荃灣二手上車邊到好 (10)

上一個post
荃灣二手上車邊到好 (9)
https://lih.kg/2587189

之前個post有幾個豪景業主係咁吹奏平靚正，似係想水人接貨小甜甜樓+近海，每月整間屋既錢隨時貴過管理費冇車既巴打 勸你哋諗都唔好諗

總結幾個post既用家評價: 以上車黎講，冇錢(4.5-5.5m)就考慮荃景圍，山上就環境好夠清靜，山下多車去狗鐵交通好快，山腰(荃中)就有商場

有多少少錢(6-7m)又想要會所樓就翠豐臺/韻濤居，各有各好，要睇過樓先搵到岩你心水既

有錢+人工高就直接諗愉景入場費~7m, 正常山景/園景單位7.3m左右，不過全部鑽石廳

另外呢度好熱門既工廠三寶，我分析左優劣俾大家參考
優點如下:
爵悅庭會所大，有自己餐廳，近映日灣天橋
立坊伙數最少但入場費最平
樂悠居一房兩房都有梗廚，則算實用

缺點如下:
爵悅庭有一排係望住dan6, 姐係石棺藏屍案既工廈單位，大部分一房兩房都係開放式廚房黑廁，用水冷系統冷氣，壞機要整都幾煩
立坊會所細到無倫，一面望工廈，另一面同樂悠居樓望樓 零私隱
樂悠居離映日灣夫橋最遠，行去西鐵要20分鐘腳都斷，管理處垃圾過舊樓，試過困𨋢冇人理

最後，三寶價位比荃西平係有原因: 平日落街就車來車往 仲要係大貨車 開窗就對住工廈d工業冷氣機主機，年中吸唔少廢氣，有小朋友既睇路

歡迎大家再補充下其他屋苑優劣
PS: 再貴d 就已經唔係呢個post討論既上車盤了咩海之戀 萬景峯 御凱果d 請另行開post炫富

荃灣有至少三個三寶
1. 山上：荃威荃德荃灣中心
2. 工廠三寶：爵悅庭，立坊，樂悠居
3. 荃西三寶：海之戀，柏傲灣，全城滙

所以要講清楚，好易搞亂

加返個望墳三寶
海灣, 海濱, 環宇

海灣花園升降機


2018年4月8日下午4時許，第2座仍未更換的6號升降機於運作期間突然故障，升降機到達16樓時失控向上急升，直至猛烈碰及46樓機槽頂方停下，事發前升降機有3名乘客，其中一人因到達樓層離開而避過一劫，而被波及的一對32歲夫婦頭及頸椎受創，並一度危殆。事後肇事升降機內遺下血漬及碎片，因事態嚴重，機電署隨即勒令停用屋苑大廈內4部舊升降機並要求升降機承辦商作詳細檢查。初步調查結果疑因肇事升降機的控制系統出現故障，並因舊款升降機不設防急升制動裝置致未能剎停機廂。惟因屋苑各大廈均有1部升降機正進行更換工程，事發前只有新舊各一部升降機維持服務，而事件後各大廈二百多戶更只能共用1部升降機。為免影響居民出入，屋苑業委會於4月11日召開業主大會後同意重開已完成檢查的舊升降機，早前肇禍的2座舊升降機則繼續圍封直至完成更換為止。但好景不常，舊升降機於4月15日重開後至4月17日早上便再發生事故，第1座的3號升降機於42樓接載1名住客時不降反升，升降機停在42與43樓之間，並間歇亮起超載警告燈。最終該住客被困15分鐘後被救出，屋苑各大廈的舊升降機則再次停用。

by 聯合三叉戟

立坊真係純單幢樓, 會所細, 無商場, 成交量少
純粹係因為地理因素, 才會被一併稱為工廠三寶
筆直鬆動啲, 鍾意SHK品牌, 追求完善管理, 多啲會所設施, 就會揀爵仔
筆直手緊啲, 想要梗廚, 唔介意伙數多, 對管理和會所設施要求唔太高, 就會揀樂仔
立坊, 唔係話佢差, 但係無特別優點, 但係啲業主就望住其他兩寶嚟開價, 性價比唔高, 所以成交疏落
只有樓市極度暢旺, 其他兩寶無晒正常盤, 才會有客源流去立坊

上個post 討論緊荃灣市中心邊d 屋苑係一線二線三線 (註: 市中心計西至翠豐臺東至大窩口)
個人認為
一線: 御凱>萬景峰=柏傲灣>全城匯
二線: 海之戀>綠揚>爵悅庭>灣景廣場>荃灣廣場>樂悠>名逸居
三線:愉景>城市中心>立坊>翠豐臺>荃錦中心>縉庭山>昇柏山
四線:荃景>荃豐4寶>荃灣花園>富麗花園>荃景圍其餘

利嘉閣經理陳敏生表示，荃灣愉景新城6座極低層E室，面積約610方呎，3房1套間隔，以895萬沽出，呎價約14672元。

據悉，原業主於2008年1月，以約279萬元購入上述單位，持貨13年，現轉手帳面獲利約616萬元，物業升值約2.2倍。

計漏左墳景三寶
呢到更新返
一線: 御凱>萬景峰=柏傲灣>全城匯
二線: 海之戀>綠揚>爵悅庭>環宇>灣景廣場>荃灣廣場>樂悠>名逸居
三線:愉景>海濱>城市中心>立坊>翠豐臺>荃錦中心>海環>縉庭山>昇柏山
四線:荃景>荃豐4寶>荃灣花園>富麗花園>荃景圍其餘

綠楊咁前既😂😂

有睇過綠揚就知其實綠楊除左樓齡大, 去地鐵站無瓦遮頭同多狗住之外其實真係keep 得好好
d 住戶質素又高

呎價算低水
不過極低層算係咁, 應該要賣幾個月先賣得出

打錯字？
海環係海灣？

荃景圍堆40年樓齡兇宅郡業主/AA最喜歡自比 "鐵路盤" 、 "港島盤"，
第一城、美孚新邨、太古城、黃埔花園等，水新手買家接最後的火俸(45年樓齡後 做唔到30年樓按)

特別有人想水新手話到時會放寬按揭75年樓齡，咁樣同白石角堆AA話將來會起白石角站一樣的技倆，唔係絕對無可能，但幾多年之後? 機會幾大? 到時你的樓齡係咪又已經過左新上限?

仲有人想昆人話美孚新邨過45年樓齡都做到30年按揭，明明就係美孚新邨有唔同期數；一部份過左45年樓齡，一部份未過45年樓齡，未過45年樓齡先做到30年按揭

1. 45年樓齡之後做唔到30年樓按係事實
2. 多兇宅係事實
3. 唔係鐵路盤係事實

如果過45年樓齡，樓價唔會開始跑輸大市，就唔洗港島都有400幾萬就買到300中尺樓。下面個post就係講做唔到30年按揭既棲幾難放

5x年樓要放返出去係咪好難
https://lihkg.com/thread/2389456/page/1

過45年樓齡業主就要諗下棟樓有咩野可以保值吸引到下手做唔到30年按揭都肯買："鐵路盤" / "好地段" / "海景" 等因素

"鐵路盤" / "好地段" / "海景" 等過45年樓齡優質盤就自然有一定的抗跌力，但無特別優質的自然會跑輸大市

做唔到30年按揭供款自然要供多些，22年按揭 vs 30年按揭，供款一樣點解買家唔用30年按揭住好些 (新手依度唔明，就自行搵按揭專家問下)

另外一些問題係：
1. 業主成日都投訴鼠患非常嚴重
2. 樓宇問題非常多 (2021年已經：爆水管浸堂浸Lift、停電幾十個鐘，仲要自己業主自己行20幾層樓上上落落廿幾層樓來回買外賣先食飯)
3. 山邊多蟲多蚊
4. 屋苑向北無摭擋，食曬東北季後風同西北風(超凍，一月時最凍個時，荃景圍仲試過凍過打鼓嶺。)

最後，絕對唔建議新手買家接最後的火棒，做唔到30年按揭既樓最後會慢慢跑輸大市，除非新手買家無興趣再換樓住40年樓齡兇宅郡荃景圍住到塌。否則就唔應該買下手做唔到30年按揭又會跑輸大市的單位

*****其中一個兇宅郡大推手推人接自己火棒後，自己睇錯市買唔番荃灣，要走去做島民，買約20年樓齡山旮旯海邊單位。之前仲成日踩海邊單位維修費貴，得未住過海景單位新手買家先會被佢水度、信佢講嘅野。*****

環宇應該高過爵 堆大單位向海其實靚 樓齡又新

萬景峰6座36D
3房一廁 583尺 成交$1338
個市場已經黐咗線

價錢反映質素
Tier 1 >20k
全城，栢傲灣，海之戀，VC , Dynasty
Tier 2 >19k
映日(未過SSD )
Tier 3 16-18k
工廠三寶，環宇，愉景新城，明日居，荃廣，荃錦，
Tier 4 15-16k
韻吐，翠豐，綠洋，康睦
Tier5 13-15k
荃中，荃景，錦豐，海灣, 海濱，麗城，荃得，富麗
Tier 6
荃威，家興

我成日以為立坊好過樂仔

係
海灣, 打錯

好屈機

睇你點睇, sell hk vs 長實
爵去荃灣西站可以全程有瓦遮頭, 環宇就點都要開遮
環宇又海墳景, 爵就要高層先有海
環宇有露台爵無露台又用濕鳩冷氣
不如我比一定係爵贏

呢口價只可以買到極少盤放既御凱低層
所以呢口價算抵玩啦

呢位清太低估左綠楊了
綠楊d 租務市場好受歡迎, d 盤基本上一放租好快有人接
證明係十分適合自住

立坊好陰沉, d 景又全樓景廠景