荃灣二手上車邊到好 (10)

兩個都睇過

翠豐:
多放盤 外觀靚仔新淨啲 間隔四正 有大型停車場+會所 某啲座向有隙海景
但附近真係百無 買少少野都要搭車出去 荃灣樓價深井享受
樓下啲巴士全部麗城/大西北出黎 有啲擔心朝早番工上唔到車/冇位
利申: 冇實測過純粹靠估

韻濤:
食到哂麗城區配套 商場有齊基本民生野 超市餐廳果啲
買野食野方便 但外觀舊少少 會所細 兩房清一色樓景/內園景
細2房420呎間隔比較差唔多實用 廚房雖然係梗廚但偏細
大2房445/462呎方正啲但長期得1~2個放盤 變相令啲業主吊高黎賣
你睇佢平均呎價好似低過翠豐 但其實係比3房拉低哂 2房一樣係咁貴

其實如果夠錢我真心建議加少少上愉景 雖然好多人彈佢鑽石廳 不過我自己真係唔介意

縉庭山地段唔好就唔好

環宇有漏水問題咩？
我睇樓又唔多覺
淨係頂樓有d

講就咁講
萬景都有人話街市嘈

係咁架啦，朗逸峰佢咪又話太靜

所有盤都有優點同缺點

一咪屌個盤垃圾嗰啲，果啲叫做偏見，唔係討論

真
即使個盤既客觀條件真係好垃圾 咁佢價錢都一定相對平
而平都係一大優點黎 對好多人黎講直頭係最重要添

講到尾只有適唔適合 冇話垃圾唔垃圾

都係睇價做人啦
同荃西三寶 VC果啲冇得比
升值潛力差過工三同愉城
但個人覺得兩房梗廚黎講佢好過翠豐臺同韻濤居
大家都冇配套，但縉庭山景開揚啲同叫做行到去鐵(雖然冇蓋)，翠同韻點都要轉程小巴

邊有咁多如果 果條斜路行一次都唔想再行

掃管笏果堆新樓擺海之戀個位都好正架

翠豐其實都行到去愉景
韻濤隔離已經係麗城 亦行到出海之戀/西鐵
邊忽大家都冇配套差好遠喎 買唔起荃西都叫行到去荃西 已經加好多分
縉庭山新好多就真 勉強都仲叫半新

其實乜嘢係小草

同埋宜家呢個年頭買荃灣 真係唔建議仲諗可以升好多 過幾年樓換樓
求其一個盤都700~800萬 仲可以升到幾多 唔通真係1000萬上車盤咩
最緊要岩自己住 搏升不如wetland啦 至少銀碼細

邊有得如果
如果海之戀係信和或者新世界
可能比得上匯sai

近街市嗰邊真係嘈喎
馬路嗰就叮叮叮

如果縉庭山升到8球樓上都幾尷尬

1000萬樓下又一堆選擇

俾得呢個錢都未必係上車 而係換樓客

上車急換樓唔急 換樓客又唔一定要簡你呢到

係架，如果唔係誠哥樓會更貴

我認同冇得如果，只係想指出縉庭山有質素

你search返新聞，入伙已經有
唔係頂樓

其中一樣肯定嘅就係 個view 幾好

2016年11月15日 蘋果:【漏完呢度漏個度】1700萬買長實漏水屋 漏足一年未漏完

許太住開長實樓，為左個天台，明知荃灣環宇海灣長實樓都照買，心諗應該無咩大問題，於是花近1,700萬元換入逾千呎環宇海灣特色單位。怎料入伙一年至今，單位漏水沒完沒了，舊位漏完又有新漏處，日前邀請資深驗樓師賴達明「明哥」去驗，唉！又發現新漏水位。

本周日資深驗樓師賴達明上門檢查，細房與露台交接的牆身原本滲水，現場見牆紙留下漏過水的痕跡。業主話，管理公司3星期前已派員在上述位置灌漿防漏。然而，中午3時，陽光普照，西照入屋，攝氏27度，明哥用儀品探測，顯示超標，仍見滲水。

舊症未除，與之相連的另一幅牆，現場可見，牆紙起泡、發黃，記者徒手摸牆身，又涼又濕，值得一提，當時室內頗熱。明哥用儀器探測度數顯示為99.9，他解釋：「35度以上屬明顯滲水，80度以上屬嚴重滲水，而家99.9度，表示嚴重滲水，即是濕哂！」灌漿打針3星期，唔應該有水氣，最主要外牆防水若有問題未解決，每逢落大雨滲水仍然會出現。另一間細房，牆身滲水滲到發黑，明哥再用儀器探測，顯示40多度，屬於明顯滲水級別。

明哥總結，根據業主指出單位3個滲水位置，有2個位置經發展商維修，但透過儀器發現滲水持續，「整完等於無整！」他認為，滲水持續與維修方法有關，因為打針治標不治本，若是外牆滲漏，要尋找源頭，做防漏層。如果置之不理，每逢打風落雨，不斷惡化，滲漏蔓延，若入電制會漏電。由於滲漏位置都在房間，這些地方的地台和牆身無防水層，若牆身地台入水，會直接落樓下，影響樓下單位天花，樓下業主會追究，需要立即處理。

除了上述單位，明哥指，環宇海灣收樓至今逾一年，入伙後仍收到不少業主投訴單位漏水，以他為例，收到10個案，普遍見到牆身現水印、發黑，最誇張整幅牆發黑，相信是外牆滲漏所致。

負責環宇海灣管理的港鐵回應，根據紀錄，收到上述單位業主報告睡房牆身有滲漏情況後，已即時視察及記錄，並安排發展商跟進。曾與發展商一同到單位進行視察及跟進，包括進行試水。其後客戶服務處已向業主匯報發展商的視察結果，並協助相約開工日期，再由發展商安排於10月份進行執漏工作。業主近日通知發現再次出現滲漏情況，客戶服務處已再向發展商作出反映，並會繼續跟進。至於所提及的外牆問題，客戶服務處及發展商將儘快安排作出跟進。

呢d問題同屎之戀一樣 日日比人話爆屎 唔通真係日日爆屎咩

我住低層都唔覺 唔怕老實講

唔可以日日爆屎，但係可以日日滲水喎

最重要係滲得勁先可以用眼望到，到睇得出已經太遲

環宇海灣3房 我都睇左幾間 但唔係連登所講咁差
不過睇完萬景 一出lift果下就知差幾皮

前身租柏傲(未過ssd)

咁萬景一定高班過環宇嘅，信和樓都靚D啦

今時今日周圍插針起樓 view呢樣野已經無咩保證