[真人真事][校園][純愛]《最陌生的人，就是曾經最熟悉的人》

有文未

打完機出

第六十七章
跟住落嚟都冇乜特別野發生
咁我都去快啲劇情
費 事悶親各位
去到2009年 ,
不知不覺間,
我同呀琳都分開左兩年
下年佢已經A-Level
我同佢最接近嗰陣,
連會考都未考
所以話時間真係過得好快
但兩年前嘅野依然記憶猶新
至於小弟喺外國
都係逢聖誕節先返嚟,
點解返嚟香港個次數咁少
一年先得一次
唔係因為我鍾意喺外國生活,
相反其實我係鍾意香港生活多啲
但正正就係因為咁樣,
如果我成日返香港的話,
我一定會唔願走
我知自己啲死人性格一定係咁
所以一年淨係返一次
其餘時間都喺外國渡過,
有冇掛住呀琳
梗係有啦
但我可以點啫
所以當我好想見到佢嗰陣,
我就會喺我銀包入面拎張相出嚟望下
我好驚我冇呢張相嗰陣,
我真係會唔記得佢個容貌,
不過都唔係成日嘅,
因為基本上我望親呢張相
嗰晚我就一定控制唔到我對眼
咁老實講,
我都唔想自己對眼咁失控
所以,
我望佢張相呢個舉動,
都只係間唔中嘅事
有時望望下,
我都會有啲ff,
有啲故,甚至電影,
咪好興玩穿越時空嘅
有時候,
特別係夜晚嗰陣,
我都喺度諗
我可唔可以返返去影相嗰個時期呢
唔知巴打絲打有冇呢個問題
當我夜晚瞓唔著嗰陣,
我個腦總係會有啲好天方夜譚嘅想法
呢啲想法平時日頭係唔會諗
次次都係夜晚瞓唔著先會諗,
我都覺得好奇怪,
不過我現實唔敢同人講
費事人地當左我係黐線
雖然都可能係架啦哈哈

文阿 我要文阿

Live左 好想喊

2009年,
呀琳已經18歲喇
18歲以後就係一個新嘅里程碑
雖然佢已經趕走我
離開佢個世界好耐,
但係我有時總會諗
如果我可以同佢一齊渡過咁重要嘅一刻,
就好啦
人真係多幻想
明明人地已經同你唔再係乜野
甚至衰啲講句,
佢可能已經唔記得左你
但你仲係會對嗰個人有好多幻想(唔係性方面)
總係唔肯踏前一步
我有時都想醒,
不過始終都醒唔去
真係好難架,
你估真係咁易醒咩
有時有啲野,
講就好易
做就好難,
成日提住自己要醒要醒
其實咪即係仲未醒囉
咁我跟住就問Candice,
呀琳18歲過成點啦
我:「呀琳生日過左喇喎
你地點樣慶祝 」
其實當Candice未覆我嗰陣,
我有啲擔心Candice會同我講
呀琳今年生日唔係同佢過,
而係同某某男仔一齊過
跟住個腦海又會有把聲音出嚟,
「佢同邊個過關你咩事啫 」
其實呢句野好啱,
就算佢至親呀,
呀琳約邊個都唔關佢地事
更何況我對佢嚟講,
只係一個比陌生人更加陌生嘅人
試問我又有乜野資格去擔心
跟住Candice就覆我,
Candice:「我同佢去左迪士尼呀 」
我:「其實好唔好玩
我未去過香港迪士尼 」
Candice:「麻麻地啦
依家叫做去過下咁囉.」
我:「呀琳好開心呀可 」
Candice:「係呀,
佢玩飛越太空山嗰陣,
尖叫得好大聲
玩完之後話好爽 」
我聽到佢話尖叫,
個腦又自動諗返起以前佢同我溜冰啲野
嗰陣我地都好開心
係之後我一手破壞呢段關係,
我:「咁咪好囉
跟住再去玩乜野 」
Candice:「冇呀,
玩完之後就返屋邨
食埋甜品就返屋企 」
我:「佢仲係咁鍾意食甜品 」
Candice:「係呀 」
我仲好記得,
當日我講過,
下次去食楊枝甘露
你仲話好架,
不過依家,
都唔知道仲有冇呢個機會
食楊枝甘露唔難,
食好味嘅楊枝甘露都唔難,
最難嘅,
就係同你一齊食,
就算機會率好低都好,
我都想發生一次
哪怕只係喺糖水舖入面偶遇都好
我都已經心滿意足.

文阿 我要文阿

聽日再出

Live左 好想喊

笑返啦

睇到諗起同個女仔既回憶

分享下

唔啦 驚佢見到 怕佢仲放唔低 好似啊琳咁

又入來推下先

睇到諗起同個女仔既回憶

分享下

唔啦 驚佢見到 怕佢仲放唔低 好似啊琳咁

佢係絲打?

又入來推下先

多謝

今日幾時會有文呀？

今日幾時會有文呀？

依家出

第六十八章
呀琳生日之後冇幾耐
好快就到十二月喇
又係我一年一度返香港嘅日子
今年對於呀琳同埋Candice嚟講係比較特別
因為佢地係10年A-Level生,
依家都09年十二月,
其實好快就到佢地考A-Level
咁難得返到嚟香港,
就梗係要約下Candice出嚟食下飯
順便傾下計啦
其實所謂嘅約食飯,
只係佢上嚟我屋企食啫
食飯之後,
我地就好似以前咁樣
去返我間房傾計,
我:「係喎你地好快就A-Leve .」
Candice:「係呀 」
我:「點呀,
掂唔掂呀 」
Candice:「ok啦
我:「你地入U應該輕鬆啦 」
Candice:「又唔好咁講 」
我:「超
扮乜
定係想入傳統神科呀 」
Candice:「真心唔係喎
有得讀就得喇
乜科都得 」
我:「呀琳呢 」
Candice:「目標同我一樣,
入到U就得 」
我:「你地會排同一間U 」
Candice:「如無意外應該係 」
我:「實得嘅
你兩個咁醒
以前都係靠你兩個,
我啲成績先至見得人 」
每次講返起以前啲野,
總係有啲感慨
我始終都係鍾意懷舊
以前真係最開心
所以有時講野間唔中都會提返起以前,
Candice:「咁抬舉我呀樂爺 」
我:「講真呀
你地係咪就嚟stydy leave 」
Candice:「係呀
二月已經唔使返學 」
我:「係喎你地都就嚟畢業 」
Candice:「最衰你唔喺度丫
其實我都想同你由幼稚園到中學都係一齊畢業 」
我:「無啦啦講啲咁嘅野 」
Candice:「我地真係識左好耐
如果你唔去外國,
可以同我一齊中學畢業
我諗我冇乜邊pair勁過我地
由幼稚園到中學都係一齊畢業喎
幾難得丫 」
我:「唔去外國好多野都唔同添 」
Candice:「我知你想講乜
放低未呀
定係想搵返人 」
我:「唔好搞呢啲囉
費事影響佢考試 」
Candice:「藉口 」
我:「你唔明架喇 」
Candice:「可能我真係唔明呀 」
我:「唔使佢陪住我
我冇咁大諗頭,
其實我可以喺你嗰度知道佢嘅近況
已經好滿足
唔會再奢求啲乜野 」
Candice:「咁講近況呢啲野好易啫
你想知我一定同你講 」
我:「真係幾老友
總算冇識錯你 」
Candice:「你依家先知咩 」

大家都記得,
2010年係面書全盛時期
唔似依家咁樣,
基本上都冇乜人玩
要post相可以喺ig post,
玩遊戲又可以玩手遊
以前嗰啲乜野開心農場已經過左時
點解我無啦啦提返起facebook
其實就有一段故
當年面書係每一個年青人都係玩咁滯
我好記得有一晚,
我個腦又諗到啲野
係喎,
既然facebook咁流行
我可唔可以透過面書同呀琳交流呢
當然,
如果用我樂仔呢個身分,
咁就唔使諗啦
呀琳一定唔會同我傾計
甚至可能連朋友都冇加
但係,
既然我送禮物都可以用第二個身份,
咁面書都可以嘅啫
所以之後,
我就開左兩個面書
一個就係我平時社交用,
啲人會知道我係樂仔
另一個就係我用嚟同呀琳溝通
而為左令呀琳放下戒心
所以我特登將個用戶名稱改左做一個女仔英文名,
Angela Wong,
如果我用男仔名,
我驚佢會因為我想溝佢
而對我有所卻步
反而用女仔名就冇呢個顧慮
溝通上都方便啲
但係我知你地會問,
個名係女仔啫
但如果冇相,
佢都有可能會覺得我係男扮女
我知你會話,
有相都可以係男仔啫
咁樣就冇得講啦
我做到咁你都仲話我係男扮女,
咁我服輸
但係無啦啦邊度有相先得架
上網搵圖又唔安全喎
萬一俾呀琳見到咪死
咁樣係人都知我係扮野啦
所以之後我就做左一樣野.

話說我喺香港開左面書戶口之後,
咁我就同老豆老媽子講
我:「不如趁我仲未返返去外國嗰陣,
返一次大陸探下呀嫲同呀公啦
還掂成年冇探過佢地
難得我又喺香港 」
老豆:「好少可喎咁樣講 」
因為我之前唔多鍾意返大陸
上年都係佢地逼我先返
話我太耐冇返過,
當時就好似今次咁樣
我十二月返到嚟香港
之後一月就跟佢地返大陸,
今次係迫不得已
所以我先主動出聲話返
對唔住呀呀嫲同呀公
搵左你地過橋
我:「耐冇見丫嘛
都成年前咯.」
老豆:「咁就過左元旦返囉
到時過關又冇咁多人 」
媽:「呀仔都出到聲咯,
咪返去玩下囉 」
就係咁,
我個計劃成功左啦
咁究竟係咩計劃
其實就係為左拎女仔相
咁點解我要返大陸呢
話說喺大陸,
我有一個堂家姐,
同我感情唔錯
相貌亦幾好
幾清純
冇乜蝗味
真心
喺我上年返去嗰陣,
佢地知我鍾意玩電腦
所以我堂家姐就俾左佢嗰部電腦我玩
玩玩下,
我好八掛咁樣查下佢部電腦
原來佢有好多相(正經相嚟,唔係閃卡)
有啲仲係自拍
當時我冇usb喺身
所以就乜都做唔到
今次我帶埋隻usb返去,
咁你知咩事啦
相就係咁樣搵返嚟
況且大陸上唔到面書,
呢個先係重點
佢唔會知道有人用佢張相
冇錯,
我咁樣做係好衰格
但呢個時候唔到我再諗人,
係要自私啲,
況且我又唔係用佢啲相搵錢
嚴格計,
我只係幫佢管理面書,
得閒放啲自拍上去,
做一啲正常女仔會做嘅野
咁樣嘅話,
呀琳應該會信Angela Wong真係一個女仔.

好撚癲

好撚癲

係

特登番大陸拎相

特登番大陸拎相

愛情令人瘋狂
唔返大陸都得,
不過過程曲折好多

見證連登第一個由愛情故變特務故嘅故事

見證連登第一個由愛情故變特務故嘅故事

冇咁誇

Live左
已經去到2010年 其實個故事係咪會講到今年

Live左
已經去到2010年 其實個故事係咪會講到今年

講到今年
中間當然唔會年年講

變態
想搵翻人咪直接d
咁既行為我怕有反效果

變態
想搵翻人咪直接d
咁既行為我怕有反效果

跟住會講有冇反效果