你係咪記錯咗坦能堡戰役做楚德湖
冰湖大戰果陣,條頓騎士團個總部都仲喺耶路撒冷王國嘅阿卡,半世紀之後阿卡失守,先搬過去威尼斯
雖然俄羅斯歷史學家吹得好勁,但係冰湖一役只係令到條頓騎士團/北方十字軍無辦法繼續進軍斯拉夫地區,未令到條頓騎士團衰落
而且條頓騎士團加埋寶劍騎士團戰死嘅騎士人數,利沃尼亞編年史話得20死6被俘,諾夫葛羅德編年史話有400個德意志人戰死,兩邊嘅數有排都未去到可以令重騎士沒落嘅地步
仲未計1337年條頓騎士團仲可以拎到神羅路易四世嘅特許,征服全立陶宛同俄羅斯地區,果吓佢哋先到權力高鋒
條頓騎士團喺1409-1411仲有一場波蘭-立陶宛-條頓戰爭
1410年第一次坦能堡戰役之後,由大團長數落嘅高級指揮官全滅咁濟
先至俾歷史學家認定咗做條頓騎士團衰落嘅一戰