【鳩故】無啦啦有三條女同左我一齊住

今晚遲少少出，抱歉

樓主話無甜
跪求樓主加甜

七巴最多糖嗰次好似係美雪同啊七一晚出七次

但只係用一句就講完

靚女有邊個唔鐘意

當時好似因為行程去唔到山形
印象中樹冰係近山形少少？
定其它原因就無去到睇樹冰

希望果邊有生之年可以大結局

「咳！！咳！！！」

哇屌...



「做...做咩呀？」larry問




「無！無事...」

我抖返順條氣，再諗一諗下


雖然今次唔係第一次知暗hall有人暗戀（阿豪同otto已經係啦）

但係，對方係chantal喎....



「你...知唔知chantal佢會去邊呀？」

larry問：「我呢，諗住借今次旅行....溝...溝....溝佢咁囉....」



「....哦....我都未知呀....」


larry一聽到個樣有啲失望

「咁呀....你知道既同我講丫.....」

「到時真係成功既，我請你食個飯又點話！」



「...哈哈.....」



等larry走左之後，我先察覺


點解...我要扮唔知chantal去邊呀？

我同larry雖然未熟到tyson阿豪咁，但都叫做hallmate呀

點解，頭先第一下會隱瞞佢既呢....



我....


唔係對chantal有意思下話？

臨近sem尾，大家都開始準備交report同考final



「新地呀，有冇螢光筆呀？」

一齊響common溫書既chantal問


「有...有呀」

我即刻遞上支筆


佢接過筆之際，又有一下奇怪既感覺


「唔該哂！」



到底，點解我果下唔想同larry講chantal去邊呢...

larry想追chantal，又同我有咩關係先...

「嗯？做咩呀新地？」


仆街，掛住諗，望左chantal成十幾秒


「無..無野呀哈哈」



「呃係呢...旅行，你諗住去邊呀？」

我問


「我呢，應該會同阿純一齊去東北玩呀...」

果然同椰奶講既一樣


「嗯..因為東北好似都好多野食咁呀..」

一樣係溫緊書，但係又狂食薯片既阿純答：「而chantal又想去睇風景，所以就一齊lu」


「因為我睇過啲旅遊blogger，仙台果邊應該易啲有雪呀...」

chantal即刻用部macbook開幾個旅行網比我睇



嘩，白矇矇咁又真係幾靚


「新地呀，你一唔一齊去呀？」



「咳...咳！！！」

嘩屌，呢下又嚇到我咳

「呃...我...都ok既....」

我補多句：「但係...點解你咁問既？」


「因為多人啲好玩啲囉！」

chantal再講：「我都有問椰奶架，但係佢話可能到時再諗喎...」


咁講既話，即係chantal個個都會問

咁larry遲早都會知架啦


呼...咁我都無咁內疚



但係，依家咁樣，算唔算應承左chantal呢...

推

磨多磨多

哎呀比個真ig ac 黎睇下都好嘛😂😂😂

Quote文狗 散去！

點解d人咁鐘意quote文

磨多磨多！

今晚休息定有文

你肯寫實得嘅
不過唔好夾硬寫

More

諗埋大結局啦

引用原文回覆

quote文狗死全家
又block多隻quote文狗

推推推