itsyo 有點期待嘅餐廳~悄悄食堂
20/6更新:因為店家share 咗我呢個post 嘅關係,多咗啲朋友仔嚟留言,所以我寫多幾句~欣賞店家選擇share 我呢個唔係讃美嘅post, 佢哋並無對我批評視而不見反而公開比大家睇,咁就表示佢哋係一間接受意見批評嘅餐廳,餐廳仲有進步空間,大家比啲時間佢啦!
食後感:一間店員非常誠懇有禮但食物質素普通嘅餐廳
地點:有啲吊腳嘅
訂位:熱潮散咗,午餐都book到嘅
環境:
非常有空間感,但係有啲失望嘅,因為除咗樓高開揚之外,餐廳無乜特別有心思嘅設計,加上香港實在太多呢類形食堂,所以更加無特式之處。
服務:非常之好,所有店員細心有禮,詳細講解食物,態度非常好。
食物方面😶😶😶
今日午餐只有三個款式,素食麻婆豆腐、魚、炸雞,因為選擇太少,我哋唔食辣,又唔想食魚就只能夠揀炸雞,前菜有兩款,好彩只有兩三片嘅醃青瓜同南瓜,因為味道真的非常普通。
主菜炸雞份量都多,而且炸得好脆,肉都juicy,不過估唔到成個set 最好食嘅就係兜抽子醬,呢個柚子醬係唯一一款我覺得有用心煮而又終於有驚喜嘅食物? !
希望呢度嘅午餐menu 可以加多一兩款式,醃菜真係好求其,可唔可以比啲誠意?
咁都叫冇裝修,要咩心思,和風係咁就咁嫁啦