【思鄉回顧系列】[帶住母姐去旅行]4日北九州跳板之旅 (廣島‧長崎‧熊本‧博多)

香港之前都有間食呢隻長崎麵
好似執鬼晒

上次去長崎兩度都去晒，感覺稻佐山overrated ，門票有啲貴

長崎好伏下

開業時用超多菜做賣點，味道其實都算唔差
不過臨執時試果次質素差咗好多

海港城市+藍天真係好靚
希望長崎新幹線起完時疫情已經完咗啦

燒𧐢好似好正，又大隻

樓主
點解你之前金會員送咁多早餐

我白金會員連水都冇多支

食完拉麵雖然只係3點
但係日本冬天好快天黑，5點就黃昏
計番日落時間同車程之後
我地最遲4點半就要出發去稻佐山
所以就唔行去出島
行下附近商店街買手信就算

去稻佐山觀景台有好多方法
1. スロープカー (Slope Car)
搭巴士去"稲佐山公園"落車
之後轉スロープカー，搭10分鐘就到觀景台
不過我地去嗰陣未起好

2. 纜車
搭巴士去"ロープウェイ前"落車
行3分鐘去淵神社駅纜車站
之後搭5分鐘纜車就會到觀景台
但係市區塞車，巴士班次唔係好準
橫掂揸Pass，我地就搭番長崎電鐵去
搭1/2/5號線去到宝町駅
之後行15分鐘去淵神社駅


黎到站大約5點，已經好多人排隊買飛
不過我地已經一早買左，仲要係平飛
所以可以直接排隊等纜車
纜車好大部，一次可以裝30人
不過班次就15-20分鐘一班
如果上唔到車等下一班，企戶外等好撚凍
好彩架車夠大上到去

搭纜車上山既時候啱啱黃昏
望番過市區都幾靚




5分鐘就上到去稻佐山，超快
上到去啱啱好睇到夕陽


前面個圓柱體形既建築就係稻佐山展望台
下面嗰2層係室內，頂層就室外
隔離就係電視台既電波發射站



上到黎展望台頂層望向西面
個夕陽已經唔見左

南面就係望長崎港，望落好似冇野好睇
但其實呢度又係世界遺產
“明治工業革命遺蹟：鋼鐵、造船和煤礦”既一部分
之前講過長崎好早就已經係對外通商
幾百年黎管理非常完善，有哂配套同人才
所以開國之後，外國人一窩風湧哂去長崎賺第一桶金
而係1868年明治元年
呢度就落成日本第一個西式工廠 - 長崎造船廠
姐係相入面吊臂嗰個位
現址到而家都仲係繼續做緊造船廠


東北面望過去就係浦上方向
就係第二粒原子彈投下既地方
爆心地就係腦魔槍對落嗰個位
經過廣島原子彈一役，日軍仲未肯投降
於是盟軍決定3日後係小倉再炸多獲
點知小倉因為多雲而要轉地點去長崎
長崎本身都多雲，差啲就要中止任務
但係有一刻機師係雲罅見到地面
就拿拿聲掟個原子彈落去當完成任務
不過落點就偏離左原定目標長崎市中心常盤橋
去左西北3公里既浦上松山町
今次日軍就冇任何應對既方法
係6日後宣佈無條件投降

同廣島三面環山既大平原唔同
長崎地形窄長，山多平地少
就算長崎原子彈威力比廣島原子彈強1.5倍
但因為射歪炮同埋山勢阻擋左爆風
令人口密集既長崎市中心損害程度相對輕微
不過浦上方圓2km就夷為平地
因為高熱火災，幅射同黑雨既影響
長崎原子彈都引致超過10萬人死亡
爆心地同廣島一樣都有平和公園同原爆資料館
本身plan左去，但真係唔夠時間
唯有起好新幹線再去啦


稻佐山風景最靚既位就係向住東南面
姐係由浦上南面掃到去長崎市區南面既大浦海岸


因為早黎到，都唔算太多人

稻佐山號稱係世界新三大夜景之一
但香港既夜景認左第二
冇一個地方敢認第一


稻佐山風景全景
不過因為未天黑，所以未有野睇


20分鐘內呢度已經由暗暗地變成天黑
不過現場氣溫都一齊急降兼有陣風
好撚凍呀師父








去到夜晚6點，基本上個天已經黑齊
夜景主要靠街燈，車同船做燈光
配合長崎既地勢形成一個獨有既立體景色
老實講，都靚，但點都唔夠香港靚
睇完香港既夜景真係返唔到轉頭

相都影左，咁就拿拿聲趁啲人未走落番山
同埋入黑真係好撚凍，講野都噴煙
我地走既時候啲人先走上黎
所以成個觀景台非常鬆動



回程纜車非常好彩
去到唔駛排隊就上到車



之後行番原路去宝町駅
再搭番長崎電鐵去長崎駅前
呢度就係長崎既AMU PLAZA
屬於JR九州旗下商場之一
不過就冇乜野行，觀光通好行啲


雖然係一月，但係聖誕樹都仲未拆

行完商場就番博多，都係搭番かもめ
但就唔係今朝搭嗰款，呢架係灰色既
車頭寫左呢架野係787系
都係JR九州特急其中一個主力車型
依然都係水戶岡銳治設計


除左顏色唔同之外
佢同朝早我地搭既885系高度相似
無論係外表既Logo，車系數字，字體
仲有內部既偽機艙式設計都係非常似
787系係咁：




--------------------------------------------------
885系就係咁：


--------------------------------------------------

香港屈在係地平線/平地睇都咁靚

反而有次係飛機係上空望番落地面仲靚

類似咁

朝早搭火車起碼都仲可以望下風景
夜晚搭既話冇消遣既話慘過死
而唯一可以做既就係訓覺
7點幾上車，返到博多已經10點，飯都未食
好彩博多既拉麵舖好多都開到好夜
我地又去番博多駅樓上既博多めん街道
趁人地未last order，衝左去博多だるま
[Tabelog評分：3.59]



家姐又叫左餃子，今次就係一口餃子
同頭先思案橋食既一樣，冇乜特別


老母叫左味玉ラーメン
湯底係豚骨湯底，背脂比較多
雖然聞落有少少豬臊味，飲落就唔覺
濃郁得黎帶少少黏口，但食食下都會滯
所以木耳同蔥就正好解到滯
叉燒係五花腩，肥肉仲多過瘦肉
上碟前有用火槍燒過，食落去有少少炭香
而且入口即溶，用脷都撕得開塊叉燒
麵就係博多傳統既幼麵
麵質偏向彈牙爽口，同個湯好夾


家姐就叫左個チャーシューラーメン
比味玉ラーメン多左幾塊叉燒
但唔知係我錯覺定點
啲叉燒好似冇咁肥


我就食辣既旨辛ラーメン
係充滿背脂既豚骨湯底上面再多層辣油
不過都仲飲到豚骨湯底既濃郁
而且仲附帶辛子高菜，辣上加辣
辣度黎講呢個大約有譚仔小辣以上
如果唔食得辣既就唔好叫，會辣死你
所以我係飲唔哂啲湯，驚聽日火燒屎眼


拉麵一覽圖

去過博多駅既人都應該知道
係站入面經常聞到焗麵包同牛油既香味
本身我以為係呢度多麵包舖先係咁
今次食完飯行番落站又聞到嗰陣味
心諗，冇理由咁夜仲焗緊野架喎
沿住啲味搵，原來出自呢間il FORNO del MIGNON

呢間野係福岡名店，招牌出品係小型可頌
黎福岡冇食過呢間野唔可以話黎過博多
佢開朝7晚11，年中無休
雖然營業時間咁長，但永遠都係繁忙時間
係夜晚10點幾呢個時間都keep住有20人排隊買
就知呢間野一定唔惹少，係一定要試
不過食到飽哂想返酒店訓
搵日得閒先走過黎排隊買


Day2 完

飛機睇夜景都別有一番風味既
呢張相搞到我好似放核彈個機師咁
多雲，但有一刻係雲罅見到地面

去睇下世界三大夜景牌頭都值得既

其實長崎就唔係伏既
只係因為我要1日來回先搞到冇乜野去咁
例如軍艦島，長崎平和公園等等
呢啲地方正好多，但真係夾唔到時間
博多來回長崎已經冇左4個鐘都幾難搞
結論同廣島一樣
事實證明長崎係冇可能一日玩得哂

酒店褔利上我覺得Expedia比其他網好
次次揀親有VIP Access既酒店
一係就送早餐或者俾高層靚景房
一係就提早checkin延遲checkout
不過點解佢俾到咁多著數俾你
好大程度因為佢定價係比其他酒店網貴

以博多CROOM西鐵酒店為例
Expedia每晚貴最平既Agoda 15%
送個早餐俾你佢都仲有賺

我去嗰陣冬天6點就天黑
如果夏天7點幾先天黑既話
多左2個鐘應該趕得切去埋平和公園

但如你所講，睇完夜景都驚落唔切山
排隊等纜車多人到爆廠

返博多2137先尾車喎

好掛住日本

不過睇到個夜景都真係好廢
咁樣夠膽叫自己世界3大夜景