Running Man 討論區 (41)

真係add左idol嘅話應該摺左好耐
係得啲gagman同智孝昭旻先咁捱得

李光洙作為一個演員將韓國綜藝帶向世界，注定成為傳奇

我記得當年冰桶挑戰(唔係節目環節)
先係光洙，鍾國倒冰水→光洙點名下一位金鍾國
金鍾國：光洙倒冰，再倒冰水，再楔啲冰入鍾國件衫度
笑到HIHI

其實除左多謝光洙，都要多謝咁多個成員，咁多年個個星期日都等睇rm，星期一就翻學到而家翻工，令一星期最後個假期變得無咁虛無。今日光洙走，其實真係好多野都唔係必然，特別係拍左咁耐既mb，係到諗如果有日rm真係無左會點真係生活一部份咁

其實簡簡單單8人一齊食飯poIG就已經心足

佢腳一睇就知冇乜嘢，好多期其實靜態活動佢都係極速奔跑，本能地奔跑多數都係已經好番。

不過要離開得好睇，全世界都多數用“健康”理由傢啦。少好多閒言閒語，例如同咩人合作關係唔好，或啫一大堆“無中生有”嘅話題。用健康係最好。

雖然大家都知道佢夢想係演員，如果繼續做rm，其實佢已經人物/形象/所有嘢定型咗，電影/電視劇好難搵到佢做其他角色。 一定只可以俾gagman角色佢做，出到來效果都係-喜劇/搞笑

可惜，最後都係選擇演員，而唔係gagman，希望佢遲下交會費

今集好睇，感謝每一位成員好專業咁好好地拍好呢集佢

演員條路唔得,可能又返去綜藝呢

希望光洙會番嚟做嘉賓又好 做作家plan一集又好 番嚟RM 出下鏡

喊到崩潰 信中啲搞笑肯定係刻意加落去 大神佢哋明顯驚成個畫面太傷感 世燦忍唔住真係好正常 自己喊得仲勁過鏡頭上嘅世燦


呢張係我desktop wallpaper 用咗好多年
其實部desktop無用好耐 但呢一兩年搬咗兩次屋都帶住佢走 入面有7012 fans meeting嘅相 個次自己買飛自己去 啲frd仲笑我 好開心自己有去 個日嘅應援我放咗喺一個盒 聽日可以打開嚟睇下

讀中學到而家出社會做嘢 陪咗好多年 應該好多巴絲都一樣 見證住自己成長 因為RM自己去咗學韓文 為咗識得追live睇 以後都會繼續呢個節目 直到完嘅一日

佢近年都專注拍戲唔拍劇
如果要返去綜藝 真係要有個滑鐵盧

我又覺得唔可以咁衡量嘅
好嘅演員就算冇出作品七八十年的都可以爆紅
調番轉作品係差嘅幾好cast都唔會紅
綜藝只係輔助

偶像點會同你挨義氣攞咗人氣就夠
俾人鬧得多，而家唔會密集式咁叫嘉賓/演員來宣傳
之前個段時間，個嗰禮拜有人來宣傳，真係煩到

Mbc個大神自肥企画咩職業都有得試

人生總要move on
雖然睇果陣喊左
真係好唔捨得
但光洙唔會想我地因為佢而放棄rm
要整理好心情
期待下星期既rm

光洙走自己想走既路
我地要支持
繼續支持rm
就係支持光洙
下星期睇既時候唔好再諗多餘野
慢慢適應全新既rm

呢10年完結咗。
開展下一個10年

隔離家師父誇撚到

其實或者佢係有著落先會下咁既決定

昭旻 智孝又何嘗唔係
智孝明明年年keep住有劇本都為左呢個家繼續每個禮拜都唔缺席
昭旻就算有Running Man帶起名氣 都差唔多兩年冇新作品

鐘國封信唔長，但真係最感動真係睇到曬佢咁多年感情

頭30秒已經喊到要pause一陣今集應該要睇4個鐘