認真答你 過來人用過cougar 最後轉左embody
ak未試過 美洲我用過佢張armor s 兩年 唔建議.
主要係因為佢個seat位坐耐左會軟晒 變左好似直接坐落個框咁. 仲有 佢跟櫈既頸枕同腰靠完全唔覺得好用 同埋用耐左會爆皮好核突. 結論係美洲完全唔好坐 如果用佢個枕都腰靠直頭會腰痛. 其他未試過 但係都應該大同小異…?
我最後頂唔順直接買左張embody 依家用左半年左右 一坐落去個感覺真係另一個世界 可能你坐短時間唔覺 但係長時間坐embody 真係舒服好多…一黎個人真係坐直左 二黎冇晒咩腰痛腳痺 同埋如果你買左好少少既電競椅可能講緊俾成3-4千蚊但係坐兩年就換 做咩唔試下其他人體工學椅 embody 我買$11200 有12年保養 計番1000一年都唔洗 質素長期有保證得黎又保障到條腰骨健康
所以不如你都係試多幾張人體工學椅啦 咁多大牌子 點都有張岩既 電競椅真係冇得揀既情況先焗住買 睇番轉頭覺得自己俾錢買難受咁