Embody 坐左2個幾3個月包膠
自己本身都對呢D椅冇特別
咁岩上年尾椎間盤突出
做物理治療都3-4個月好得7788
呢年又長時間WFH
所以年頭見hm特價就狗沖左去買張embody
*純粹鐘意呢隻色所以買左
2月尾左右送貨開始坐
基本上每日坐超過10小時
整體我覺得坐完之後對條腰痛係好左既
之前坐好普通果D餐台椅起身係會腰痛
坐左embody之後係冇左既
而且因為張embody個設計係會幾迫到你住貼晒
所以整體個支撐係會好左
我自己長期都開冷氣/風扇, 所以冇乜覺得隻布好焗好出汗之類既問題
暫時有兩個比較問題發生係我張embody度
第一, 之後我坐餐台椅會放張減壓坐墊係底
咁embody本身設計已經有呢類功效, 咁我當然冇左擺
但經過過呢2-3個月既試坐經驗, 我起身係會FEEL 到屎忽痛既
果種痛係類似坐左係硬野度一段長時間既感覺
第二, 我本身習慣會成日un腳
而張embody最大問題就係我un腳佢會勁嘈 (eeeeee聲)
我專登去多次佢門市試
搵返同款同色去試 係冇事
咁都有CALL保養師傅上黎睇
CHECK完岩岩呢兩日覆返我話係正常
(佢都拍左段片比我睇佢地係度UN 都係嘈)
嘈呢個位真心唔係好頂得順 都幾扣分....
我冇試過其他平D價位既椅
所以冇乜比較到性價比出黎
但暫時就唔算好滿意張椅 (畢竟成萬幾蚊....)
就係咁比各位巴打參考下