[真人真事][校園][純愛]《最陌生的人，就是曾經最熟悉的人》

序章
大家好又係小弟我
今次又喺度同各位巴絲分享下故仔
呢個故仔同上次嗰個一樣,
都係真人真事
只不過今次呢個故仔並唔係發生喺我身上
而係發生喺我朋友身上,
利申我的朋友不是我,認真
咁點解我又會喺度分享一件唔係發生喺我身上嘅事呢
事源就係咁嘅
有一日我同呢個朋友落街場踢波,
咁我諗各位巴打都知道,
大個左落街場踢波並唔係志在踢波
唔會話好似以前咁,
真係落到去係咁鬥波,
又跟隊又盛
而係同朋友吹下水,飮下野
呢樣先係重點

咁當我地踢完之後,
有一大班人走左,
球場入面得返我同埋上文提及過嘅朋友
佢踢之前已經同我講話不如踢完之後坐喺度吹下水,
我已經估到有啲野
點知原來真係
佢第一句就話:「你之前係咪將你啲野打左上連登嘅 」
我:「係呀做咩 」
佢:「大佬我有個唔係好合理嘅要求 」
我:「咩要求先?」
佢:「你應該知我都有段情史架啦 」
我:「知,仲好熟添,咁你想點先,古古惑惑咁 」
佢:「不如你代我寫上去丫好冇 」
我:「唔係掛,我又唔係啲咩作家,文人,就算寫都未必寫得好睇架喎 」
佢:「你得嘅,成班frd入面最信得過就係你,加上你又最得閒 」
我:「即係潤我咁話囉喎 」
佢:「唔係唔係,幫下手丫 」
我:「你自己又唔寫 」
佢:「都冇連登ac 」
我:「你打完send俾我咪得囉 」
佢:「我寫仲衰啦
念在由初中識到依家,
幫幫手丫大佬 」
我:「講到初中即係唔幫唔得啦 」
的而且確,
呢位朋友喺初中嗰陣幫過我好多
project甚至exam都係
嗰陣我講過第日點都要做返啲野,
睇嚟今次係時候還債喇
我:「幫還幫,你一定係喺最近經歷左一啲野先屎忽痕學人叫春嘅 」
佢:「你真係醒 」
之後佢就講晒近期遇到嘅事俾我知,
佢:「就係咁喇,
隨時歡迎你搵我拎料 」
至於佢近期遇到嘅事,
係開心定唔開心,
呢個故會解答到你
縱使當中發生嘅情節係既熟悉又老土,
不過仍然希望各位巴打絲打會支持一下呢個故
個故包含住我呢位朋友嘅一段往事,
同埋一個佢一生都放唔低嘅人
好喇,以下落嚟,
「我」將會代表住我朋友(同一開始講嗰段有矛盾)
用第一身角度去講,
方便各位巴打絲打去睇
開始出文吧.

文呢屌你

第一章
大家好,
我叫做樂仔
個個都咁係叫我
由讀書都出嚟做野都係,
今年廿六歲,
話後生都唔後生喇
大大下出嚟做野先發覺
中學生活係最開心嘅
嗰陣嗰種無憂無慮係無價
係最純樸嘅(至少我中學生活係咁)
唔會好似依家咁
有時會為左其他因素而同一個你唔夾嘅人做朋友
諗諗下真係好懷念
今次呢個故發生喺2006年
亦即係11年前,
依家覺得2006年係11年前好驚訝,
感覺上2006年唔似11年前咁耐
不過事實上又真係咁耐
唔知各位巴打絲打有冇呢種感覺呢
定係其實係我問題
一直沉醉於以前嘅時光,
唔肯/唔識向前踏一步,
所以先有呢種感覺
我都唔知,
講返呢個故先,
2006年嘅我係讀緊中四
我地學校由中四開始唔會再調班
呢個規則對於我而言就梗係好開心啦
點解
因為今年同我女神同一班
最重要嘅係,
今年同班代表下年都係同班
喺度介紹一下女神先
女神個名叫呀琳,
係全級其中一位靚女嚟
但以我所知,
呀琳喺全級個靚女排行榜入面個位置唔算頂尖
只係前列左右,
啲同學講起級花嗰陣,
第一時間都唔會提及呀琳
有幾次成班仔圍埋一齊傾女嗰陣
佢地對呀琳個評語只係一個幾靚嘅女仔
但我唔知點解我就係好鍾意佢
眼大大,皮膚白,
鼻哥生得高,
塊面唔大
食正我杯茶

文呢屌你

快成咁

我同呀琳今年讀精英班,
想當初喺中三狂刨書
老實講並唔係因為想成績好啲,
而係因為知道呀琳佢讀書成績好好
所以先搏晒命溫書
希望可以同佢同一班
我同佢中一至中三未同過班,
佢永遠都係精英班
以前中三嗰陣,
如果要望佢的話,
就要成日去廁所,圖書館先得
因為呢兩條路徑係必經佢班房
咁先望到佢,
所以我成日俾人屈尿頻同埋喺圖書館上咸網
首先我並冇尿頻,
更加冇喺圖書館上咸網
要上我都返屋企先上
其實我都係想望女神啫
每個男仔都一定經歷過呢個情節,
之後諗諗下,
不如試下出晒力刨書
搏同呀琳同一班
咁咪唔使背負住咁多罪名
又成日有得望,
甚至可以有更多接觸
以前係咁毒架喇
咁當然唔係話搏就搏架啦,
自己一個普通班學生
要喺不足一年入面由普通班升上精英班
唔搵人幫手基本上係難過登天
好彩當時身邊都有一個可靠嘅人
咁先至成功

文呢屌你

快成咁

渣ga ching

Too slow man

第二章
嗰個人係邊個
就係另一個女仔,叫做Candice
Candice係我喺哩間學校少數嘅女仔朋友
至於點解會做到朋友
其實係有另一段故
話說我媽媽同佢媽媽係好朋友嚟,
又住得近
所以我同Candice自細已經識
都可以叫做青梅竹馬
有時佢同佢爸爸媽媽會上嚟食飯
有時就掉返轉我地作客
我地由小學到中學都係同一間
所以唔會好似有啲青梅竹馬咁,
大個左之後會生疏
不過我同佢有個共識
就喺學校保持返啲距離,
唔係因為我地怕有野,
而係避免出現啲閒言閒語
大家都知中學傳啲緋聞係好誇張架啦
傳下傳下都唔係嗰樣野嚟
加上大家都有各自嘅目標
所以就有呢個共識,
學校啲人淨係知我地係普通朋友,有偈傾嗰隻
唔知我地係呢種關係
不過我對Candice完全冇嗰種感覺
可能係因為太熟.

Too slow man

努力貼緊

青梅竹馬唔愛，追女神

無啦啦介紹Candice
梗係唔係因為得閒得滯啦
而係佢一個好好嘅優點,
就係同呀琳係姊妹嚟
形影不離嗰種
frd到全級都知咁滯,
點解咁frd
可能大家同班,
讀書又一樣咁好嘅關係呱
同埋有一樣野不得不服Candice
就係中三嗰年,
有一日我去揸水嗰陣見到呀琳同Candice
之後我循例上去同Candice打招呼
同時亦好淆
因為呀琳喺隔離
跟住第二晚Candice上嚟食飯,
佢靜靜雞問我:「鍾意人呀 」
我一於咋傻:「鍾意咩 」
Candice:「扮乜丫,尋日你啲反應出賣晒你啦 」
我繼續咋傻:「都唔知你嗡乜 」
Candice:「人地雖然同你唔同班咋
但話你好搞笑呀
睇下你幾出名 」
我:「真架 」
Candice:「仲試你唔到 」
我:「頂,中伏 」
Candice:「睇穿你啦 」
我:「屎忽鬼 」
Candice:「鍾意人就去馬啦 」
我:「咁易咩,我同佢都唔識 」
Candice:「起碼第一印象唔差先丫 」
我:「下,頭先你講真架 」
Candice:「真呀
我今日同你打完招呼,
之後呀琳就問我,你識佢架
咁我咪話識囉
之後佢話有一次聽到你講野,
覺得你好搞笑 」
我:「死啦,
都唔知講左啲咩俾佢聽到添 」
Candice:「唔使擔心嘅,
呀琳唔係嗰啲以"說話"取人嘅人嚟
仲讚你搞笑
雖然你把口係賤 」
我梗係有啲飄飄然啦
俾女神讚搞笑
雖然搞笑未必係讚
不過有邊個男仔讀中學未試過ff丫
我:「知唔知佢有冇仔 」
Candice:「以我所知係冇 」
好野,
起碼仲有機會
Candice:「不過我知佢算係搶手 」
我:「正常嘅 」
Candice:「死仔冧左人幾耐呀 」
我:「三年左右啦,一入學望左一眼就中箭 」
Candice:「冧左人三年都唔行動
唔似你喎 」
我:「有邊個毒男喺自己鍾意嘅女仔面前係唔細膽架 」
Candice:「使唔使姐姐出手 」
我:「好呀Candice姐
咀啖先 」
Candice:「行開啦 」
我:「不過話時話你諗住點幫 」
Candice:「先谷你上精英班先啦
呀琳同我都肯定入精英班
你入埋嚟就好辦事 」
我:「點谷呀
平時從來唔溫書,傻先溫 」
Candice:「今次你做傻仔都要喇
念在識左你咁多年
實幫你嘅 」
之後中三嗰期佢日日真係同我補習
當然少不免要捱鬧啦
「搞錯呀.」
「咁都唔識有冇上堂架 」
「唉唔係咁呀 」
不過鬧下鬧下又真係愈鬧愈好
最後又真係符符碌碌上到精英班
喺度要講一句,
多謝Candice

青梅竹馬唔愛，追女神

係咁架啦

第三章
咁我就成功上左4A班啦
同呀琳,Candice同一班,
正,又有frd又有女神
不過唔知點同呀琳拉近關係先麻煩
目前大家淨係知大家係邊個咋
又要返去諗下計仔,
或者同Candice從長計議
大家都知開學第一日係自己揀位坐
喺度講一講我地班個座位安排先,
我地班有廿八人,
近門嗰邊就有四個單丁位,
單丁位左邊就開始有雙人位,
有三排雙人位,
每一排雙人位可以坐八個,
即係咁:
黑版


Xx xx xx x 門
Xx xx xx x
Xx xx xx x
Xx xx xx x

x=單丁位
xx=雙人位

我呢啲毒勁性格就梗係單人位
仲要坐喺最尾嗰個單人位
之後見到呀琳同Candice行緊入嚟,
就諗緊佢地會坐邊度,
會唔會係我左手邊嗰兩個雙人位
係就好囉
之後我見Candice打左個眼色
我就知有計喇
點知情況比我想象中有出入
我見到我前面個單人位將櫈郁開左,
之後我見到呀琳準備坐落嚟
比我喺腦海入面嗰個幻想更加美好
而Candice就坐喺呀琳左邊嗰個雙人位,
我就覺得奇怪
點解呀琳同Candice會唔係一齊坐嘅
今晚問下Candice個屎忽鬼先
之後我見到Candice陰陰咀笑
就知又係佢嘅主意
值得一提,
Candice嘅隔離位係佢之前同我講佢鍾意嗰個男仔

咁各位巴打都知開學第一日其實冇乜野做
開下簿,選下科長,班會咁
都好無聊下
咁我坐喺呀琳後面,
梗係要善用呢個優勢
當然善用呢個優勢係代表好好望住佢啫
而唔係有進一步嘅行動
諗返起嗰陣真係好毒
講開又講,
佢嗰浸洗頭水味真係好香
課室又長開風扇,
一吹起佢啲頭髮就實聞到
咁望望下,
又沉醉佢嗰浸洗頭水味
自然定左格,
佢無啦啦擰左個嚟
呀琳:「哈佬,原來係你呀 」
我成個人呆左
冇諗過佢會擰左個嚟
都唔知佢知唔知我望實佢
會唔會當左我變態呢
我:「哈佬......原來係我呀 」
唉呀,
緊張過頭連自己都唔知自己講乜
出醜添
點知佢竟然笑
嘩唔係誇張,
佢一笑嗰個樣真係傾國傾城
有啲靚女笑起上嚟反而冇平時咁靚
呀琳就唔同,
笑起上嚟仲靚過平時
呀琳:「哈哈,
你真係好搞笑呀
邊有人咁樣同人打招呼 .」
我:「係呀...哈哈 」
好淆底添,
呀琳:「無啦啦你又笑嘅 」
我:「我見你笑我咪又笑 」
呀琳:「你真係好搞笑,
係喇,
你係咪叫呀樂呀 」
我:「係呀,
你係?
喺學校見就見得多但就唔知你叫咩名 」
女神識我呀
每個男仔都一定試過因為咁而暗爽
我決定咋唔知佢個名
費事俾佢以為我係變態佬
成日留意佢,
同埋我想由佢親自介紹自己 」
呀琳:「我叫呀琳呀 」
做男仔,
有邊個唔想喺自己鍾意嘅女仔面前做笑匠呢,
摶得紅顏一笑已經足夠
緃使可能只係一個小丑

今晚返去再打
可以保證一定唔會爛尾
希望各位巴打絲打支持

紙言
https://www.shikoto.com/article/126601/%5B%E7%9C%9F%E4%BA%BA%E7%9C%9F%E4%BA%8B%5D%5B%E6%A0%A1%E5%9C%92%5D%5B%E7%B4%94%E6%84%9B%5D%E3%80%8A%E6%9C%80%E9%99%8C%E7%94%9F%E7%9A%84%E4%BA%BA%EF%BC%8C%E5%B0%B1%E6%98%AF%E6%9B%BE%E7%B6%93%E6%9C%80%E7%86%9F%E6%82%89%E7%9A%84%E4%BA%BA%E3%80%8B.html

第四章
大家都知我同Candice住得好近
加上有野問佢
所以決定今日放學同佢一齊返屋企,
但係又唔敢咁明目張膽
費事俾班上面班契弟見到順便作野
所以放學後各自喺附近地方遊左一陣,
遊左個零鐘先見面
Candice:「樂爺係咪想問點解呀琳會坐你前面 」
我:「真係知我者莫若你也 」
Candice:「由細識到大唔知就死啦 」
我:「好難講呀你又唔係特別醒 」
Candice:「唔醒咁我唔講喇喎 」
我:「醒,至醒係你喇 」
Candice:「咁話說我今朝同呀琳返學嗰陣,
呀琳無啦啦問我想唔想同呀狗(Candice暗戀嗰男仔)拉近關係,
之後我即刻諗到點幫你
夠唔夠老友先 」
我:「夠,咁即係點幫呢 」
Candice:「之後我就話如果同呀狗一齊坐就好
咁呀琳都好識做
話佢可以自己坐,
但係我始終唔想同呀琳隔咁遠
所以就建議佢坐單行,
咁我就唔使同呀琳隔咁遠
同埋我捉到你條毒男路
知你實坐單丁位,
結果證明我啱左 」
不得不服Candice
真係好了解我
我:「多謝你喇Candice姐
行啦,請你飲野.」
Candice:「正,
拿真心講,
我覺得有啲機 」
我:「做乜?」
Candice:「頭先我同呀琳行左一陣,
留意到佢提左你個名幾次
以我識左佢咁耐計,
佢好少會提男仔名
就算啲靚仔,或者係運動健將都唔係成日提.」
我又即刻ff喇
我:「咁...佢講我啲乜 」
Candice:「佢話你呢條粉腸幾有趣
做朋友應該唔錯 」
唔通真係有機?
但認真諗其實都係有保留
小弟樣又冇
錢就更加冇
屋企中產嚟
不過我知佢地將來想送我去外國讀書
所以我自己都慳得就慳
始終中學生慳錢先易
如果好似我咁冇乜野想買的話,
平時為左慳錢
屋企人俾嗰啲飯錢全部留住
仲記得,
當年每日嘅飯錢就係40蚊,
我一係就唔食
一係就食三蚊嘅腸仔包
然後將啲錢鎖喺locker度
費事俾屋企人知我咁樣
實鬧到開花,
我樣同錢都冇
又有乜資格溝女神丫
毒勁最忌就係有自信

呢幾日我坐喺呀琳後面
發覺佢算係文靜型嘅女仔
但又唔屬於cool嗰種,
即係人地問佢野都會答下
間唔中亦會講下野同笑
但又唔係嘈到拆天,
成日呱呱叫嗰類,
唔錯唔錯
我見佢周不時都擰轉頭,
望下我做緊咩
不過我實在太淆青
扮做緊自己野冇理到佢
其實我好想抬高個頭同佢傾計
我都知你地實會講,
使唔使咁淆呀
講下野啫
事後睇我都知唔使咁淆
不過我嗰陣毒丫嘛

巴打好耐無見
追擊下先
分享下同阿雪依家點

巴打好耐無見
追擊下先
分享下同阿雪依家點

先多謝你記得
佢依家會keep住你食野,
多數會同佢先生嚟,
慢慢識落佢先生都係一個幾好嘅男人,
對呀雪好細心,
有一次阿雪隻手有小小唔舒服鋸唔到野,
佢先生即刻幫佢手,
同埋放閃就少不免架喇,
話完全冇野就呃你,
不過都慢慢慣,
有一單野可以講下,
不過等呢個故完左先

巴打好耐無見
追擊下先
分享下同阿雪依家點

先多謝你記得
佢依家會keep住你食野,
多數會同佢先生嚟,
慢慢識落佢先生都係一個幾好嘅男人,
對呀雪好細心,
有一次阿雪隻手有小小唔舒服鋸唔到野,
佢先生即刻幫佢手,
同埋放閃就少不免架喇,
話完全冇野就呃你,
不過都慢慢慣,
有一單野可以講下,
不過等呢個故完左先

Keep住嚟
自膠

第五章
開左學個幾星期,
有一晚Candice又上左嚟黐餐
我冇乜所謂嘅
反正又唔係我煮
之後Candice同我講左一單驚天大秘密
Candice:「呀樂呀,我同講單猛料丫,
你一定鍾意聽 」
我:「你又知我鍾意聽 」
Candice:「夠唔夠薑賭一杯野飲 」
我:「使淆你?講嚟聽下 」
Candice:「話說呀琳遲啲話xx商場度補習.」
xx商場好近我地屋企,
來回都係廿零分鐘左右,
我:「下真係架?佢咁叻點解都要去補習嘅 」
Candice:「佢話上到中四數學唔多跟到
同埋嗰個補習miss聽講幾好,
所以佢媽咪就俾佢去補習 」
我:「補習miss,正呀 」
Candice:「唔使諗喇,
聽呀琳講嗰個miss上左年紀,係姨姨嚟 」
我:「哎吔.」
Candice:「咁你做唔做嘢先 」
我:「做乜 」
Candice:「同呀琳一齊補囉,
聽佢講仲有一個定唔知兩個位
我唔去就係留俾你 」
我:「多謝呀Candice姐 」
Candice:「喂喂喂咪諗住走數呀
一杯野飲呀 」
我:「得喇得喇,聽日請 」
之後我第二晚就同屋企揸弗人講,
我:「我想去補習呀...... 」
媽:「補習好丫,成績跟唔到呀 」
我:「係呀......」
媽:「跟唔到咪補囉,不過喺邊度 」
我:「xx商場嗰間 」
媽:「嗰間聽講幾好,
難得你自己話想補習
我實撐你 」
對唔住呀老媽子,
其實我目的係想溝女
最多應承你勤力啲喇
媽:「幾時開始補 」
我:「下星期一.」
媽:「咁好啦,我禮拜六日俾定錢你.」
喺度講返先,
以前啲大型補習社未係好盛行,
唔似依家咁,
嚟嚟去去都係燈塔同古代
喺嗰陣,
屋村補習社仲有生存空間

說時遲那時快,
轉眼已經星期一
放左學我就去補習社,
呢幾日我聽Candice講,
呀琳每個星期逢一,三,五就去補,
每堂補兩個鍾,
咁我自然同佢一樣
揀星期一,三,五補習
咁當我入到去補習社,
就見到呀琳坐左喺度做緊卷,
咁在場得呀琳同我係同校,
所以我自自然然坐佢隔離
做做下卷佢望左嗰嚟
好驚訝咁講:「點解你喺度嘅 」
我:「我係嚟補習嘅 」
呀琳:「哈哈 我知丫,咁點解你會嚟嘅 」
其實我就好想講係因為你先嚟
但係大家都知我點會咁大膽丫
所以我就話:「係呀,啲數麻麻地
驚跟唔上
咁我呀媽話呢度個miss教數有一手,
所以就嚟左呢度.」
呀琳:「我都係呀 」
我:「我都係呀 」
呀琳:「我又係呀 」
我:「我都係呀 」
呀琳:「你輸左喇
答得都唔同嘅 」
我:「哈哈,係咩......」
死火,對答好生硬添
呀琳:「唔玩住喇,
做埋野先 」
我心諗,
呢個女仔咁得意嘅
咁都可以玩一餐
講返間補習社先,
miss一對四,
我同呀琳仲有一對孖妹,
嗰對孖妹冇乜戲份
所以都唔介紹喇
環境都算寬敞,
miss我估四十零歲到
每堂會教一個topic,
教完就操卷,
唔明就問,
有多餘時間就可以做自己野
第一次聽個miss講解都覺得唔錯,
幾易明,
不過聽聽下梗係掛住望側邊嘅呀琳
連側面都好吸引,
有時見佢諗緊份卷眉頭深鎖嗰樣
真係好得意
同埋自己喺心入面暗自嘆左幾句,
我終於可以平排望佢
而唔係好似早幾年咁
一直望住佢背面
算唔算行前一大步呢?

第六章
miss:「好喇今日都夠鐘,
後日再見,拜拜 」
大家都知我係小毒勁,
平時放左學就梗係第一時間快過小明咁走
咁今次補完習,
當然係慣例拿拿臨返屋企
就喺我執完書包,
準備行出補習社之際,
突然間聽到呀琳叫我
呀琳:「咁急去邊丫 」
我:「返屋企呀.」
呀琳:「有野做 」
我:「冇呀.」
呀琳:「哈哈,
冇野做又咁早返 」
佢又展露佢個殺死人嘅笑容
刨冰都可以俾佢整溶
我:「係咯,我都唔知 」
呀琳:「咁搞笑嘅,
自己都唔知 」
我:「慣左掛.」
呀琳:「既然冇野做不如去附近行下
呢個商場幾多野行 」
呀琳咁樣算唔算約我......
我梗係打死都話好,
我:「好!好呀 」
呀琳:「你好想同我行? 」
死火頭先太激動
會唔會當左我係狗公
我:「唔係唔係 」
呀琳:「哦,即係唔想同我行啦 」
我:「梗係唔係 」
呀琳:「即係想啦 」
我:「又唔係喎 」
呀琳:「你想點架
又係又唔係 」
我:「er……」
呀琳:「好啦唔玩你喇
我地行啦 」