好耐無碌開講故台,碌碌下發現呢個故無啦啦做咩咁多負皮
明明之前都好地地,於是㩒咗入嚟。
我之前係紙言都有追一排,後來返工又攰又忙就無乜時間追,點知入到嚟有花生食
未追曬,但大概了解來龍去脈。
我明萬言巴嗰種躊躇不定,未經歷時間嘅洗禮;其實表白無咩好驚,當然成功同失敗個差距係好大,但到頭嚟表白係對自己一個交代,好俾自己係呢段感情可以close file,好似你寫故咁⋯⋯寫完個故,淨係俾讀者一個交代咩?最緊要乜唔係你自己咩?
就算依家你覺得好似漸行漸遠,佢都知道咗你嘅嘢,依家咁樣其實無可以點,追返人?倒不如話講清楚佢,掂又好,衰又好,都瀟瀟灑灑,似返個男人,我諗上面嘅巴打係睇唔過眼你婆婆媽媽,拖拖拉拉咁姐
唔需要準備,唔需要氣氛,想講啲咩,直接搵佢講啦
依家後生仔係咪唔睇求婚大作戰㗎
睇完你就知唔會有一刻係for你完全ready好曬