[真人真事][校園][純愛]《最陌生的人，就是曾經最熟悉的人》

而喺好多好多年之後,
當我學識咀嚼歌詞嘅時候,
我先至明白呢首歌係想講乜,
但已經冇人再唱俾我聽.

巴打改左名差啲唔認得你

唔好棄故呀

一定唔會

live

個尾應該好撚sad

美都最尾唔知嘅

live

個尾應該好撚sad

美都最尾唔知嘅

未到

立哂flag 啦 sad end 要黎啦

立哂flag 啦 sad end 要黎啦

睇埋落去就知

第二十二章
踏入十二月,
代表聖誕就快來臨喇
以往每逢聖誕,
我都會喺屋企打機同埋聽lonely christmas
年年都係咁
唔知今年約唔約到呀琳呢
不過喺呢個大節日之前,
發生左一段小插曲
話說喺十二月頭,
有一日呀琳好唔舒服
佢係好勤力嗰啲學生
基本上冇乜邊日會缺席,
所以佢有時病緊都照返
不過今次睇嚟又唔係病喎
因為佢冇帶口罩
係有時見佢個樣有啲辛苦
小息嗰陣都伏左喺張枱度
係之後聽到Candice問佢係咪痛
先知佢真係有事
但唔知佢邊度痛
咁啱嗰日要補習,
所以放學同佢一齊行去補習社
途中都比平時行得慢
亦都比平時靜
我:「你邊度有事呀 」
呀琳:「親戚嚟呀 」
嗰陣我就知咩事喇
我:「呢啲野我幫你唔到喎 」
呀琳:「咁又係...... 」
我見佢咁唔舒服,
都廢事撩佢講野喇
原來有時兩個人靜靜地行路,
個感覺都唔錯
特別係同緊一個你鍾意嘅人一齊行
補完習之後,
佢個情況都係差唔多
咁我就提議不如食碗熱野啦
呀琳:「好呀 」
呀琳真係搞笑
成日都無厘神氣,
一話食甜野,
即刻龍精虎猛
有返活力
我聽講m到食熱野會好啲
所以先咁講
利申我都係聽講架咋
咁我地就去返上次嗰間糖水舖啦
食甜品嗰過程就唔多講喇,
上一章先講完
費事悶親大家
我送埋佢上巴士先走

返到去Candice無啦啦打俾我,
我:「無啦啦打俾我做乜勁 」
Candice:「衰仔講單好消息俾你聽 」
我:「有咩好消息咁巴閉呀
要專登打俾我講 」
Candice:「糖水飽唔飽呀 」
我心諗點解佢會知架
唔通俾佢見到
冇理由丫,
我地補完習都好夜喇喎
佢冇理由咁夜都唔返屋企
定係呀琳同佢講左
我:「點解你會知嘅 」
Candice:「你同邊個食丫
佢啱啱同我講左喇 」
我:「無啦啦同你講做乜 」
Candice:「唔使咁驚,
佢同我講嘅野就係我打俾你嘅目的 」
我:「有屁就放 」
Candice:「死仔呀琳讚你呀 」
聽完之後個心梗係飄飄然架啦
女神讚我喎
但梗係要暗爽啦
費事俾Candice知道我喺度自high
我:「讚乜呀 」
Candice:「佢話你好細心
無啦啦話同佢食甜品
仲要特登食熱嘅甜品
我聽佢語氣都覺得佢好開心 」
我:「你見唔到佢個樣咋
真係好辛苦
咁咪一齊食碗熱野囉 」
Candice:「死仔心思好細密喎 」
我:「識左呀琳咁耐
點會唔知佢極鍾意食甜野 」
Candice:「我同佢有時食飯講起你
佢都笑得好甜 」
我:「你有冇幫我問呀 」
Candice:「呢個就係我打嚟嘅第二個目的 」
我:「Candice姐咁快啲開估啦 」
Candice:「答案就係......
佢話唔講住
遲啲先講俾我聽
不過一講起嗰陣,
佢啲反應話俾我聽,
應該係好野嚟 」
我:「我信你架喇 」
Candice:「我一知就話俾你聽
係喎,
聖誕就嚟喇
有咩行動呀 」
我:「仲諗緊呀 」
Candice:「你放心,
我一放聖誕假就去旅行
一月先返 」
我:「死乞衣又喺度曬命 」
Candice:「幫緊你咋
仲鬧我乞衣
費事聖誕喺度阻住你呀 」
我:「咁多謝晒喎 」
Candice:「講多謝有咩用
要用行動代表你心意架嘛 」
我:「又想飲野 」
Candice:「不愧係識左十幾年
叻仔 」
我:「唉飲喇飲喇 」
Candice:「多謝 」
死狗西
又呃野飲

加速啦

尋日掛住睇跑馬
今日出多啲

加速啦

尋日掛住睇跑馬
今日出多啲

係至好講

加速啦

尋日掛住睇跑馬
今日出多啲

係至好講

一陣喺公司貼一章

第二十三章
大家都知啦,
中學時期係有聖誕假呢樣野架
咁當時距離聖誕假就愈嚟愈近喇
我仲未開聲約呀琳喺平安夜或者聖誕節出去
按道理,
Candice唔喺香港,
我約呀琳個機會就應該大增
但係唔知點解,
到我真正開口問佢嗰陣,
我就硬係有啲淆底
之前有幾次都有空間去問佢
但係次次都因為淆底而冇問
成日俾藉口自己
例如「Candice唔喺度啫,
唔代表要同我出去架 」
又或者「佢可能有其他朋友要約呢 」
搞到次次都冇問到
真激氣
不過各位巴打絲打都知架啦,
人就好衰格嘅
樣樣野都要迫到埋嚟先識做
唔係點解有咁多deadline fighter呢?
當然我都係啦

好記得喺聖誕假之前兩日,
我終於下定決心問佢喇
我知你地梗係又想鬧我,
問佢聖誕出唔出街姐,
使唔使咁淆呀
我都知
如果我有個朋友好似我咁 ,
我都一定會鬧佢使唔使咁扭擰
男人老狗問咪問囉,
怕咩瘀啫,
又唔係未衰過,
但係當呢個情況發生喺我身上嗰陣,
我自己又做唔到喎
當局者迷就係咁解
話說嗰日我地要補習,
補完習我地喺附近行左陣
唉死就死啦
我:「呀琳呀,
聖誕有冇野做呀 」
問就問左喇,
睇下個結果合唔合我心意喇
呀琳:「唔得呀
今個聖誕我要同屋企人去日本呀 」
唉,
真係晴天霹靂
估唔到連呀琳都去旅行
不過都正常嘅,
通常人都係鍾意去旅行
特別係女仔
明白嘅明白嘅
呀琳:「放心喎
我好快就返嚟
29號我就返到香港 」
29號,
即係除夕之前,
嗱,
仲未絕望呀
冇左個橙,
都仲有返個桔
到時我地可以一齊踏入2007年
咪仲好,哈哈
我:「咁我除夕約實你架啦
呀琳:「唔得呀約左人呀 」
都估到
呀琳係女神級人馬,
除夕呢啲大日子,
點會冇人約丫
你估好似我呢啲死毒勁咁咩
年年陪我過聖誕嘅,
就係左手,右手同埋電腦
咁多年都係一樣
呀琳佢又點會係咁丫
人又靚女,性格又好
梗係大把人約佢啦
仲點會得閒同我出街姐
好彩喺問之前,
個心都有打定底會衰
未絕望到要去跳樓咁誇張
過梗係有少少唔開心啦
我:「唔緊要啦
遲下再約咪得 」
唯有自己安慰自己啦
呀琳:「點解你唔問我約左邊個嘅 」
呀琳你真係丫
硬係要挖我瘡疤
想落我面咁話喎
如果你係Candice,
我一早鬧你死狗西喇
不過你係呀琳就算啦
體諒你
反而我就奇怪喇,
明明呀琳個好姊妹去左旅行
佢仲會約左邊個呢
唔通係啲靚仔
諗到呢度,
我又開始頹喇
我:「咁你約左邊個呀 」
呀琳:「俾你估下好唔好先 」
仲要我估
仲嫌我唔夠淒涼咩
不過我又戇居居到走去估
對住呀琳真係唔識拒絕
我:「有冇貼士呀 」
呀琳:「呢個人你識嘅 」
我:「好多同學我都識
有冇啲勁啲嘅貼士 」
呀琳:「呢個人鍾意踢波嘅 」
我:「我地學校有唔少人鍾意踢波架喎,
點估
勁唔勁架 」
呀琳:「我都唔知勁唔勁
因為我都冇睇過佢踢波 」
我:「俾多啲貼士我丫
估唔到 」
呀琳:「呢個人成日同我食甜品
又鍾意聽我彈琴
估到未 」
唔通呀琳只係當我做兵
原來唔係得我一個可以同佢食甜品
原來唔係得我一個可以聽佢彈琴
原來係有其他人做我呢個角色
我呢個角色並唔係唯一
並冇比其他人優勝
至少有其中一個人有我嘅福利,
我:「估唔到喎 」
呢個時候我已經再冇心情去估喇
所以求其話估唔到算,
呢個時候呀琳無啦啦用食指篤我個鼻
呀琳:「死蠢咁都估唔到架
我約左xx樂呀(xx樂係我全名) 」
原來呀琳約左我呀
心情真係來回地獄又折返人間
總算冇其他男仔有我呢個福利
我:「好呀好呀 」
呀琳:「你有冇搞錯呀
咁你都估唔到
啲提示咁明顯,
定係你覺得我彈過俾好多人聽
同過好多人去食甜品呀 」
我:「係係係
我蠢我蠢 」
呀琳:「梗係你蠢啦
仲要係好蠢嗰隻呀 」
我:「係
對唔住,對唔住 」
呀琳:「好啦
咁我呢幾日再問你要咩手信啦 」
我:「好 」
仲可以收到呀琳嘅手信
簡直係bonus
就係咁,
我終於約到呀琳喇

第二十四章
有一晚呀琳打嚟,
呀琳:「樂仔我聽日去旅行喇
要咩手信 」
我:「你話事啦
你覺得靚咪得囉
不過最好係飾物 」
呀琳:「依家係你要唔係我要喎
我唔知你要啲乜 」
我:「得啦,我信晒你 」
呀琳:「你話架
唔準唔要呀 」
我:「一定唔會唔要 」
呀琳:「我聽日早機呀
返嚟先再講啦,
拜拜 」
我:「拜拜 」
點解我想要飾物呢
其實係有原因
因為我覺得飾物係一樣實實在在存在嘅野
當然,
食物都係存在嘅野,
不過食物唔可以保留咁耐
又唔可以唔食喎
冇理由為左保留而浪費食物架嘛
咁樣係本末倒置,
反而一件飾物就可以保存好耐
到我第日可以回味返中學生涯
或者係回味同呀琳相處嘅日子,
都可以有一樣野
證實我曾經係有呢段生活
唔係我自己空想出嚟
我覺得咁樣先最重要
當然冇左呀琳嘅聖誕,
實質影響又唔係真係話好大
我只係過返早幾年嘅生活啫
得閒打個丁
又或者同frd打下機
再唔係咪聽下lonely christmas囉
死唔去嘅
唔知呀琳去日本玩咩呢
唔緊要啦,
下年聖誕,
又或者跟住落嚟嘅聖誕
我總有機會同呀琳一齊過
當時嘅我係咁諗

去到平安夜嗰晚,
我特登自虐走去聽lonely christmas
我發覺,
呢首歌喺聖誕節嗰陣聽係有加成
平時聽都唔算話有好大問題
一去到聖誕節前後聽就出事喇
嗰種空虛感,寂寞感出晒嚟
正當呢啲情緒陪著我嗰陣,
手機無啦啦響起嚟
咁我就拎起個手機聽啦
我仲諗緊邊個喺度煩我嗰 ,
就聽到一把我好掛住,好鍾意嘅聲音
只係幾日冇聽過
就已經開心到不得了
睇嚟我都係自欺欺人
其實冇左呀琳嘅聖誕,
實質影響可能係大到我自己都唔知
呀琳:「聖誕快樂呀樂仔 」
我:「今日好似係平安夜咋喎 」
呀琳:「我呢邊已經十二點喇 」
我:「係喎,
唔記得左日本同香港係有時差
我仲未到25號呀 」
呀琳:「我打嚟同你講聖誕快樂
點解你冇表示嘅 」
我:「係喎
聖誕快樂 」
呀琳:「做緊咩呀 」
我:「上緊網囉 」
我梗係唔會同佢講,
我喺度掛住佢
同埋聽緊lonely christmas
呢啲說話實在講唔出口
呀琳:「好悶呢冇人同你傾偈 」
我:「少少啦.」
呀琳:「明明就唔只少少 」
我心諗你又幾醒喎
我:「係喇係喇
唔只唔只 」
呀琳:「嘻嘻
好快到除夕啫 」
我:「係呀 」
講就話係啫,
其實一個禮拜可以好短可以好長
睇下你點睇
如果係開心嘅
一個禮拜其實好短,
但如果好似我依家咁
等緊呀琳返嚟
就變得好長好長
特別係你每過一日,
就數住仲差幾日先到除夕
嗰下啲時間先漫長
呀琳:「好喇
我呢度打返嚟俾你都唔平
返到嚟搵你啦拜拜 」
我:「好啦,
你返到嚟香港就搵我啦,
拜拜 」
我梗係有少少開心啦
呀琳專登打返嚟俾我,
係咪反映緊我喺佢心目中有一定嘅地位
我唔知,
亦都唔敢去諗,
與其係咁,
不如我自己對呀琳專登打返嚟俾我呢件事暗爽算
我相信每個男仔都有呢啲時間
就係會為一件微不足道嘅事而興奮
嗰件事如果係第二個做,
你會覺得冇乜野,
唔會因為咁而開心,
但如果嗰件事係由你鍾意嘅女仔做
就會變得心如鹿撞
鍾意一個人真係好奇怪

繼續

加速

繼續

多謝支持

加速

一陣睇下可唔可以偷偷地打

留個靚名先

留個靚名先

多謝支持

第二十五章
終於捱過左呀琳唔喺香港嘅聖誕
講起上嚟都有啲搞笑
竟然用"捱過"嚟形容
其實以前我咪又係咁過
嗰陣我都唔會用"捱過"嚟形容
不過今年唔同嘅係,
我同呀琳熟落左好多呀
佢連我啲生活習慣都改變埋
所以話,
鍾意一個人係會令一個人改變
呢句說話我深表同意

喺29號晚,
我個電話響左
屏幕顯示嗰八個數字終於有返啲親切感
日等夜等,
就係等緊嚟八個數字嘅主人打俾我
呀琳:「返嚟喇 」
我:「終於返到香港嗱 」
呀琳:「有人好似等左好耐喎 .」
我:「冇呀,
邊有
係咪你錯覺 」
呀琳:「算啦
有人唔認就算啦 」
唔知各位巴打絲打有冇一個感覺
就係當你關心一個你愈重視嘅人,
嗰個係情人又好,親人又好,朋友都好,
你就愈唔想俾佢知道你關心佢
唔知點解,
至少我係咁
我:「好唔好玩呀日本 」
呀琳:「好玩呀
啲景好靚
同埋啲日本野食好正
不過我覺得香港啲甜品好食啲 」
我:「唔係呀話
你出到去都仲掛住食甜品 」
呀琳:「唔得咩 」
我:「食咁多好野因住肥死你 」
呀琳:「你恨唔到架喇
食極都唔肥,呵呵 」
我:「冇人同你講啫 」
呀琳:「我知你又想講大話呃我呀
鬼信你呀 」
呃唔到佢添
我:「去完旅行返嚟醒左喎 」
呀琳:「不嬲都咁醒
似你咩咁蠢 」
我:「我又點蠢呀 」
呀琳:「好蠢好蠢呀 」
以前呀琳成日都話我蠢
當時我真係唔知衰乜野
要成日話我蠢
我:「最醒係你喇
得未 」
呀琳:「嘻嘻
係喇,
手信我買左啦喇
後日俾你 」
我:「咩嚟架 」
呀琳:「後日你咪知囉 」
佢咁講搞到我有啲期待係咩禮物
不過呀琳買得嘅,
應該都唔會差得去邊
呀琳:「都係屋企最舒服 」
我:「梗係啦 」
呀琳:「喂,
好耐冇玩過msn game
依家玩唔玩 」
我:「玩咪玩
不過唔好罰得唔得先 」
呀琳:「有人驚輸喎 」
我:「我驚你俾人罰到成碌葛咁咋 」
呀琳:「實係咁啦
唔罰咪唔罰囉 」
事實證明,
千祈唔好同女仔玩msn game
嗰晚我又係玩幾鋪輸足幾舖

好快就嚟到除夕喇,
我同呀琳相約左晏晝喺屋邨巴士站等
然後一齊出去旺角
話說今次係我第一次喺假期約呀琳出嚟
難免會有啲唔自然
其實我由尋晚已經緊張
唔知呀琳會著成點呀
不過老實講丫,
點著到咁靚
搞到成晚都瞓唔到
有啲似以前小學生時代,
期待去學校旅行咁樣
到左今朝,
出門前係咁照鏡
連涼都沖左幾次
驚有邊度唔係好掂
執完又執,
執左幾次,
又成日聞住自己嘅身
有冇陣味,
好彩冇
如果唔係臭親呀琳就唔好啦
不過嗰日好q凍
所以我著左件羽絨出嚟
鬼叫我本身潺咩
凍啲啲都唔掂
我係極怕凍嗰啲人嚟
所以以往冬天都盡量唔出街
與其落街食風,
不如喺屋企hea好過
不過今日冇計,
除夕呢啲大日子
本來就同我冇乜關係
反正對我嚟講,
都冇乜特別
話就話新一年
其實咪又係過左一日啫
再加上平時呢啲日子都唔會有人主動約我
所以我唔會對除夕放得太上心
但今日呀琳竟然會約我
就算我斷腳
都要坐住輪椅出啦
你話係咪先
我準時去到已經見到呀琳喺度
佢一擰轉嚟,
個心入面淨係得六個字
靚到唔識形容.

第二十六章
我:「咁早嘅 」
呀琳:「唔係呀,
我都係啱啱到啫 」
我:「係咪真呀
唔好吹水喎.」
呀琳:「真呀 」
我:「話時話,
你今日著得好靚 」
唔係講笑,
呀琳今日真係著得好靚
化左淡妝
令到原本係已經係傾國傾城嘅樣再昇華
至於再昇華係點樣形容就唔好問我喇
我啲中文都係麻麻地
上身一件白衫,
再有一件黑色類似外套嘅嘢披住
下身著裙加黑色絲襪
真係冇得頂
當然,
就算佢點著,
我都讚佢靚架喇
所以都係嘥氣啦
呀琳:「多謝呀
你都幾型仔丫 」
俾女神讚一讚,
即刻成個人醒晒
我:「一年一度除夕丫嘛 」
其實除夕喺我心目中只係配角,
你先至係主角
當然,
以我咁淆底嘅性格,
呢句說話梗係冇講出口
呀琳:「唔好再讚嚟讚去喇
你睇下鍾唔鍾意 」
之後佢喺佢件外套袋入面拎左個鎖匙扣出嚟
個鎖匙扣係蠟筆小新個樣嚟
證明佢真係好鍾意呢個卡通人物
連送俾人嘅嘢都係關於蠟筆小新
我:「鍾意呀 」
呀琳:「係咪真架
唔好氹我喎 」
我:「真架
你送乜都鍾意啦 」
呀琳:「口花啦你 」
其實呢句係我真心話嚟
不過如果用一個好認真嘅語氣去講,
個氣氛可能會變到好尷尬
所以我特登嬉皮笑臉去講
但講到尾都係認真嘅
唔知佢知唔知呢
呀琳:「呢個鎖匙扣唔止特別在小新架
仲有一個特別位 」
我:「竟然係咁 」
之後我拎起個鎖匙扣望左幾下,
拎上拎下咁樣望
都見唔到有咩盞鬼之處
呀琳:「試下望下後面 」
我真係死蠢
咁都唔知可以望後面
咁我之後就聽呀琳講,
望下個鎖匙扣嘅後面,
發覺有個字喺度
而嗰個字好似個「琳」字
我:「呢個係咪「琳」字 」
呀琳:「你覺得唔係個「琳」字
咁係邊個字呀 」
我:「點解無啦啦刻個字上去」
呀琳:「咁我見你......平時又成日同我食......甜品,
又肯......陪我玩......msn game,
又肯幫我拎......鋼琴,
咁咪特登刻個字上去囉......
唔鍾意呀 」
我:「鍾意呀
幾特別 」
呀琳:「梗係要夠特別啦
個鎖匙扣日本好多地方都有
但我又覺得好靚喎
如果就咁買個鎖匙扣就唔特別啦,
所以我尋日專登出嚟
搵啲舖頭去刻字架 」
聽完之後真係有少少感動
估唔到呀琳會做咁多野
我個人生涯入面,
都好少會有一個人會專登為我做啲野
而今次呢個人,
仲要係我鍾意嘅人
所以真係特別開心
我:「多謝你呀
個鎖匙扣真係幾靚 」
呀琳:「你呀,
唔準唔要呀
尋日搵鋪頭搵到好辛苦架 」
我:「得得得
一定會唔要 」
呀琳:「咩呀
你講多次丫 」
我:「我話一定唔會唔要呀 」
呀琳:「算你啦 」
事實上,
依家個鎖匙扣,
我都仲有keep住
佢仲係連住我屋企嗰條鎖匙,
每日都會帶喺身邊
好彩咁多年以嚟都冇爛,
但唔知佢個主人仲記唔記得呢個承諾呢?
我:「話時話,
你好似真係唔怕凍咁喎
都冇包到成個粽咁樣 」
呀琳:「我真係唔多驚凍
反而你好似仲凍過我咁喎 」
我:「其實我怕凍架
只係一直冇講 」
呀琳:「唔緊要啦
可能行行下會喛返 」
我係好怕凍,
但更加怕冇左你.