,3,2,1,
新年快樂呀樂仔 」
我:「新年快樂呀 」
除夕同新一年都可以同呀琳一齊渡過
真係不枉此生
好似誇左少少
不過事實上真係好開心
當然踏入2007年並唔係開心主因,
正如我之前所講,
話就話新一年,
其實咪又係過左一日啫
開心嘅主因同呀琳一齊渡過呢一刻
咁除夕夜始終係一個重要時刻
呢個係客觀事實
順便俾我自己ff一下
呀琳:「都夜囉,
又到左2007年,
不如返屋企嚕 」
我:「送埋你丫 」
呀琳:「唔使啦咁夜 」
我:「就係咁夜先要送 」
呀琳:「點解呀
呢度好安全架 」
我:「你有事的話點算
我唔知點樣賠返個女俾你屋企人,
聽我講啦 」
呀琳笑左一笑:「好啦 」
之後行行下,
同佢平時搭巴士嗰條路唔同
我:「巴士站喺嗰邊喎 」
呀琳:「我......今日想行返去
同埋咁夜都冇巴士 」
當日嘅我並唔知道,
原來巴士喺除夕夜係會延長服務時間,
咁行行下,
愈後就愈凍
尤其係啲風吹埋嚟嗰陣,
都咪話唔攞命
我原本都想喺佢面前扮冇野,
費事失威,
但真係太凍,
已經掩飾唔到
呀琳:「你好似好凍喎
成個人震晒 」」
我:「小......小小啦 」
呀琳:「仲話小小
講野都震 」
我:「係呀......」
之後呀琳一手捉實我隻手
塞入佢個衫袋度,
呀琳:「咁咪暖啲囉 」
我終於可以拖呀琳隻手
雖然只係佢憐憫我,
同我主動拖佢有啲分別
但已經夠我暗爽
最衰嗰陣我凍到冇知覺
但嗰一刻喺我隔離嘅呀琳,
好靚

呀琳:「我到啦 」
我:「好啦拜拜 」
之後我就獨自捱凍歸家
果然,
付出係有代價嘅
行行下,
我個電話響左,
唔知邊個咁夜打俾我呢
原來係呀琳
我:「做乜打俾我
係咪漏左野喺我度 」
呀琳:「冇漏野係咪唔打得丫 」
我:「唔係 」
呀琳:「你呀
好心怕凍就唔好送我啦
都唔知話你蠢好定唔蠢好 」
我:「梗係唔蠢啦 」
呀琳:「小心啲呀 」
我:「嗯 」
呀琳:「我知你一路講電話一路行實凍架啦,
我都唔阻你,
今日我好開心呀 」
我:「好啦
拜拜 」
呀琳:「拜拜 」
只要呀琳開心就得
呢樣重要過一切,
之後我摸一摸佢今日送俾我嘅鎖匙扣,
呢樣物件係證明我喺2006年嘅除夕
同埋2007年嘅頭一個鐘,
係同呀琳一齊渡過
唔係我自己作出嚟,
以後嘅除夕,
都比唔上2006年嗰次.

每篇嘅心情起伏
> > > > >

每篇嘅心情起伏
> > > > >

唔好咁啦

每篇嘅心情起伏
> > > > >

agger
最尾個句一定有嘢

每篇嘅心情起伏
> > > > >

agger
最尾個句一定有嘢

係嗰年最後開心

加速

今晚打一章

每篇嘅心情起伏
> > > > >

agger
最尾個句一定有嘢

係嗰年最後開心

真係開心先啱
又打錯字

live

第三十一章
新一年降臨,
代表我地嘅聖誕假已經放完
又要返學,
都好嘅
起碼可以見到呀琳
第一日返學嘅小息,
大家都仲記得,
Candice同呀琳都係坐我前面
呀琳更加係坐我嘅正前方,
佢地傾偈我聽到晒
Candice:「呀琳你除夕去左邊度 」
呀琳:「同樂仔出左去 」
Candice:「估你唔到喎 」
呀琳:「你又唔喺度
去咁耐 」
Candice之後望住我
仲要陰陰嘴笑咁講:「去耐啲都好嘅 」
嗰個樣衰到呢
正狗西
不過算啦,
佢起碼都俾左個機會我
不過狗西就一定係架喇
好彩呀琳聽唔明Candice嗰句「去耐啲都好嘅」嘅真正意思
如果唔係就穿晒煲
咁跟住落嚟都冇乜特別野,
又係返下學
星期一,三,五就去補習
補完習就同呀琳行一陣
夜晚就傾下電話
得閒玩下msn game
都冇乜特別,
係有時呀琳會彈琴俾我聽,
佢開住個speaker
之後喺度彈,
不過始終冇真人喺我面前彈咁好
因為我冇得見佢個樣,
不厭其煩地講多次,
佢彈琴個樣真係好靚

我好記得一月裏面有一日好特別
嗰日係星期五嚟,
點解咁特別
因為嗰日呀琳特別冇厘神氣
由返學嗰陣已經係,
之後行去補習社嗰陣都冇變到
補完習喇,
呀琳:「樂仔你有冇野做 」
呢個時候我都feel到少少唔係好妥
所以我打死都話冇野做
我:「冇呀 」
呀琳:「不如上去天台囉 」
我:「好 」
從佢嘅動態,神情話俾我知,
佢應該係出左啲事
我最唔想就係見到佢咁樣
所以我好樂意陪著佢
即使係做狗,
又或者只係一個聆聽者嘅身份都好
我都冇乜所謂
上到天台之後,
我:「係咪有野呀
你想講就講啦
講完出嚟會開心啲 」
其實我就唔識安慰人嘅
不過我見tbb啲電視節目
通常安慰人個開場白都係咁樣
所以就有樣學樣
呀琳:「你唔會嫌我煩呀嘛.」
我:「點會
最怕你唔講
有時唔開心唔好收埋收埋 」
呀琳:「嗯 」
跟住呀琳講左啲野俾我聽,
我聽完之後好驚訝
個故事大約係咁嘅,
原來呀琳依家嘅爸爸,
並唔係佢嘅親生父親
佢嘅親生父親以前對佢媽媽好衰
基本上每次輸馬仔,輸波就會係咁鬧
嚴重起上嚟仲會打佢
所以佢媽媽當時係好唔開心
有次打完佢媽媽仲走埋佬
呢個時候,
呀琳個繼父鍾意左佢媽媽
鍾意到明知佢有個女都肯接受
而當時呀琳只得六歲
佢個繼父當正呀琳係親生,
好錫佢
同時亦對佢媽媽好好
點知近幾日,
佢嘅親生父親無啦啦上左嚟搗亂
話佢周圍勾佬又盛
搞到佢媽媽好唔開心
好彩嘅係,
佢個繼父冇受到影響
冇因為咁樣而怪責佢兩母子
佢媽媽呢幾日心神恍惚,
呀琳見到佢媽媽咁樣
自己又點會開心呢
同埋佢話佢好憎佢親生爸爸
冇養過佢兩母子都算,
仲要無啦啦上嚟
俾麻煩佢地三個人,
我:「嗰個係你親生爸爸喎
真係嬲得落 」
呀琳:「話就話係有血緣關係,
但我同佢都冇乜感情,
以前見佢鬧媽咪同打媽咪,
已經唔係好鍾意佢
不過嗰陣細個唔識咁多 」
我:「睇嚟你都幾恩怨分明
親生都冇情講 」
呀琳:「係架,
所以你第日咪激嬲我呀
我會好嬲你架 」
我:「我點會激嬲你呢 」
呀琳:「咁又係,
嘻嘻 」
我:「笑返咪好囉
頭先你個樣知唔知幾唔掂 」
呀琳:「多謝你肯聽我講呀 」
我:「你咁讚我唔知會點喎
不過每個人都有心情唔好嘅時候嘅,
攞出嚟傾下點都好啲 」
呀琳:「嗯
呢單野唔好同咁多人講呀
原本得Candice一個人知.」
我:「知道喇 」
好彩下個禮拜見到佢開心返
咁就得喇,
鍾意一個人就係咁樣
佢唔開心,
你自己都會唔開心,
縱使佢唔開心嘅嗰樣嘢唔關你事都好,
鍾意一個人最想就係見到佢笑

live

歡迎

加速

加速

多謝支持

第三十二章
呀琳心情好返之後
咁我地就繼續平時嘅生活模式
我地始終都係偏向有惰性
生活習慣嚟嚟去去都係嗰幾樣
唔會有咩特別變化
咁去到二月,
就係新年嘅大日字喇
以前新年最期待嘅,
就梗係新年嗰個長假期啦
俗稱叫新年假
不過,
自從今年同左呀琳同班之後,
唔知點解
就唔係好想放呢個新年假
可能因為冇得見掛
同以往好唔同,
以往直情係恨不得個假期快啲嚟
所以話,
鍾意一個人係會改變自己
講開又講,
有時做人真係好諷刺
以前讀緊書嗰陣,
成日都話想放假
唔想返學,
但係到大個左,
就好懷念以前有得返學嘅日子
有嗰陣你又唔珍惜,
依家冇先嚟後悔
咁又何必呢
所以,
仲讀緊書嘅巴打絲打,
要好好珍惜有得返學嘅日子喇
衰啲講句,
每返一日就少一日
一日一日咁過,
其實過得好快
老套啲講
時間從來都唔等人
幾多人想返返去讀書時代都冇咁嘅機會呀,
真係要珍惜呀

今個新年有啲特別
唔知大家仲記唔記得,
小弟係二月二十號生日
咁啱今年嘅二月二十號係大年初三嚟
唔知班契弟俾利是嗰陣,
會唔會大封啲啦
定係索性兩封當一封俾
你知啦,
有啲親戚真係好q縮骨
邊個咁話一定做唔出呀
咁其實我生日就唔係好多人知
一嚟我覺得冇乜特別
本身我唔係話好羨慕要啲乜野禮物
二嚟好少同人講,
唔知大家有冇一種感覺
就係唔慣做主角
硬係有種唔係好自然嘅感覺
特別係你見到一班人為你大費周章嗰陣,
就更加唔知點咁樣
例如會幫你安排好多節目
又或者食得好豪
其實我可能根本唔鍾意
淨係想平靜咁過
最慘係你又唔可以拒絕喎
始終人地一番心意,
拒絕又唔係
唔拒絕又唔係
有時真係好煩
聽落去係咪好奇怪
可能係我問題啫
天生冇主角命
當然,
同我慶祝嗰個係呀琳
咁我梗係好開心啦
人就係偏心架啦
唔怪得我架喎,
我就唔信你地冇大細超喇
不過睇怕呀琳都唔記得嚕
始終講俾佢聽嗰陣距離依家都好耐喇
你估人地好似我呢啲毒勁咩
成日記埋呢啲唔等使嘅野.

我地屋企就習慣年初二去拜年
咁啲大人,
去人屋企拜年,
多數就打埋麻雀架啦
打麻雀就冇我份
喺嗰度又悶
所以夜晚食完飯之後,
我就自己一個返屋企先
衰啲講句,
自己一個返屋企,
都起碼有得打丁丫
生日前夕,
陪著我嘅竟然係av女優
如果你話真人,
咁就梗係爽啦
但依家唔係丫嘛
佢只係隔住部電腦陪我
聽起上嚟都好悲哀
我自己就冇乜所謂嘅,
反正都係咁過架喇
只係俾人聽到就唔多好聽
生日前夕竟然自己一個,
正當我喺度咁諗嗰陣,
我個手機無啦啦響左
唔知邊q個打嚟呢
拎起一望,
原來係我最熟悉嘅嗰八個數字
但當時嘅我,
係以為佢想打過嚟講恭喜發財
而唔係講生日快樂,
你諗下幾可悲
呀琳:「樂仔生日快樂呀 」
我梗係好開心啦
原來呀琳仲記得
毒勁就是這樣的
你自己鍾意嘅人記得你嘅生日
就足以令自己開心到飛起
但可能喺人哋眼中,
只係一件好普通嘅事
我:「多謝先
估唔到你仲記得喎 」
呀琳:「梗係啦 」
我:「梗係 」
呀琳:「我意思係話......
我咁好記性梗係記得啦 」
我:「點都好多謝先
你知唔知你係第一個同我講生日快樂嘅人 」
呀琳:「我搭正就打過嚟
仲有人快過我咩 」
我:「咁又係喎 」
講起同我講生日快樂,
嗰個Candice完全冇表示過任何野
喂大佬我生日,
講句生日快樂都得呱
又唔係嗌你請野我食
飲野你就識搵我
正狗西
呀琳:「聽日唔好約人呀 」
我:「點解 」
唔好鬧我住,
我嗰陣真係唔知點解
呀琳:「咁都仲有得解 」
我:「梗係有啦
無啦啦做乜叫我唔好約人 」
呀琳:「我約你出去呀
明唔明呀豬頭丙
定係你唔想同我出去 」
生日有呀琳陪
正呀
我之前諗都冇諗過
得喇,
呢份已經係最大嘅生日禮物
我:「想
梗係想啦 」
呀琳:「咁聽日晏晝,
我地再喺msn約啦 」
我:「好
不過點解晏晝嘅
你唔使出去拜年咩 」
呀琳:「聽日唔使呀
同埋朝早有野做 」
我:「咁晏晝就晏晝啦.」
呀琳:「唔好收線住
送住份生日禮物俾你先
你等一等 」
正當我諗緊佢送乜嗰陣,
電話傳嚟生日歌嘅聲音
原來呀琳彈一首生日歌俾我
仲要自彈自唱
之後我無啦啦聽到佢媽媽講:「呀琳你係咪傻左呀
咁夜仲彈咩琴呀 」
呀琳:「你搞到我俾人鬧喇 」
我:「聽講係你自己要彈咋喎 」
呀琳:「哦,
即係你唔鍾意啦
話我多餘啦
係咪咁嘅意思 」
我:「唔係呀,
好鍾意呀 」
呀琳:「鍾意就好啦 」
一時間又變到咁溫柔
女人真係難捉摸
不過講句真心說話,
呢首生日歌
係我咁多年以嚟,
聽過最好聽嘅一首生日歌
去到今時今日,
依然都覺得係咁
一啲都冇變到,
只可惜,
有其他野,
已經變左好多.

最尾三行

最尾三行

第三十三章
到左第二日,
我就好期待同呀琳第二次出街
講起上嚟真係有啲搞笑
明明係自己生日,
但期待嘅原因竟然係喺人地度
咁我地同上次除夕一樣,
相約左喺屋邨巴士站等
呀琳同上次一樣咁準時
雖然著得好casual,
但無損佢嘅氣質
依然係咁靚
呀琳:「生日快樂呀 」
我:「尋晚咪講左囉 」
呀琳:「面對面講同喺電話講唔同架嘛 」
我:「咁我再一次多謝你先 」
講起上嚟,
真係得呀琳一個女性朋友係同我講生日快樂
你話慘唔慘
呀琳:「嗱,
生日禮物 」
呀琳竟然送生日禮物俾我
我真係諗都諗唔到呀
你知唔知,
當你得到你鍾意嘅女仔所送嘅禮物嗰陣
嗰種感覺同平時開心係好唔同
有啲難以置信
唔係好真實咁樣
之後再搣一搣自己大脾
痛楚嘅感覺非常清晰
證明我唔係喺度發緊夢
我:「呀琳多謝你呀 」
呀琳:「我見你之前喺我生日嗰陣......
請左個蛋糕我食,
咪......做返啲野囉
你快啲拆開嚟睇
睇下鍾唔鍾意先 」
唔理佢因乜野而送俾我,
總之呢一刻我就好興奮
咁我跟住就拆開嚟睇,
原來係一條頸巾
我:「你自己織架 」
呀琳:「係呀
所以有啲位織得麻麻地
你會唔會介意呀 」
我:「梗係唔會啦 」
呀琳:「你鍾意呀可 」
我:「鍾意 」
呀琳:「咁就好喇
我見你咁怕凍,
咪送呢樣野俾你 」
我:「你尋日話今朝要做野
就係做呢樣 」
呀琳:「係呀
我織得慢,
今朝先啱啱搞掂咋 」
我:「真心多謝你
我都唔知講咩好 」
呀琳:「既然鍾意就要戴住佢
知唔知我織得好辛苦 」
我:「得得得
即刻戴 」
呀琳:「嘻嘻 」
我又點會介意佢嘅手工丫
因為個重點根本唔係喺條頸巾度
而係喺織嗰個人度,
即使佢織得再差,
我都一樣咁鍾意
雖然本身我唔係好鍾意戴頸巾
但係呢條頸巾係呀琳織嘅
我搵唔到唔戴嘅理由
當我面對呀琳嗰陣,
我就係一個咁冇原則嘅人
呀琳:「去邊度你話事啦,
生日大晒 」
我:「我冇所謂呀
你揀啦 」
叫我揸主意就死啦
呀琳:「咁呀,
去溜冰好冇 」
我:「下
我唔識溜喎 」
呀琳:「我都唔識架,
咪當玩下囉哈哈 」
我:「玩下囉 」